رواية تحت ضي القمر الفصل الخامس 5 بقلم روان مسلم
بارت ٥
أمير ببرود=مين بعتلك الصور ؟
عامر = سامر
أمير م بتعجب=سامر ابن خالتها ...... وهو هيستفاد ايه من حاجه زي دي .
لم يتحمل أمير كلامه وامسكه من رقبته وبدء يضغط عليها
أمير بغضب جنوني=سيرتها متجيش علي لسانك واللي عملتوا فيها وانت بتقولها بفخر كده انا هادفعك تمنوا
اقترب بدر وعلي وابعدوا أمير عنه وهنا تكلم بدر
بدر= ادم طريقتك دي مش هاتقدم ولا تأخر مع واحد زي ده مش فارقه معاه لكن ممكن حاجه تانيه تفرق معاه .....مراتوا مثلا
علي وهو يكمل=أو بنتوا
اتسعت عين عامر وهو ينظر لبدر وعلي
عامر =مراتي وبنتي ملهمش دخل بيا .... واكيد مش هايتحاسبوا علي اخطائي
علي بضحكه=احنا هانخلي ليهم دخل متخفش
أمير =لا لا ....احنا مش زيوا... بنتك ملناش دعوه بيها بينما مراتك ببساطه احنا ممكن نعمل.......اممم ...تفتكر يا بدر ممكن نعمل ايه
بدر ببرود=نفس اللي عملوا في ضي
علي= صح كده واحد ل واحد
عامر كان في حالة صدمه كان يظن أنهم لم يفعلوا شئ كهذا ابدا
عامر =مراتي لا .....شوفوا انتو عايزين ايه وانا هاعملوا وزي ما قلتلكوا مستعد اتجوزها
أمير = موضوع الجواز ده تنساه مفيش حد بيتجوز واحده متجوزه
عامر بتعجب=متجوزه!
أمير =ايوا و متسألش كتير تقدر تمشي وانا وقت ما هاكون عايزك صدقني هاجيبك من تحت الارض انت وبنتك ومراتك
رحل عامر وهو في حالة زهول كيف تزوجت؟ ومن ؟
#####################
خرجت مايا من الغرفه وكانوا جالسين في صمت
مايا =أمير اظن كده كفايه تقدر تمشي
أمير =مش هامشي إلا وهي معايا
مايا =انت ايه ....عايز ايه منها ....سيبها في حالها كفايه اللي هي فيه
أمير =انا عايز اجبلها حقها وادفع كل شخص ساعد في اللي حصلها التمن غالي واغلي مما يتوقعوا
مايا بتعجب=ساعد.....هو في حد ساعد في ده ؟
أمير = ايوا .... ومش حد واحد انا متأكد إنهم اتنين وانا هاكشفهم الاتنين وهاخليهم يتحاسبوا
بدر =أمير انت لازم تاخد بالك ان عامر ده مش سهل ممكن يكون بيكدب ومش يكون في صور او اي حاجه
علي =وممكن يكون في بس مش سامر اللي بعتهم
أمير =كل ده وارد جدا ....لكن احنا هانسبقهم بخطوه ولازم يقعوا كلهم
##################
في القاهرة منزل والد ضي
سامر=اسمعني يا عمي انا بحبها ومش مستعد اني اخسرها...... وصدقني عمري ما هاسيبها أو اجرحها تاني .
الاب=ترجع بس الاول وبعدين نبقا نشوف
سامر ببتسامه=هاترجع ومش هاتكون غير ليا
خرج سامر من المنزل ونزل الي سيارته واتصل بأحد ما
سامر = انا هاوصلها وهاتجوزها ..... و بعدها نشوف الحوار بتاعك
المتصل...............
سامر=احنا اللي عملناه زمان اتسبب في اللي عملوا الحيو*ان اللي اسموا عامر ده فيها
المتصل=........... .
سامر =تمام انا موافق وهاسلمهولك بنفسي كمان
اغلق سامر الهاتف واخرج صوره جيبه وبدء النظر لها انها لضي تلك الفتاه التي أحبها لسنين ولكنها اختارت ذلك الو*غد ولم تختره
سامر = اوعي تفتكري اني لما سبتك مكنتش عارف هو عمل فيكي ايه انا سبيتك علشان اعقبك انك كنتي بتحبيه وكسرت قلبك......بس ابن عمك الغبي اللي معرفش جالي منين .... بهدل كل حاجه انا كنت خلاص خلصت عقابي ليكي وكنت هاتقدملك لكنوا طلعلي زي فرقع لوز.... لكن ملحوقه يا ضيي ايوا ضيى انا لوحدي
#######################
في المكتبه
دخل أمير الي الغرفه ورحل علي لكي يطمئن الجميع في القاهره بينما وقف بدر يتحدث مع مايا في الخارج
بدر =ممكن نتكلم شويه
مايا =بدر ....انا ......انا
بدر =انتي ايه ....انتي ارهقتيني.... كفايه بعد بقا يا مايا كفايه فراق ... كفايه وجع لقلبي
مايا بحزن =بس انا مش عايزه سبب في بعدك عن أهلك
بدر =مين قالك انك هاتكوني سبب لده مش يمكن تكوني سبب إن العلاقه تكون اقوي
مايا = لا يا بدر انا هاكون سبب في البعد
بدر بغضب ممزوج بالحزن =يعني لما بعدتيني طول ال٦ شهور اللي فاتوا كنتي عايزه مصلحتي لا انتي كنتي بتوجعيني....بتوجعي قلبي علشان عارفه انو بيحبك كفايه بعد بقا
FLASHBack
من ٦ شهور
كانت مايا تقف أمام البحر تنظر له بإعجاب انه فعلا ساحر الجمال حتي في الليل لأن ضوء القمر يعطيه جاذبيه خاصه ولكن وسط كل تلك الأفكار احتضنها بدر وهو يقول
بدر = بتحبي البحر والقمر و واقفه معاهم لوحدك انما انا مش معبراني
التفت ونظرت له ولكنه بدء يبتعد للخلف حتي وقف عند نقطه معينه وهنا اشتعلت الأنوار لتظهر جمله كبيره مضيئه I love you My princess
وهنا ركع بدر علي ركبتي واخرج علبة من جيبه وهو ينظر لها ويقول
بدر =تقبلي تكوني My princess للأبد
اقتربت مايا وهي تكاد تبكي من الفرحه نعم انها تحبه كثير فحركت رأسها بمعني موافقه وهنا قام بدر وألبسها الخاتم ولكن سرعان ما تحولت تلك اللحظة من لحظه لا تنسي الي وقت للنسيان عندما تذكرت والدته عندما كانت تجلس معاها وقالت
الام=انتي عارفه اني بحبك زي بدر وأمنيه بالظبط ....بس هاطلب منك طلب صغير
مايا =اطلبي يا طنط انتي غاليه عندي واكيد مش هارفضلك طلب
الام =تبعدي عن بدر .... انا ابني من يوم ما ظهرتي في حياتوا من ٥ سنين وهو حالوا اتشقلب وبقا واحد تاني ده غير طبعا ابن عمك المجنون اللي بيدور عليكي من وقت للتاني وانا ابني مش حمل العداوه دي كلها وهو حماكي وعملك شغلك الخاص اظن كده هو عمل اللي عليه وانتي لازم تعملي اللي عليكي وتبعدي ثم اني كنت حجزالوا نور بنت اختي وهما مع بعض من وهما أطفال وانتي إنشاء الله تلاقي اللي يتحملك بمشاكلك وكمان موضوع انك سايبه بيت اهلك ده حولي ترجعي علشان تلاقي حد يتجوزك
كانت مايا تسمع تلك الكلمات وهي تشعر انها سكاكين تقطع في قلبها من الداخل وبدأت عينيها تترغرغ بالدموع ولكنها حاولت أن لا تبكي ومثلت الثبات وقالت
مايا =اكيد طبعا..ومستحيل اقرب منو تاني وشكرا انك نبهتيني لده
وتركتها مايا ورحلت
كانت مايا تتذكر والدموع تسيل من عينيها
بدر =مايا انتي كويسه ......مالك يا بنتي في ايه الخاتم وحش ....مش عجبك اغيروا..... طب ديق وجع ايدك .... مالك
مايا =بدر مينفعش
بدر =مينفعش ايه ؟
مايا بحزن= نكون مع بعد علشان انت ليك اهل ولازم ترضيهم وانا سعيده اني عرفت شخص زيك في حياتي وعمري ما انساك بس فعلا مش هاينفع
بدر = انتي بتقولي ايه .... انا مش هاسيبك تخرجي من حياتي ...ثم اهلي مالهم ومالك انا اللي هاعيش معاكي مش هما
مايا بحزن=انا اسفه بس احنا محتاجين نبعد ونعمل مساحه ما بينا علشان خاطر محدش فينا يتأذي
بدر بإنفعال= مش انتي شايفه كده...... تمام
وتركها ورحل
Back
مايا =بدر اقفل الموضوع ده وبعد ما نخلص موضوع ضي نبقا نتكلم
بدر = تمام...... المهم حاولي تكلميها بخصوص أمير
مايا بتعجب =أمير!
بدر =ايوا بيحبها عالفكره....عينيه بتقول كتير وخوفوا بيقول أكتر ... حاولي تخليها تدي فرصه لقلبها يتعافي من اللي فات وجرحها يخف بحب أمير....وحاولي انتي كمان تسيبي نفس الفرصه ليا
وتركها ورحل
######################
في الغرفه عند أمير وضي
كان أمير يفكر ماهي الخطوه القادمه لكي يكشف الحقيقه ويعاقبهم علي أفعالهم
وهنا بدأت تفتح عيونها وفعلا استيقظت واعتدلت في جلستها بكل هدوء بدون اي كلمه
أمير =حمدلله على السلامة يا ضي
حركت رأسها دون رد
أمير =انتي كويسه يا ضي؟...... حاسه ان في حاجه وجعاكي.....حاسه بتعب
حركت ضي رأسها بمعني لا
بدء أمير يقلق عليها ماذا بها لما هذا الصمت المخيف ولكن قاطع تفكيره صوت ضي وهي تقول
ضي=تفتكر اني وحشه لدرجة اني استاهل كل اللي حصل فيا
أمير بقلق=لا طبعا مين قال كده انتي إنسانه نقيه وبيضه من جوا
ضي بحزن=طب ليه ؟.... لما انا مش وحشه ومش مؤذيه.. ليه ؟
أمير =علشان هما مرضي نفسيين......ثم قفلي علي الموضوع ده اي رايك ناكل ايس كريم
نظرت له ضي بدهشة
أمير =ايه مالك هو انا قولت حاجه غلط انا بقول ايس كريم .....و كمان نخرج شويه قبل ما نرجع القاهره
ضي=بس انا مش عايزه ارجع
أمير =طب و الفرح وكتب الكتاب هاعملهم من غير عروسه يرضيكي اتجوز علي في الاخر
ابتسمت ابتسامه لم يرها علي وجهها من قبل
ضي =بس انا مش هاتجوزك
امير=لا اوعي تقولي كده ...... انا مهدد انهم يجوزوني علي
ضحكت ضي وابتسم أمير وقال
امير=ما ضحكتك حلوه اهيه امال مش بتضحكي ليه توفير
ابتسمت فهي فهمت انه يريدها أن تضحك
ضي=أمير صدقني احنا محدش فينا مجبور أنو يعمل ده
أمير =ومين قالك اني مجبور .......ده في حاله واحده اني مكنش عاجبك ودي بقا انا مطمن لاني زي القمر
ضحكت ضي وقالت =جمالك مقوي قلبك .... يخربيت التواضع يا اخي
أمير =ها ....يلا ولا ايه
ضي =يلا
حاولت الوقوف ولكن سرعان ما جلست علي السرير مره اخري وهي تشعر بألم في جسدها بالكامل
أمير =ده طبيعي متخفيش....خليني اساعدك
ومد أمير يده لها وساعدها في الوقوف وهنا دخلت مايا الي الغرفه
أمير =يلا علشان خارجين
مايا بحزن=خارجين فين؟
أمير = ايس كريم ....... فين بدر علشان يجي معانا
مايا =مشي
أمير =اممم......حظوا وحش ملوش في الايس كريم نصيب...طب يلا تعالي معانا
مايا =لا انا تعبانه شويه روحوا انتوا...... بس سبيني مع ضي شويه
أمير اجلس ضي علي السرير وخرج
#######################
في الخارج حيث اتصل أمير ب علي
أمير =جهزت كل حاجه
علي = هو انا لسه وصلت....براحه ياعم
أمير =انجز ايه البطئ ده
علي =يعني انت تتجوز وانا اتمرمط صح
أمير =ايوا صح ويلا اقفل واعمل كل الترتيبات واوعي تنسي السلسله اللي قولتلك عليها
علي =يا ابني فاكر ....سلام
#####################
في الغرفه
مايا =ضي ادي أمير فرصه أنو يعوضك عن حياتك
ضي =وده كلامك ولا كلام بدر
مايا=بدر مشي يا ضي انا كل خطوه بخدها بخسروا اكتر يا ضي
ضي=يبقا الفرصه دي لازم انتي تديها لنفسك ولبدر الاول وانا وأمير كده كده مضطرين نتعايش مع وجود بعض لحد ما هو يقرر يمشي بعد ما يزهق
مايا =ليه بتقولي كده ؟........ انتي مش شوفتي كان هايتجنن عليكي ازاي... مش شوفتي عصبيتوا علي اللي اسمو عامر ده
ضي بتعجب =اه صح......هو ايه اللي حصل انا مش فاكره حاجه من ساعة ما شوفتوا لما كان مع البنوته
مايا بتوتر=محصلش بعدين ابقا اقولك يلا بقا أمير بينادي عليكي
خرجت ضي وهي قد استعادت توازنها بشكل أفضل
اتجه أمير إليها لتستند عليه لكنه أشارت له إنها أفضل الان
واتجهوا الي السياره
########################
عند سامر في منزله حيث رن هاتفه
سامر =بتقولي ايه .....
يعني ايه التجهيزات بتاعت الفرح بدأت....هما لاقوها فين؟ وازاي ؟ومين لاقها؟
المتصل=.........
أغلق سامر الهاتف يصرخ بصوت عالي ويقول
سامر =أميررررررررررررر
################### ####
وصل أمير الي أحد المحلات واشتري لها ايس كريم بالشيكولاته وله بالفانيليا
اخذت الايس كريم وهي تبتسم وبدأت تأكل مثل الأطفال وأصبح وجهها كله مليئ بالشيكولاته
بدء أمير يضحك بصوت عالي
ضي =انت بتضحك علي ايه
أمير =في حد يعمل في نفسوا كده
نظرت ضي بعدم فهم فرفع لها الهاتف لكي تري وجهها وعندما رأت نفسها فتحت فمها الي اخره
ونظر أمير لها بإعجاب رغم شكلها الطفولي واخرج منديل من جيبه وبدء ينظف وجهها بلطف بدأت تبتسم بخجل واحمر وجهها بشده
ضي =شكرا
أمير بحب=علي ايه ......وكمان ايه الطماطم دي
ضحكت ضي لأنها تعرف انه يقصد علي وجهها
ضي =بطل انت ومش هايكون في طماطم
جلسوا لفتره طويله يتحدثوا حتي نامت ضي علي كرسي السياره
بدء أمير القياده بتجاه القاهره
########################
اشرقت الشمس مع وصول أمير الي منزل ضي وفتح السياره وحملها برفق وصعد بها الي شقتها
ولكنه وجد الباب مفتوح و والدها يجلس مع سامر الذي يحمل بوكيه ورد
وعندما رأي سامر أمير يحملها استشاط غضبا وقام من مكانه بتجاه أمير
سامر =انت شايل خطيبتي ليه؟
أمير بصدمه =خطيبتك !
ومن خلفه تحدث والد ضي =..........
روان مسلم السيد
