رواية الحب كدا الفصل الخامس عشر 15 بقلم سلمي ابرهيم
.jpeg)
الحلقه 15
منه..انتي طبعا..متعرفيش اي اللي كان بيني وبين يوسف جوزك..صح
هنا قلبها وجعها وخافت اوي من ردها..لا معرفش.. ويهمني اني اعرف.....
منه..بصي....انا ويوسف بنحب بعض من خمس سنين.....انا اتعرفت عليه في أمريكا...وكنا بنشتغل مع بعض هناك في مستشفي...ويوم ما قالي انو بيحبني كان أجمل يوم في حياتي.....فضلت معاه الخمس سنين دول وعلي امل اني اول ما نرجع...هنتجوز..لكن اللي حصل بقا انتي عارفاه
هنا..طب انتي عاوزه مني اي دلوقتي
منه بدموع..بصي...والله انا مش بكرهك....بس انتي فضلتي معاه كام شهر......حبيتيه فيهم....انا بقا...قعدت معاه خمس سنين....يعني انا مش بحبه....انا بعشقو يا هنا.....والله انا مش بكرهك خالص....انا بس عاوزاه جنبي......وانهارت منه من العياط
هنا طبطبت عليها لانها صعبت عليها..طب اهدي.....انا مش عارفه...انتي عاوزه ايه مني
بصتلها منه ووعيونها فيها دموع..تطلقي منو
الكلمه دي وجعت قلب هنا جدا...وكانت نفسها تقوم ترميها برا البيت.......
كان يوسف قاعد في العيادة وبيخلص حالات كتير...وبعدها اخد وقت استراحة.........
فضل يرن علي منه لكنها مش بترد.....اتصل علي فريد صاحبو......
يوسف..فريد....منه مش بترد ونا لازم اقولها انهارده
فريد..تقولها اي
يوسف..اني مبحبهاش...اني بحب مراتي...وعاوز منه تبعد عني
فريد..يعني عاوز تسيبها
يوسف..بص...اه انا عاوز اسيبها...بس بيني وبين نفسي انا شايف نفسي ندل معاها
فريد اتنهد..مش عارف.....بس انت لازم تصارحها يا يوسف
يوسف..مهي مابتردش...هي مجاتش المستشفى انهارده
فريد..لا مجاتش انهارده..دانا حتي مستغرب
يوسف..طب ماشي...ممكن لما تيجي تبقي تقولها تكلمني ضروري
فريد..حاضر ييوسف..سلام....وقفلو
منه..ها...قولتي اي
هنا..يعني...هو بيحبك......
منه..اه طبعا....بيحبني انا مش انتي
هنا قلبها وجعها اكتر واتكلمت لنفسها......اكيد اه....دا مش عاوز يقرب مني.....دا كلو عشان بيحبها......لي كدا ييوسف كدبت عليا
هنا..طب خلاص.....انا هتصرف.........
منه..هستناه يكلمني ويقولي انكو بتطلقو....
هنا بغيظ وغلل وحزن..ربنا يسهل يا منه
منه..اهو شوفي..رن عليا كام مره...
هنا شافت ودموعها نزلت لوحدها
منه..هقوم امشي انا بقا....سلام.....وسابتها وقامت.......فضلت هنا تعيط اوي ومنهاره من العياط....يعني بيكدب عليا كل دا...طب لي....هو شاف مني حاجه وحشه......يعني ولا بيحبني ولا حاجه.....انا بكرهو بكرهو بجد.......بكرهو......
خرجت منه وراكبه العربيه وردت علي يوسف....
منه..نعم ييوسف
يوسف بحده..انتي مبترديش لي يبت انتي من الصبح
منه..انت لسه فاكر تكلمني.....بقالي اد اي بكلمك ومبتردش
يوسف..منه..احنا لازم نتكلم انهارده......
منه..نتكلم في اي
يوسف..انتي فين
منه بتوتر..انا.....انا في بيتنا
يوسف..اومال اي صوت العربيات دا....
منه..بجيب حاجه من الشارع....هتيجي القاهره
يوسف..اه.....هجيلك انهارده...لازم نتكلم يمنه
منه..حاضر...امتي وفين
يوسف..ع الساعه 7 بالليل كدا ونتقابل عند***
منه..ماشي...هستناك...سلام
يوسف..سلام..........
جات صباح لهنا....
صباح..اذيك يا خالتي حليمه
حليمه..مش وقتو سلامات.....عاوزاكي تعرفيلي اي حصل مع يوسف وهنا
صباح اتنهدت..حاضر...انا طالعالها اهو
حليمه..وكمان...كان في بنت كدا...شكلها من مصر......اتكلمت معاها يجي نص ساعه ومشيت..وهنا لسه نزلتش اعرفيلي بقا مين دي
صباح..هو نا المخبره بتاعتك...دا اي دا
حليمه..معلش يا صباح...بنتعبك معانا
صباح..هيييح....هحاول...سلام.....وطلعت
حليمه..جاتك القرف انتي وهنا....صفيه.......
صفيه..نعم يا ستي
حليمه..روحي كملي الاكل دا...يلا
صفيه..حاضر يستي.
طلعت صباح لهنا اللي كانت منهاره من العياط واتكلمت معاها
هنا..يعني عاوزاني اعمل اي
صباح..يوسف بيحبك انتي والله...متسمعيش كلام البت دي
هنا بعياط..لو بيحبني مكانش كدب عليا
صباح..بصي...مش ديما بنكدب عشان بنكره...يمكن نكون بنكدب عشان منزعلش اللي بنحبو ادامنا
هنا..طب واي تبريره انو مقربش مني امبارح
صباح..هو مش انتي قولتيلي ان في واحد صاحبو اتصل بيه
هنا..مش عارفه ...حاسه ان في حاجه غلط
صباح..يعني انتي قررتي اي
هنا..منه متستاهلش منو كدا.....
صباح بصدمه..يعني اي.......
هنا..............
صباح بصدمه..نعم......انتي بتقولي اي
عدي الوقت وخلص يوسف شغلو وروح البيت
يوسف..هنا فين يا أمي
حليمه..هتكون فين يعني..اهي متلقحه فوق مع زفته الطين صباح
يوسف..امي...انا جاي هلكان ونبي مش ناقص...عن اذنك.....وسابها وطلع
حليمه..هووف بقا....يارب خلصنا بقا
طلع يوسف وخبط عالباب ودخل........
يوسف..سلامو عليكو
هنا وصباح..عليكم السلام
يوسف..هنا..ممكن تحضريلي لبس عشان خارج
هنا..رايح فين
يوسف..القاهره
هنا وصباح بصو لبعض بصدمه........
هنا ودموعها متعلقه في عينيها..لي.....رايح لمين
يوسف..منا قولتلك امبارح..هودي الروشتتات بتاع فريد...وهجيب حاجه كدا وهاجي
هنا بحزن..ماشي....براحتك..بس ياريت متتاخرش عشان عاوزاك
يوسف باستغراب..في حاجه
هنا بصتلو وعيونها معلقه الدموع..اه...حاجه مهمه جدا
يوسف خاف شويه لكن ظهر انو عادي..ماشي..مش هتاخر..ممكن بس يا صباح تباتي معاها انهارده
صباح..عمك مش هيوافق
يوسف..انا هكلمو ملكيش دعوه انتي......
هنا بحزن..انا هقوم احضرلك لبس......واول ما لفت ضهرها دموعها نزلت اوي.........
بعدها بشويه لبس يوسف وخرج...
هنا بعياط..شوفتي يا صباح
صباح..معلش ياحبيبتي...الظاهر انك عندك حق
وصل يوسف بعد ساعات كتير وكانت الساعه بقت 7 واتقابلو
منه..ها.....خير
يوسف..منه....انا بصراحه جايلك ومش عارف اقولك اي
منه..هتقولي اي ييوسف....هتجر"ح فيا تاني النهارده ازاي
يوسف..منه.....انا.....بحب مراتي ومقدرش ابعد عنها
منه بصدمه وحزن..طب ونا ييوسف...وعدك ليا
يوسف..انا اسف بجد...انا عارف اني وعدتك...بس انا
منه..انت واطي وندل
يوسف..اهدي.......متقوليش كلام انتي مش سامعاه
منه..لا...انا سامعه نفسي كويس.....انت عملت فيا كدا لي
يوسف اتنهد..ربنا العالم..صعب عليا ونا بقولك كدا....بس الحب مش بالعافيه
منه..بس انا بحبك اوي ومقدرش ابعد عنك
يوسف..هتنسي.....هتنسي يمنه صدقيني
منه بعياط اكتر..بس انا مش ممكن انساك ييوسف.
يوسف حط ايده علي خدها بحنيه..انا آسف.....بس دا الصح....بصي حواليكي..هتلاقي اللي يحبك فعلا
منه..يعني خلاص كدا..خلصت
يوسف..شكلها كدا.......عن اذنك.......وسابها ومشي وهي عيطت اوي وبعدها بدأت تفكر
عدي الليل كلو وصحيت صباح الصبح بدري......
صباح..همشي بقا
هنا..ماشي
صباح..انتي منمتيش خالص
هنا..لا...لازم اتكلم معاه الاول
صباح..صوت عربيته اهو.....انا همشي بقا...وخليكي هاديه ماشي
هزت راسها هنا بحزن وسابتها ونزلت صباح
حليمه..ها....اي حصل
صباح..بصي...حسين عاوزني ..بليل هجيلك سلام
سابتها لغيظها منغير ما تستني ردها
وصل يوسف وطلع للشقه وفتحها لقا هنا عماله تعيط وقاعده عالكنبه.....قرب عليها يوسف
يوسف بحنيه..مالك يا هنا
هنا..كنت عاوزه اقولك حاجه
يوسف بابتسامه..ونا كمان.....عاوز اصارحك بحاجه
هنا..اي
يوسف..لا..قولي انتي الاول
هنا بصتلو بحزن شديد..انا عاوزه اتطلق يا يوسف
يوسف اتصدم و...........
يتبع...
