رواية خداع مهندسة الفصل الثالث 3 بقلم شهد امام
ادم قرب منها بقلق وهو بيرفعها من علي السرير : انتي كويسه مكنتش اعرف ان السرير هيقع
شهد بدموع : أخرج برا عاوزة انام
شهد بصتله و فجأه قعدت تزق فيه لحد ما خرجته برا الاوضه و قفلت الباب بالمفتاح و راحت قعدت علي السرير أو حطام السرير و طلعت صورة باباها علي التلفون و فتحت في العياط
شهد : فينك يا بابي لو كنت عايش مكنش جرالي كل دا انا البرينسس شهد زي ما بتقولي شوفت بيعملوا فيا ايه بس وحياتك عندي مش هسكت ولا هخليه يقربلي زي ما اتجوزني غصب عني هخليه هو بنفسه يطلقني من اللي هعمله فيه ........نمت بعد ما صدعت من كتر العياط
____________________________
ادم
يا الله الموضوع صعب اووي يارب يسرها من عندك هي عنديه و مستحيل هعرف اروضها بسهوله هطلع عيني انا عارف بس علي قلبي زي العسل بس ازاي تبقي في بيتي و بيفصل بيني و بينها حيطه و مأخدهاش في حضني ديه حته من روحي أو هي كل روحي يارب الموضوع يعدي علي خير .......
قاطع شرودي لما تلفوني رن ولقتها طنط ماجدة بصيت علي شاشه التلفون بضيق ..
ادم : سلام عليكم
ماجده : و عليكم يا حبيبي عملت ايه
ادم : الحمد لله يا حاجه
ماجده : يعني هي رضيت عادي كدا
ادم : اطمني مفيش حاجه
ماجده : يعني الخطه نجحت
ادم : مش اوي
ماجده :يعني ايه يبقي مرضيتش صح
ادم : اممم
ماجده: هقولك تعمل ايه ...
_______________________
يونس : بس كدا يا خالتي احنا بنإذيها
ماجده : انا عاوزة تبقي قويه و ادم هيقويها
يونس بيكمل : عليه هيقويها عليه لما تعرف الحقيقه هتكرهُ لأنه عايشها احلي ايام المفروض تعيشها اسوء ايام ..
ماجده بإرتباك: قصدك ان انا مش خايفه علي بنتي انا ادري بمصلحتها بيها ملكش دعوة انا عارفه بعمل ايه
______________________________
الصبح في شقة شهد و ادم
ادم صحي و راح يخبط علي شهد علشان أهله و مامتها جايين قعد يخبط شويه لحد ما فتحت و كانت شكلها حلو اوي 
شعرها منعكش و عينيها حمرا و الكحل سايح علي وشها
شعرها منعكش و عينيها حمرا و الكحل سايح علي وشها ادم : بسم الله الرحمن الرحيم انتي مين
شهد : في ايه حد يخبط علي حد كدا
ادم متنح : ده صوت شهد هي فين انصرف انصرف
شهد : في ايه يا عبيط انت ما أنا واقفه قدامك
ادم بإستيعاب شدها من ايديها وهي بتزعق فيه وواقفها قدام المرايا اول ما بصت علي نفسها
شهد : اععععععااااااااا
ادم واقف فطسان من الضحك : شكلك مسخره
شهد بغيظ : امشي اطلع برااا
ادم : طالع طالع بس اجهزي عشان اهلنا جايين يبركولنا في الصباحيه اللي زي وشك ديه
شهد حدفت عليه الفازة اللي جنبها بس هو اخد باله وخرج وقفل الباب بسرعه الفازة اتكسرت في الباب
شهد من جوا الاوضه : ااعععااااا
ادم بصدمه : يا بنت المجنونه ديه كانت هتموتني
_______________________
شهد : والله لاوريك
فتحت الدولاب طلعت منه فستان بحمالات رفيعه لونه كشمير و دخلت اخدت شور
و ظبطت نفسي و لبست روب فوق الفستان وسبت الروب مفتوح و سيبت شعري حطيت كحل و رسمت عيني رسمه جريئه و روج احمر مكتوم .. و خرجت ..
كنت بدور عليه بعيوني عشان يعرف مين فينا العفريت و دخل حياة التاني دمرها ابن فتحيه
__________________________
شهد : اول ما خرجت لقيت مامته و و مين دول ...
خرجت سلمت علي مامته اللي اول ما شافتني حضنتني و قالتلي
فتحيه (ماما ادم ) : مبارك يا حبيبتي الف الف مبروك ايه الحلاوة ديه لولولولولولولوي
رقعت زغروطه في ودني خلتني دوخت
لقيت ادم قام وقف جمبي وكان متنح همس في ودني : ايه اللي انتي لابسه ده مش كان أولي ب الحلاوة ديه امبارح و شدها من ايديها
بعد اذنك يا ماما ثانيه
دخل الاوضه تاني هو وهي
ادم : ايه اللي انتي عامله ده امسحي اللي في وشك ده و اقفلي الروب
بقيت بصاله و مبسوطه بحالته ديه قربت منه لحد ما وقفت علي طراطيف صوابعي و لمست خده لقيته غمض عينيه و مسك علي أيده جامد
بعدت بسرعه و غفلته و خرجت
ادم بلع ريقه و فتح عينيه ملقهاش قدامه : يابنت الورمه وربنا لوريكي لما ينزلوا
خرج وراها وراح عشان يعرفها علي ضرايرها بخبث...
لقيته راح حضن واحده من اللي قاعدين و قال
ادم: ديه ابتسام مراتي الأولي تعالي سلمي
روحت سلمت عليها وانا في سري بشتمه : يا بجحتك جايبهم يوم الصباحيه طيب والله لاوريك
سلمت عليها لقتها بتعصر ايدي في إيدها وهي بتبصلي بغيظ اسكت لا طبعا
ابتسام : اهه ايدي
شهد : معلش لقيتك بتشدي قولت أشد انا كمان قربت حضنتها وقولت : اوعي تكوني مفكراني فافي دا انا ب عشرة منك
بعدت عنها و قولت وانا بلف وشي لادم اللي مذهول اني حضنتها
شهد : شكلها طيبه ابتسام
ادم : احم اه طيبه و ديه مني مراتي التانيه
شهد : ازيك يا حبيبتي
ادم : و ديه مروة
شهد : التالته ...ازيك
سلمت عليهم كلهم بعد بعد ما ايدي كانت بتتعصر كنت بحاول ابين اني كويسه
فتحيه : ايه يا آدم عاوزك تعالي
دخلت معاه الاوضه و سابوني مع التلاته اللي هياكلوني بعنيهم
خدت ادم و دخلت الأوضه و مكملتش دقيقتين و لقتها عامله تزغرطت اول ما زغرطت لقيت التلاته بصولي و مني ديه الرتبه التانيه بتقولي
مني: لحقتي يا ختي مش كنتي رافضه وقولتي متجوزش علي تلاته
مروة : وهي هتلاقي زيه فين
وابتسام بتبصلها بغيظ : والله لاوريكي
شهد وهي بتغيظهم و بتغيظ ابتسام اكتر : اللي عندكم اعملوا انا خلاص أخدته منكم
شهد بتبصلهم بإبتسامة نصر لقت مامت ادم خرجت وهي بتزغرط و بتقول
فتحيه : يلا يا بنات نسيب العرسان لوحدهم مبروك يا شهد يا حبيبه قلبي
شهد : الله يبارك فيكي يا ماما
ادم راح وصلهم لحد الباب
_____________________
شهد قلعت الروب و راحت فتحت الشاشه و بتشغل فيلم و بتقعد علي الركنه وهي مستنيه خطتها تبدء ......
ادم بعد ما قفل الباب رايح ليها و هو بيتوعدلها و بيلف و داخل الصالون اتفاجئ من اللي شايفه
هي قاعده برينسس و شغال قصادها فيلم رعب و هي....... هي بتضحك و بتبصله ب شر
ادم بلع ريقه و اتكلم في سره : يارب استر ديه مجنونه
راحلها ولسه هيزعق بس اخد باله منها اكتر هي لابسه فستان نوم ايه الحلاوة ديه
ادم بصوت عالي : شريرة قمر
شهد ابتسمت من جواها و هي شايفه تأثيرها عليه واتكلمت بدلع : تعالي اقعد يا بيبي اتفرج معايا الفيلم حلو اوي ...
ادم : بيبي !!!! انتي سخنه اااه بركاتك يا ماجده قال اخر كلامه بصوت واطي و قعد جنبها و بيفتكر كلام ماجده ليه
Flashback
ماجده :هقولك تعمل ايه
ادم : كفايه عليها كدا
ماجده : اسمع بس انت تجيب مراتاتك الصبح بحجة انهم يعني جايين يباركوا ليكم و خليها تغير حاول تغيظها بيهم
ادم : بس كدا هتزعل .يعني
ماجده : اسمع الكلام بس ...
End
___________________________
شهد : بتقول ايه هتيجي تقعد
ادم :طبعا و نط جمبها علي الكنبه و اندمجت شهد في الفلم و ادم بيتسحب عشان يحط أيده علي كتفها و اول ما أيده حضنتها
لقي الباب بيخبط
ادم في سره : ده مين الغلس ده
شهد قايمه تفتح
ادم : استني عندك انتي رايحه تفتحي كدا ب جسمك اللي باين دا خشي جوا البسي حاجه لو خرجتي كدا تاني هنفخك
شهد بصتله بإستهزاء و لسه هيروح وراها الباب رن تاني
شهد دخلت الاوضه و راح هو فتح
ماجده وهي بتدخل واتكلمت بتريقه : ايه يا عريس اومال لو مكنتش نايم كويس
شهد اول ما سمعت صوت مامتها خرجتلها بسرعه
شهد بدموع: ماما
حضنتها و عيطت و ماجده اتفأجات من اللي لابسه شهد و حضنتها مالك يا روح ماما و بصت لادم
ماجده : انت عملت فيها ايه يا واد
شهد مسحت دموعها : مفيش يا ماما انتي بس وحشتيني
ماجده : شدتها من ايديها و دخلت الاوضه
ماجده اول ما دخلت بصت بصدمه علي السرير و لقته مكسور
ماجده بقلق : شهد انتي كويسه عمل فيكي ايه المجنون ده
شهد : مفيش حاجه يا ماما متقلقيش انتي دخلتينا هنا ليه تعالي نقعد في الصالون
ماجده قربت منها بخوف : بت هو غصبك علي حاجه
شهد فهمت اللي بيدور في دماغها و جتلها فكره : لا يا ماما متكسفنيش بقا
ماجده في سرها اه يابن اللذينه و بتقولي محصلش بتغزي العين يا آدم : يعني انتي بخير بس ايه اللي غيرك دا انا قولت هتجننيه
شهد : معرفش بقا هي جت كدا يا ماما بقا
ماجده : طيب طيب خلاص متتكسفيش الله اكبر عليكي و علي حلاوتك يا بت طالعالي تعالي نخرج الحمد لله اطمنت عليكي
___________________________
ادم.
سمحني يارب بس اول ما دخلو الاوضه و قفت اسمع بيقولوا ايه و بنت اللذينه سبكت علي امها الدور بس أنا فاهم هي قالت ليه كدا هي خايفه لاقول لامها حاجه قالت تسبق بس ماشي والله لاستغل الفرصه ....
________________________
خرجت انا وماما من الأوضه لقيت ادم قاعد علي الركنه و اول ما شافني قام اخدني في حضنه و قال لماما
ادم : اتفضلي يا امي
راحوا قاعدوا و ادم عمال يتلزق فيها وهي ساكته و متحمله عشان مامتها
ادم مسك ايديها و باسها قدام مامتها لما قدمت عصير
ادم : تسلم ايديك يا عيوني
شهد بتوتر سحب ايديها و ابتسمت ليه و من جواها متغاظه أنه مستغل الوضع
ماجدة طيب يا ولاد اسيبكم انا بدل ما أنا قاعدة زي العزول كدا
شهد : لا خليكي معايا ..قصدي يعني اتغدي معانا ولا ايه رايك يا آدم
ادم : ايوا طبعا هتتغدي معانا
ماجده : لا يا حبيبي انا هنزل بقا عشان اروح اخد علاجي و استريح و مشيت في اتجاه الباب
ادم : طب اتفضلي اوصلك
وصلوا لحد الباب و شهد جوا بتلم الحاجه
__________
ماجدة : انت رايح فين
ادم هنزل معاكي اوصلك
ماجده : لا خليك جمب عروستك و كملت كلامها بصوت واطي : بتغزي العين يا ولا و اقولك مرضيتش تقولي اه
ادم لسه هيفهمها ماجده شافت شهد جت وراهم
ماجده : يلا يا شهد مع السلامه يا حبيبتي .
شهد : ديه متتحسبش يا ماما
ماجده :إن شاء الله يا حبيبتي اجيلك تاني وعاوزه اسمع خبر حلو قريب كدا عاوزة ابقي تيته
شهد و ادم بصوا لبعض
شهد بتوتر : إن شاء الله يا امي خلي بالك من نفسك و علاجك هااا و سلميلي علي يونس و علي خالتو
ادم بصلها و اضايق من جواه لما لاقها بتتكلم علي يونس
بعد ما قفل ادم الباب
بص وراه ولقي شهد بصاله بغضب
شهد : ممكن افهم ايه اللي كنت بتعمله دا و امي قاعده
ادم عداها ببرود : كنت بعمل ايه
شهد : انت انت كنت بتت*حرش بيا و دا ضد القانون علي فكرا
ادم قرب منها مره واحده : هت*حرش بمراتي طب تيجي ازاي و مين هيصدقك بصلها بخبث و كمل : ما تيجي نحقق حلم الحاجه ماجده
شهد : حلم ايه
ادم : تبقي تيته
شهد اتكسفت و جريت علي الاوضه و شويه ورجعت تاني
شهد و هي باصه للأرض : ممكن تجيب حد يصلح السرير عشان مش بعرف انام كويس
ادم : انتي مش جعانه
شهد : اووي والله
ادم : طيب في فراخ و حمام في التلاجه روحي حمريهم
شهد بتوتر : ما أنا مش بعرف ممكن انت تعملهم ...بلييز
ادم : بشرط
شهد : نعممم
ادم : طيب بلاش هجيب اكل ليييااا انا لوحدي من برا و اكل لوحددييي
شهد بغيظ : اتفضل اشرطط
ادم : علي كل حماميه بوسه
شهد : ببعدك
a few moments later.....
_____________________
في المطبخ
شهد وهي بتبوس ادم في خده غصب عنها عشان جعانه
ادم وهو بيحمر الحمام : شاطره يا بطتي ....تعرفي
شهد بتتفرج عليه : عرفني
ادم : انا بدأت اتفائل بالكلمه ديه
شهد : اني كلمه
ادم وهو بيقلد طبقه صوتها : ببعدك و قعد يضحك
شهد : نينينينيني
ادم ادم ادم
ادم : ايه ايه ايهههه
شهد : ممكن تعلمني اشوح الرز زيك كدا
ادم ضحك : دا انتي علي الله حكايتك حاضر يا ستي
قعدوا يهزروا في المطبخ و خرجوا كلوا بعد ما ادم اخد كل البوسات بتاعته
شهد : علي فكرا انت غشاش عشان اخدت بوسه زياده وانا كلت حماميه واحده وانت اخدت بوستين
ادم: ما انتي أكلتي رز
شهد : بس احنا اتفقنا علي الحمام بس
ادم : خلاص يبقي ليكي عندي بوسه تعالي اديهالك
و قاموا جروا ورا بعض
شهد : خلاص والله حلال فيك مش عاوزاها اهمد بقا هو انت عشان واكل حمام هتطير عليا
ادم :ولو انا راجل حقاني لازم اديلك البوسه
مسكها و حاصرها في الحيطه
شهد قلبها بقي بيدق جامد و بتتهرب بعينيها منه
ادم فضل باصص في عينيها : بصيلي
شهد بصتله وهي متوتره واتكلمت بضعف : اااادم ابعد ..
ادم قرب اكتر ووو وهي غمضت عينيها و بتاخد نفسها بسرعه و راح جمب ودنها و همس بضعف : جنينتيني
انا اتوترت اكتر نبرة صوته و ريحته و الوضع اللي احنا فيه كنت انا الخصم الضعيف في الوقت دا مش قادرة أبعده عني و مش قادرة اسمحله يقرب فضلت بصاله لحد ما قرب مني اكتر و بقيت بتنفس نفسه :
ادم وهو بيبص في عينيها : ممكن تديني فرصه تحبيني و لو محبتنيش هعمل اللي انتي عايزاه ...
