رواية كارم وفيروز الفصل السادس 6 والاخير بقلم ابراهيم علي
كارم : اي يا دكر ما ترمي سلاحك انت كمان
خرجو الاتنين من امكانهم وأصحبت المواجهه فيس تو فيس ............"
إياد : مش عيب ظابط زيك يسيب سلاحه ويواجه مجرم زي ... هو القانون اتغير ولا اي
كارم بتحدي : إتغير مع الاوساخ اللي زيك بس يا إياد
أياد بضحك قرب منه بهدوء وقال : جدع
ضربه كارم بالبوكس في وشه بغضب وقال : ونتا مش جدع
قام إياد من علي وهو دايخ ورد البوكس في بطن كارم وقال : هات اللي عندك
لسه كارم هيضربه اتفاجأه بالظابط يوسف داخل الشقه بيجري بسلاحه
يوسف حط السلاح علي ضهر إياد وقال : سلم نفسك يا إياد يا كومي واي حركه كده ولا كده مش هتردد ثواني في قتلك
إياد رفع إيده لفوق وقال : هي الدخليه بتقتل الناس دلوقت ولا ايه
يوسف : لا .... , بس انت كده كده واخد إعدام فا مش هتفرق موتك دلوقت من موتك كمان يومين بالعكس ده كده
ارحملك
إياد بغضب : طيب يباشا وياتري بقا عرفته مكاني ازاي
يوسف : ملكش فيه وامشي قدامي ومن غير حركه
كارم قرب من إياد وقال بتحدي : ايه عاوز تهرب ولا ايه .... عموما الشخص اللي بلغ البوليس ده هي فيروز
فيروز اللي انت كنت جاي عاوز تخلص عليه " ضحك واكمل " أهي خلصت عليك ... خدوووه
يوسف للعسكري : جهزلي العربيه يبني
يوسف حط الكلابشات في إيده وقال : والله وقعت يا كووومي .... خدوه واعي يفلت منكم
العسكري : تحت امرك يباشا
*************
يوسف بهمس : فين البنت يا كارم
كارم : بنت مين
يوسف : فيروز ....! احنا عرفنا كل حاجه والبنت دي لازم تسلم نفسها لأن هي تعتبر زوجة إياد الكومي ومعندهاش اي
دليل انها مغصوبه عليه ولا ليها قريب ولا ليها حد يعني كدا كدا يا صحبي القضيه لابسها فا طلع نفسك منها وسلمنا
البنت عشان نشوف شغلنا ونتا كمان تشوف شغلك
كارم بغضب : هو ده اللي انت اتعلمته تقبض علي بنت ضحيه لبني أدم قذر زي ده وتقولي شغل ...! انهو شغل ده يا
حضرت الظابط
يوسف : انا مش مشكلتي انك اتعلقت بالبنت انت كان المفروض يتقبض عليك انت كمان يا حضرت الظابط بتهمة
التحفظ علي بنت كان ممكن بنتهي السهوله توصلنا ل إياد الكومي من بدري وتكون شاهده علي كل اللي بيعمله .
كارم : وإياد الكومي معاك يا يوسف عاوز البنت في اي ..! البنت بريئه
يوسف : مش انت اللي تقرر انها برئيه ولا مذنبه القانون اللي علمني وعلمك هو اللي يقرر ...! فين البنت يا كارم
كارم بحزن : .....
يوسف : كارم فيييين البنت
كارم : معرفش
يوسف للعساكر : فتشو المكان
بدأت العساكر تفتش المكان وراح يوسف ناحية الاوضه اللي في اخر الطرقه وفتحه عشان يلاقي اللي بيدور عليه
فيروز علي السرير بتترعش من الخوف وجنبها ماما ساميه ماسكه فيها بإطمئنان ...
قد يعجبك ايضا
منذ بضع اعوام
رواية أحببت طفلة الفصل السابع والعشرون 27 بقلم ندى علي
منذ بضع اعوام
رواية بائعة المناديل الفصل الثاني عشر 12 بقلم زهرة عصام
منذ بضع اعوام
رواية أمنيتي الفصل التاسع عشر 19 بقلم سمية عامر
ماما ساميه : مسكتوه يا يوسف يبني كارم كويس
يوسف : كارم كويس يا أمي ومتقلقيش احنا مسكناه خلاص
ماما ساميه براحه : الله يطمن قلبك يبني يعني كدا الراجل ده خلاص مش هيظهر في حياة ابني تاني
يوسف : مش قبل ما ناخد فيروز الاول لأنها الشاهده الوحيده لي اللي بيحصل ده وهي زوجة إياد
فيروز بخوف : لا انا مش عاوزه اروح معاكو في حته انا هفضل هنا مع ماما ساميه وكارم
يوسف : مش انتي اللي تكرري ده
فيروز مسكت جامد في ماما ساميه وقالت : ونبي ما تسبيهم يا خدوني انا لو شوفت إياد هموت
ماما ساميه : متخافيش يا حبيبتي متخافيش مش هسيبك
" كارم دخل الاوضه "
كارم : يوسف باشا
يوسف بص وراه : ايوا
كارم : اتفضل يابشا مهما كان ده بيت صحبك وزميلك في الشغل ونا هجيب فيروز لحد عندك
يوسف : ايوه بس ...
كارم : من غير بس ... انا عند كلمتي اتفضل ونا هجيب فيروز
يوسف : ماشي يا كارم
" خرج يوسف "
كارم : عامله اي دلوقت يا فيروز
فيروز بحزن : انت زعلان مني
كارم : يبت انتي عبطيه هو انا اقدر برضو ازعل منك
فيروز : اومال قولتلهم يقبضو عليا ليه
كارم بضحك : هي الشرطه دي كانت بتاعت ابويا
فيروز : طيب هما عايزين ايه
كارم : مش عايزين حاجه هياخدو منك كلمتين اتنين بس
فيروز : طيب ما يخدوهم هنا ويمشو
كارم : لا ما هو الموضوع مش بالبساطه دي
فيروز : انت بتضحك عليا عشان تلخيهم يا خدوني انت زيهم كلكم زي إياد كلكم زي إياد
ماما سامه حضنت فيروز وقالت : إهدي يا حبيتبي ونا هاجي معاكي
كارم : تروحي معاه فين يا ماما
ماما سامه قامت من علي السرير وراحت عند كارم وقالت بهمس : انت ناوي تعمل اي
كارم : البنت القضيه لابسها لابسها وهي ملهاش حد يدافع عنها ! وهيقوله انها اتجوزته بإردتها ودي فيها سجن
ممكن يوصل لسنه مش اكتر
ماما ساميه : يمصبيتي السوده
كارم : وطي صووووتك البنت هتسمع ....
ماما ساميه : فيروز لو فضلت في السجن يوم واحد ممكن يحصلها حاجه انت مش شايف البنت يا كارم يبني وهي
السرير بس بترعتعش مبالك بقا وهي في السجن
كارم : هو بمزاجي هو ده بمزاج هو كان سجن ابويا انا في إيدي ايه اعمله يا امي
ماما ساميه بحزن : بإديك تعمل حاجات كتير يبني ممكن تقدم التحاليل اللي بتثبت انهم اغتصوبها يكون دليل
كارم : ده مش دليل قوي ... ممكن يقولو ان اي حد عمل كده مش شرط إياد
ماما ساميه : يعني اي ! هنسلم البنت بإدينا
كارم : عندك حل تاني
ماما ساميه : انا مش هسيبها يا كارم عاوزين تاخدو فيروز ...! خدوني معاها
كارم بعصبيه : ماما انتي بتقولي ايه
ماما ساميه : ابوك الله يرحمه عمره ما قال انا في إيدي ايه ولا مش هعرف ولا ولا ولا ...! ده كلام الشباب اللي زيكو
بيقولوه عشان يهربو من صعوبات الواقع
كارم : انا همشي مع كلامك وهورح اشوف حاجه تخرج فيروز بس ده هياخد وقت ...! انا مش ساحر يا أمي عشان
أعمل كده
ماما ساميه : ايوه انت مش ساحر ..! انت انسان عندك مشاعر وعندك رحمه ..! البنت دي لو حصلها حاجه
زنبها هيكون في رقبتك ليوم الدين
كارم : ونا ذنبي في رقبة مين لما يتهومني اني بساعد مجرمه .......... ايه ده ا... ايه الدوشه اللي بره دي
*********
روز : يعم بقولك انا عاوزه ادخل ووووسع
يوسف بعصبيه : تدخلو فين انتو الاتنين انت مجانين
احمد : يباشا البنت دي ...! تبقي اخت فيروز اللي جوا دي بس من ام تانيه ومعنا الاوراق الل تثبت صحة كلامنها
يوسف : فين الاوراق دي
روز طلعت الورق : أهي يباشا نفس اسم الاب ودي بطاقتي ...! المتخلف اللي بره ده هو اللي غصب اختي انها تتجوزه
وفضل حابسها عنده سنين
يوسف وهو بيبص للورق : الورق مظبوط فعلا
تدخل كارم ....
كارم : اي اللي بيحصل هنا ؟
يوسف : فيروز طلعت ليها اخت ...! وهي تعتبر الشاهده الوحيده اللي تقدر تخرج فيروز من القضيه
كارم بدهشه للروز : انتي ...!
روز وهي بتبلع ريقها : ايوا يباشا انا اختها ممكن اشوفها
كارم بدهشه : انتي ...!
يوسف بهمس : ما خلاص يا كارم قالتلك هي والله
كارم : انت ....!
يوسف : مالك في ايه
كارم : طيب ....
" واغمي عليه ..."
يوسف : انت اغمي عليك من الصدمه ولا ايه ... يا كااارم فوووق يبني
روز : لا بقا فوقيه براحتكم انا عاوزه اشوف اختي
احمد : استني انا جاي معاكي ..
في الغرفه ..... "
روز : انتي فيروز صح
فيروز : والمصحف هو اللي غصبني اني اتجوزه وحبسني انتو عاوزين مني اي
روز أخدتها بالحضن وهي بتكبي وقالت : ليه يا فيروز ليه بعدتي عني
فيروز بدهشه : هو احنا كنا مرتبطين
ماما ساميه واقفه مش فاهمه حاجه خالص "
ماما ساميه : انتي مين يابنتي
روز ببكاء : انا اخت فيروز يا طنط اختها بس من ام تانيه
ماما سامهي بفرحه : يا حلاوه يا ولاد يعني فيروز مش داخله السجن !
روز : تدخل السجن ليه ..! وهي مش مجرمه هو اللي غصبها علي كده ومعايا الراجل اللي كان شغال معاه شاهد علي
الكلام ده ومعايا كل الاوراق اللي تثبت ده صح يا احمد
احمد بحزن : صح
فيروز : اختي ....! اختي ازاي ونتي مسألتيش عليا السنين دي كلها ؟ اختي ازاي ونتي سبتيني مع شخص زي ده
انتي لو مكاني مكنتيش هتقدري تستحملي يوم واحد منه
روز باست راسها : حقك عليا يا حبيتبي والله حكايه طويله هحكليهك كلها
فيروز : حكايه في تشويق واثاره
روز بضحك : فيها تشويق واثاره اه
************
يوسف : ايوا صصح معايا كده انت ايه اللي حصلك يبني
كارم وهو بيغسل وشه : وصلت للحاله من اليأس والاحباط ...دعيت ربنا ان فيروز يطلع ليها اي حد يخرجها
من الكارثه اللي حطت نفسها فيها دي , بس مكنتش اعرف ان ربنا هيستجيب للدعاء بتاعي بسرعه كده
يوسف ابتسم وقال : انت لازم تستريح شويه يا كارم .... بقالك كام أد ايه منتمتش
كارم : مش عارف
يوسف : طيب يلا هنوصل بس الاسم عشان نقفل المحضر ده ...! وبكره نبقي نقابل اللواد جلال
بعد اربعة اشهر فيروز راحت تعيش مع اختها واتقسم روث ابوها عليهم هما الاتنين , وكارم أخد ترقيه واتشهر هو
و يوسف علي انهم اول ظابطان يقبضان علي إياد الكومي وشركائه ........"
****************
كارم بيخطب علي الباب
روز : ايوه جايه الدنيا مش هطييييييييييييييييير ..... ايه ده كاااارم
كارم : لسه مطولتيش يا بت
روز : ونتا لسه لسانك طويل عاوز ايه
كارم بضحك : عاوز فيروز
روز بتلحح : عاوزه ليه ....! واي ياض بوكيه الورد اللي في إيدك ده
كارم : الله انتي مالك .... يا فيرووووووووووز
فيروز خرجت من المطبخ بهوت شورت وتيشرت ازرق ....!
روز بعصبيه : يخربيتك كارم هنا
فيروز جريت علي الاوضه وهي بتقول : يلهوي يلهوي
كارم بإبتسامه للروز : بس مزه صح
روز حطت الشوكه علي صدره وقالت : انت بتعاكس اختي ياض
كارم : اومال عايزاني اتجنن واعاكس اختها
روز : قصدك ايه ياض .... انا وحشه
كارم : وسعي بس وسعي القمر وصل ...
فيروز : الباشا بنفسه عندنا ....
روز : ما هو كان عندنا امبارح انتي هتستعبطي
فيروز : بس يارخمه
كارم : فيرورز إحم .... إحم تتجوزني ؟
فيروز : وده فلم اي ده
كارم : يبت المفصله .... بقولك تتجوزيييييني
فيروز : يلهوي " واغمي عليها "
روز زغرطت : لولولولولولولولولولولولولولوي .... مبروك يا كاااااارم
كارم بضحك : الله يبارك فيكي علي ايه
روز بضحك : علي المرحومه
