رواية شمس حياتي الفصل الثالث 3 بقلم لمياء وليد
.jpg)
البارت التالت
"شمس حياتي "
مصطفي قفل مع احمد وقال ف نفسه مفيش فرصة احسن من كدة بقا
اااااااااااه .....
خرجت واتصدمت من اللي شافته...
احمد قاعد عالارض و ماسك بطنه وبيصرخ من الوجع
مجدي جري عليه
مالك يبني في ايه
معرفش بطني بتتقطع ووجعاني اوووي
جرس الباب رن
مجدي :افتحي الباب ي ليل
ليل فتحت الباب وبرقت لما شافت مصطفي
مصطفي بضحكة استهبال : اذيك ي ليل
ليل بخوف وتوتر :ادخل شوف اخوك
مصطفي بخوف :ماله احمد
دخل ولقي احمد ف الأرض وماسك بطنه
في ايه ي احمد مالك
معرفش بطني بتتقطع
طب قوم معايا تروح المستشفي قوم
ومصطفي سنده ونزل بيه عند العربية وكل ده حصل وشمس واقفة متنحة وخايفة يحصله حاجة وهي السبب
كلهم راحو المستشفي مع احمد ومصطفي
احمد عند الدكتور وكلهم واقفين برة مستنين الدكتور يخرج ويطمنهم
مالك ي شمس نتي متنحة من ساعة اللي حصل نتي كويسة ولا ايه
شمس بتوتر وخوف: اا...ااه ااه كويسة تمم
ليل بعدم تصديق :شمس ايه حصل ومالك خايفة كدة ليه
شمس بدموع : انا اللي عملت كدة ي ليل أناا عاااا وبدأت تعيط
ليل خدتها ووقفو بعيد
ايه حصل بس ونتي عملتي ايه احكيلي
بصي ..
انا افتكرت أن احمد جاي يشمت فيا عشان نا متجبسة بسببه ولأني انا اللي خبطه بالطوبة ف رأسه لما كان خارج من صلاة الجمعة انا مكنتش اقصد اخبطك نا بس كنت بلعب ولما خبطني بالعربية قالي واحدة ب واحدة خالصين
ولما جه البيت قالي نتي عبيطة أنا مستحيل اشمت فيكي وكدة حسيت أنه صادق بس كان فات الاوان لانه لانه...
ليل بخوف :لانه ايه ي شمس كملي
شمس بعياط :لانه قبل ما يجي دخلت المطبخ وحطيت ف كوباية العصير بتاعته بودرة صراصير كنت بس عاوزة بطنه توجعه شوية عشان مش يشمت فيا تاني بس مكنتش اعرف ان الموضوع يوصل لمستشفي وكدة خايفة اووووي ي ليل ليحصله حاجة
ليل بتحاول تهديها :اهدي ي شمس إن شاء الله مش هيحصل حاجة بس اللي عملتيه ده جريمة وغلط انتي ممكن تروحي فيها بسبب اللي عملتيه ده ركزي شوية وخلي عندك وعي للي بتعمليه
شمس بعصبية خفيفة : مهو اللي كان بيستفزني ي ليل الله
ليل بصدمة : يبت نتي عبيطة نتي سماااه عارفة يعني ايه ده ممكن تروحي فيها يغبية
شمس رجعت تعيط : عااااا يعني هو هيموت ومش هيبقي موجود تااني عاااااا
ليل بمشاكسة وحبت تعصبها : طب ونتي خايفة علية كدة ليه يكونش حبيبك ونا معرفش وضحكت 
شمس بعصبية:حبك برص ي شيخة نا مش بحب حد نا بس خايفة عليه اقصد يعني خايفة لو حصله حاجة اروح نا فيها
ليل بعدم تصديق : ااااه طييب
شمس بنرفزة :امشي قدامي نشوفه عمل ايه
رجعو مكنهم تاني والدكتور خرج وكلهم جريو عليه
خير ي دكتور اخويا ماله
مجدي بخوف : حصله ايه ي دكتور
اهدو ي جماعة هو بس تقريبا كل حاجة منتهية الصلاحية أو مش نضيفة فعملتله قلق ف معدته احنا عملناله غسيل معدة وهو دوقتي كويس
ونقلناه اوضة تانية تقدرو تشوفوه بعد اذنكو..
مجدي : اتفضل ي دكتور
كلهم راحو الاوضة لاحمد وحسين باباه عرف من مصطفي اللي حصل وجه عشان يطمن عليه
وشمس فضلت واقفة برة بتبص عليه من برة وخايفة تدخل لأنها السبب ف كل ده
احمد فتح عينه لقاهم كلهم واقفين بس كان بيدور بعينه ع شمس مش لاقيها لقي خيال واقف برة الاوضة وهي بتبص وترجع لورا تاني فهم أنها اللي عملت كدة وخايفة تدخل تشوفه ليكشفها
نتا كويس يبني طمنا عليك
كويس يعمي الحمد متقلقش
والله يبني الحاجة اللي اكلتها عندنا نضيفة واللي اتقدملك كله كان نضيف وكويس
احمد ب ابتسامة : عارف ي طنط مش محتاج حضرتك تقولي طبعاً أنا بس يمكن كلت حاجة من محل ف الشارع قبل ما اجي عندكو عملتلي القلق ده
اسف عشان تسببت ليكو ف القلق ده بجد
لا يبني قلق ايه بس المهم تقوم بالسلامة والحمد لله انك بخير
تسلم ي عمي ربنا يديمك
امتي تتلم وتتجوز بقااا عشان تبطل رمرمة من الشارع يواد نتا
احمد بضحك وبص لمجدي : قريب ي حاج متقلقش
والله يبني اتمني تكون صادق
كلهم ضحكو
الا قولي ي مصطفي نتا عرفت اذاي
مجدي : اصل يبني لما كنت عندنا الجرس رن ومصطفي اللي كان عالباب وشافك وجابك هنا واحنا جينا وراه
احمد بغمزة : ونتا كنت جاي ليه ي مصطفي
مصطفي بتوتر باين ف كلامه وبص ل ليل وبعدين بصله : هاا ...ااا..ابدا اا..اناا ككنت جاي اخد منك ورق صاحبي اللي قولتلك خلصهولي يعني
احمد بتسفزاز :طب منا قولتلك يبني اني جاي البيت ومعايا الورق الله مكنت تستني ولا مش قادر
مصطفي قرص احمد ف كتفه : وقال من بين اسنانة لا منا كنت مستعجل عليه عشان صااحبي
احمد بضحك وغمزة :اااااه كنت مستعجل ماااشي يعم المستعجل
مصطفي بص ل ليل اللي واقفة جنب مامتها بحب
ليل اتوترت : اا..نااا هنزل اجيب مية من تحت وجاية
مجدي :وشوفي شمس فين يبنتي وهاتيها معاكي
حاضر يبابا ومشيت بسرعة
طب يجماعة نا هعمل مكالمة شغل وجاي بسرعة
احمد بمشاكسة :خلي بااالك لتقع يهندسة
مصطفي بصله بغضب ومشي
واحمد ضحك عليه
ليل ليل استني
أيوة في حاجة
لا هو هو نتي زعلانة مني ف حاجة
لا وكانت هتمشي قالها لحظة بس
نتي زعلانة عشان قولتلك صغننة ساعة العزومة نا مقصدش اضايقك نا بس كنت بهزر معاكي
لا محصلش حاجة نا مش زعلانة
اومال بتتكلمي معايا كدة ليه بس وأكمل بطريقة كوميدية هو نا يبنتي كنت مرات ابوكي
ليل دارت وشها وضحكت
اللهم صل على النبي ..نتي بتضحكي اهو انا كنت فاكرك معندكيش سنان عشان كدة مش بتضحكي
ليل بصتله بجمود تاني
احم احم ايه الوش ده خلاص متزعليش
ماشي مش زعلانة
ممكن نبقي صحاب بقا ومد ايه يسلم عليها
بصتله بغضب :مش بصاحب شباب ومش بسلم عن اذنك
مصطفي بصدمة :البت دي مجنونة وهتجنني معاها بس عجباني وشكلي وقعت صبرني يا رب
كلهم رجعو البيت وأحمد هيفضل يومين ف المستشفي ويخرج
تاني يوم ...
شمس راحة جاية ف الاوضة وهتموت وتطمن عليه وتشوفه بس مش عارفة اذاي تعمل كدة وهتروح ازاي برجليها المتجبسة دي
مالك يبنتي بتلفي حوالين نفسك.كدة ليه
مفيش ي ليل عاوزة اطمن ع احمد ومش عارفة اذاي برجلي الزفتة دي
ليل بخبث :الاه مش كنتي عاوز تطمني أنه عايش وكويس عشان تبقي نتي ف السليم واهو يستي كويس الحمد لله ايه بقا ف ايه وغمزتلها
شمس ضربتها بالمخدة : اسكتي يبت نتي ايه ده
اا... نااا بس عاوزة اشوفه واطمن بنفسي يعني مش اكتر من كدة
ليل بعدم تصديق :اااااه تطمني طووويب
واللي يخليكي تروحي تزوريه
شمس نطت عليها بجد هتوديني ليه طب يلا قومي البسي البس نا كمان طب البس ايه الدريس ده ولا ده و....
ليل بضحك :ايييه حيلك حيلك استني مش دوقتي بصي نتي قدامك قد ايه وتفكي الجبس
اسبوووع
طيب مفرقتش من اسبوع ونروح نفكه ف المستشفي دي وتشوفيه شوفتي سهلة اهي وعشان تعرفي تتحركي براحتك
شمس بضحك:اااه يبنت اللعيبة فكرة تجنن
ننزل بعد العصر ايه رأيك عشان منتأخرش
ليل بفخر مصتنع: عدي الجمايل بس
شمس : هعدها يختي هعدها يبتاااعة مصطفي وطلعت تجري بالعافية من الاوضة
ليل بصدمة :خدي يبت ...
بعد العصر :بابا نا راحة المستشفي افك الجبس وليل هتيجي معايا
يبنتي معادك مش دوقتي
يبابا نا زهقت نا بقالي شهرين نفسي أخرج واجري زي الاول مجاش من أسبوع مش هيأثر صدقني
مجدي بتفكير :طيب ي شمس روحو بس متتأخروش وترجعو بسرعة
باسته من خده عيوني يا ميجووو ي قمر نتااا
ونزلو راحو المستشفي وشمس فكت الجبس وراحو عند اوضة احمد
نا خايفة ي ليل مش عاوزة اشوفه صاحي ليكشفني ونا هبلة وممكن أقوله كل حاجة
يا رب يكون نايم
بصي افتحي الباب براحة وإن شاء الله يكون نايم متقلقيش
حاضر يا رب استرها عليا دنا كتكوت ضعيف الجناح والدنيا غدرت بي نيهاهاهاها
وهو ده وقت هبلك ادخلي اخلصي قبل ما حد من أهله يجو
طيب طيب الله
دخلت شمس ولقته نايم حمدت ربها جواها
وقفت جنب السرير وفضلت بصاله وقالت بصوت منخفض خاالص
قد ايه شكلك جميل ونتا نايم بس لما بتصحي بتبقي اعوذو بالله انا معرفش كنت مهتمية اشوفك ليه وفرحت ليه لما لقيتك بخير وكويس
انا عارفة اني السبب ف اللي حصلك بس والله مكنتش اقصد خالص كل ده نا بس كنت عاوزة بطنك توجعك حبة صغيرين مش توصل لمستشفي يعني واكملت بعياط أنا بجد اسفة نا معرفش عملت كدة اذاي نا فعلاً زي ما قالو معنديش وعي وطفلة ..اتمني تسامحني ويا رب اشوفك دايما بخير ....
ليل كانت برة الاوضة مستنية شمس فونها رن راحة ترد بعيد عشان الشبكة وخلصت ورجعت
ليل بصت قدامها بصدمة : ينهاااار اسوووح ....
