رواية وقحة اقتحمت عالمي كامله

رواية وقحة اقتحمت عالمي كامله 

في احد الاحياء السكنيه البسيطه تعيش عائشه مع جدها بعد وفاه والديها في حادث سير منذ 12سنه هي فتاه ذات بشره بيضاء وعيون عسلي وشعر اسود طويل وملامح هادئة عكس طبيعتها في كليه علوم عندها 21سنه

تملمت في فراشها بضيق علي اثر صوت ضجيج عالي قليلا

عائشة بضيق... هي سنه مش معديه انا عارفه طب اعمل مع الراجل دا ايه بس ياربي

تحرك من علي السرير وتوجهت لغرفه جدها

عائشة... يعني ياجدو حبكت الاختراعات الساعه سته الصبح

عبدالله.... ايش فهمك انتي وبعدين دا اختراع هيغير العالم

عائشة بهمس... ملقوش غيرك انت علشان تعمل اختراع يغير العالم

عبدالله... بتقولي حاجه

عائشة.... بقول ايه الاختراع ده يعني

عبدالله بفخر: اله رجوع بالزمن

عائشة... رجوع بالزمن ايه ده انا رايحه الجامعه لحسن لو قعدت دقيقة كمان هتعبط

بعد ساعه كانت لبسه بنطلون جينز واسع وسوشيرت بناتي كيوت ورافعه شعرها كحكه ونزلت الشارع

عائشة... هات كارت بالعشره ياعم محمد بس بسرعه

جه شب ووقف جمبها

محمود... هو القمر بيطلع بالنهار

عائشة... طب ما العفاريت بتطلع بالنهار هي كمان اهيه

محمود.. مقبوله منك ياجميل اصل برضو بكره تميلي وتحني

عائشة وهي ترحل ... ميل اما ياخدك يابعيد اه صحيح ابقي حاسب علي الكارت

محمود... هحاسب علشان انتي دلوقتي في حكم خطبتي

عائشة.... اه فعلا شوف الحب اللي في عيني

مسكت تلفونها واتصلت علي صحبتها مي

عائشة: بت انا جيالك البسي واستنيني

مي: طب مستنياكي

بعد شويه كانت وصلت ودخلت جوا

عائشة... الا قوليلي يانعمه عامله فطار ايه علشان انا علي لحم بطني

نعمه... يابت انا في مقام امك احترميني شويه

عائشة...حاضر من عنيا بس عامله طفح ايه بقا

نعمه... صبرني يارب هقوم اجبلك تفطري انتي والموكسه التانيه

مي.. يوه هو انا اتكلمت ثم وجهت كلامها لعائشه

ايه اللي جابك علي الصبح كده

عائشة... قليله اصل صحيح قولت اجي اقولك صباح الخير بس فعلا خيرا تعمل شرا تلقا

مي... ياااه صدقتك انا كده

عائشة... جدي ياستي

مي....ماله جدك

عائشة... نازل هبد من الصبح بيعمل قال ايه اله رجوع بالزمن

مي بضحك... انتي بتهزري

عائشة.... اه والله والمشكله انه مصدق نفسه

قاتعهم دخول نعمه بالفطار

عائشة... قوليلي بقا طريقه البطاطس اللي كنتي عملاها امبارح علشان اعمل زيها النهارده

نعمه.... من عنيا

وبدأت تمليها الوصفه

انتهى يوم عائشة الدراسي وعادت المنزل بعد ان اشترت طلبات الطبخه

عائشة... دا انا النهارده هبقي الشيف الشربيني

وبعد حوالي ثلاثه ساعات انتهت من اعداد الطعام

عائشة... اروح ادوق جدي علشان لو مات يبقا قداء وقدر انما انا لسه صغيره

توجهت لغرفه جدها ولم تجده

عائشة..... راح فين ده ادوقها لمين دلوقتي

كادت تخرج حتي لمحت اله اعجبها شكلها

عائشة... اما اشوف ايه دي

وقفت امامها واخذت تتفحصها وضغطت احد الازرار بالخطأ ظهر نور بشده فاغمضت عينها على اثره

فتحت عينها من جديد لتجد نفسها علي الرمال في احد الصحاري

عائشة بصدمه...... احيه انا فين

الثاني من هنا

تعديل المقال