رواية امتلكني رغما عني كاملة بقلم فريدة احمد
بارت ١ في القاهره دخلت ندى المستشفى وهي بتعيط فضلت ماشيه لحد ما قابلت صديق باباها ( مراد ) واقف قدام اوضه الكشف ندى بعياط .. بابا ماله يا اونكل ايه اللي حصله مراد بحزن .. ان شاء الله هيبقى كويس يا حبيبتي ندى بعياط .. طب ايه اللي حصله . انا كنت حاسه انه تعبان بس كل ما أسأله يقولي انه كويس مراد طبطب عليها وقالها .. حبيبتي هو ما كانش عايزك تقلقي عليه. في اللحظه دي فريده قلبها وقع. فريده بخضه .. ماله بابا يا اونكل عنده ايه. مراد سكت ومش عارف يقولها ايه ندى بخوف وقلق .. ماله بابا يا عمو رد عليااا اتنهد مراد وقالها وهو واخدها في حضنه .. عنده سرطان في الدم وكمل بسرعه . بس ان شاء الله هيبقى كويس كل حاجه ليها علاج وربنا كبير ندى بانهيار .. يعني بابا هيمو.ت مراد .. حبيبتي ادعيله ان شاء الله هيبقى كويس ندى .. يا رب.. انا عايزه ادخله. ندى دخلت لباباها واترمت في حضنه ابوها ( حسن) طبطب عليها بحنان حسن .. ما تزعليش يا حبيبتي ده قدر ربنا. ندى فضلت في حضن ابوها لدقايق وهي بتعيط وبعدين قامت من حضنه وبصت عليه وهي مش مستوعبه ان خلاص ابوها اللي روحها فيه بيروح منها ندى بعياط .. بابا حاسس بإيه حسن بتعب بس مش عايز يبينه .. انا كويس يا حبيبتي ثم اكمل ندى عايزك تسمعيني كويس في اللي هقوله ندى بعياط .. ايه يا بابا. حسن مسح دموعها .. كفايه عياط يا حبيبتي واسمعيني كويس ندى .. اتفضل يا بابا انا معاك حسن .. عمك محمد وزين ابن عمك هيجوا بكره .. زين هيتجوزك ندى باستغراب .. ليه يا بابا . حضرتك ناسي ان انا مخطوبه انا ومحمد حسن بتعب .. لا مش ناسي بس انتي ومحمد ما تنفعوش لبعض . محمد ده طمعان فيكي. ندى .. بس يا بابا حسن بمقاطعة .. ما فيش بس .اسمعيني يا بنتي انا مش هطمن عليكي غير وانتي مع زين زين هو اللي هيقدر يحميكي انتي لازم تبقي في وسط اهلك انتي واختك عشان كده لازم تتجوزيه ندى بتوتر .. بس يا بابا انا ومحمد مستحيل نسيب بعض مش هينفع علشان وسكتت فاجأه لما استوعبت كانت هتقول ايه حسن بشك .. علشان ايه يا حبيبتي . هو في حاجه حصلت بينك وبينه. ندى بتوتر .. لا لا يا بابا اانا قصدي ي يعني علشان احنا بنحب بعض حسن بغضب بسيط .. قلتك ما بيحبكيش ده طمعان فيكي حسن .. انا من الاول وانا مش موافق عليه بس سيبتك تعملي اللي انتي عايزاه عشان ما كنتش عايز ازعلك بس انا دلوقتي يا حبيبتي مش ضامن عمري انا خلاص بروح ومش هعرف اطمن عليكي غير مع ابن عمك عشان خاطري يا حبيبتي ريحيني وقولي انك موافقه ندى ما كانتش عارفه تقول ايه لابوها تقوله ان هي ومحمد مش مجرد اثنين مخطوبين وان حصل بينهم علاقه وأنها ماينفعش تتجوز غيره ولو اتجوزت غيره هاتت.فضح ندى سكتت وهي مش عارفه تقول ايه او تعمل ايه. فاقت على صوت باباها وهو بيقولها .. قلتي ايه يا ندى ندى بتعب .. اللي تشوفه يا بابا ابوها باسها من راسها وقالها .. انا مش عايز غير مصلحتك يا حبيبتي ندى هزت راسها بهدوء وقالت .. اهم حاجه تقوم بالسلامه يا بابا
بعد شويه ندى خرجت من عند باباها محتارة ومش عارفه تعمل ايه في المصيبه اللي هي فيها دي. ندى فضلت تعيط وهي مش عارفه تعمل ايه او تتصرف ازاي لحد ما تليفونها رن و كان محمد. محمد بضيق .. ايه يا ندى بكلمك من بدري ما بترديش ليه ندى بعياط .. بابا في المستشفى يا محمد وتعبان اوي . ندى .. محمد انا لازم اشوفك دلوقتي عايزك في موضوع مهم محمد .. مستشفى ايه وانا جايلك حالا.
بعد شويه ندي محمد كانوا قاعدين تحت المستشفى في عربيه محمد. محمد بغضب بعد ما ندى قالتله اللي ابوها طلبوا منها .. وانت موافقه على كده. ندى .. انا مش موافقه بس مش هينفع اقول لبابا لأ بابا تعبان..محمد انا مش عارفه اعمل ايه. محمد .. ترفضي طبعا سكت شويه واكمل انت ناسيه حصل بينا ايه ندى .. انا مش هينفع اقول لبابا حاجه ومش هينفع ارفض محمد .. طيب افرض عملتي اللي ابوكي طلبه منك ما فكرتيش بقى ابن عمك لما يعرف اللي حصل بينا هيعمل ايه ندى بعياط .. انا مش عارفه اعمل ايه انا في مصيبه ومش عارفه اتصرف ازاي.
