رواية تيك توك كامله بقلم ملك السيوفي
بطلتنا بنت هادية جداً ووحيدة أغلب الوقت أهلها اتوفوا من كذا سنة ومن ساعتها وهي عايشة في شقتهم لوحدها وبتصرف من وديعة طانوا عاملينخا بإسمها ملهاش قرايب ومفيش غير جيرانها اللي معاها من صغرها اللي دايماً بيودّوها ويسألوا عليها عشان متحسش بالوحدة ملهاش غير صاحبة واحدة اسمها رحمة بس للأسف بتشتغل في محافظة تانية وعايشة مع أهلها هناك بعد ما انتقلوا من اسكندرية
ملك مصطفى بنوتة مختمرة قريبة من ربنا على أد ما تقدر بشرتها بيضاء وعيونها عسلي صافية متوسطة القامة تالتة تجارة انجليش
قاعدة في أوضتها كالعادة بتقلّب في ڤيديوهاته وتتتفرج على الڤيديو الجديد عارفة انه غلط انها تتابعه وقلبها يتعلّق بيه من غير اطار شرعي بس للأسف مقدرتش يكونلها سلطان على قلبها انه يحبه وبقت تكتفي انها تتابعه من بعيد رغم انه دايماً قدامها بحكم انهم جيران إلا انها عمرها ما حاولت تتكلم او تفتح معاه حوار
قعدت تضحك وكتبت في الكومنتات
ملك: بجد بموووو.ت تحفةةةةة لو سمحت يا أستاذ عمر نزّل البارت الجديد بسرعة جداااا
قفلت موبايلها ونزلت السوبر ماركت اللي قدام البيت جابت هوهوز ونسكافيه وشوية حاجات وهي طالعة شافته قدامها واقف مع أصحابه اللي طبعاً كان من ضمنهم بنات وده ضايقها جداً بس مبيّنتش وكمّلت مشي
جت بنت تجري عليه وتضحك: ايه ده عموووور بتاع التيك توك أنا بجد بحبك جداااا ممكن اتصور معاك بليييز
عمر بغمزة: طبعاً يا قمر انتَ تؤمر
ضحكت بمياعة وخب.طته في كتفه بهزار: بطّل بقى الله
اتصوّرت معاه وهي ماشية
عمر بصوت مسموع: أمو.ت أنا يا عسل انتَ ما تحِن علينا
ضحكت البنت بمياعة وهي بتغمزله وتمشي
مقدرتش ملك تستحمل اكتر وطلعت جري على البيت وهي مخن.وقة وتعبانة
كلّمتها رحمة تطّمن عليها زي كل يوم وحكيتلها ملك على الموقف وكالعادة انّبتها على مشاعرها الغلط ناحيته وهو اصلاً ميناسبهاش وقالتلها ملك انها عارفة كويس ان عمر مش شبهها ولا هو الزوج الصالح اللي هي تتمنّاه بس دايماً بتدعيله ربنا يهديه لو فيه الخير ليها وقفلت معاها وبعد شوية رجعت فتحت التيك توك لقيته طالع لايڤ
كتبتله في الكومنتات: فين الجزء التاني من الصاحب الغبي يا أستاذ عمر؟
ضحك عمر لما قرأ رسالتها بعد كام رسالة ورد: يا جماعة انا لسه منزّل البارت النهاردة ملحقتش حتى أءلّف اللي بعده ان شاء الله انزّله الاسبوع الجاي
بعتتله تاني: لو حضرتك ليك معجبة مجهولة هتعمل إيه؟
ضحك عمر: أنا يا بني!! ده أنا مفيش كلبة جر.بانة بتتِف في وشي هي تيجي بس وملهاش دعوة
ردّت سلوى: وأنا أبقى إيه يا حيوان؟
عمر بضحك: انتِ الbest friend يا سوو
سلوى بهدوء: بس أنا بحبك
عمر بصدمة: نعم!!!
ردّت سلوى وسط دم.وع ملك وهي بتورّيله موبايلها: هههههه تحدي والله يا عم اعمل ايه طيب
زقّها عمر بغيظ: عيلة حيوانة
بعتتله ملك: طيب أنا بتحدّاك تدوّر على حد محتاج حواليك وتروح تدّيله ١٠٠ جنيه بس شرط تكون لا بتحبه ولا بتك.رهه
عمر: done وهعمله حالاً هي أصلاً عيلة كحيانة
ضحكت سلوى بعد ما عرفت قصده مين: بلاش لادّينا درس في الأخلاق
كمّل عمر: بصوا يا جمعاة هي قفل شويتين ومبتتعاملش مع شباب فأنا هخلّي سلوى هي اللي تدّيهاله تابعونا
عشر دقايق ولقت ملك الباب بيخبط لبست خمارها وراحت فتحت
ملك: خير يا سلوى في حاجة؟
ثواني واستوعبت وقوف عمر وهو فاتح لايڤ وواقفة شيرين بتصوّر
ملك بحدة: على فكرة حضرتك انسان غير محترم واللي طلب منك التحدي قال تروح لانسان فقير محتاج من معارفك مش تجيلي لو سمحت اقفل اللايڤ وأنا على فكرة مش قفل انتَ اللي مريض
بصّلها عمر بضيق وحاول يتحكّم في أعصابه كونه اهزّق في اللايڤ واتكلم بهدوء: اقفلي اللايڨ يا شيري
قفلت شرين اللايڤ
ملك بزعيق: اتفضل امشي
هز عمر دماغه وابتسم: حاااضر يلا يا جماعة
استغربت ملك من رد فعله الهادي بس مخدتش في بالها
الساعة ١ بعد نص الليل قاعدة تقلّب في فونها وفي التيك توح بتاعه كالعادة جالها اشعار برسالة فتحتها لقتها منّه
عمر: هاي أخبارك ايه ممكن نتعرف ايه رأيك؟
شافتها ومردتش
عمر: أنا أصلي بشوفك كتير عندي في الكومنتات وصراحة حبيت اتعرّف عليكِ اكتر
برضه مردتش
عمر: على فكرة التحدي اللي انتِ بعتّيه عملّي مشكلة مع جارتي وعلى فكرة هي غريبة جداً فمش عارف أصالحها ازاي
ردّت: بصراحة حضرتك زوّدتها اوي ليه قولت عليها قفل؟
عمر: عشان مبتسلّمش على حد وعلى طول حرام وحلال ولو شافت حد مشغّل اغاني تقوم غير الشوال اللي دايماً لابساه ودايماً تدّينا دروس في الأخلاق بس هي بنت صاحبة ماما فانتِ فاهمة بقى
ملك اتضايقت بس مقدرتش تبيّن لانه ميعرفش انه هي
ملك: خلاص حضرتك صالحها
عمر: ما أنا مش عارف ازاي ؟
ملك: عادي يا عم اعتذرلها عادي مش صعبة
عمر: مم تمام هحاول وربنا يستر المهم متعرّفناش
ملك: اسمي ملك بس تقدر تناديني هانا
عمر: اوكي هانا بس تعرفي ثدفة غريبة انا بحب اسمك اوي لانه على اسمها، عارفة رغم اني انا وهي مختلفين لكني بحس بانجذاب ناحيتها واني بحبها
ملك: ممم يمكن يلا سلام دلوقتي
تاني يوم راحت ملك الجامعة لقت عمر طلع في وشها
عمر بابتسامة: عارفة اني زوّدتها أنا آسف
ملك ساكتة
عمر: طيب انا عارف انك بتحبي الشيكولاتة دي فجبتهالك عربون صلح وو محبّة ممكن
ابتسمت ملك ومقدرتش تفضل زعلانة منه فخدت الشيكولاتة وهي بتقول بدراما: خلاص يا ابني عفونا عنك
ضحك عمر: شكراً لكرم أخلاقك، يلا روحي محاضرتك اشوفك بخير
دخلت محاضرتها وخرجت راحت على الكافيتريا تاكل ولما وصلت اكتشفت انها نسيت المحفظة في البيت ومعهاش غير فلوس المواصلات اللي كانت في شنطتها على جنب
ملك: اعمل ايه دلوقتي انا جعانة اوي
طلّعت الشيكولاتة اللي جابهالها وبدأت تاكلها
لقت سلوى بتقعد قدامها: خاي يا لوكا بصي يا ستي عم باعتلك البيبسي ده والأكل أنا اللي جايباه يلا بقى ناكل لاحسن انا هفطس ونعتبره عربون صداقة
ملك بابتسامة: ميرسي أوي يا سلوى متعرفيش كنت جعانة أد إيه
سلوى: ايه رأيك بعد الجامعة نروح نشتري هدوم؟
ملك بضحك: هدوم ايه يا بنتي ده انا بكح تراب ده الوديعة مكفّية مصاريفي بالعافية
سلوى: عيب يا بنتي هو احنا بينا الكلام ده تعالي معايا واللي يعجبك هاتيه وانا ادفع عادي
ملك: ميرسي ياقلبي انا كده كنت شايلة فلوس عشان اجيب هدوم خليها بكرة ونروح سوا ان شاء الله
خلصت المحاضرات وعمر كان واقف بعربيته مستني سلوى
جت عليه وملك معاها
عمر بابتسامة أول ما شافها: الأميرة الجميلة نوّرت
بصّتله ملك واتكسفت
ضحكت سلوى: مسم الحب ولّ.ع في الدرة يا اخواتي
ملك بضحك: ده انتِ فصيلة
عمر بضحك: معلش بقى يا سو اقعدي ورا
سلوى بدراما: راحت عليكِ خلاص يا سلوى يا خسااارة اتركنتِ ع الرف نسيت لما طنت بتعملها على رجلي وانتَ صغير يا حيوان
ملك بتسقيف: الله عليكِ يا ست لااا احنا نكلّملك اشرف عبد الباقي ثم هو ازاي كان بيعملها على رجلك وهو أكبر منك بسنتين
عمر بغمز: ده انتَ مركّز بقى يا جميل مع انك اصغر مننا بس لولا انك كنتِ في مدرسة خاصة مكنتيش تبقي أد سلوى في سنين الدراسة رغم انك اصغر منها سنة
ملك بكسوف وشها احمَر: طبعاً مركّزة مش ب.. وسكتت بسرعة
ضحك عمر: لاااه احنا لازم نطلع لايڤ وش وانتِ لازم تطلعي معانا يا لوكا بس ممكن طلب ممكن تلفّي طرحة عادية بدل الخمار عشان اللايڤ وكده بس يعني
يتبع...
يا ترى حب ملك لعمر هيغيّر فيها ويا ترى عمر بيحبها بجد؟؟؟؟
استنوني واتمنى الرواية تعجبكم
الثاني من هنا
