رواية احببت عيوبك قبل عيونك الفصل الثالث 3 بقلم رقية محمد
.jpg)
'احم جدي انا كنت عايز اقولك امبارح بس الظروف مسمحتش، انا عايز اطلب ايد رُقـيـه منك ومن عمي .
بصيت بصدمه علي ماما
قاطعت السكوت : زين انا مش مستعده ابادلك شعور انا مش عارفه هو هيجي اصلا ولا لا، مش عايزه اعشمك بحاجه ممكن متحصلش، ولو شعورك ناحيتي بالشفقه فـ لا يا زين لا انا كويسه والموضوع مكانش فارق معايا اوي كده
بصلي بحب ظاهر : رقـيـه أنا فعلا بحبك ( كمل بأسف ) المفروض مكانش ده يحصل بس انا بحبك من زمان اوي من وانتي لسه صغيره يا رُقـ....
قاطعه حمزه بغضب : كنت بتحب الي كانت هتبقي مرات اخوك!
رد عليه بغضب اكتر وسخريه : انت عب*يط ولا بتس*تعبط ، هي مش الي كانت هتبقي مرات اخويا هي هي الي كنت بحكيلك قد اي انا بحبها ومستنيها تكبر عشان اخدها بالحلال !! مش هي دي برضو الى قلتلك اني هروح اتقدملها النهارده واتفاجئ إنك هتخطبها خلاص! انت بتضحك عليا ولا علي نفسك يلا ، انت عايز تبين قد اي انك ضحيه وخليك في حالك ها خليك في حالك!
وجه كلامه لجدي تاني : يا جدي اديني فرصه اني اكسب قلبها ، والله انا بحبها بجد
( انا كنت بحاول استوعب يعني البنت الي حمزه خطبها وهو بيحبها كانت انا !! ، يعني اي كان شعوره وهو شايف حبيبته وأخوه؟ ، طيب وانا دلوقتي المفروض اي رد فعلي ؟؟؟ )
جدى بأمر : رُقـيـه زين بيحبك، هنديله فرصه قرايه فاتحه مؤقته، تعرفوا فيها بعض اكتر ، مش هقول خطوبه، لا قرايه فااتحه اي رأيك يا رُقـيـه ؟
بصيت علي الارض بحيره : الي تقوله يا جدي
بصلهم حمزه بغضب : طيب يا جدي وانا وفاطمه
الخطوبه الخميس الجاي مع قرايه فاتحه رُقـيـه وزين
كان باين جداً العصبيه علي حمزه وفاطمه إن حد هيشاركهم يومهم ، انا مكانش فارق معايا عادي يعني خرجت برا الجنينه ودخلت كوخ صغير كنت أنا واخداه عشان يبقي عالمي الصغير وكان فيه اكتر حاجات بحبها الزرع، العصافير.
سقيت الزرع بحب وطلعت مشمش من القفص ، اه نسيت اقولكم اصل انا مسمياه مشمش صديقي الصغير
_ هحكيلك يومي يا مشمش، انا مش مضايقه من قرايه فتحتي علي زين ، انا حاسه بشعور غريب جوايا، اكيد ملحقتش حبيته اكيد لا ، بس افف مش عارفه حاسه بشعور وعكسه حاسه اني مش قادره اتكلم مع حد، بس انت مش حد بوسته بهدوء ورجعته القفص
جيت أخرج من الكوخ لقيته في وشي
شهقت بخضه
" في اي متخافيش ده أنا
_ في حد يخض حد كده؟، واي الي في ايدك ده
بصلي بإحراج : كام روايه كده
_بتقرأ روايات ؟
" ايوه بس المرادي مش ليا
بصيت بإستغراب فكمل
" ليكِ
_ ليا انا.. لي؟؟
" بنت عمي، ومراتي مستقبلاً
بصيت علي الارض بخجل : ممكن منتكلمش في الموضوع ده دلوقتي
بإبتسامه " حاضر
_تيجي نقعد برا ؟
" تيجي نركب خيل ؟؟
_ بجد ؟ يلا بينا بسرعه
" تعالي اركبي علي ده ، هادي ومسالم
سندني عشان اعرف اطلع ومقعش
كنت فرحانه اوي بقالي كتير مركبتش خيل
بضحك_ تسابقني
" اسابقك
صوت ضحكنا علي اوي لدرجه إن الصوت كان جايب برا الدار
نزلنا من علي الخيل بضحك
لاقينا كل الدار متجمع وواقفين علي البلكونه وبصاتهم متبشرش بالخير
رحت بخوف ودخلت
بابا بزعيق: مش معني اني سمحت بقرايه فاتحه إن المسخره دي تحصل وتقعدوا لوحدكم في مكان واحد
بصلي حمزه بشماته
" يا عمي انا الي اصريت عليها إننا نركب خيل
بصله بغضب وكمل جدي : انتم محترمتونيش
" يا جدي والله ما كنا هنطول
اطلعوا اوضكم وبكره لينا كلام تاني
اتكلم حمزه بخبث : اقولكم بقي سيبتها لي ؟ عشان هي واخويا كانوا مدورينها من ورايا، وكانوا عايزيني افضل كده اسيبهم يهزروا وانا واقف كده لي مش راجل ولا اي ؟
بصيتله بغضب : اخرس يا كدا*ب
بابا بعصبية: اطلعي اوضتك
_ انت كداب يا حمزه وانسان مريض والله العظيم مريض انت مش بني ادم طبيعي الي زيك في مستشفى المج*ان*ين
بصلي جدي بعصبيه وضربني بالقلم : يوم ما تتكلمي مع ابن عمك تتكلمي بإحترام
بصيتلهم بصدمه كلهم صدقوه وانا ؟؟ ده انا الضح*يه ، انا الي اتأذيت واتجرحت
خرجت برا الدار وانا مش شايفه قدامي طلعت من طريق تاني سريع لأن بيت قريبتي علي الناحيه دي
محستش بحاجه غير صوت ناس بتزعق وكشاف عربيه ضرب في عيني
_________
زين
كنت بتابع الكلام بصدمه ، قد اي اخويا فعلا مؤذي لابعد درجه ، وازاي يضربوها ويتهموها الاتهام ده ، انا السبب في كل ده انا السبب جريت وراها لما خرجت وبعدها ابوها صرخت بإسمها وانا شايفها جث**ه علي الارض والعربيه بتجري بعد ما خبط*تها ، ساعتها اتشل*يت مقدرتش اروح حتي اشوفها ووووو
الرابع من هنا
