رواية احببت امام الجامع كاملة بقلم زهراء رمضان
"احببت إمام الجامع"
انا حوريه عندي ١٩سنه انا مختمره بفضل الله ولكن بصعوبه عشان اهلي كانوا مش موافقين ،حافظه القرأن كامل ونفسي ابقي داعيه ،وعندي اخت اسمها جنه اصغر مني بسنه المهم.
وانا طالعه من البيت وفي طريقي الي الجامع وخلاص هدخل ببصي تلقائيه كدا لقيته واقف مع واحد وسمعته بيقوله
{انت نورتنا يا مصعب جاهز للخطبه رد عليه ان شاء الله جاهز}
اول ما عيني جات علي عيونه قلبي نبض بسرعه كان لابس جلابيه بيضه وكان بلحيه الصراحه كدا كان ماشاء الله عليه وغضيت بصري بسرعه واستغفرت ربنا عشان مينفعش ابص وكدا .
دخلنا الجامع وطبعا هو اللي خطب وكان بينصح الناس علي الالتزام والقرب من ربنا وانا منتبه ليه جدا ،صلينا وخلصنا وطلعنا انا واختي لمحته واقف مع واحد حسيت انو بص عليا بس انا مشيت بسرعه ع البيت وقلبي في صراع ،دخلت اوضتي وحمدت ربنا ان اختي مش لاحظت حاجه اصلها لو اخدت بالها هسيحلي وتقولي كلماتها المعروفه وهي
{الله علي الشيخه ...شيخه البيت اهي بتعمل كذا ...جرا اي يا ملتزمه يا بتاعته ربنا ...يا اللي نفسك تبقي داعيه.....}
المهم هديت نفسي ورحت اتوضيت وصليت ركعتين لله ودعيت ربنا وقولته
{يا رب سامحني اني بصيت عليه غصب عني والله يا رب متخلينيش افكر فيه يمكن يا رب اكون حبيته يا رب لو من نصيبي اكتبه ليا ولو مش من نصيبي ابعده }
فضلت اسبوع ادعي في قيام الليل انو يكون من نصيبي .
بعد اسبوع كان يوم جمعه مارديتش اروح الجامع وقولت اصلي في البيت عشان مش اشوفه واخد ذنب لكن غصب عني كنت واقفه عند الشباك عشان اسمع كلامه وهو بينصح الناس لكن سمعت صوت حد تاني وخمنت انه مش حضر النهاردا .
المهم سيبت الموضوع دا علي ربنا واتوكلت عليه .
عدا شهر وانا بدعي انه يكون من نصيبي وفي يوم كنت في اوضتي بقرأ القرأن ودخلت اختي بسرعه وقالتلي
جنه/حوريه حوريه الحقي
حوريه بخضه /في ايه يا جنه
جنه/سمعت بابا بيقول ل ماما ان في عريس جاي يتقدملك
اول ما سمعت الكلام دا قلبي اتنفض وبقيت مش عارفه اعمل ايه
جنه/بس متقوليش اني قولتلك ماشي
حوريه/حاضر
بعدها بشويه دخلت ماما الاوضه وقالتلي علي العريس انه جاي انهاردا ،انا قولت هطفشه زي اللي قبليه اصلي بطلب حاجات مش عارفه ليه بيقولو عليها حاجات غريبه وقالو اني معقده .
المهم بليل ع الساعه ٨جه العريس وانا لبست دريس افوايت وخمار بنفس اللون ومش حطيت اي ميكب وطلعت طبعا بصنيه العصير ولسه هقول السلام عليكم تنحت في العريس وامه كانت حمبه معقوله يكون هو اللي بدعي بيه بقالي شهر ياااااه علي كرمك يا رب انا بحبك اوووي يا رب ما فوقتك غير علي صوت ماما
ماما/تعالي سلمي علي خالتك يا بنتي روحت سلمت عليها وقعدت جمب ماما بكسوف وعيني في الارض ،اتكلمته مامته
ام العريس/انا جايه النهاردا اخطب ابني مصعب ل حوريه بنتكم انا سمعت انها ملتزمه وبنت ناس واحنا نتشرف بيكم
رد بابا وقال/انا معنديش مانع مصعب شاب محترم ومش هلقي زيه يحافظ علي بينتي بس ناخد رأيها ايه رأيك يا حوريه
حوريه بكسوف/اللي تشوفه يا بابا
ماما اتكلمت وقالت/خلينا تسيبهم شويه يا جماعه
وفعلا خرجوا وقعدوا ع السفره قصادنا
اتكلم هو وقال
مصعب/اظن ان احنا في رؤيه شرعيه هتفضلي باصه في الارض
رفعت راسي ليه بصيت عليه بإبتسامه خفيفه ونزلت راسي بسرعه
مصعب/طالما انتي موافقه عليا و.....
حوريه/ومين قال اني موافقه
مصعب/لازم توافقي انا مفيش زيي شاب محترم وملتزم وإمام جامع ابتسمت وسكت ما انا مش عارفه اعمل ايه هو دلوقتي مش جوزي عشان اعبر ليه عن مشاعري ،لكن صدمني وهو بيقول ل بابا اللي دخل ومش حسيت انو جايب المأذون تحت وطالما الكل موافق يبقي نكتب الكتاب عشان نبقوا علي راحتنا ،وفعلا كتابنا الكتاب وبعد ما خلص المأذون ومشي الكل بارك لينا،ولقيته بيقول للكل يغمض عينه وكلهم غمضوا عيونهم لقيته فجأه حضني جامد وقالي
مصعب بحب وهمس جمب وداني/تعرفي اني حبيتك لما شوفتك اول مره وانتي رايحه الجامع تصلي الجمعه
طبعا انصدمت جدااااا لكن اتكلمت وقولت
حوريه بحب/تعرف وانا حبيتك من اول مره شوفتك فيها وبقيت ادعي ربنا انك تكون من نصيبي بس انا بطلت تيجي الجامع
اتكلم بحب/لما شوفتك وقلبي نبض ليكي ساعتها قولت لو جيت تاني ممكن اشوفك وبكدا اكون بغضب ربنا فيكي كنت كل فجر ادعي انك تكوني من نصيبي انا .
اتكلمت وقولت/انت ما تعرفش انا فرحانه قد ايه بجد انا بحب ربنا اوووووي.
اتكلم/الحمد لله انو جمعني بيكي "انا بحبك وبعشقك يا حوريتي".
اتكلمت بكسوف/وانا بحبك وبعشقك يا إمامي .
وقال الله تعالي "واتوا البيوت من ابوابها"
الثاني من هنا
