رواية بلوتي القمر الفصل الرابع 4 بقلم لؤلؤة محمد
هناء واقفه قدام المرايه بتظبط الخمار الأبيض على الفستان الوردي المحتشم وبتغني/ صوت الخروف بينبح سلخته قبل ما ادبح مين اللي ربطه في المنور لبسني في عمك أنور والعيد فرحه ماء ماء مااااااااااااااااااء ماء ماء مااااااااااااااااااء
حسام/ كنت حاسس انك معزه لكن دلوقتي اتأكدت
هناء/ مش هرد عليك يابن اعتكاف عارف ليه عشان انهارده عيد ايدك على العيديه
حسام/ عيدية ايه ده عيد لحمه يانؤه
هناء/ خلاص هات حتة لحمه من وراكك أبيعها
حسام/ ليه رقاصه قدامك
هناء/ لأ خروف
حسام / طب وحيات أمك منا عاتقك يابنت اعتكاف
هناء وهي بتجري/ الحقيني يامااااااااااعهع ياماااااااااااااااااااعهع
ماما/ فيه ايه يا عيال البيت بيولع والا ايه حصل ايه
هناء/ ابنك عاوز يضربني
حسام / انتي اللي قليلة الأدب وبتغلطي
ماما/ باااااااااااااس ياولاد الجزمه يامعفنين انتوا مش ولادي لأ انتوا أنا لقيتكوا عند باب معبد يهودي ساعة صلاة الفجر
هناء/ وايه اللي وداكي عن المعبد اليهودي يا اعتكاف
حسام/ لأ وساعة صلاة الفجر كنتي بتصلي هناك والا ايه اعترفي ياوليه
ماما/ ياربي ده منظر طالبه في جامعه الأزهر والا ده منظر دكتور في كلية الطب عوضي عليك يارب سيبوني أخلص الطبيخ عشان عازمه عمكم ومراته وولاده على الأكل معانا ألحق أخلص قبل مايجوا ربنا يهديكم
هناء/ ربنا يهديكي انتي لواحدك أنا راحه أشوف البت لوكه ونتمشى شويه ونبقى نيجي مع بعض سلاموووووووووز ……… هو انا هفضل مستنيه أنثى الحيوان دي كتير منك لل ياتوستفانكلي ايه اللي خلاها تجيب أخوها معاها المهزأه دي طب أغض بصري ازاي دلوقتي بجمال أهله ده انا بقول ايه أستغفر الله العظيم يارب قدرني يارب على اني أغض البصر
أحمد وهو بيبص للأرض / عامله ايه يا هناء
هناء وهي بتبص للأرض برضه / الحمدلله في فيض من النعم حضرتك عامل ايه
أحمد / الحمدلله هطلع انا بقى يا لوكه خلوا بالكم من نفسكم بعد اذنكم
هناء/ مقولتليش ليه ان اخوكي جاي معاكي
ملك/ يانؤه هو اللي أصر أنه يجي معايا وقال هقعد مع حسام لحد ما بابا وماما يجوا
هناء/ كنتي قولتيلي يا ملك انه جاي معاكي انتي عارفه اني بحاول مغضبش ربنا وأبصله وعارفه اني بحب اخوكي من صغري ربنا ينزع حبه من قلبي لو مش من نصيبي ومش فيه خير ليا ويوضع حبي في قلبه لو كان فيه خير
ملك / اللهم امين يا حبيبتي
يتبع…
