رواية في ليلة الدخلة الرابع 4 والاخير بقلم عمرو راشد
انت واقف هنا بتعمل ايه
= حسيت اني مزعلك بقالي كتير ف كان لازم اصالحك.. انا اسف
انا عمري ما ازعل منك يا ياسين.. انا بحبك
" خدتها في حضني وانا مش مصدق اللي انا سمعته.. مش مصدق ان مراتي تكون هي السبب في كل اللي حصلي يعني هي اللي كانت قاصدة اني ابقا عاجز جن*سيا.. كان لازم ادور وراها وأعرف هي بتكلم مين وعشان كدا استنيتها لحد ما تنام ومسكت تليفونها بس كان مقفول ببصمة لكن بحركة خفيفة قدرت افتح التليفون بعد ما مسكت ايدها وفتحت التليفون.. خدته وخرجت من الأوضة لقيت اخر رقم كلمته بس مكنش متسجل بإسم.. كان الغضب مخليني مش عارف افكر ولا حتى عارف اتصرف.. فتحت الواتس وبعتله
الحقني.. ياسين عرف كل حاجة وبالعافية عرفت اهرب منه.. انا ماشية دلوقتي من البيت.. قابلني في العنوان اللي هبعتهولك دلوقتي
" بعد 5 دقايق شاف الرسالة بس انا كنت اتحركت من البيت.. مكنتش عارف اروح فين دلوقتي ، فضلت ماشي بالعربية لحد ما وصلت ل منطقة صناعية مهجورة وقفت عندها و بعتله اللوكيشن وبعتله معاها رسالة بتقول
بسرعة.. مفيش وقت لازم نتحرك قبل ما ياسين يلحقنا
" قفلت الموبايل و مشيت خطوتين بالعربية لحد ما اختفيت بحيث محدش يشوفني.. فصلت مستني وحتى مش عارف انا هعرفه ازاي ولا هعمل معاه ايه.. انا دماغي واقفة.. عدا ساعتين وبدأت اشوف واحد جاي من بعيد.. حاولت استخبا لحد ما شوفته بيقرب على المكان ، كان ماشي وهو بيبص وراه وقدامه كأنه سارق حاجة لحد ما وقف وفتح تليفونه و طبعا هو دلوقتي هيتصل ب أميرة اللي تليفونها معايا أساسا وكمان مقفول.. مسكت حديدة من على الارض و واتحركت من وراه بهدوء وفي لحظة كان وقع قدامي على الأرض من تأثير ضر*بة الحديدة على دماغه.. سحبته وحطيته في شنطة العربية ومشيت من المكان.. كل الحلول اللي قدامي اختفت الا حل واحد بس.. كانت الساعة 2 بعد نص الليل اتصلت بيه مرة واتنين وتلاتة لحد ما رد عليا بس صوته كان باين عليه انه نايم
فريد انا محتاجك دلوقتي ضروري
= عايز ايه تاني.. مش انت رفضت تسمعني وقولت عليا فاشل ومنفعش في اي حاجة.. عايز ايه تاني بقا
مش وقته يا فريد.. انا في مصيبة دلوقتي ، انت كان عندك حق وفعلا مراتي هي السبب
= وانت عرفت ازاي
هقولك بعدين.. دلوقتي انا عايز اشوفك
= طب انت فين
انا تقريبا قدامي ساعة ونص وابقا عند العيادة بتاعتك
= انا جايلك على هناك
" قفلت معاه وبدأت أجري اسرع بالعربية.. كنت سايق بسرعة كبيرة جدا لحد ما وصلت عنده.. لقيته واقف مستني قدام باب العمارة.. نزلت من العربية
ايه اللي حصل
= افتح الشنطة
مش وقت هدايا يا ياسين.. هبقا ااخدها منك بعدين
= هدايا افتح شوف ايه اللي في الشنطة
هيكون فيها يعني.. خاط*ف واحد مثلا
= ايوا فعلا في واحد في الشنطة
ايوا ايه انا كنت بهزر.. اقسم بالله كنت بهزر.. انت قت*لت مين يا ياسين
= لسة مقت*لتش بس ناوي
هو انت بتتكلم بجد
= امال جايبك اعمل فيك مقلب الساعة 4 الفجر
طب فهمني براحة.. ايه اللي حصل
= خلي بالك انت بس عشان محدش يشوفنا وانا هفتح الشنطة ونسحبه سوا على فوق
" وفعلا فريد بدأ يراقب المكان ولاحظنا ان مفيش أي حد.. ساعتها فتحت شنطة العربية وسحبناه على فوق.. حطيناه على كرسي و ربطناه
احكيلي حصل ايه
= بعد ما مشيت من عندك روحت البيت سمعتها بتتكلم مع واحد في التليفون.. اتضح انها هي السبب في المشكلة اللي انا فيها وهي اللي كانت بتحطلي حبوب في الاكل عشان ابقا عاجز قدامها
وهي هتعمل معاك كدا ليه
= اكيد متفقة مع الواد دا
وناوي تعمل معاه ايه
= معرفش.. بس يفوق الاول
وبعد ما يفوق يا ياسين.. انت واخد بتعمل ايه دي مصيبة
= وانا مش هسكت ولا ههدا غير لما اعرف اللي بيحصل وليه عملت فيا كدا
" ساعتها لاحظنا ان الواد بدأ يفوق وبيبص حواليه يستكشف المكان واول كلمة نطقها قال
انتو مين
= تعرف مراتي منين يالاا
مرات مين يا باشا.. انا معرفش انتو مين أصلا و عاملين فيا كدا ليه
= هتعمل نفسك عبيط صح.. انا مش هعيد كلامي تاني ، انت مين وتعرف مراتي ازاي
يا باشا اكيد حضرتك فاهم غلط.. انا مبعرفش ستات متجوزين
= واميرة.. متعرفهاش برضو
أميرة!! ، أميرة مين
" بصيت على فريد اللي سحب السلا*ح من جنبه ووجهه ناحيته
انطق يالاا
= ايه دا ايه دا.. اهدا يا باشا عشان السلا*ح هيطول
انا مش هتكلم معاك كتير.. هتنطق ولا لا
= يا باشا ماهو انا معرفش حاجة
تمام
" بعدها خرجت الطل*قة من مسد*س فريد و استقرت في رجل الشخص اللي كان مربوط.. ساعتها الشخص دا صرخ من الالم
هتنطق ولا نكمل على رجلك التانية
= هنطق.. انا كنت مرتبط ب أميرة قبل ما تتجوز بس معرفتش اتقدملها بعدها حضرتك جيت و اتجوزتها بس بعدها وتحديدا في ليلة دخلتها لقيتها اونلاين.. دخلت بعتلها
فلاش باك
ايه يا عروسة هو العريس تعبان ولا ايه
= ملكش دعوة و بعدين انت بتكلمني ليه أصلا
لقيتك اونلاين قولت اشوف العروسة فاتحة ليه ليلة دخلتها
= بلاش تدخل في اللي ملكش فيه
طب سيبك من كل دا.. وحشتيني
= ايه العبط دا.. انت ناسي اني بقيت متجوزة دلوقتي
لا مش ناسي بس هو دا ايه علاقته باللي انا بقوله
= بص يا رامي احنا اللي بينا انتهى.. بعد اذنك انا هعمل بلوك
قبل ما تعملي بلوك عايز اوريكي حاجة
بااك
" فريد رجع المسد*س تاني وبقيت انا اللي بتكلم مع رامي
و ايه الحاجة دي بقا
= صور ليها.. أميرة قبل كدا بعتتلي صور وانا احتفظت بيها عشان كنت عارف اني هحتاجها.. وساعتها بعتها ليها وهدد*تها اني هبعت الصور دي ليك
فلاش باك
عايز ايه يا رامي
= موضوع صغير كدا وهنعمل منه مصلحة حلوة
موضوع ايه دا
بااك
#بقلم : عمرو راشد
" ساعتها اتفقت معاها على فكرة الحبوب المهدئة دي وبدأت تحطلك جرعة منها في الاكل والشرب لحد ما تفقد السيطرة على جميع أجزاء جسمك.. وطبعا هي هتكون لسة بنت وساعتها هي هتهد*دك أنها هتخلعك وساعتها انت طبعا هتخاف على شكلك قدام الناس وهتطلقها وتدفعلها مبلغ محترم عشان متتكلمش
وأميرة وافقت
= ايوا وافقت طبعا.. معندهاش حل تاني
طب اسمع بقا انت من دلوقتي هتلعب معايا وهتعمل كل اللي هقولك عليه
" فريد سحبني بعيد
انت ناوي تعمل ايه
= هلعب معاهم
الموضوع كدا هيتصعب اكتر.. ما تجيب أميرة هنا و خد حقك منهم وخلاص
= مش هتعدي سهلة كدا يا فريد.. مش هسيبها تعدي بالسهولة دي.. المهم انا عايز منك طلب
ايه هو
= عايزك تخليك هنا معاه.. متتحركش غير لما اكلمك واقولك هنعمل ايه
" ساعتها مشيت و رجعت البيت وسيبت فريد هناك معاه.. اول ما دخلت لقيت أميرة بتجري عليا
انت كنت فين يا ياسين.. قلقت عليك أوي
= خرجت برا اشم هوا
بقالك أكتر من 5 ساعات بتشم هوا
= قعدت شوية برا فيها ايه يعني
انت مشوفتش تليفوني.. انا مش لقياه خالص
= لا مشوفتوش
" سيبتها و دخلت الأوضة و رميت التليفون بتاعها في ركن من الأوضة بس طبعا كنت مسحت منه الرسايل اللي بعتها ل كريم.. بعدها هي دخلت ورايا
هو انت زعلان من حاجة يا ياسين
= لا أبدا
اصل حاسة بحاجة غريبة
= حاجة زي ايه يعني
مش عارفة بس احساسي بيقول انك مضايق
= لا متشغليش بالك.. يلا ننام
" لحد دلوقتي انا ماشي بشكل كويس واللي انا عايزه بيحصل.. صحيت تاني يوم قبلها ونزلت واول ما خرجت من البيت اتصلت ب فريد عشان تبدأ الخطة.. وهي كالآتي ان فريد هيخلي رامي يكلم أميرة ويقولها انه عايز يقابلها وفعلا حصل وأميرة نفذت كلامه ونزلت من البيت عشان تروحله على اللوكيشن اللي فريد بعته.. وانا طبعا كنت وراها ومراقبها
" وصلت العنوان.. دخلت من باب الشقة اللي كان مفتوح ، الشقة كانت مفيهاش أي حد
رامي.. رامي
" مكنش في اي رد.. اتمشيت لحد ما دخلت أوضة واول ما دخلت اتفاجأت باللي مربوط قدامي
رامي
" جريت عليه بسرعة وبدأت افكه
انت ايه اللي عمل فيك كدا
" حسيت باللي بيحط السلا*ح في ضهري
انا اللي عملت فيه كدا
" لفيت بهدوء عشان اشوف مين.. بس استغربت لاني معرفش مين الشخص دا اساسا.. لفيت وشي ل رامي و قولتله
مين دا يا رامي؟
" رد عليا الشخص اللي ماسك السلا*ح وقال
انا فريد صاحب رامي كنت معاه في الفصل.. بس رامي بقا نسي السندوتشات بتاعته معايا بس انا جيبتها لحد عنده لكن كانت في مشكلة اصله قالي انه مبيعرفش ياكل لوحده وانك لازم تكوني موجودة عشان تتفتح نفسه
= وانت بقا مين
هيهمك في ايه تعرفي انا مين.. المفروض تسألي انا جيبتك هنا ليه
= وجيبتني ليه
عشان واحد صاحبي أنتي ظلمتيه رغم انه معملش معاكي أي حاجة وحشة.. كنتي عايزة تدمريه في نفس الوقت اللي هو كان عايز يخليكي اسعد واحدة في الدنيا
= انت بتتكلم عن مين
" فجأه سمعت صوته من ورايا.. صوت ياسين
انا يا أميرة.. لحقتي تنسي جوزك ولا ايه.. طب حتى لو نستيني ف اكيد مش هتنسي اللي أنتي عملتيه فيا
ياسين انا معملتش حاجة ، انا والله..
= ششششش انا عرفت كل حاجة خلاص مش محتاجة تبرري اي حاجة.. انا عايز اعرف بس انتي ليه وافقتي عليا طالما مش بتحبيني.. كنتي ارفضي عادي او حتى اطلبي الطلاق لكن انتي كنتي عايزة تدمريني وتخليني اخسر كل حاجة ومنها رجولتي طبعا.. السؤال هنا بقا ليه كل دا ، عشان ايه، عشان الفلوس صح
ياسين انا حبيتك والله بس هو اللي ضغط عليا وهددني انه يبعتلك صور ليا
= فعلا سبب قوي جدا يخليكي تعملي كدا بضمير مرتاح ، شكرا يا أميرة.. شكرا على كل اللي أنتي عملتيه وبصراحة أنتي تستاهلي جايزة نهاية الخدمة
" خدت المسد*س من ايد فريد و وجهته ناحيتها وفي خلال ثواني كانت الطل*قة في نص دماغها.. كان لسة رامي هيصرخ لكن الوضع حاليا بقا هادي تماما خصوصا بعد ما ضر*بته طل*قة في قلبه
بعد مرور 3 سنين
الف الف مبروك يا عريس
= الله يبارك فيك يا فريد.. عقبالك
عقبالي ايه لا طبعا.. انا مرتاح كدا
= طب ولو قولتلك ان اللي واقفة هناك دي تبقا صاحبتها وممكن اخليك تكلمها
انا شكلي لقيت الطبطبة يا ياسين ولا ايه
= شكرا يا فريد
شكرا على ايه.. دا انا اللي المفروض اشكرك انك هتخليني اكلم البطل دا
= سيبك من البطل دلوقتي وخليك معايا.. انا بقولك شكرا.. شكرا على كل حاجة عملتها معايا
احنا صحاب يا ياسين.. والصاحب في ضهر صاحبه لاخر العمر
فلاش باك
هنعمل ايه دلوقتي يا ياسين
= متقلقش انا هتصرف.. في ناس دلوقتي جاية تاخدهم و هتدفنهم في اي حتة
باااك
طب بقولك ايه بمناسبة بقا ان النهاردة فرحك.. امسك الحباية دي
= كفاية حبوب بقا.. انا شبعت منها خليني طبيعي احسن
طب والدخلة.. هتعمل ايه في ليلة الدخلة..
" الجواز والاستقرار من الحاجات المهمة جدا في حياتنا ولكن على حسب اختيارنا.. مش شرط اللي باين انه كويس من برا يبقا كويس من جوا.. حاول تاخد وقتك وتتعرف عليه اكتر واكتر وكل واحد فيكو يعرف التاني عشان ميحصلكش زي اللي حصلي واللي حتى مبدأش بعد مدة أو حتى كام يوم.. لا دا بدأ في ليلة الدخلة
