رواية جويرية في قلب رعد كامله

رواية جويرية في قلب رعد كامله 

في منطقة شعبيه عندما تراها تدرك ان اهاليها اناس فقراء ولكن هذا لا يمنع ان لديهم قلب من ذهب لا يكرهون احد فالانسان يقاس بمدي حبه للناس وليس بماله كانت في احد البيوت الموجودة هنا تعيش بطلتنا تسكن مع عائلتها فهي من عائلة متوسطة الحال ولكن هذا لا يمنع انهم يحبون بعضهم كثيرا ويخافون علي بعضهم من اي شيئ

يلا يا جوري عشان تفطري

جويرية : حاضر يا مرمر هلبس وهاجي

اميرة (والدة جويرية) : مصطفي واد يا مصطفي يلا الفطار جهز وانت يا ابو مصطفي يلا انت كمان

وبعد مدة قصيرة اجتمعت العائلة علي المائدة صحيح هي ليست بها جميع الاكلات ولكن اهم شيئ هو الحمد فالحمد لله علي كل شيئ هو اهم فالرزق بيد الله وحده لا غير

مصطفي : كلي علي مهلك يا جويرية عشان كدة هتنفجري

جويرية : وانت مالك يا بارد آكل زي ما انا عاوزة حد شريكي

مصطفي بغيظ : خلاص يكشي تفطسي انا مالي

اميرة : بطلوا خناق بقي انتوا علي طول كدة ناقر ونقير متتكلم يا علي قول حاجة

علي (والد جويرية) : سيبيهم براحتهم يا اميرة ربنا ما يحرمنا منهم ابدا متعرفيش ممكن يحصل ايه بعد كدة

قلقت اميرة من كلام زوجها ولكنها فضلت السكوت حتي لا يقلق ابنائها علي ذلك

اميرة : يلا يا جويرية عشان متتاخريش علي الجامعة

جويرية : خلاص يا ماما انا خلصت وماشية اهو تلاقي البنات مستنيني

مصطفي : وانا كمان رايح الشغل مع السلامة

خرج مصطفي هو وجويرية وتركوا اميرة وعلي بمفردهم

اميرة : في ايه يا علي في حاجة حصلت لو في حاجة قولي متخبيش عليا

علي : لا ابدا مفيش حاجة خالص

اميرة : اومال قلت الكلام داه ليه

علي : عادي بس انا مش متطمن عليهم وخصوصا جويرية حاسس ان في حاجة هتحصل

اميرة : ربنا يحفظهم لينا

علي : ياارب ياارب يا اميرة

******************

عند جويرية كانت تجلس في الجامعة مع صديقاتها حتي اتاها شاب واراد التحدث معها

جويرية : في حاجة يا استاذ محمد

محمد : انا عاوز اقولك حاجة يا آنسة جويرية

جويرية : اتفضل قول

محمد : ممكن آجي اقابل والد حضرتك عشان

جويرية بمقاطعة : انا آسفة يا استاذ محمد مش ممكن

محمد : بس

جويرية : مبسش يا استاذ محمد قولتلك مش ممكن

تركها محمد وذهب وهو حزين من رفضها له فهو اراد ان يتقدم لها ولكن هي حتي لا تريد محادثته

ليال : ليه كدة يا جوري كدة تكسري قلبه

جويرية : انا مبفكرش في الكلام داه دلوقتي محبتش اعلقه بيا اكتر وفي الآخر ينجرح من الاحسن اني اقولها دلوقتي

ليال : متقولي حاجة يا ليليان عجبك كدة

ليليان : هي حرة يا ليال كل واحد حر في حياته ملناش دخل

جويرية : يا بنات انتوا عارفين اللي انا عاوزة اعمله صح

ليال : صح خلاص يا جوري براحتك

ليليان : يلا يا بنات لاننا هنتاخر علي المحاضرة والاستاذ بتاعها رخم اساسا

*******************

في مستشفى كبيرة جدا ومشهورة كان يخرج من غرفة العمليات بعد ان انتهي من عملية ظلت لساعات وعندما راوه اهل المريض اتجهوا له بسرعة

والدة المريض : حصل ايه يا دكتور رعد ابني كويس

رعد : ايوة حضرتك العملية نجحت وهي دلوقتي كويس بس هيفضل النهاردة في العناية المركزة

والد المريض بشكر : شكرا ليك يا دكتور من غيرك مكنتش عارف اعمل ايه ابني كان بيموت

رعد : دا واجبي يا فندم

وذهب رعد وتركهم وهم يشكرونه ويدعون له بالخير دخل رعد لمكتبه صحيح هو صاحب هذه المستشفى وايضا يدرس الطب في جامعة حكومية فهو يريد من الجميع ان يستفيد من خبرته ولهذا فهو يعمل دكتور جامعة ولكنه ترك الجامعة التي كان يدرس بها وسيدرس في جامعة اخري جديدة

دخل فجأة دكتور عليه ولم يستأذن ولهذا اغتاظ بشدة من فعلته

رعد : انت يا حيوان ياللي اسمك زين احنا في مستشفى مش في البيت عندنا عشان تدخل كدة

زين : اهدي بس كنت جاي اسالك هتخرج معانا النهاردة واللا لا كالعادة

رعد باستفزاز : ما انت عارف الاجابة اهو جاي تقرفني ليه

زين بغيظ : خلاص انا غلطان هو انت لابس ورايح فين

رعد : رايح الجامعة وابعد لاني اتاخرت

وذهب وترك زين وهو يكاد يموت من الغيظ من كلامه

زين : واحد مستفز هو اخويا صحيح بس انا نفسي اموته واحد بارد قوي ايه داه وبعدها خرج من المكتب

*******************

في الجامعة كانت الفتيات تجلسن في الكافتيريا

ليال : بقولك ايه يا ليلي كنت عاوزة حاجة صغيرة اوي

ليليان : اكيد في مصيبة بدال قولتي ليلي

ليال : لا ابدا بس يعني ممكن نزوغ النهاردة من باقي المحاضرات

ليليان : اسالي جويرية

جويرية : لو انتي حابة تعملي الهبل داه مع نفسك انا هكمل

ليليان : يا تري اخدتي الجواب

ليال : عيال نكدية

جويرية : سمعيني بتقولي ايه وبطلي برطمة

ليال : لا ابدا بقول يلا اتاخرنا علي المحاضرة

ذهبت الفتيات للمدرج قبل دخول الدكتور وبعد كدة بسيطة دخل هو للمدرج ما ان دخل حتي عمت الفوضي المكان فكانت الفتيات مذهولون من جماله ويتحدثون عنه

التفتت جويرية لتري ما ينظر اليه الجميع ووقعت عينيها عليه شعرت بشيء يجذبها لتطيل النظر به اما هو فلم يعر لهم اي انتباه وظلت انظاره عليهم حتي رآها تاه في عينيها الخضراء الواسعة واحس انه في حديقة مليئة بالزهور هو وهي فقط ظل ينظر اليها وهو متوتر من هذه المشاعر التي تدفقت فجأة في جسده ظلوا ينظرون لبعض حتي اتاهم صوت افاقهم من شرودهم كان صوت المدير وهو يقول

المدير : اتعرفت عليهم يا دكتور رعد

رعد : لا لسه يا فندم

المدير : تمام انا هعرفهم عليك وبعدين تتعرف عليهم براحتك

واكمل : داه يبقي الدكتور رعد السيوفي طبعا كلكم تعرفوه هو اللي هيدرس لكم من النهاردة

ووجه نظره لرعد واستاذنه بالخروج حتي يبدا شرح لهم وبالفعل ما ان خرج حتي بدا الشرح ولكن عقله كان مشوش بعد فترة انتهت المحاضرة وخرج الجميع ما عدا هي وصديقاتها

ليال : جوري جويرية انتي يا بت سرحانة في ايه

جويرية : لا ابدا مفيش يلا وخرج

اخذت اشيائها وخرجت من المكان بسرعة وكانها تهرب من شيئ يلاحقها وبعد مدة كانت تقف مع ليان وليليان بعد انتهاء المحاضرات التي عليها

جويرية : انا همشي بقي يا بنات لاني اتاخرت مع السلامة

ليليان : استني انا جاية معاكي احنا من طريق واحد

ليال : يا سلام وامشي انا لوحدي لا انتوا تيجوا توصلوني وبعدين مع نفسكم تروحوا متروحوش انتوا حرين

ليليان : طول عمرك واطية يلا ياختي عشان منتاخرش

ذهبت الفتيات كل واحدة لمنزلها ولكن جويرية كانت تامر في صاحب عيون الصقر لانه عندما نظر لها احست برهبة شديدة منه حتي ان لم يتحدثوا ولكنها شعرت بقليل من الخوف لم تهتم لهذا الشعور او بالصح ارادت ان تلهي نفسها عن هذا الشعور ولهذا حبست نفسها في غرفتها حتي اتاها صوت والدتها الحنون

اميرة : جوري يا جوري يلا يا حبيبتي عشان تتغدي

فتحت الباب وحضنت والدتها احسن اميرة بحزن جويرية

اميرة : في حاجة يا حبيبتي قوليلي انا امك

جويرية : لا ابدا يا ماما مفيش حاجة

لم ترد ان تضغط عليها فقالت : طب يلا لان الاكل هيبرد

اجتمع الجميع علي المائدة التي لا تخلوا من المناوشات

جويرية : بقولك يا صاصا هو انت مش ناوي تتجوز وللا ايه

مصطفى : خليكي في حالك يا بت وبعدين ايه صاصا دي اسمي مصطفى وعشان خاطرك مش متجوز

جويرية : دا انت خللت البت جنبك دا انت بقالك ٤ سنين خاطبها لسه هتستني

اميرة : سيبي اخوكي في حاله يا بت

جويرية بدراما : يعني انا غلطانة انا خايفة عليه ينفع يا بابا اللي بيقولوه داه

علي بتصفيق : الله عليكي يا بنتي والله لولا انك في كلية طب كان زمانك دخلتي فرقة تمثيل كنتي هتنجحي

صح م الجميع علي كلام علي ( نسيبهم بقي مع بعض وتروح نشوف بطلنا )

*******************

عند بطلنا رجع للمنزل وجلس في غرفته وهو مش اول الباب بها فهي جعلته اسير لعينيها الخضراء التي تلمع حتي دخل عليه فجأة اخاه بدون استأذان كالعادة اغتاظ رعد كثيرا منه

رعد : تصدق انا لو بايدي اموتك مش هتردد لحظة وحدة

زين : اهدي يا حبيبي انا جيت اقولك يلا عشان تتغدي يعني انا غلطان انا جيت اقولك

رعد : اطلع برة يا حيوان احسن لك انا خذرتك انت عارف م مكان اعمل فيك ايه صح

زين بخوف : اكيد عارف انا اساسا مبحبش الاوضة دي تحسها كتمة مدة

خرج زين من الغرفة بسرعة وقام رعد بتبديل ملابسه وبعدها نزل ليتغدي معهم جلس رعد معهم علي المائدة ولكنه كان يفكر في جويرية فلم يسمع نداء والده له

رعد يا رعد انت يا ابني سرحان في ايه

انتبه رعد اخيرا لوالده ولكنه بجد الجميع ينظرون له بنظرة شك فقال : نعم يا بابا في حاجة معلش كنت بفكر في حاجة مهمة اووي

حسن (والد رعد) : بقولك الاكل هيبرد يلا كل

تدخل زين قائلا : مين دي اللي بتفكر فيها اكيد واحدة عزيزة عليك

رعد بغيظ : وانت مالك انت يا رزل

زين : لا ابدا يعني انت بتحب وانا والبائس اللي جنبي مش لاقيين حد يعبرنا

اتاه الرد : تصدق وتؤمن بالله انا لو قمت هكسرك انت مالك انت بي

زين : عادي يا فهد وبعدين مش انت اخونا بردوا

فهد : يعني عشان اخوكم اتهزأ

قاطعهم دخول شخص ما ..........

الثاني من هنا

تعديل المقال