رواية حقنة الموت الفصل الثالث 3 بقلم مي سليم
قربت من من الشباك الي كان شبه مفتوح وشوفت الدكتور خالد بيقوم من علي الكرسي بتاعه وبيقرب من تمني اكتر واكتر وهي مافيش حاجه بتتحرك فيها غير دموعها وهو بيكلمها ويقولها
كل يوم اكتشف إن جمالك بيزيد عن الأول الجمال ده ربنا خلقه علشاني، ومره واحده نبره صوته اتغيرت وقالها بس الجمال ده لو حاول يخالفني مش هرحمك واكيد انتي فاهمه انا بتكلم عن اي
تمني: حاضر مش هفتح بوقي بكلمه واحده،
وبعدها تمني خرجت وانا مشيت قبل ما هي تشوفني
ركبت العربية مع احمد
احمد: مالك يا حبيبتي بقالك كام يوم مش عجباني ودايما شايفك سرحانه
جنه: انت مش ملاحظ حاجة غريبه في المستشفي
احمد: اممم حاجه زي اي
جنه: دكتور خالد دا غريب جداً غير الحلات الي بتموت بدون سبب وحاسه إن اكتر الي في المستشفي مخبين حاجه انا مش فهماها
احمد: لا يا حبيبتي مافيش حاجه انتي الي ضغط الشغل موترك بس وبعدين احنا خارجين نغير جو هو انا ما وحشتكيش ولا ايه
جنه بكسوف: هههه
طبعاً واحشني يا دكتور
وبعد ما روحت فضلت طول اليل مافيش في تفكيري غير لغز المستشفي، وكنت مصممه إني اكشف الغز ده.
وتاني يوم روحت المستشفي لقيت الدكتور خالد واقف مع دكتور التخدير وكان اسمه حسن الملواني، وكانو بيتكلمو عن حاجه انا ما فهمتهاش قولت اكيد بيتكلمو عن المرضي ومدتش اي اهتمام.وانا ماشيه شوفت تمني
ناديت عليها
تمني: نعم يا دكتورة جنه
جنه: ممكن اتكلم معاكي شويه متخافيش مني والله انا عاوزة اساعدك
تمني: بعد اذنك يا دكتورة لو دكتور خالد شافني واقفه معاكي مش عاوزة اقولك هيعمل فيا اي
جنه: متخافيش من دكتور خالد وعلشان تطمني اي رايك اقابلك بعد الشغل بره في كافية
تمني: خلاص يا دكتورة بس بالله عليكي بلاش تقولي لحد ان احنا هنتقابل بره
جنه: متخافيش يا تمني ربنا عالم انا بحبك قد ايه وعاوزه اساعدك
تمني بخوف: بعد اذنك دلوقتي يا دكتورة الا صوت دكتور خالد جي
وروحت علشان اباشر المرضي بعد العمليات لأن ممنوع الدخول غرفه العمليات الا لدكتور خالد بحكم أنه الدكتورالمتخصص وافضل خبره ومكانه،
وبعد يوم طويل من الشغل خلصت وروحت الكافيه الي اتفقنا ان احنا نروحه انا وتمني ورنيت عليها.
الو فينك انا وصلت
تمني: انا وراكي يا دكتورة
جنه: اقعدي يا تمني تشربي اي
تمني: ممكن فنجان قهوه
جنه: بصراحه انا عاوزة اعرف منك اي الي بيحصل في المستشفي واي الي مخوفك من دكتور خالد؟!!
الرابع من هنا
