رواية كانه فيلم بيتعاد كاملة بقلم رنا سليمان
=عجبك ال بيعمله بابا دا يا تيته؟!
"عملك ايه ابوكي يا ست البنات
=يجوزني ل زين ابن خالتي مع اني مش بحبه يا تيته ولا عايزاه
"زين ابن خالتك جدع وطيب يا حبيبتي وهيشيلك جوا عنيه
قومت من على رجلها ال كنت نايمه عليها وبصاتلها
=يا تيته زين شخص كويس ومحترم والف بنت تتمناه بس انا لا انا مش عايزه اتجوز واحد مبحبهوش يا تيته
انا عايزه احب واتحب زي باقي البنات
لقيتها بتضحك
=انتي بتضحكي يا تيته
"اصلك بتفكريني بنفسي وانا قدك كده
لما جدك الله يرحمه جاه واتقدملي رفضته وقولت زيك كده انا عمري ما هتجوز واحد مبحبهوش كنت مهوسه بالافلام الابيض واسود وكان نفسي اعيش قصه حب زي الافلام وكنت مستنيه الشخص ال قلبي هيقع فيه ونعيش ولا احلاها قصه حب بقي عارفه ابويا ساعتها عمل ايه؟!
قالي انه راجل مناسب ليا وقعد هو وامي يشكروا فيه وانه راجل كويس و محترم هيصوني وانا ولا مقتنعه بحرف منهم بس من كتر كلامهم عنه قولت وماله اتحطبله شهرين ولا حاجه كده وامسك عليه اي غلطه واسيبه بس مزعلش ابويا وامي مني
حاولت ب كل الطرق اني احبه ومعرفتش او كنت بحاول اقنع نفسي اني مش بحبه وبرفض اني اكون معاه
عدا تلات شهور بعد خطوبتنا ولقيت ابويا بيقولي انه حدد مع جدك وابوه معاد الفرح بعد شهر
ساعتها قولت ل بابا اني مش موافقه واني حاولت اني احبه ومعرفتش بس بابا قالي انه هيسبني يومين افكر كويس واخد قراري علشان هو شاب كويس وبيحبني وبلاش اضيعه من ايدي
ساعتها فضلت اعيط لمدة يوم كامل امي ساعتها دخلت عليا الاوضه وقالتلي
*انا لو كان عندي شك 1٪ انه مبيحبكيش او مش هيصونك عمري ما كنت هوافث على حاجه زي دي ولا هخليكي تتجوزيه بس انا شوفت في عينه حب كبير ليكي واتاكدت ان هو دا ال هيشيلك في عينيه الحب الحقيقي يا بنتي
بيجي بعد الجواز قومي يا حبيبتي صلي صلاه استخارة وبعدها قولي قرارك النهائي ومهما كان قرارك ايه انا هكون جمبك ولو انتي مش عايزاه انا هقول ل ابوكي
سمعت كلامها وروحت صليت صلاه استخارة بعدها لقيت نفسي بوافق عليه بس من غير قلبي ما يقع فيه ولا حتي حزء صغير من قلبي بيحبه وفعلا اتكتب كتابنا
كنت بسمعلها بصدمة كبيرة لاني عارفه ان قصه حبها هي وجدو كانت كبيرة اوي انا حبيت الحب بسببهم وبقيت بتمني اعيش قصه حب زيهم كده جدو الله يرحمه كان دايما يحب في تيته طول الوقت وهما الاتنين كانوا بيخافوا على بعض اوي
بصاتلي وابتسمت
"بتبصيلي كده ليه يا بت انتي اوعي تكوني فاكره اني حبيت جدك من اول يوم شوفته فيه تؤ
جدك اه كان بيحبني من زمان بس عارفه انا حبيته امتي؟!
بصاتلها ب اهتمام
"بعد ما امي ماتت دخلت في حالة اكتئاب لا كنت باكل ولا بشرب لانها كانت اقرب واحده ليا مكانش فيه سر في حياتي مبقولهاش عليه بعد موتها حسيت ان الدنيا اسودت في وشي حسيت ان خلاص الدنيا قفلت في وشي وان الدنيا عمرها ما هتضحكلي تاني جدك بقي الوحيد ال كان واقف جمبي كان سايب كل حياته ودنياته و طول الوقت قاعد جمبي كان بيحاول يخرجني من ال انا فيه ويضحكني ب اي طريقه رغم اني كنت بصده لكن هو مكانش بيسبني بردو واستحمل كل غضبي وعصبيتي وحزني عارفه يا بت يا حنين
انا قولت في الاول اني عمري ما هحب جدك دا بس هو خلاني احبه تحمله ليا وخوفه عليا ومحاولاته انه يخرجني من حزني واكتئابي دا هو ال خلاني احبه عارفه؟!
كان دايما بيقولي يا ست البنات حتي بعد ما كبرنا وعجزنا كان بيقولهالي كان شايفني طول الوقت عيله صغيره قدامه بنته مش حبيبته ومراته وبس كان بيجي يحكيلي كل حاجه حصلت في يومه كأني صاحبته وانا كنت بعتبره ابني ال بخاف عليه من الهوا الطاير
كانت بتحكي كل دا وهي على وشها ابتسامه جميله مش مفرقه وشها
مع الوقت حبي ليه بدا يكبر لحد ما بقيت بحبه اكتر من اي حاجه في الدنيا واديني اهو بقالي سنتين بحاول اعيش حياتي من غيره بس مش عارفه جدك مات انا امي لما ماتت كان هو ال بيخفف عني حزني عليها وكان واقف جمبي دايما لكن هو لما مات مبقاش عندي حد يهون عليا موته
صدقيني يا حنين الحب الحقيقي هو ال بيجي بعد الجواز وبيفضل عايش العمر كله فكري في كلامي كويس يا بنتي زين شكله بيحبك انا بشوف في عنيه نظرة نفس ال كنت بشوفها في عين جدك الله يرحمه اتجوزيه يا بنتي وبلاش تغلطي غلطه غبيه وتسيبي يروح منك
بصاتلها وابتسمت واترميت في حضنها
=انا بحبك اوي يا تيته
طبطبت على ضهري
"وانا كمان بحبك يا ست البنات
دا انتي اخر حاجه بقيالي من الغالي بعد ابوكي ومليش غيركم
كلامها فعلا ريحني وخلاني اعيد التفكير في موضوع زين دا تاني
تيته دي اطيب واحن قلب ممكن اقابله في حياتي هي الوحيده ال بتفهمني والوحيده ال عارفه كل حاجه عني وبتساعدني في اي مشكله بقع فيها هي مش بس جدتي هي صحبتي الاولي وامي التانيه تيته دي لو حصالها حاجه أنا ممكن اروح فيها بجد هي كل حاجه في حياتي انا بحبها اكتر من اي شيء في الدنيا
تاني يوم بعد كتب الكتاب كنا قاعدين في البلكونه ال عندنا في بيتنا
صليت استخارة ولقيتني مرتاحه لموضوع زين وفعلا اتخطبنا واتكتب كتابنا في يوم واحد لان زين كان عايز كده
_مبروك يا ست البنات
ابتسمت
=الله يبارك فيك
كنت بحاول ابص في اي حته ومكنتش حابه اني ابصله
_هو انتي بتدوري علي حاجه
بصاتله ب استغراب
=حاجه ايه
_اصلك عماله تبصي يمين وشمال ولا كأن في حاجه ضايعه منك
=لا عادي مفيش حاجه
_طيب ايه هتفضلي ساكته كده كتير
مش ناويه تتكلمي شويه
=اتكلم اقول ايه
ابتسم
_اكيد مش هتتكلمي عن سياسة البلد ولا اقتصادها اتكلمي عن نفسك مثلا
=مانت عارف كل حاجه عني دارسه ايه بستغل ايه سني
قاطعني
_حنين
=نعم
_انا مش هطلعلك بطاقه على فكرة علشان تقوليلي الحاجات دي
ابتسمت وبصيت في الارض
_لا على فكرة انا كتبت كتابنا مع الخطوبه علشان منبقاش قاعدين القاعده دي وتفضلي باصة في الارض كده انا جوزك على فكره
ابتسمت تاني وبصاتله لقيته مبتسم ……ابتسامته بدأت تروح تدريجيا واتكلم بهدوء
_اوعي ضحكتك دي تفرق وشك في يوم يا حنين ضحكتك دي احلي حاجه ممكن يشوفها اي حد ضحكتك دي اجمل من اي شيء في الدنيا اوعي تخلي حاجه تسرق منك ضحكتك دي
ابتسمت وفضلت ساكته
عدا 4 شهور طول الوقت كان بيحاول يتقرب مني ويتكلم معايا بس انا مكنتش بتكلم معاه خالص وكنت طول الوقت بصده عارفه اني غلطت اني وافقت على كتب الكتاب ال بسرعه دي بس انا قولت اني ممكن احبه بس دا محصلش انا ارتكبت غلطه كبيره في حقي وحقه لما وافقت ب كتب الكتاب دا
=انا اسفه يا زين بس انا مش هقدر اكمل
_تكملي ايه يا حنين
=اكمل في علاقتنا دي
طلقني يا زين
_اطلقك؟!
بالسهولة دي يا حنين
هو انا لعبه في ايدك يعني ولا ايه
=انا عارفه اني غلطت لما وافقت من الاول على الخطوبه وكتب الكتاب بس انا كنت فاكره اني هحبك واديت لنفسي فرصة علشان احبك بس
_بس ايه؟!
محبتنيش صح
وجايه دلوقتي تقولي الكلام دا
هو انا لعبه في ايدك يا حنين تفضلي تلعبي بيها واول ما تزهقي منها ترميها
طيب وقلبي ال حبك؟!
وحياتي ال بقيت اجمل بدخولك فيها كل دا ميهمكيش كل ال يهمك نفسك وبس
الدموع كانت على وشي
=يا زين افهمني انا حاولت احبك بس انا مقدرتش
لو سمحت يا زين طلقني
فضل باصصلي شويه وهو ساكت وبعدين قام مشي من غير ولا حرف
روحت ل تيته وقعدت على رجلها كالعادة وبدأت اتكلم معاها
"مالك بس يا ست البنات مين مزعلك
=انا تعبت يا تيته انا مش قادره احب زين وظلمته وظلمت نفسي انا مش عارفه اعمل ايه انتي الوحيده ال هتقدري تساعديني قوليلي يا تيته اعمل ايه
مسمعتش رد منها
=تيته انتي سمعاني
.....
=تيته انتي كويسه صح
ضربات قلبي زادت وبدأت اخاف
=ت تيته علشان خاطري ردي عليا
شيلت راسي من على رجلها ب خوف وقومت قعدت وبصاتلها لقيتها مرجعه رأسها ل ورا…. عنيها مقفوله
بدأت اعيط
=لا يا تيته علشان خاطري متسبنيش
انا مليش غيرك في الدنيا دي
علشان خاطري يا تيته متسبنيش
انا عارفه انك بتهزري معايا قومي بقي علشان خاطري
الدموع غرقت وشي مسكت ايديها وبوستها
=قومي يا تيته متوجعيش قلبي عليكي يا حبيبتي
اتصلت ب بابا بسرعه ورد
اتكلمت بعياط
=الو يا بابا
الحقني تيته مش بترد عليا تعال بسرعه
قفلت معاه بسرعه ودخلت في حضنها وفضلت اعيط
الثاني م ها
