رواية حبي الاول والاخير الفصل الثالث 3
.jpg)
وما ان فتحت باب السياره حتى قام سيف بفك شعرها من الخلف...كده احلى سيبيه كده
- ريم بعصبيه ...ايه الى انت عملته ده يابنى سيبنى فى حالى انت عايز منى ايه ..
غمز ريم لسيف ضاحكا ... هتعرفى بعدين سلام.
وصلت ريم لمنزلها ...ازيك يابابا يا قمر انت ..
ابتسم والد ريم والذى يدعى أحمد...ازيك يا ريم يا حبيبتى حمدالله على سلامتك يا حبيبتى .
- الله يسلمك يا حبيبى ..
- احمد .. يلا ادخلى غيرى هدومك وصلى وتعالى عشان نقعد مع بعض شويه
- حاضر يا حبيبى ثوانى وهجيلك .
بعد وقت ليس بكثير...
- انا جيت اهو يا بابا خير يا حبيبى فى حاجه ..
احمد... بصى يا ريم يا حبيبتى انا عايز اسالك سؤال ؟
ريم...اتفضل يا بابا
احمد... انتى ليه اتغيرتى كده بعد لما والدتك اتوفت ليه مش مهتميه بنفسك وشكلك انتى بنت وليه بتتصرفى بطفوله مع أن شخصيتك عكس كده خالص وليه بتعملى شعرك كده وليه لابسه نضاره كبيره كده وانتى اصلا نظرك مش ضعيف انا عايز اتطمن عليكى قبل ما...
قاطعته ريم...بعد الشر عليك يا بابا وهتسيبنى لمين يعنى يا بابا انا مليش غيرك بعد لما ماما اتوفت حضرتك عايزنى اجاوبك بصراحه صح ؟
احمد...اكيد يا حبيبتى
ريم.. انا بعمل كده عشان انا عايزه شخص يحبنى ويعرف قيمتى مش اديله كل حاجه على الجاهز عايزه شخص يحبنى لاخلاقى وطيبتى وشخصى ك ريم مش لمجرد شكل وبس انا عايزه حد اقدر اتطمن معاه واحس أن فعلا اخترت صح وده مجرد اختبار صغير للشخص ده
احمد... يعنى انتى مرتاحه كده
ريم.. ايوه يا بابا
احمد .. خلاص يا حبيبتى اعملى اللى انتى عايزاه انا واثق فى اختياراتك
ريم مغيره الموضوع ...مش هنتعشى ولا ايه انا هقوم اعمل عشا
احمد بابتسامه ..ماشى يا ريم .
_____________
سيف ...ازيك يا امى عامله ايه
ايمان ( والده سيف ) .. الحمدلله يا حبيبى انا عامل ايه
سيف.. الحمدلله بخير يا حبيبتى .
ايمان.. انا حضرتلك الاكل بتاعك جوه ادخل كل وتعالى
سيف ...ماشى ياست الكل
ترك سيف والدته وذهب إلى غرفته وأخذ يفكر فى تلك الفتاه المجنونه والجميله
سيف محدثا نفسه... ريم دى غريبه اوى تصرفاتها مجنونه وشكلها غريب بس انا متاكد انها جميله اوى من جواها منكرش أن انا اصلا كنت متابعها من زمان فى الجامعه والحمدلله لقيت فرصه انى اكلمها بس معقوله يا سيف يوم ماتعجب بواحده تعجب ب دى ؟
قاطع تفكير سيف أخته حبيبه ....مالك يا سيف بتفكر فى ايه لقيتك اتاخرت مخرجتش قولت اجى اشوفك ...سيف ..سيف
سيف...ها ايوه يا حبيبه كنتى بتقولى ايه
حبيبه...مش بقولك اكيد كنت سرحان فى حاجه مهمه
سيف بضحك ...لا لا مفيش
حبيبه ... عليا انا برضو أنا بئر اسرار سيف أفندى قول قول متتكسفش خير
سيف بضحك ...بصراحه فيه انا عايز اخد رايك فى حاجه ..
حبيبه .. خير يا حبيبى قول
حكى لها سيف عن ريم زميلته فى الجامعه ...بصى انا من ساعه ماشوفتها فى الجامعه وهى لافته انتباهى هى جميله وطيبه ومجنونه فى نفس الوقت حاسس انها بنت مختلفه عن اى بنت شوفتها قبل كده بس خايف اكون اخترت غلط بشكلها الطفولى ده
حبيبه .... طيب انا عايزه اقابلها اتحجج باى حجه انى اشوفها هتعرف ..
سيف ...مش عارف ...أه لقيت فكره ......
الرابع من هنا
