رواية لقاء الأحبة الفصل السادس 6 بقلم آيات عاطف

رواية لقاء الأحبة الفصل السادس 6 بقلم آيات عاطف

_يا نهار اسود دي ماماا..

-طب اهدي وردي عليها..!

رديت عليها وانا خايفه لتكون عرفت اني ما روحتش الدرس..

_ألوو ايوه يا ماما..

-ايوه يا آيات انتي فين روحتي ولا لسه..

_انا تحت البيت اهو انتي فوق..

-لا انا مش فوق بصي احنا اضطرينا نسافر انا وابوكي واخوكي الصعيد عشان جدك تعبان و هنقعد كام يوم و نيجي..

_طب ما اسنتونيش لبه آجي معاكوا..

-لا مش مهم خليكي انتي هنا و ذاكري فاهمه..

_خلاص يا ماما ابقي سلميلي علي جدو اما توصلوا..

-ايه يبنتي حصل حاجه..

_لا ما حصلش حاجه هما طلع ان هما سافروا الصعيد اصلا عشان جدو تعبان وهيقعدوا كام يوم..

-يعني انتي هتباتي في البيت لوحدك..

_اه عادي انا متعوده علي كده ما تشغلش بالك..

_طب انا هطلع بقاا..

-استني..

_نعم..

-طب ما تيجي نبقا نطلع نقعد ع السطح و نتكلم شويه واهو نتعرف ع بعض اكتر..

انا بابتسامه_تمام مفيش مشاكل هطلع اذاكر شويه بعد كده نطلع ع السطح نتكلم.،اشطاا

ابتسم-اشطاا اوي..

سبته و طلعت و دخلت البيت وانا مبسوطه اوي اني هقعد واتكلم معاه تاني..

غيرت هدومي و قعدت اذاكر شويه لحد لما لقيت الساعه جت ١٢ و قومت عملت لياا الآيس كوفي بتاعي و طلعت ع السطح..

______

طلعت ع السطح لقيته قاعد و ساند ايده علي السور و بيبص للقمر وهو سرحان و غصب عني سرحت انا كمان فيه فضلت بصاله مش عارفه قد ايه لحد ما فوقت علي صوته..

-ممكن تيجي تقعدي تبصيلي عن قرب انا مش همانع علي فكره..

ابتسمت بكسوف_انا ما كنتش ببص عليك علي فكره انا كنت ببص للقمر..

-يا شيخه..

ضحكت ع رد فعله..

_يلا عرفني عن نفسك بقاا..

-احممم انا يستي ونس محمد عندي ٢٥ سنه ابويا وامي اتوفو من خمس سنين وانا وحيد معنديش اخوات اه وانا ظابط و معايا مسدس حقيقي مش لعبه زي ما قولتلك واود جنتل و قموور و حليوه و جنتل مان و...

_خلاص كفايه شكر في نفسك بقاا..

_انا يا سيدي اسمي آياات عندي ١٧ سنه في تالته ثانوي السنادي وانا بنت وحيده و عندي اخ في سنه تالته طب و بس وحياتي فارغه بصراحه مفيهاش اي أكشن..

-بصراحه انا كمان حياتي كانت فارغه لحد ما شوفتها..

_شوفت مين..

-الي خطفتني و دوبتني في عيونها الي مش قادر انساها لحد الآن..

ابتسمت بوجع_هو انت بتحب..

-اه بحب بس بحب واحده انا مش عارف هي بتحبني ولا لا غير أن فرق السن بينا ٧ سنين ف مش عارف اذا كانت هترضي بياا ولا لا..

-عارفه انا بقيت براقب كل تحركاتها و عارف هي بتحب ايه و بتكره ايه بقيت عارف عنها كل حاجه بجد نفسي تحس بياا

_ان شاء الله ربناا هيقربك منها وهتبقي من نصيبك انت بس قول يارب..

-ياارب يا آيات..

_طب انا هنزل بقاا عشان الوقت اتأخر...

-آياات

_نعم..

-انتي بجد أجمل انسانه شوفتها في حياتي..

ابتسمت_تصبح علي خير يا ونس..

بهمس-وانتي من اهلي..

____________________________________________

دخلت اوضتي و فضلت افكر هل فعلا ممكن اكون حبيت ونس لا لا انا ما حبتوش اكيد.. امال ليه اول ما قالي انه بيحب انا زعلت..

انا بجد مش عارفه انا تعبت انا هنام و خلاص..

لسه هنام لقيت موبايلي بيرن ببص لقيته رقم غريب فكرت اني ما ردش بس في النهايه رديت..

_الووو مين معاياا

-اذيك يا آياات انا مستر ادهم..

رديت باستغراب_اهاا اذيك يا مستر في حاجه ولا ايه..

-لا مفيش اصل سجده كلمتني و قالتلي انك تعبانه ف قولت ارن اطمن عليكي..

_انا الحمدلله كويسه متشكره ع سؤالك..

-آيات فاضيه بكرا نتقابل كنت عايز اتكلم معاكي في موضوع..

رديت باستغراب_موضوع ايه..؟!

-لما اشوفك هتعرفي كل حاجه قابليني في كافيه.....* الساعه ٦ بكره..

_خلاص ماشي مع السلامه..

قفلت معاه وانا مستغربه با تري مستر ادهم عايزني في ايه عشان عايز يقابلني..

فضلت افكر لحد ما توهت في النوم..

صحيت الصبح و قومت اتوضيت و صليت و فطرت و قعدت اذاكر شويه لحد ما الساعه جت ٥ و قومت لبست لان كده كده الكافيه جمب البيت لبست و خلصت..

و مشيت عشان اروح الكافيه وانا قلبي مقبوض و حاسه ان في حاجه هتحصل..؟!

السابع من هنا

تعديل المقال