رواية احفاد البارون الفصل الثاني 2 بقلم كاميليا حسن
لفصل الثاني
يوسف بعصبية .. انتي اتجننتي ازااي تهربي
ندي ..كنت عايزني اعمل ايه . افضل لحد ما يجوا في يوم ويقولولي فرحك على ياسين النهارده..ساعتها انت هتبقى مبسوط
مسك ايديها وباسها بحب
يوسف .. لا طبعا انا ما اقدرش اتخيل انك تكوني مع حد غيري
ندى .. يوسف بابا ما بيهددش ومدام قال هتجوز ياسين يبقى هتجوزه.. وانا استحاله اتجوز ياسين .. ده شخص قاسي وما عندوش قلب زيه زي بابا بالظبط
يوسف .. يعني لو مكانش قاسي كنتي هتتجوزيه عادي
ندي بحب .. لا طبعا انا عمري ما حبيت حد غيرك ولا اديت لنفسي فرصة اني اشوف غيرك
يوسف بحب .. وانا بعشقك
ندي ابتسمت ابتسامه ممزوجة بحزن
وبعدين قالتلو .. كان نفسي اهلي يوافقوا علي جوازنا
ساعتها ما كنتش هضطر اهرب منهم علشان اجيلك وابقي معاك
اتنهدت وقالتلو .. انا خايفه اوي يايوسف
يوسف حضن وشها بأديه .. متخفيش ياحبيبتي .
انا معاكي ومش هسيبك لأني مقدرش اعيش من غيرك
ندي .. طيب هنعمل ايه دلوقتي . انا خايفه يوصلولي
يوسف مسك أيدها .. طيب تعالي
ندي .. هنروح فين
يوسف .. احنا لازم نمشي من هنا هما دلوقتي اكيد عرفوا انك سبتي البيت واول مكان هيفكروا فيه اكيد هيجوا هنا
ندي ..طيب انت كده موديني على فين
يوسف .. تعالي بس
.........
صباحا في قصر البارون
(صافي) مامت ندى دخلت الاوضه علشان تصحيها
بصت على السرير باستغراب لما لاقيته مترتب زي ما هو
اتجهت ناحيه الحمام وهي بتقول
_ندى انت جوه ياحبيبتي.. يا ندى
ولكن لا يوجد رد
فتحت باب الحمام ما لقيتهاش موجوده
صافي في نفسها ..هتكون راحت فين على الصبح كده
جت تخرج بس لفت نظرها لما عينها جات على اوضه اللبس وشافت هدومها وهي على الارض متبهدله
اتحركت ناحيه الاوضه بس وقفت بصدمه لما لقت معظم هدومها مش موجوده ودولابها فاضي
صافي خرجت بسرعه من الاوضه
قابلتها سلفتها (شيرين) وهي بتقولها .. في ايه
يا صافي مالك
ردت عليها صافي بقلق وخوف .. ندى مش في اوضتها
شرين بستغراب من خوفها .. طيب تلاقيها خرجت .
انتي مالك قلقانه ليه كده
صافي ..ندى خدت هدومها ومشيت يا شيرين
وكملت بعياط.. بنتي هربت
شرين بصدمة.. اييه انتي بتقولي ايه.. هربت الزاي و ليه
صافي .. اكيد بسبب الولد اللي مراد رفضو ده .. انا كنت شاكة امبارح انها ناوية لحاجة بس متخيلتش انها ممكن تسيب البيت
شيرين.. طيب حاولي تكلميها ياصافي
صافي هزت راسها بعياط .. هروح اجيب تليفوني من الاوضة واكلمها . يارب بس ترد عليا
شرين .. أن شاءالله خير يا حبيبتي متقلقيش
...................
عند ندي ويوسف
بعد ما يوسف خد ندي وراح شقة في محافظة تانية كان وارثها عن والدته ومحدش يعرف عنها حاجة
ندي .. انتا متأكد أن المكان ده امان
يوسف .. متقلقيش محدش يعرف حاجه عن الشقة دي
بس احنا بردو مش لازم نفضل هنا كتير .. احنا لازم نسافر
برا مصر .. بس الاول لازم نتجوز
...................
عند صافي
كانت رايحه جايه في اوضتها وهي بتحاول تكلم ندي
شرين دخلت .. هاا ردت عليكي
صافي بقلق .. تليفونها مقفول ومش عارفه اعمل ايه ولا اتصرف ازاي
شرين .. طيب ما تكلمي مراد
صافي بخوف .. اييه اكلمه اقوله ايه اقوله بنتك سابت البيت دا يقت.لني ويقت.لها
شرين .. ماهو مفيش حل تاني . لازم يعرف عشان يتصرف
صافي مسكت تليفونها بتردد ورنت علي مراد
صافي بصوت باكي .. ايوا يامراد
مراد اتخض لما سمع صوتها كده .. في ايه مال صوتك انتو كويسين
صافي بعياط .. ندي يامراد
وسكتت وهي مش عارفه تقوله ايه
مراد بقلق وخوف .. مالها ماتتكلمي
صافي بتوتر .. س . سابت البيت وخدت هدومها ومشيت
مراد بعصبية .. مشيت فين يعني
صافي .. مش عارفه . مش عارفه
مراد بغضب وعصبية .. مش عارفه الزااااي بنتك راااحت فييين ياهاانهم
صافي بعياط .. مش واقتو يامراد نلاقيها الاول وبعدين اعمل اللي انت عايزه . بس ارجوك رجعلي بنتي
مراد قفل بغضب وكلم رجالته يدوروا عليها
................
فضلوا يدوروا عليها لحد تاني يوم بس ملهاش اي اثر
...................
عند ندي ويوسف
كانو خارجين من عند المأذون بعد ماكتبو كتابهم واتجوزا رسمي
ندي .. انا خايفه اوي يايوسف . اهلي لو وصولي مش هايرحموني
يوسف .. متخفيش ياحبيبتي . احنا خلاص اتجوزنا
ندي بخوف .. اتجوزنا من وراهم
يوسف بهدوء .. مكانش قدامنا حل تاني
.....................
عند مراد كان بيكلم ياسين ابن اخوه في التليفون
مراد .. اتصرف يا ياسين وهاتلي بنت ال**** النهارده
ياسين بهدوء مريب .. متقلقش ياعمي هاترجع وهتبات في البيت النهاردة
ياسين قفل مع عمو وهو بيتوعد لندى
ياسين بشر .. مش هرحمك يا ندى ولو اللي في دماغي طلع صح مو . تك هيبقى على ايدي
ياسين مسك التليفون وكلم حد
بعد شويه ياسين وصلتلو رسالة بالمكان اللي هما فيه
قام خد تليفونه ومفاتيحه ونزل ركب العربيه وطلع على المكان
............
عند ندي ويوسف
كانو في الشقة وفجأة سمعو خبط جامد علي الباب
ندي اول ما سمعت صوت الباب مسكت في يوسف بخوف
ندى بخوف .. يالهوي . يالهوي اكيد عرفوا مكاني
يوسف .. ماتخافيش
وراح يفتح الباب
ندي بغضب .. انت هتعمل ايه . متفتحش اكيد هم.....
وقبل ما تكمل الكلمة كان الباب مكسور وياسين دخل بغضب اعمي
ندى برعب .. ي .يا . ياسين
يتبع...
الثالث من هنا
