رواية اجبرتني قسوة الحياة الفصل السابع 7
"طيب يا باشا نستناهم قدام الشقه ونضربه"
قالها رجل يتضح من صوته أنه سينفذ جريمة
كمال : لأ... بلاش كدا... أنا هقولك خطه تانيه...............................
______________________
في بيت كمال جلست إسراء بجانب والدتها مبتسمه تراقب نظراتها لتعرف هل هذا وقت مناسب لطلبها أم لا
إسراء: عامله إيه يا ماما يا حبيبتي؟
فهمت هاله أن ابنتها حتمًا تريد شيء
هاله: عايزه إيه يا اسراء؟
إسراء : لو سمحتي يا ماما عايزه أروح خطوبة أمل
هاله : أمل مين؟
إسراء : أمل صاحبة أميره
هاله : طيب هيا صاحبة أميره إنتِ مالك ؟
إسراء : بالله عليكِ يا ماما.... أميره هتكون هناك كمان
هاله بعصبيه : روووحي ...روحي إسراء ومتغيبيش
قبلتها إسراء من خدها وقالت
إسراء بفرحه : ماشي والله مش هتأخر
______________________
وفي بيت أمل تم عقد قران أمل وفارس
أميره: وكتبوا كتابك يا نقاوة عيني مبروك يا عروسه
أمل بإبتسامه : الله يبارك فيكي يا ميرو... علفكره خالد بيدور عليكي بره
أميره : طيب هروح أشوفه وأجي
خرجت أميره لرؤية خالد
خالد بإبتسامه: ايه فينك.. قد إفتقدتكِ كثيرا يا فتاتي
أميره ضاحكه: فتاتك! لا والله! إنت أخدت عليا أوي!
إسراء : وأنا كمان إفتقدتكِ كتيرًا يا مرمر
خالد بضحكه: أهلا إزيك يا إسراء ...مش تكحي ولا حاجه ...رمايه ودانك معانا
إسراء ضاحكه: ماشي يا جوز أختي المره الجايه هكح
سلمتا اميره وإسراء على بعضهما
اميره : جايه لوحدك؟
إسراء : أيوه جايه لوحدي... عايزاكي تروحي لماما بقا... تعالي نروح بسرعه ونيجي تاني
أميره : يلا بينا ....
خالد: كيس جوافه أنا واقف ولا ايه يعني !
أميره: جرا إيه يا دكتور بص تعالى معانا وأهو مواصله ببلاش برده
همست إسراء بجانب أذن أميرة: يعجبني فيكِ شخصيتك القويه
خالد : طيب مفيش مرواح
إسراء بترجي: لا أرجوك يا دكتور... ممكن نروح إحنا أو تيجي معانا بعد إذنك
خالد: ممكن يلا اتفضلوا
نظر لأميره قائلًا: عشان خاطر إسراء بسسسسس
____________________
كان كُلًا من نورهان ورنا في المطبخ في بيت امل
رنا : العروسه للعريس والجري للمتاعيس ...اشتغلي يا متعوسه
نورهان بجديه :رنا .... بقولك ايه
رنا : قولي
نورهان : أنا قلقانه
رنا : وايه الجديد يعني ...ما انتي كدا علطول قلقانه... يا بت تفائلي بالخير تلاقيه متبقيش بومه كدا
نورهان: دمك سم
رنا : طيب بقولك ايه بقا
نورهان : ايه قلقانه انتِ كمان!
هتفت رنا برقه
رنا : لا أنا عايزه ارتبط
نورهان :وأنا كمان.. امته يجي الفارس الي لابس أبيض في أبيض وياخدني على حصانه الأبيض ويشتريلي أيس كريم
رنا : أبيض! وتروحوا بالحصان الأبيض تشتروا أيس كريم!
ضحكت رنا قائله: هيبقا شكلكم فظيع
نورهان بعشق: وبيتزا وشبسي ولبان وشكولاته
رنا : هههههه....هو دا كل همك... مبتفكريش غير في كرشك... مفيش أحاسيس ولا مشاعر خالص
نورهان: اكيد فيه بس بعدين ... خلينا في المهم الأول تفتكري هيجي امته... يا ترى هو بيعمل إيه دلوقتي!
رنا ضاحكة: يا حببتي هيجي متقلقيش اصبري بس... هو تلاقيه بيجهز فلوس الحصان الأبيض الي هيجيلك بيه
لكزتها نورهان في كتفها وأكملتا ما بيدهما من غسيل الأطباق
__________________
وفي بيت كمال، صفع الباب خلفه بعد أن دلف للبيت
هاله : حمد الله على السلامه يا كمال
كمال: الله يسلمك... أومال فين إسراء وأحمد؟
هاله : أحمد في أوضته واسراء في خطوبة صاحبتها... أجهزلك الغدا ؟
كمال : لا أنا هنام شويه
وبمجرد أن أنهى كمال كلمته دق جرس الباب
ففتح كمال وتفاجأ بخالد أمامه
خالد بإستهزاء: ازيك يا عمي... واحشني
وقف كمال لوهله ينظر لهم بتجهم
أميره : وحشتني أوي يا بابا.... مش هتدخلنا ولا ايه؟
كمال: اتفضلو طبعا ازيك يا أميرة
عبس وجه أميره وقالت
أميره: الحمد لله
اكفهر وجهها حتى والدها يستقبلها ببرود لا تعلم لم تلك المعاملة القاسية؟ ولولا بر الوالدين لما ودتهم ولإبتعدت عنهم طوال حياتها! تركهم كمال ودخل غرفته ودلف خالد لغرفة أحمد ليلعب معه دور بلاستيشن، جلست أميره مع والدتها وصالحتها او زعمت أنها قد تراضت وسرعان ما غادرت فمنذ مجيئها وهي تشعر بحزن يحرق نياط قلبها، تحاول رسم دور المرح والإبتسامه لكنها تحترق من الداخل!
وبعد رحيلهم بفتره خرج كمال من غرفته
كمال : هما مشوا !
هاله : أيوه راحو الخطوبه ومعاهم إسراء وأحمد
كمال بصدمه : اييييه... انت ازاي تعملي كدا ...ايه الي ودى اسراء وأحمد معاهم ليه مستأذنتنيش! منك لله
هاله : هو فيه ايه أنا مش فاهمه حاجه ؟
كمال: مش وقته
ثم مسك هاتفه مسرعا وأخذ يطلب شخص ما ولكن لم يجيب على الهاتف وبعد فتره رن هاتف كمال
_: أيوه يا باشا كل حاجه اتنفذت زي ما حضرتك طلبت
كمال : الله يخربيتك... الله يخربيتك... أنا عيالي في العربيه
الشخص : احنا نفذنا الخطه الي انت طلبتها.... ملناش دعوه بقا مين في العربيه!
كمال : انت عملت ايه ؟
الشخص : بوظت فرامل العربيه... يعني كدا هتبقا حادثه وعمر محد هيشك فيك!
كمال : جيب العواقب سليمه ياااارب
___________________
على جانب أخر في سيارة خالد
يحاول أن يسيطر على السياره ولكن لا يستطيع
أحمد : هو فيه ايه يا دكتور
خالد بتوتر : الفرامل بايظه ....مش عارف أوقف العربيه
وظلت أميره وإسراء يصرخون والجميع متوتر ثم ظهرت أمامهم سياره فجأه
الجميع : ااااااااااه
________________
يطلب كمال إسراء على الهاتف فلا تجيب وظل يحاول ويحاول ولا رد لذالك إرتدى ملابسه مسرعًا وذهب للبحث عنهم
هاله: انا مش فاهمه فيه ايه؟ فهمني ؟
فتركها كمال ولم يجب وذهب مسرعًا إلى الخارج
هاله : يااااارب استر ياااااارب ...أنا قلبي مش مطمن من فتره
_________________
ترتدي أمل فستان جميل رقيق وتضع بعض المكياج الهادئ وترتدي خمار يغطي الجزء الأعلى من جسدها وتجلس مع فارس في الغرفه
أمل : مش عارفه أميره وخالد راحوا فين كانو هنا وفجأه اختفوا.. المفروض إن الحفله هتبتدي كمان نص ساعه المفروض يكونو هنا
فارس : المشكله كمان إني برن على خالد مش بيرد ..
أمل : وأنا رنيت على أميره مردتش
فارس : زمانهم جاين... المهم بقا قوليلي حاجه حلوه بقا
أمل بإبتسامه : بسبوسه
فارس : لا والله
أمل : عايز حاجه تانيه ولا ايه
فارس : اه عايز كنافه... معندكيش!
____________________
اصطدمت سيارة خالد بشجره على الطريق
لتتفادي السياره التي ظهرت أمامهم
أميره : خالد ... رد عليا ...
تحسس خالد رأسه بألم : اااااااه....ااااه ...انتو كويسين
إسراء : الحمد لله ....انت بتنزف لازم نروح المستشفى
أميره : ايوه بس انزلو من العربيه الأول
أحمد : قومو بسرعه العربيه بتتحرق....هتنفجر ...قووومووووو
وما هي الا لحظات وانفجرت السياره.........
