رواية احببت عيوبك قبل عيونك الفصل الثاني 2 بقلم رقية محمد
.jpg)
بصلهم جدي بصرامه وقال : مشفش وشك في البيت هنا تاني يا حمزه.
بصينا كلنا بصدمه على حمزه الي وشه كان ميقلش عننا في الصدمه بحاجه
بحزم : من ساعه ما خذلتني يبقي ملكش مكان في الدار، بنات الناس مش لعبه، وخصوصاً أنها بنت عمك ، تجدر تجولي هتجدر تحط عيينك في عينها ؟ ، عينك في عين عمك !
بصيت لبابا الي بيتابع الحوار بصمت
- يعني اي ؟ ، هو قال إنه بيحبني يا جدي ، هتمنعوني منه عشان اي ومين ؟ ، جدي انا بحبه زي ما بيحبني وكمـ..
قاطعها جدي بغضب : أنتِ لسه مشفتش صرفه معاكي ، لو انتي فاكره يا بت عزه إن الموضوع من ناحيتك انتهي تبقي غلطانه ، الي يمس شعره من حفيده الهلالي ولو حتي ابوها ، يبقي مسني، انا مش صغير وسطكم أهني، الي قلته يتنفذ بالحرف، من بكره لو لمحتك في الدار يبقي لينا تصرف تاني .
بصتله مرات عمي بدموع : هتحرمني من ولدي يا عمي ! طيب هو غلط انا ذنبي اي اتحاسب بفراقه ليه!
بصلي جدي بتفكير : اي رأيك يا بتي
_ خليه يا جدي ، انا مش هضر بوجوده في حاجه ولا هستفاد ، بس من الليلادي مليش ولد عم اسمه حمزه، الي كان بيربطنا د*م ، والد*م ده اتصف*ي من الليله .
طلعت وانا حاسه براحه اني بعد قبل فوات الأوان، كان مجرد تعود انا متأكده وكل ده هيختفي أما اشوف فارس احلامي الجديد ، الي هيقدر يحبني بعيوبي قبل مميزاتي ، الي هيقدر يشوف العيب فيا حلو ، الي هيقدر يشوفني أعظم انتصاراته في الحياه، وكأني الشئ الوحيد الي فاز بيها هي ...انا.
نمت الليه الي حسيت فيها بالتخلي، والي حسيت فيها بالخذلان، الكدب، الخيانه، الهزيمه، مينفعش اخسر نفسي عشان خاطر حد مينفعش.!
لبست دريس ابيض سيمبل عليه طرحه في نفس درجات نقشه الفستان، بصيت علي شكلي في المرايه بإنتصار وكأن شئ لم يكن .
نزلت بهدوء وانا شيفاهم متجمعين علي الاكل وبابا وماما مش موجودين !
_ صباح الخير
لفولي كلهم بإستغراب قابلتها بإبتسامه
_ اى بتبصولي كده لي ؟ شكلي وحش
زين : زي القمر
بصيت علي جدي بخجل وانا بمسك أيده وببوسها : معلش يا جدي علي الكلام الي قلته امبارح ، كان كلام وقت عصبيه متاخدش بكلامي ، عيله وغلطت
بصلي بحب : مجدرش ازعل منك يا نن عيني
_ يا سيدي اي الفطار الحلو ده ، اومال فين بابا وماما
" مش راضين ينزلوا عشانك
اتكلمت بإستغراب: عشاني ؟ هو انا فيا اي كلكم مستغربيني النهارده كده لي ، عموماً انا هروحلهم عشان نفطر كلنا محدش يحط لقمه في بقه عقبال ما اجي
_____
_ صباح الخير
" صباح النور اي الي نزلك من اوضتك ؟
_ واي الي مش هينزلني منها ؟
" رقيه بلاش تعملي كأن محصلش حاجه، رقيه انتي ازاي ساكته كده، ازاي مـ انهارتيش وبهدلتي الدنيا ورفضتي أنه يقعد هنا دقيقه واحده
_ يا ماما افهـ
" لا هفهم ولا زفت، ده كان بيلعب بيكي ، سامحتيه علي كسره قلبك كده عادي ؟ نسيتي كل ده في كام ساعه بس ؟؟
بصلهاا بابا بهدوء : يلا نخرج نفطر
خرجنا بهدوء ومتكلمناش علي الاكل كـ احتراما للاكل بس قاطع صوتنا ده صوت حمزه
* جدي انا عايز أخطب فاطمه
ظهرت ملامح الفرحه عليها
' جدي انا كنت عايز اقولك امبارح بس الظروف مسمحتش ، انا عايز اطلب ايد رقيه منك ومن عمي .
بصيت بصدمه علي ماما
