رواية لقاء الأحبة الفصل الخامس 5 بقلم آيات عاطف

رواية لقاء الأحبة الفصل الخامس 5 بقلم آيات عاطف

قاعده باكل ماما قالت كلمه خلت الاكل يقف في زوري من الصدمه لما قالت..

-خرجتي بعد الفجر روحتي فين يا آيات..

-ما تنطقي..

_والله يا ماما سجده جاتلي و قالتلي ان طنط صفاء تعبانه اوي ف روحت معاها عشان اشوفها..

-سجده..سجده تاني انا مش قولت مالكيش علاقه بالبنت دي تاني قولتلك ولا لا...

_ مالها سجده يا ماما يعني مش فاهمه سجده إنسانه كويسه اوي علي فكره...

-انا قولت الي عندي و بعدين انا قولتلك ما ينفعش تصاحبي حد ركزي في مذاكرتك وبس فاهمه..

اتكلمت بعصبيه مماثله..

_يوووه مفيش غير مذاكره مذاكره كل اما اكلمك تقوليلي ادخلي ذاكري كل ده ليه عشان ادخل طب الي انا مش حباه اصلا طب اي رأيك بقاا اني مش هدخل طب يا ماماا حتي لو جبت مجموعه...!

-اخرسيييي..

في ثانيه و كانت ضربتني بالقلم علي وشي من قوته كنت هقع ع الارض..

-آخر كلام عندي يا آيات والله لو عرفت انك كلمتي البنت دي تاني أو كلامي ما اتسمعش مش هتعجبك رد فعلي حتي لو وصلت اني اسحب منك الموبايل هعملها و بعد كده مفيش خروج من البيت غير الدروس مفيش خروج من اوضتك اصلا حتي الأكل هتاكلي لوحدك و هتقعدي تذاكري غصب عنك فاهمه ولا لا..!

قالت كده و دخلت اوضتها وانا فضلت قاعده مكاني مش عارفه اعمل ايه و عماله ابص لي بابا الي ما قالش كلمه و لا علق علي اي حاجه..

سبتهم و دخلت اوضتي وانا ببصلهم بوجع...

دخلت اوضتي و قعدت اعيط..

انا بجد تعبت من كتر العياط و ما بقتش عارفه اعمل ايهّ..

*

*

*

*

*

___________________________________________

فضلت قاعده في اوضتي لحد ما الساعه جت تمانيه و قومت لبست عشان عندي درس وانا مقرره اني هعمل حاجه النهارده..

خرجت و قولتلهم اني راحه الدرس و مشيت من غير ما اسمع ردهم..

مشيت وروحت قعدت عند البحر مكاني المفضل الي بستريح فيه لما الدنيا تضيق بياا باجي هناا فضلت قاعده اعيط واشكي همي للبحر لقيت موبايلي بيرن ببص لقيتها سجده صاحبتي..

_الووو

-انتي فين يا آيات الدرس قرب يبدأ و مستر ادهم سأل عليكي...

_انا مش جايه الدرس يا سجده قوليلوا اني تعبانه اي حاجه..

-آيات انتي كويسه صح فيكي حاجه طيب اجيلك..

_انا كويسه ما تقلقيش..

-تمام لو عوزتي حاجه رني علياا..

قفلت معاها و رجعت لشرودي تاني مره واحده حسيت بحد بيحط ايده علي كتفي و..

-الجميل قاعد لوحده ليه..

كان شاب معرفوش باين عليه شارب اصلا

اتكلمت بخوف.._هاا ولا حاجه لو سمحت ابعد..

جيت عشان امشي لقيته مسك ايدي..-استني بس رايحه فين ده احنا حتي هنتسلي مع بعض اوي..

اتكلمت بخوف._انت لو ما مشيتش دلوقتي انت هصوت والم عليك الناس..

ضحك بسخريه-ضحكتيني والله بصي حواليكي مفيش حد غيرنا المكان فاضي..

-ايدك من عليها يا نجم..

_وانت مين بقاا يا قموور..

في لحظه كان طلع مسدس من جيبه و بيصوبه ناحيته..

-احب اعرفك انا مين.. انا الرائد ونس محمد..

قال كده والشاب خاف و جري..

لقيته قرب مني واتكلم بقلق وخوف..

-حصلك حاجه انتب كويسه.. و بعدين نفسي اعرف انتي ايه الي خرجك لوحدك من البيت هاا..

قال كده وهو متعصب وانا انهارت من العياط بجد ما كنتش عارفه كان ممكن يحصل ايه لو ونس ما جاش..

_ انا كويسه و بعدين هو انت بجد ظابط..

-ظابط ايه انتي كمان ده مسدس لعبه عادي بتاع ابن اخويا..

_هااا

-هاا ايه انتي بس بقولك تعالي نقعد نتكلم ..

قال كده و لقيته سحبني من ايدي و قعدنا ع البحر و فضلنا ساكتين شويه بعد كده هو قطع الصمت ده و..

-آيات ممكن اعرف ايه الي حصل خلاكي تيجي هناا لوحدك..

اتنهدت_تعبت تعبت يا ونس تعبت من كل حاجه حوالياا ..تعبت من المذاكره و من مشاكل البيت الي ما بتخلصش بجد مش عارفه اتصرف ازاي..

مسك ايدي وانا حسيت ان جسمي كله بيتنفض اول ما مسكهاا..

-انا معاكي يا آياات و حاسس بيكي و صدقيني هفضل جمبك احنا خلاص بقينا صحاب..

-بس انا عايز اقولك ان الهروب مش هيحل حاجه يا آيات لازم تواجهي مشاكلك ما ينفعش تهربي من غير ما تواجهي مشاكلك ما ينفعش تهربي صدقيني..!

_بس انا تعبت من المواجهه يا ونس انا انسانه برضو و عندي طاقه وانا بصراحه طاقتي خلصت خلاص ما بقتش قادره استحمل اكتر من كده..!

-كل حاجه هتعدي صدقيني وانا معاكي..

قال بابتسامه جميلة شبهه..

-بقولك ايه ما تقومي نتمشي شويه و اعزمك ع دره وايس كريم..

اتكلمت بابتسامه.._يلاا اوي..

*

*

*

*

*

___________________________________________

اتمشينا مع بعض و كلنا دره و ايس كريم و فضلنا نهزر و نضحك مع بعض و بجد ده يعتبر اجمل يوم قضيته في حياتي

فضلنا نمشي لحد ما وصلنا العماره و..

_متشكره اوي يا ونس ع اليوم الجميل ده بجد انا اتبسط اويي..

-هتصدقيني لو قولتلك ان ده احلي يوم قضيته في عمري..!

ابتسمت ع كلامه و ماردتش..

-آيات كنت عايز اقولك علي حاجه..

_قول..

-اناا..

_ثانيه واحده هشوف مين بيرن..

ببص ع الفون لقيتها ماما اتكلمت بخضه..

_يا نهار اسود دي ماماا..!

السادس من هنا

تعديل المقال