رواية سرق حلمي كاملة بقلم هدير سعيد
حور ناعمه ورقيقه عيون واسعه لونها خمري جميل شعرها ناعم وبني وطويل الحجاب غطي جمالها شويه بس لسه اللي بيشوفها بيتوه في جمالها
مازن حاجه كده طول بعرض شبه حور جدا بس النسخه المذكرة منها
مريم قصيرة وبيضا وعيونها خضرا وبتقلب حسب لون الحجاب هي الدحيحه بتاعتهم واللي بتذاكر وتشرحلهم ياسمين بقي حدث ولا حرج المجنونه بتاعتهم الدلوعه قمحيه عينيها بني شعرها اسود قصير وكيرلي مش محجبه ومش ناويه دلوقتي .
علي اسمر طويل عريض عيونه خضرا
فادي طوله متوسط ابيض شعره اسود ناعم زي الهنود عينه بني
سالم خمري طويل عريض ملامحه حاده لكن جميله وعيونه لون عيون مريم
في اوضة حور المنبه بيرن
حور : يوووه عاوزة انام هو كل يوم مدرسه بقي اوف امتي ادخل الجامعه واروح براحتي
مازن وهو بيخبط : مش يلا بقي هنتأخر
حاضر حاضر هو انت بتصحي امتي
بيفتح الباب ويدخل هو انتي فكراني كسول زيك يلا اصحي بقي عشان يدوب تصلي ونمشي
انت صليت من غيري ياندل
معلش بقي اصلي صليت الفجر حاضر مش نايم لحد الشروق زيك قومي يلا
قومت اهو اتفضل عشان البس وقبل ما ماما تصحي وتشوفك
مازن خرج وهو بيقول الحمد لله انها نايمه
حور بتلبس وهي بتفتكر اللي مامتها عملته بليل وبتعيط
فلاش باك
الام بتدخل من باب الشقه بدون صوت دخلت ملاقتش حور في اوضتها دخلت فجاءة اوضه مازن وبتصوت انتو ايه اللي مقعدكم في اوضه واحده انتو الاتنين يالهوي هتضيعي نفسك
حور ومازن مصدومين ومش فاهمين في ايه يا ماما قعدين بنتكلم
الام بتتكلمو اه ياخوفي منكم مابقاش في امان فالدنيا اياك اشوف واحد منكم في اوضه التاني بعد كده مش ناقصه بلاوي
الاتنين بيبصو لبعض ومصدومين ازاي امهم بتفكر فيهم كده ده الكل بيحلف بادابهم ومابيفوتوش فرض وعارفين ربنا كويس
حور بتجري تعيط في اوضتها وبتروح فالنوم من كتر العيط
باك
حور خلصت لبس وخرجت تعمل فطار سريع ليها هي ومازن عشان تلحق تنزل قبل ما مامتها تصحي
وهما ع الفطار سمعو صوت مامتهم بتقول صباح الخير
بيردو عليها بصوت مخنوق ومكتوم لسه متأثرين بكلامها امبارح
وصلو مدرستهم وكل واحد في فصله
حور ساكته ومسهمه
مريم وياسمين بيبصولها ومستغربين ومستنين البريك عشان يفهمو
فالبريك
ياسمين : يارورو مالك يابطه مش مظبوطه من الصبح خالص
حور : مفيش حاجه مخنوقه شويه
مريم : مخنوقه واحنا موجودين مالك
ياسمين : متقوليش علي خطب
حور : بعد الشر حرام عليكي مش كفايه مش حاسس بيا
مريم : الله طب اومال ايه اللي مزعلك ما طول عمره مش حاسس بيكي ايه الجديد انا اصلا معرفش ايه اللي عجبك فالمغرور ده
حور : هو مش مغرور وبعدين حنين اوي وبيهتم بيا وعارف انا بحب ايه وبكره ايه يمكن احن عليا من بابا وماما
ياسمين : مامتك من يوم يومها صعبه الصراحه
حور عينها بتدمع انا بدات احس انها مش امي والله
مريم : علي فكرة طنط وعمو بيحبوكي جدا وبيخافو عليكي جدا وعمرهم ما حرموكي من حاجه هما ممكن اسلوبهم صعب شويه بس بيحبوكي اوي والله
حور : اوي هتقوليلي
ياسمين : امك عملت ايه قولي قولي
حور مش حابه تحكي الموضوع ده فبتوه وتقول زي كل يوم نفسي احس انها بتحبنا وتهتم بينا زي الامهات دي عمرها ماصحتني اروح مدرسه ولا حتي ذكرتلي ولا فكرتني بمعاد درس ولو غلط تفضل تذلني يا اعمل كذا ياتقول لبابا وع طول تقومه عليا
ياسمين ومريم : معلش مش عارفين نقولك ايه
ياسمين صح نسيت احكيلكم مش انا شوفت فادي امبارح و قالي كلام حلو اوي ووصلني لحد البيت
مريم : يابنتي انتي ازاي تخرجي مع واحد غريب وبعدين انتي نسيتي انه ده حرام
حور : هو الحب حرام يا مريم حتي الحاجه الوحيده الحلوة في حياتنا هتحرميها
مريم : انا مقولتش الحب انا قولت انك تعملي ريلاشن مع حد هو اللي حرام
حور : عقديهالنا انتي انا نفسي علي يحس بيا ويعوضني البؤس اللي انا عيشاه في بيتنا
ياسمين : بؤس واخوكي مازن ده انا نفسي اخويا يبقي صحبي زيك انتي ومازن كده
حور : حتي دي ماما مستكتراها عليا وعماله تبعدنا عن بعض اه لو اتجوز واخلص من بيتهم ده
مريم : اه اتجوزي في ثانوي وشيلي الهم بدري بدري ياهبله يلا منك ليها البريك خلص وما اكلناش الله ينتقم منكم
بليل عند ياسمين فالبيت عماله ترقص وتتنطط وعامله هيصه
الام : ارحمينا قالبه البيت فرح
ياسمين : مالك ياسمسم بس زعلانه من ايه من يقدر يزعلك
سميرة: انتي ياختي بدل ما تقومي تساعديني عماله تتنططي زي القرد قومي اغسليلك طبق ولا اعمليلي كوبايه شايه ريحيني شويه ضهري اتقطم
ياسمين : بس كده ياسمسم يا عسل عنيا ليكي حتي نشرب الشاي سوا ونقعد ننملنا نميتين
حور بقي قاعده في اوضتها وكل شويه تبص من الشباك مستنيه علي يرجع وكل شوية تبص فالساعه وحساه اتاخر مابتعرفش تنام الا لما تشوفه كل يوم
وبتفتكر يوم ما رجع مع مامته يعيشو في الشقه اللي قصدهم بعد ما خلص ثانوي في دبي و رجع مصر عشان يدخل الجامعه واول مرة شافته وفاقت علي صوته شافته واستخبت ورا الستاره عشان مايلمحهاش وفضلت تتخيل انه حس بيها وارتبطو خلاص ابتسمت ورحت ع سريرها اخدت مخدتها في حضنها ونامت
مريم كانت بتذاكر فجاءة النور اطفي في ايه طفيتي النور ليه يابومه
ملك : انا بومه يا غوريلا انتي عاوزة انام شوفي حتي تانيه ودحي فيها قال عاوزة تطلع دكتوره قال يلا من هنا
مريم : واللي هينام بياخد الموبيل في حضنه ويشيت ولا هي غتاته عشان بس تطفي النور
ملك : اه غتاته ويلا من هنا
مريم بتخرج مضطرة وهي متغاظه بس مش عاوزة تتخانق دلوقتي
بتتخبط في اخوها اللي بيبصلها بنظره وحشه جدا بس هي ما بتنتبهش ليها
مريم : ما تاخد بالك ياهيثم في ايه
هيثم : في ايه انتي اللي ماشيه مش مركزة وبعدين غوري اعمليلي حاجه اطفحها
مريم : حاضر اوامر تانيه
هيثم : اه ياريت تعمليلي نسكافيه كمان
بتمشي ناحيه المطبخ وهي بتقول لو مكنش ماما وبابا سافرو البلد دلوقتي مكنتش انت واختك السخيفه رخمتو عليا كده
#سرق_حلمي
بقلم هدير سعيد
الثاني من هنا
