رواية تخطي حدود العشق كاملة بقلم يارا عبدالعزيز
أسر :- بابا انا عايز أخطب
مجدي :- و دي مين سعيدة الحظ بقى
فردوس:- هيكون مين يعني يا مجدي اكيد ملك مفيش غيرها صح يا أسر
كنت قاعده و سامعة كلامهم اول اما مرات خالي قالت اسمي مكنتش الفرحة مسيعاني كنت عايزة اقوم ارقـ..ص من فرحتي حمدت ربنا أن لابسة النقاب والا كانت ابتسامتي و تعابير وشي فضـ..حتني قدام اسر حب عمري و اللي بتمنى اللي يجي فيه اليوم و ابقى فى بيته و مراته بس اتشنجت مرة واحدة اتشنجت ايه انا حسيت اني بقيت عاجـ..زة حسيت ان قلبي وقف عن النبض اول اما سمعت جملته و اللي كانت
خد نفس عميق و اتكلم و كأنه بيستجمع شجعاته عشان يطلع كلامه بصتله بأنتباه وانا مستنياه يجي عندي ويعملي الحركة بتاعت اي واحد بيتقدم لواحدة بس لاقيته خالف كل توقعاتنا
أسر :- لا مش ملك دي طالبة عندي فى الكلية
سمعت الجملة وانا مش قادرة كانت كفيلة تخليني امـ..وت بجد حسيت ان لساني عجـ..ز عن الكلام مفوقتش غير على صوت خالي
مجدي :- انت اتجـ...ننت انت مش عارف انك مكتوب لملك بنت عمتك و جدك قال هتتجوزوا
نفخ بضيق و هو بيتكلم بعصبية
:- بس انا مبحبش ملك و انتوا عارفين كدا كويس انا مش عايز غير روان و بس يا بابا
اول اما قال الاسم مقدرتش اتحكم فى دموعي اللي نزلت معقول معقول انتي يا روان صاحبة عمري اسر عايز يتجوزك مكنتش قادرة اقعد و اسمع كلامه تاني قومت بسرعة قبل ما يلاحظوا دموعي
ملك بصوت مخـ..نوق وهي كاتمة دموعها جواها
:- عن اذنكوا انا هنزل عشان معياد دوا جدو هو بينسى ياخده
مجدي :- ملك يبنتي
ملك :- متقولش حاجه يا خالي كملت و انا ببص لى اسر اللي كانت عيونه حاسة بالذنب ناحيتي
ملك :- مبارك يا ابيه ربنا يكملكوا على خير
اسر :- و الله بحبها اوي يا ملك غصبن عني انتي اكيد هتفهميني صح
مكنتش قادرة حتى ارد عليه قلبي من كتر دقاته و حزنه مقدرش يعمل اي حاجه غير اني ابتسمت ابتسامة خفيفة بانت من عنياي بس كان قلبي بيتـ..قـطع بمعنى الكلمة
خرجت و انا ماسكة نفسي بالعافية ، سمعت صوته وانا على الباب و هو بيتكلم بعصبية
اسر :- انتوا عايزيني اتجوز واحدة مطلقة من حقي ان اتجوز بنت و اكون انا اول واحد في حياتها و انا كمان معجب بروان
حطيت ايدي على بوقي بصدمة من كلامه و منعت صوت شهقاقتي
، نزلت تحت الشقة اللى قاعدة فيها مع جدو و انا مش قادره دخلت اوضتي من غير ما جدي يحس و قعدت على السرير حضنت مخدتي و فضلت اعيط بقوة و انا مش قادرة
ملك ببكاء :- ليه يا اسر ليه مش كفاية اللي حصلي ليه انت كمان تزودها عليا
بدأت تفتكر اللي حصل معاها من سنتين وهي لسه ١٨ سنة
Flash back
علي :- ملك انتي يا زفـ..تة
ملك :- ايوا يا بابا
علي :- يلا لمي هدومك هتروحي بيت جوزك
ملك :- جوزي بس انا مش متجوزة يا بابا
علي :- بس انا جوزتك و قبضـ..ت تمنك يلا و بلاش دلع البنات بتاعك دا
ملك ببكاء:- حرام عليك هو عشان امي ميتـ..ة تعمل فيا كدا دا انت حتى ابويا
علي :- بقولك ايه شغل الصعبنيات دا مش عليا يلا روحي حضري شنطتك
ملك ببكاء:- حسبي الله ونعم الوكيل
back
ملك ببكاء :- عيشت معاه شهرين و انا بحاول انسى اسر حب طفولتي بس هو كان بتاع ستات و كان كل يوم مع واحدة شكل و لولا جدو و انه وقف جانبي و طلقني منه كان زماني لسه عايشة فى جحيمه و بعدها جدو بقى الواصي عليا و جيت عيشت معاه هنا هو عوضني عن وجود ماما اللي ديما كنت ببقى مفتقداه وانا مع ابويا و دلوقتي اسر أسر عايز يتجوز اعز صحابتي ليه يا اسر ليه
محستش بنفسي غير وان حاسة اني مش قادرة اتكلم حرفيا مش عارفه اخرج الكلام من بوؤي لاقيت ايدي نملت و الاوضة بتلف بيا قمت وقفت وانا بحافظ على توزاني بس حسيت ان الدوخة زادت اكتر محسيتش بنفسي غير وانا بقع على الارض و مغمى عليا
