رواية خداع وعشق الفصل الثاني 2 بقلم سولييه نصار

رواية خداع وعشق الفصل الثاني 2 بقلم سولييه نصار

فتحت عيني بتعب لقيت نفسي علي سريري وماما جمبي وكان كمان امير والدكتور اياد جارنا ...

بصيت لماما اللي بتعيط وقالت؛

-سمعتك بتزعقي انتي وامير ولما دخلت لقيتك أغمي عليكي وجبنا الدكتور اياد بسرعة اللي طمنا عليكي وقال إن ضغطك وطي شوية ....

دموعي نزلت ومكنتش قادرة اتكلم ..ضغطي عادة بيوطي لما ازعل واتعصب وبعدها بيغمي عليا ...دي مش اول مرة تحصلي ...اخر مرة حصلتلي فيها من سنتين تقريبا لما روحت اشوف بابا ورفض يقابلني

-طيب يا جماعة بما انكم اطمنتوا عليها استأذن أنا بقا

قالها اياد بصوت لطيف وبعدين مشي .....

قربت ماما ومسكت ايدي وقالت:

-قولي يا حبيبتي ايه اللي حصل ؟!اتخا.نقتوا ولا ايه ؟!.

اتوتر أمير وقرب وقال:

-لا يا حماتي احن ...

ولسه هيلمسني صر.خت ؛

-متلمسنيش ...متلمسنيش ابعد عني ...ابعد عني !!!! اطلع من حياتي انا بكر هك ...بكر.هك ...

رجع امير لورا وباين في عيونه الانكـ.سار ...

-نورهان فيه ايه ؟!

قالتها ماما بصدمة فقولت بصوت منها.ر:

-ماما خليه يمشي ...مش عايزة اشوف وشه ...مش عايزه ...وحاجتك.هترجعلك أنا مستحيل اتجوز واحد كد.اب زيك ...اطلع برا ...برا ...

امير اتوتر اكتر لما شاف حالتي وفعلا خرج بسرعة فانها.رت أنا في العياط ...امي قربت مني وقالت:

-فيه ايه يا حبيبتي قوليلي ايه اللي حصل بينكم ...

متكلمتش وفضلت اعيط راحت شدتني وحضنتني واستنتني اخلص وهي بتحاول تهدي فيا ....بعد نص ساعة تقريبا كنت فعلا تعبانة ..خلصت عياط وحسيت أن طاقتي خلصت...ماما قررت انها تسيبني ارتاح وبعدين نتكلم ..سابتني وانا نومت من التعب ....

.......

دخل أمير بيته وهو حاسس ان قلبه بيتعـ.صر من الا.لم....كان عارف ان كدبته هتتكشف ..وكان بيحاول يخلي نفسه يستعد لكده بس رد فعل نورهان بيقول أنه خسـ.رها للابد ...لولا أنه فعلا بيحبها.مكانش كدب عليها ...هو عمل المستحيل عشان يدخلها حياته ...من اول ما شافها في عيادة الأسنان بتاعته وهو اتهو.س بيها ...حبها اووي وكان نفسه يكمل حياته معاها ...خبي عليها حقيقة أنه متجوز ومخلف عشان متهربش منه ....حاول يدخلها حياته بأي شكل ... يحببها فيه ...وبالفعل بدأ يتحجج عشان يكلمها ...قدر يعرف عنوان بيتها واختلق صدف كتير عشان يقابلها ..اهتم بيها لحد ما شاف عيونها بتلمع ليه ووقتها طلبها للجواز ... كان مر.عوب أن حد يعرف بجوازه من لانا بس ربنا سترها ومحدش عرف وهو قرر يخليها تتعلق بيه اكتر وبعدين يقولها الحقيقة عشان متبعدش عنه وتتقبل الواقع ولكن للاسف كل حاجة اتد.مرت لما عرفت بجوازه وهو واثق انها مش هتديله فرصة ...بس هو ميقدرش يعيش من غيرها ...لازم يحاول معاها ...

-انت جيت يا حبيبي

قالتها لانا وهي بتقرب منه ابتسم ليها بحب وقرب وباس رأسها وقال:

-وحشتيني فجيت اقعد معاكي شوية بما أن مراد راح المدرسة ...

-طيب والشغل يا حبيبي ؟!

باسها من خدها وقال:

-انتي اهم من الشغل واهم مني شخصيا وبعدين.شالها فضحكت هي وقالت:

-انت راجل مثالي يا أمير ...أنا بحبك اووي

-وانا بمو.ت فيكي ...

..........

بالليل ..

وشي ماما كان شاحب لما حكيتلها علي اللي اكتشفته فصرخت:

-الحـ.قير الكد.اب....

هزيت راسي وانا ببكي وقولت:

-انا بمو.ت يا ماما بمو.ت ...مش قادرة اصدق أنه قدر يخدعني بالشكل ده وأنه متجوز ومخلف كمان ...

-يا حبيبتي ما أنا قولت نسأل عليه كويس ...

عيطت اكتر وقولت:

-ابوس ايديكي يا ماما متلومنيش ..

ابوس ايديكي أنا فيا اللي مكفيني ...

-طيب اهدي...اهدي يا حبيبتي ...

قالتها ماما وهي بتحضنني وبعدين كملت:

-بكره هجيبه واديله حاجته ونقفل الموضوع مش عايزاكي لا تفكري فيه ولا تتواصلي.معاه تاني ...

مسحت دموعي وهزيت راسي ....كان فيه رغبة جوايا اني اروح لمراته وافضـ.حه بس شيلت الرغبة دي خالص ...ملهاش ذنب تتد.مر حياتها لان جوزها حقـ.ير وهو اكيد ربنا هيكشفه ليها لو استمر في العـ.ك.بتاعه ...

........

تاني يوم ...

جه أمير عشان امي تديله الحاجة بتاعته ..

بص علي الحاجات اللي جابها ليا وقال بحزن وهو بيبصلي:

-علي الاقل اديني فرصة اتكلم يا نوري ..فرصة ابرر..

أنا مقدرش.اعيش من غيرك ...اديني فرصة بس اشرح ...صدقيني فرصة واحدة بس ولو مقدرتش اقنعك.خلاص مش هزعجك.تاني ...

بصتلي ماما وهزت رأسها عشان اديله فرصة ...

-انا هروح اعملكم.حاجة تشربوها ..

قالتها ماما وراحت المطبخ فوقفت أنا ابصله وأنا حاسة بالانكـ.سار والخيا.نة وقولت بصوت مخنوق:

-ايه هتقولي أنها اتجوزتها غصب عنك وانك مبتحبهاش وعايش معاها عشان ابنك ...هو ده اللي هتبرر بيه كد.بك عليا !!!!

هز امير رأسه وقال:

-لا أنا مش هكد.ب عليكي تاني ...أنا هقولك كل الحقيقة ...أنا بحب لانا.....اتجوزتها لاني بحبها ولحد دلوقتي بعشقها ...

رجعت لورا وأنا حاسة كأنه ضر.بني بسكين في قلبي وقولت بصدمة:

-لما.انت بتحب مراتك خطبتني ليه ...قربت مني ليه؟!!

-عشان بحبك انتي كمان يا نوري ...بحبك يا نورهان بجد وبحب لانا ...وعايزكم انتوا الاتنين !

يتبع

الثالث من هنا

تعديل المقال