رواية الحب الأعمي كامله بقلم منه ياسر
عائشه: نوور.....انتى يابت يا اللى اسمك نور...انتى يا زفته
نور: نعم!! يا ماما
عائشه: قومى يا اختى المنبه عمال يرن وانتى مش عايزه تصحى أبداً
نور: هو اللى صوته واطى...!
نور: الا هى الساعه كام يا مامتى...؟!
عائشه: الساعه 8:00 يا روح مامتك
نور: كااام...؟! 8:00 يا سوادك يا قرمط الشغلانه هتروح.....الانترفيو هيضيع
استوووب
- ( نور 23 عاما بنت عاديه جداا مُحجبه متخرجه من اداره اعمال وبتدور على شغل وبالمناسبه عندها انترفيو النهارده )
- ( عائشه 47 عاما والده نور طيبه جداا بس مش بتحب تصرفات نور مش بتشتغل ست بيت او ربه منزل يعنى )
نور لبست اللي جيه ف ايدها بسرعه عشان متأخره واخدت النضاره بتاعتها ولبست حجابها وفتحت الباب ولسه هتنزل قبلت جارتهم اللي ف وشهم واللى اسمها تحيه
تحيه: صباح الفل يا نور
نور: صباحك عسل يا توتو
تحيه: طب بقولك ايه...؟! ايه رأيك ف دكتور احمد جارنا ف الدور الخامس....ولا اقولك باشمهندس رائف اللى ف الدور الثالت.....ولا تحبي يعنى استاذ عزيز جارنا اللي ف الدور 12
نور: محبش اى حاجه....بقولك ايه...فُكك منى....روحى دورى على عريس ل سهام جارتنا ف الدور الرابع ولا زيزى اللى ف الدور السادس ولا شمس جارتنا اللي ف الدور الثامن
تحيه: هاااء قُصره....براحتك....ده انا كنت هوجب معاكى
نور: لا تُشكرى خيرك سابق
ونزلت جرى ركبت اتوبيس شعبي او اتزنقت يعنى وبعد مُده ليست بقليله نزلت ومشيت شويه لحد ما لقيت مبنى ضخم ( شركه Youssef•Group )
نور: هو اي ده...؟!..الظاهر ان الرويات بتبقى جد وبحق وحقيقى....احنا ف حلم ولا ف علم
وحطيت ايدها ف الشنطه عشان تجيب المرايه تتأكد من شكلها ملقتهاش بس لقيت عربيه مركونه ف راحت تبُص على نفسها من خلال ازاز العربيه
نور: تؤ اكيد هيرفدونى بسبب شكلى ده.....فى سكرتيره تبقى مدهوله كده ف نفسها....وايه الارف اللى انا لبساه ده
** فى داخل السياره **
كان يوسف قاعد بيقلب ف فونه بملل وبيبص لقى بنت عماله بتتكلم ومش سمعها وبتعدل هدومها استغرب جداا وبيحسبها شحاته نزل الازاز وبيبص عليها بأستغراب ورفعه حاجب وهي بتبصله بنفس الاستغراب بس عليه شويه توتر كده ميكس فهى ابتسمت وعملته باى بأيديها كده
نور بأبتسامه: هاى
يوسف: انتى مجنونه.....عموماً خدى دي 200 جنيه عشان معييش فكه
نور: نعم يا روح امك
يوسف: ايه البجاحه دى.....انا غلطان انى فكرت اساعد واحده زيك
نور: جرى ايه يا اسطى مالك كده شايفنى شحاته انا محترمه اوى على فكره....وبتكبر علينا ليه ونافش ريشك كده.....عشان البدله الماركه اللي لبسها ولا العربيه بي ام دابليو ولا الساعه.....
يوسف: ايه اسكتى شويه اذاعه واتفتحت....قل اعوذ برب الفلق
نور: ايه يا باشا انت مفكرنى بحسد ده انا عينى مش مدوره حتى بُص
وقعدت تلعب ف عينها وبانت حوله ملبوسه مقلوعه حاجه شبه كده
يوسف بخوف: اعوذ بالله من الشيطان الرجيم انصرفى.... انصرفى
نور: فكرنى شيطان
يوسف: لا لسمح الله عفريت بس
نور: اه اذا كان كده ماشي
يوسف: والله طب بعد اذنك امشي
نور بسخريه: قال يعنى هموت واقف معاك
يوسف: لا حول ولا قوه الا بالله
نور: بقولك ايه الاقيش عندك الينر او بلاشر او حتى تنت
يوسف بأستغراب: ايه الاكلات الغريبه دى...؟! لا معنديش
نور: اكلات ايه يا جاهل...؟! دول اسماء عفاريت
يوسف بخوف: امشي يا بت انتى شكلك هربانه من قبيله جن
نور: لا مش هربانه انا قرينك
يوسف بخوف: نعم!!! ده انا بخاف من للعفريت ياكل رجلى وانا نايم يطلعلى قرين امشي لاصوت والم الناس عليكى....اعوذ بكلمات الله التمات من شر ما خلق ف الارض والسماء
نور بضحكه شر: محدش يقدر يشوفنى ولا يسمعنى غيرك هاهاهاهاهاها
يوسف: يا نيله بختك يا يوسف يا صغير على الهم....
وهو بيكمل وصله الولوله دى نور اتسحبت ومشيت بسرعه وجريت ع الشركه جوه
يوسف: اختفت!! الحمدلله
ونزل يوسف من العربيه وطلع مكتبه وشويه ودخل عليه انس صديق الطفوله
انس: واحشنى يا غالى يا عم عيالى
يوسف: كام مره اقولك يا حمار خبط قبل ما تدخل
انس بسخريه: ليه هتكون بتغير هدومك مثلاً
يوسف: لا يا خفه الا بقولك ما تعمل الانترفيوز انت النهارده
انس: لا انا عملت امبارح انا ورايا مصلحه هقضيها واجي
يوسف: مصلحه ايه...؟!
انس: نوع جديد من الحشيش نزل السوق هروح اشترى.....ومتخفش هظبطك
يوسف: لا حد الله ما بينى وبين الحاجات دي......سعره كام....؟!
انس: متخفش يا جو سعره حلو وانا هدفع من جنيه ل عشره
يوسف: اصيل ياض يا انس
انس: اومال بقولك ايه انا هخلع اما بقه واسيبك
يوسف بتأثر: تمام لا اله الا الله
انس: ياعم هو انا رايح احرر القدس
يوسف: لا ما يمكن البوليس يطب عليك ولا حاجه تاخد اعدام ودي تبقى اخر مره اشوفك
انس: البؤساء
يوسف: يعم المثل بيقول تشائموا بالخير تجدوه
انس: والله!!.....طب يلا مع السلامه
يوسف بغناء: طب يلا مع السلامه وشوفيلك حد غيري عملتى.....
انس بمقاطعه: بتحب تامر حسنى
يوسف: شويه بس الاكتر راغب علامه
انس: انا ماشى
يوسف: بقالك ساعه بتقولى همشي يلا مع السلامه
استوووووب
- ( يوسف 26 سنه انسان فاشل بمعنى الكلمه بس شاطر ف شغله ازاى معرفش وطبعا يبقى ابن صاحب الشركه دي بس والده تعبان وهو اللى ماسكها بداله لفتره معينه )
- ( انس 26 عاما نفس الانسان الفاشل والده متوفى ووالدته متوفيه صاحب يوسف منذ الطفوله )
وخرج انس ويوسف طلب من الموظفه اللى بره تدخل الناس اللى مقدمه على الشُغل لحد ما دخلت نور
يوسف: هو انتى لا والنبى خدي كل حاجه كل حاجه الا جسمى انا بقرأ كتير عن الكلام ده انتى اكيد عايزه تدخلى جوايه عشان تبقى بشريه وهتقوليلى اقوم انتحر دلوقتى بس لأااااااا
نور: ايه الفيلم الهندى ده......يُتبع
الثاني من هنا
