رواية الم الحب كامله بقلم نانسي عبده
الحب اجمل ما فى الكون وخصوصا من شخص يحبك ايضا وهو شعوراً جميل للغايه تشعرين وكانك تملكين العالم با اكمله ولكن سرعاً ما يتحول هذا الحلم الجميل الى كابوس صعبا ليس ب هين ان نتقبله وان نتعايش مع هذا الحقيقه المؤلمه اطلق على الحب مرض الانه يدمر. حياه الانسان با الكامل .الحب ما هو الا معاناه الم خداع الحب ما هو الا لياخذ طاقتك وسعادتك يسلب من الانسان روحه يكون جسد بلا روح يفقد شغفه فى استكمال حياته يكون مدمر نفسيا وهذا ما حدث مع ابطالنا وخصوصا كارما وفهد
كارما بنت جميله يوجد فيها برئه غير هذا العالم المؤذى شعرها اسود طويل وناعم بشرتها قمحيه عيونها عسلى فاتح تنطرين الى عيونها وكانك تنظر الى الشمس وهى تكون بنت خال فهد فهد يعمل خارج مصر انخطبو منذو اربع سنوات وهو لم يكن موجود وقت الخطبه ولم ينزل مصر حتى الان بسبب ظروف ما. كارما مكنتش موافقه على الخطوبه دى ولكن وافقت بسبب القرابه وكانت فى بدايه الخطوبه تخطط ان تكرهه فهد فيها لكى تفسخ الخطبه ولكن حدث التى لم يكن متوقع احبت كارما فهد لدرجه الجنون لم يكن احد يحب لهذا الدرجه التى احبت كارما فهد بيها اصبح فهد هو كل حياه كارما. ولم تتحمل العيشه بدونه يوما واحدا. فهد ايضا احب كارما لدرجه الجنون بقيت كارما كل حياه فهد. لم يكن يتخيل حياته بدون كارما.
كارما كانت بتتكلم فيديو كول زى كل يوم مع فهد الساعه 6 صباحا
كارما : وبعدين حصل اى بعد كدا
فهد : بس كدا هو دا لللى حصل امبارح فى يومى بس انا حاسك زعلانه كدا لى
كارما بنفاذ صبر : ما انت سايبنى طول الوقت ومكلمتنيش امبارح خالص وانا زعلانه بصراحه
فهد : عليا انا الحركات دى عارف انك مش زعلانه علشان كدا اى حصل مخليكى زعلانه ب الطريقه دى
كارما بصراحه انا تعبت يا فهد عايزه اشوفك وتنزل مصر بقا نفسى اعمل حاجات كتير معاك.
فهد : قريب ان شاء الله متقلقيش وبعدين اى هى الحاجات اللى نفسك تعمليها
كارما بفرحه : اممم بص اول حاجه عايزه اعمل خطوبه تانى بدل الخطوبه دى
فهد ؛ بس كدا موافق طبعا بس لى مالها الخطوبه بتاعتنا
كارما بزعل : مالها اول حاجه فستانى كان وحش جدا يااانى انا كل ما بفتكر بتعصب انا مش عارفه عقلى دا كان فين وانا بجيبه بصراحه
فهد بضحك عليها : وانتى حد قالك متجبيش فستان حلو فاكره يومها كلمتك وانتى بتجيبى الفستان وقولتلك جيبي احلى فستان واللى يعجبك انتى اللى مجبتيش وجبتى اول فستان جه قدامك
كارما : اعمل اى بقا ما انت عارف انا وقتها كنت مصدومه اصلا اللى هو خطوبه مين وعلى مين فهد اللى انا اصلا عمرى ما اتكلمت معاه ومكنتش حابه ان انا انخطب وكنت عايزه افركش الخطوبه دى ب اى طريقه
فهد بضحك وغمزه : طب واى اللى حصل ها مفركشتيش لى
تنهدت كارما : وقعت فى حبك وبقيت قدرى بقا
فهد بغرور : انا اصلا انحب
كارما : مين ضحك عليك وقالك كدا اصلا بكرهك
فهد خلاص متزعليش : وعايزه اى تانى
كارما : طبعا عايزه تكون موجود فى الخطوبه مش تكون فيديو كول ونجيب الفستان مع بعض و البدله عايزه اجيب الشبكه معاك انت. واختارها معاك. كملت كارما بزعل. دى حتى الشبكه مختارتهاش حاجات بسيطه جدا بتحصل مع اى بنت بس انا لا الحاجات دى محصلتش معايا
فهد بحزن ؛ وعد منى اعملك كل اللى نفسك فيه ونعمل احلى خطوبه لا احلى كارما فى الدنيا متزعليش يا كارما مش عايز اشوف الحزن دا فى عيونك.
كارما : حاضر مش هزعل. بس انت بتتكلم بجد
فهد ؛ ايو طبعا لى هو انتى شايفه اصلا ان دى تنفع تبقى خطوبه. حتى لو هنعمل خطوبه قبل الفرح ب اسبوع هنعمل خطوبه يعنى هنعمل خطوبه
فهد : انتى عارفه يا قطتطى احنا احلى علاقه انا شوفتها
كارما : فعلا يا فهد انا مشوفتش حد متفاهم. زينا كدا احلى حاجه. ان علاقتنا مبنيا على الصراحه حتى لو الصراحه دى هتزعل حد فينا. انا لو عملت مصيبه باجى عليك جرى احكيلك اللى حصل معايا وانت كمان نفس الموضوع بتعمل كدا.
فهد : اهم حاجه فى اى علاقه وعلشان تنجح الصراحه وبعدين انتى بتعاملين ع اساس صاحبك اصلا
كارما : دا انت احلى صاحب فى الدنيا انت ونعمى الحبيب والصديق والاخ ربنا يخليك ليا. انا من غيرك حياتى كانت هتبقى وحشه جدا
فهد برخامة ؛ من امتا الكلام الحلو دا
كارما : تصدق انك مستفز ورخم انا غلطانه ان بكلمك اصلا يلا شوف وراك اى علشان انا عندى كليه
فهد ؛ماشى خلى بالك ع نفسك
كارما : حاضر طبعا انت هتنام.
فهد : اكيد طبعا انا لسا منمتش. يدوب الحق انام شويه علشان الشغل اوعى تنسى تصحينى
كارما: هفكر على حسب مزاجى بقا اصحيك ولا لا
فهد : براحتك هشوف بقا اللى يصحيني
كارما : دا انا لو مش فاضيه افضالك طبعا
ضحك فهد على المجنونه اللى بيحبها بيها. اغلق فهد وكارما المكالمه
فهد بتنهيده : ربنا يقدرنى وسعدك يا كارما واحقق ليكى كل اللى نفسك فيه ومخذلكيش ابدا
***********^^^^^^^******
ذهبت كارما الى الكليه وبعد الانتهاء من اليوم الدراسى. كانت جالسه مع صديقاتها فى كافيه (هنا سلمى )
سلمى : انا مبسوطه اوووى يا بنات فرحانه جدا
كارما : اى مفرحك اوووى كدا
سلمى : محمود جاى النهارده يحدد معاد الفرح مع بابا
كارما بفرحه : بتهزرى اخيرا ربنا يفرحك يارب واشوفك احلى عروسه يقلبى انتى تستاهلى كل خير يا سلمى
سلمى : عقبال ام فهد ينزل كدا خلاص انا زهقت انا بقيت حاسه ان فهد دا شخصيه خياليه
كارما :ههههه مش لوحدك بس ان شاء الله هينزل قريب
هنا : الف مبروك يا كارما
سلمى : عقبالك انتى كمان يا هنا هو انتى مالك زعلانه من حاجه
هنا : ها لا ولا حاجه مش زعلانه
كارما : لا مالك فى اى احنا من امتا بنخبى على بعض
هنا : شويه مشاكل فى البيت ما انتى عارفه
سلمى . هما لسا فى المشاكل دى مش بيزهقو
كارما : كله هينحل ان شاء الله ادعى كتير وربنا هيحلها. متخليش المشاكل دى تاثر على دراستك يا هنا
هنا : الحمد الله ع كل حاجه. حتى احمد انا تعبت منه كمان
سلمى : ماله هو كمان
هنا :كل شويه يتحجج ومش راضى يتقدم وفنفس الوقت يقولى بحبك ومقدرش اعيش من غيرك. انا مبقتش عارفه اعمل اى معاه.
سلمى : انا مش مرتاحه للى اسمه احمد دا بصراحه بحسه مش بيحبك خالص
كارما / هو احمد لسا بيطلب منك فلوس
هنا بتوتر : ها لا
سلمى : انتى بتكدبى يا هنا احمد بيطلب منك فلوس لسا وانتى بتديله صح
هنا : ما انتى عارفه ان ظروفه الفتره دى صعبه ومفيش حد بيساعده
كارما : لا انتى بتستهبلى يا هنا جربو كدا تقولى ليه مفيش فلوس وشوفى هيعمل فيكى اى ولا هيقولك اى مفيش راجل بيطلب من واحده فلوس صدقينى
هنا : بس احمد بيحبنى بجد وانا متاكده من دا وواثقه انه مستحيل يكون بيستغلنى او اى حاجه من الحاجات دى
سلمى : انتى الكلام معاكى بقى بيعصب بصراحه.
كارما : فكرى فى الموضوع يا هنا انتى مش صغيره هو مسيطر عليكى جامد فوقى كفايه. فكرى بعقلك شويه بقا انتى مرتبطه بيه بقالك 3 سنين ومفيش اى جديد وكل شويه يطلب منك فلوس وحاجه قرف بصراحه
هنا : كلمك بقيتو شايفين الصح وانا اللى مش بشوف ع العموم هفكر فى كلامك. انا همشى بقا علشان اتاخرت
كارما : متزعليش من كلامنا احنا علشان بنحبك وخايفين عليكى قولنا كدا
هنا : ازعل مين مستحيل طبعا ازعل منكم انتو اخواتى
هنا فعلا مشيت
سلمى : انا خايفه على هنا من احمد دا
كارما : احمد مسيطر عليها جامد وبيستغلها
سلمى : ربنا يهديها وتفوق لنفسها بقا
كارما : انا همشى بقا علشان اتاخرت
سلمى وانا كمان همشى
بعد وصول كارما المنزل :
كانت كارما بتكلم نفسها
يوووه مترد بقا يا فهد حرام عليك انا رنيت اكتر من خمسين مره انت كل دا مش حاسس
طب والله ما رانه تانى خلاص انا زهقت فعلا من كتر ما برن وهو مش بيرد
بعد مرور نصف ساعه.
كارما كانت نايمه صحيت على صوت الفون وطبعا كان فهد
كارما : اخيرا صحيت
فهد : شكرا آنك صحيتيني شكرا انا قولت من الاول اجيب واحده تانيه تصحينى من النوم
كارما : عصبنى كمان وانا هقفل المكالمه
فهد : اهدى كدا يا قلبى مين بس مزعلك وانا اموتهولك
كارما : انت
فهد : ايو مين زعلك
كارما : بقولك انت
فهد : يخث عليه زعلك ازاى دا هو حد يقدر يزعل القمر بتاعه برضو
كارما : اضحك عليا كمان اضحك انت بجد كل دا اى
فهد : كنت تعبان والله كنت مش قادر اصحى
كارما : انت اللى نايم متاخر
فهد : ونايم متاخر لى ها مش علشان خاطر اكلمك قبل ما انام المهم انا قولت اعرفك ان انا صحيت هنزل بقا الشغل وانتى كملى نوم ام تصحى كلمينى
كارما : اوكى يا حبيبى
*****^^^^
كانت هنا قاعده فى الاوضه بتاعتها بتفكر فى كلام سلمى وكارما
هما فعلا معاهم حق احمد مش بيحبنى وبياخد منى فلوس طول الوقت بحجه ان الدنيا وحشه معاه الفتره دى انا لازم افوق ومكلمش احمد تانى 3 سنين مشوفتش اى جديد فيهم انا كدا بضيع حياتى معاه قاطع تفكيرها. صوت الموبايل وكان احمد
تنهدت هنا : الو
احمد : وحشتينى موت
هنا : اخلص عايز اى يا احمد
احمد ب استغراب : مالك كدا بتكلمينى كدا لى
هنا بعصبيه : بكلمك ازاى يعنى اكيد مكلمنى علشان تطلب منى فلوس مش كدا
احمد بتمثيل : لا يا هانم انا كنت مكلمك علشان اطمن عليكى واقولك ان انا جالى شغل خلاص هبداء فيه من بكرا وان خلاص هانت وهاجى اتقدم
هنا بفرحه ونسيت كل الكلام اللى كانت بتفكر فيه : بتتكلم جد يا احمد يعنى فعلا هتيجى تتقدم
احمد : طبعا هاجى انتى عارفه ان انا بحبك ومقدرش اعيش من غيرك. بس هى الظروف اللى جايه معايا كدا
هنا :ربنا يوفقك فى حياتك
احمد : انتى مين كان مسخنك عليا اكيد صحابك مفيش غيرهم زهقت اقولك ان صحابك دول مش بيحبوكى وان هما عايزين يدمرو علاقتنا وان الحقد مليهم
هنا : وهما هيعملو كدا لى يعنى انا صحابى بيحبونى جدا
احمد : هما لو بيحبوكى زى ما بتقولى كانو كل شويه يسخنوكى عليا كدا صدقينى هما بيغيرو منك ومش عايزين يشوفوكى مبسوطه ابدا. واحده. خطيبها سايبها بقاله سنين مش راضى ينزلها. والتانيه راسم عليها دور انه بيحبها. وانتى الوحيده اللى حبيبك بيحبك وبيعملك كل اللى نفسك فيه. فكرى فى كلامى وانتى هتعرفى ان انا صح
هنا بتفكير فى كلام احمد : لا طبعا يا احمد
احمد : والله براحتك بس انا قولتلك اللى فيها يا هنا وانتى حره بقا.. اه صح اعملى حسابك هخرجك بكرا خروجه تحفه
هنا بفرحه : بتتكلم جد يا احمد
احمد : ايو طبعا يا قلب احمد هو انا اصلا ليا غيرك علشان افرحه.
هنا : بحبك جدا جدا
احمد : وانا بموت فيكى
يتبع ……..
