رواية نسمة حياتي كامله بقلم هند ايمن
كانت بتجري بسرعة وسط الناس وهو مش عارف يلحقها من الزحمة
لؤي: بت خدي يابت يخربيتك فضحتيني وسط الناس
نسمة بشقاوة: عمو امسكني الاول والا انا هكسب
اخيرا مسكها
لؤي: بس.. بس شقاوة بقى
نسمة: عمو انت كسبت هات الهدية بقى
لؤي: انا اللى كسبت المفروض انا اللى اخد هدية
نسمة: لا بقى انا اللى هاخد هدية
لؤي: بلطجة يعني؟
نسمة: اه يا عمو بلطجة
لؤي: طيب ياستي شوفي عايزة ايه بما اننا فى المول بالمرة اجيب الهدية
نسمة بتفكير: امممم عايزة دي يا عمو
لؤي بص لاتجاه ايدها ولقى لعبة شبه كبيرة اووي
لؤي بصدمة: ٥٠٠٠جنيه؟؟؟!!!!
نسمة: هتستخسر فى بنت اخوك ولا ايه؟
لؤي: دول ٥٠٠٠ جنيه فى لعبة!!!
نسمة: مش مهم يا عمو اهم حاجه الراحة النفسية والمتعة يا عمو
لؤي: ايوه ياختي انتي اتمتعي وانا افلس تعالي ياخرة صبري شالها وراح جابلها اللعبة
صلوا على النبي 
~هند ايمن~
«فى البيت»
شادية: ايه يا ساهر مكلمتش لؤي شوفتهم اتأخروا ليه كده
ساهر: كلمته وقالي فى الطريق وقربوا يوصلوا.. ايه مش عارفة تقعدي من غير صداع نسمة ولا ايه؟
شادية: والله رغم شقاوتها وقلبها للبيت وجريي وراها بس بتعمل حس وجو جميل كده فى البيت
ساهر: اه مانتي حبيبتها لكن انا ولا تعرفني دي ناقص تقول لـ لؤي يا بابا بدالي!!
نسمة بضحك: هي متعلقة بيه اوووي لانه بيلعب معاها كتير ومهما طلبت بينفذ و..
نسمة: ماميييييي انا جييييييتت نوورت البييييييتتتت هييييي هييييييي
شادية: اهلا بالجميل بتاعي ها فرحتي مع عمو؟
نسمة: اووووي مامي
لؤي: طبعا اووووي يا مامي انتي غرمانة حاجه ما عمو هو اللى بيفلس وبص لساهر
لؤي: عليا الطلاق من الولية اللى معرفش هي مين لسه وحياة عيالي اللى معرفش هما كام شخص ولا عارف اساميهم ولا جنسهم ايه انا خراب بيتي على ايد بنتك
ساهر: مش انت عمو حبيبها البس بقى
لؤي: فى الحيط.... هلبس فى الحيط استنى عليا بس
شادية بضحك: نزل بس اللى فى ايدك ده و واخد نص وشك ايده وماله تقيل كده
فتحتها لقتها لعبة
شادية: الللله حلوة اوي
لؤي: طبعا حلوة وفلوسها احلى
نسمة: ما خلاص يا عمو بقى مكانوش كام باكو دول يعني
لؤي: انتي تسكتي خالص يام خمستلاف جنيه انتي خدي البتاعة دي وعلى اوضتك يلا مش ناقص تحسر على فلوسي انا
نسمة: يوه طب متزقش بس تعالى شلها مش هعرف
لؤي: يلا يا اخرة صبري وشال اللعبة دخلها وطلع
شادية: والله يا لؤي انت لو متجوز او خاطب مش هتمشيك زي ما بنتي ممشيك كده لا مسيطرة مسيطرة يعني
لؤي: حسبي الله فى كل ظالم مفتري معندهوش دم همووت واعرف طالعة مفترية لمين لا امها مفترية ولا ابوها مفتري
نسمة طلعت من اوضتها
نسمة: مش يمكن طالعة لعمو حبيبي؟!
راح بصلها وقفل عينه نض قفلة كده
لؤي: اقطع ايدي لو كنتي طفلة
نسمة: يبقى كان المفروض تقطعها من زمان يا عمو
لؤي: لا لا لا لا كده كتييييير
ساهر: القوي فيه الاقوى منه ياما طلعت عين امك وابوك واحنا صغيرين شوف بيخلص على ايد مين!
شادية: على ايد بنتي الله يحفظها ياختي ياختي ياختي الله اكبر الله اكبر
نسمة دخلت المطبخ
وهما واقفين بيتكلموا
لؤي: يارب يارب خلفة زي كده لا مش عايز اخلف مش عاي... حرييي'ققققققققققققة وجري على المطبخ لقى نسمة جايبة كرسي وماسكة الكزبرة والبقدونس و واقفة على كرسي قدام البوت'جاز وبتولع فيهم جري لؤي شد نسمة وجري ساهر طفى ال'نار وطفى البوت'جاز
بعد ما خلصوا
شادية: ايه ده كنتي بتعملي ايه
نسمة: انتو اللى بتعملوا ايه انا لقيتكم بتتكلموا كتير قولت اكيد تعبتوا دخلت اعملكم اكلة تسندكم كده بس اننتو اللى طفيتوا النار طفيتوها ليييييييه
لؤي بص لشادية وبعدين بص لساهر
لؤي: احم اللى يقعد فى البيت ده لازم يأمن على نفسه فى اقرب شركة تأمين ويركب كاميرات فى كل ركن البيت ده ليس امان يا مان انا لسه شاب مدخلتش دنيا انا نفسي اشوف عيالي سلام عليكم وطلع يجري
