رواية لقاء الأحبة الفصل الثالث 3 بقلم آيات عاطف

رواية لقاء الأحبة الفصل الثالث 3 بقلم آيات عاطف

خلصت صلاة و قومت عشان انام لقيت اشعار ان جالي رساله ع الواتساب فتحت عشان اشوف مين لقيته رقم مش متسجل عندي و..

"وحشتيني"

ده كان مضمون المسدج استغربت اوي مين ممكن يكون بعتلي مسدج زي دي بس قولت اكيد حد بعتها بالغلط وان انا مش المقصوده و حاولت اني ماشغلش بالي و دخلت انام عشان عندي يوم طويل بكره...

نمت و صحيت وانا سامعه صوت د"ب فوقي مش عارفه من ايه خرجت زهقا"نه من اوضتي و قابلت ماما في وشي...

-صباح الخير يا هانم كل ده نوم، انتي مش وراكي مذاكره..

_ حاضر هقعد اذاكر اهو، بس هو ايه صوت الد"ب الي جاي من فوق ده..

-اصل في حد اجر الشقه الي فوقينا ف اكيد بينضفوها فوق،و بعدين انتي ما تشغليش بالك بالكلام ده خليكي في مذاكرتك وبس فاهمه..!

_حاضر يا ماما عن اذنك هدخل اذاكر..

دخلت اوضتي وانا مضا*يقه ز*هقت من كتر المذاكره مفيش حاجه بعملها غير اني بذاكر و هما ضا"غطين علياا اوي، انا بجد تعبت..!

فضلت اذاكر لحد اما المغرب اذن و قومت اتوضيت و صليت و خلصت صلاه لقيت ماما داخله بتكلمني..

_بقولك احنا خارجين انا وابوكي رايحين عند خالتك و اخوكي لسه خارج احنا مش هنتأخر بره، ما تخرجيش و اقعدي ذاكري فاهمه ولو عوزتي حاجه من تحت لما اخوكي ييجي ابقي خليه يجبلك فاهمه ولا لا..

اتكلمت وانا علي وشك اني انها*ر خلاص من كتر الض"غط الي انا فيه..

_ حاضر يا ماما..

قولت كده وهي سابتني و خرجت وانا اكيد اكيد يعني هسمع كلامها و مش هخرج...

عشان كده نزلت السوبر ماركت الي ع اول الشارع جبتلي نسكافيه و اندومي و روحت عملتلي النسكافيه بتاعي واخدت كتاب لسه شارياه جديد من ورا ماما و طلعت ع السطح عشان اقرأه.

طلعت السطح والجو كان جميل اوي، قعدت اشرب النسكافيه بتاعي و اقرأ الكتاب بتاعي وانا في قمه انبساطي..

جت جمله في الكتاب وانا بقرأه عجبتني اوي ف قولتها بصوت عالي من غير ما احس..

"لم اعد أستطيع البعد اكثر من ذلك يا حبيبتي، فلهذا ارجوكي لا تمنعيني ان اقتربت"

-طب ماهو معاه حق بصراحه بتبعديه ليه..!

اتلفت بخ*ضه عشان اشوف مين صاحب الصوت ده لقيته شاب معرفوش باين عليه الساكن الجديد..

-انا آسف إذا كنت خض*يتك انا بس لقيتك مندمجه ما رضيتش اقا*طعك.. انا ونس الساكن الجديد هنا..

_اه اهلا بيك

-طب مش هتقوليلي اسمك ايه..

_اه انا آيات ساكنه في الدور الي تحتك..

-اسمك جميل اوي..

_متشكره

فضلت بصاله حاسه اني شوفته قبل كده وشه مش غريب علياا..

-انا عارف اني حلو بس مت تبصيش اوي كده عشان بتكسف..

_ومين الي قال انك حلو، انا بس بشبه عليك هو احنا شوفنا بعض قبل كده..؟!

بصلي في عيوني اوي وقال-ما اعتقدش اننا شوفنا بعض قبل كده لان لو ده حصل اكيد انتي هتبقي فاكراني ولا ايه.. ؟!

_معاك حق عن اذنك..

-نسيتي كتابك..

_متشكره ليك عن اذنك انا لازم انزل..___

سيبته ونزلت من غير ما استناه انه يرد اصلا وانا عماله افكر شكله مش غريب علياا انا فعلا متأكده اني شوفته قبل كده بس مش فاكره فين و بعدين هو انا ليه اول ما شوفته حسيت باحساس غريب...

انا بجد ما بقتش فاهمه حاجه..

دخلت البيت و عينت الكتاب قبل ما ماما تيجي من بره و دخلت اكمل مذاكره و كالعاده فضلت اذاكر لحد ما صليت الفجر، وجيت امسك الفون بتاعي اقلب فيه شويه قبل ما انام لقيت مسدج جيالي من نفس الرقم بتاع امبارح بفتحها لقيت..

"عيناكي مثل السحر كلما نظرت اليهما اجدني أغرق"

قريت المسدج والغريب ان وانا بقرأها كنت ببتسم تلقائي ممكن عشان اول مره حد يقولي الكلام ده..

قفلت الفون و رقدت ع السر*ير عشان انام و لسه هروح في النوم لقيت باب الشقه بيخبط جا"مد قومت مخضو*ضه عشان اشوف مين بفتح لقيتها سجده صاحبتي بتعيط و بت"نهج لقيتها بتقول..

-الحقيني يا آيات ماما بتمو*ت..!

الرابع من هنا

تعديل المقال