رواية عارضة الازياء الفصل الثالث 3 بقلم ايمي احمد
انسه نور.. دورك دلوقتي اتفضلي
انا هدخل ل وحدي تقدر تستناني هنا أو تروح شغلك برحتك
اتنهد معتز وشد ايدها ودخل للدكتور من غير ما يرد عليها
معتز : اقعدي
َقاعدت نور ومعتز قاعد قصدها
ودخل الدكتور بعدها واللي رحب بيهم
ولانه كان على معرفه بي
الدكتور : اهلا يا معتز نورتني.
ازيك يا انسه نور
قاعد الدكتور قصدهم وشاور ل نور
الدكتور :اتفضلي يا انسه .تقدر تقوليلي بتشتكي من ايه
نور بصت ل معتز بتردد وسكتت.
الدكتور فهم : ممكن تخرج يا معتز وتسبني معاها لوحدنا
معتز بهدوء :لا
الدكتور اتحمحم بحرج وحب يبعد نور عن معتز عشان تتكلم براحتها : احم تمام ممكن يا انسه تدخلي الاوضه دي وترتاحي على السرير وانا هجيلك.
معتز رفع حاجبه بستنكار :افندم!!
الدكتور :كده ماينفعش.. يا بشمهندس.. دا فحص طبيعي اومال انت هنا ليه
معتز :الأول تقولك هي بيحصل معاها ايه.. وبعدين نشوف الفحص الطبيعي دا
َنور اتكلمت بهدوء وخوفا من معتز اللي بيبص للدكتور بغضب و كأنه عايز يفتر.سه :
بص يا دكتور المشكله اني ديما حسه بألم في معدتي.. وحرقان قوي وبيزد جدا اول ماصحي من النوم
واي اكل بكلوا بيتعبني..
وبقيت اتجنب الاكل على قد ماقدر.
. بس دا ممانعش الاحساس بالغثيان و الدواخه
وبقيت اتعب من أقل مجهود
.. كل دا كان بيهدي بالمسكنات
لحد من يومين..
سكتت نور ورجعت كملت باحراج وهي بتتجنب نظرات معتز
نور :بقى بيخطلت عندي القئ بد.م
معتز كان بيبصلها بصدمه وقلق.. واحساس بالغضب منها
واتكلم بجمود :نعم!! كل دا طيب و كنتي ساكته ليه
.. صوته كان عالي
هز نور من مكانها وعيونها دمعت وردت بتحدي :انا حره.
ردها زاده غضب ولسه هيتكلم قطعه الدكتور بسأله ل نور
: طيب هي الأعراض دي ظهرت من أمته
نور بهمس :شهرين تقريبا
الدكتور بستغرب : وليه فعلا سكتي كل دا.. والمسكنات اللي كنتي بتاخديها اسمها ايه..و مين كتبهالك
نور : كنت بخدها لوحدي.. ومش حاجه معينه اي مسكن يهدي الوجع
بس مع الوقت المسكن مابقاش بيعمل مفعول
مهما زودت الكميه والألم بيزيد اكتر
الدكتور :المسكنات دي لوحدها أكبر غلط.. وممكن تعمل فشل كلوي لقدر الله
كان لازم تراجع مع دكتور
معتز : والعمل ايه دلوقتي.. وايه سبب تعبها من الاساس
الدكتور : خير ان شاء الله .. انا بس هحتاج منها تعمل التحاليل و الاشعه دي.. عشان اقدر افهم اكتر
واول ماتظهر هتوها
وهكتبلها علي علاج تمشي عليه
والاكل يكون صحي وبلاش اي كوفين او مشروبات غازيه. ويفضل الراحه
معتز :تمام
خد الروشته
وخرجت نور من عند الدكتور ومعتز وراها
معتز شد ذراعها وبصلها بغضب :هو انتي كنتي مستنيه ايه لما وصلتيلي ل كده. والتعب دا كنتي مستنيه توصلي بي لفين .. وان ماكنتش جبتك المستشفى النهارده
كنتي هتجي أمته
نور بضيق :ماكنتش هاجي يا معتز.. ولا النهاردة ولا بكره.. ولا بعد سنه
وكفايه زعيق بقى.. انا ماشيه
َ
معتز: ماشيه على فين . يلا عشان تعملي التحاليل والاشعه دي
نور :مش هعمل حاجه
معتز : تمام
هتصل انا ب غاليه.. تجي هي ونشوف ردها.. ومشكلتك ايه
نور سكتت ومشيت معا بهدوء افضل ليها
وسأل معتز على قسم الاشاعه
وعملت الاشعه المطلوبه
وعملها التحاليل
......
خلصوا و خرجوا من المستشفى
ونور حسه بتعب كأنها بذلت مجهود كبير
ومعتز ماشي معاها وحاسس بخوف
بيحاول يستبعد مرض نور ممكن يكون ايه
وكل فكره اسوء من غيرها
فتح لها باب العربيه تركب
ولف هو كمان وطلع العربيه من الناحيه التانيه
وبداء يسوق للبيت
نور بتعب :انت رايح فين
معتز :هروحك ترتاحي. زي الدكتور ما قال
نور :معتز انا عندي شغل و لازم اخلصه.. ارجوك وديني المشغل
معتز :انا ههتم بشغلك المهم ترتاحي وتبقى احسن من الاول
نور بعتراض : مش هتعرف تعمل اللي عايزه..
ولا تتعامل مع البنات.. وانا مابحبش قاعدت البيت هرتاح في الشغل اكتر
معتز : مافيش شغل.. ومن النهارده اعتبري نفسك في اجازه لحد مانشوف الدكتور هيقول ايه
نور :معتز. المعر.
معتز قطعها بعصبيه :خلاص يانور كفايه..
كل كلمه لازم تعترضي عليها. ومش فاهم ليه
ما تسمعي الكلام بقا.. من أمته وانتي بتعرضيني وليه العند معايا دا يا بنت الناس.. مالك. فيكي ايه
معتز كان بيتكلم وهو بيسوق العربيه
وراسه تعبته من التفكير.. في نور اللي اتغيرت كليا معا
نور بعد صمت دام دقايق
بصتله و اتكلمت بهدوء :بابا كلمني و طلب مني اني اروح اعيش معاه
معتز شد الفرامل فجاءه وبص ل نور بغضب
:ابوكي مين اللي كلمك وازاي ماقولتليش.. وكلمك أمته
نور : من فتره كده.. قالي انه عايزني اروح اعيش معا ومع اخواتي.. وانا فكرت في طلبه
سكتت نور.
معتز بهدوء :ها وبعدين
نور : انا موافقه
كنت مأجله الكلام دا ل بعد العرض
و هكلمك فيه بس انا حبه اروح من لوقتي
معتز بصلها وضحك بتهكم : تروحي اممم ... عند ابوكي!! وانتي موافقه تعيشي معا.
نور : انت بتضحك على ايه . وفين المشكله اني اروح اعيش مع بابا
معتز :هو مين ابوكي دا يا نور..
ردي عليا هو انتي تعرفي ليكي اب دا انتي يادوب تعرفي اسمه من البطاقه ..
طيب هو يعرفك..... بجد يعرفك.
ولا بعتيله صورتك عشان يتعرف عليكي
دا سابك وانتي عمرك سنتين
.. طلق امك بيكي من عشرين سنه
وعمره مافكر يسأل عليكي ولو مره بالغلط..
امك و ابوكي رموكي لينا يانور.. وانتي حتى ماكنتيش بتعرفي تتكلمي او حتى تنادي عليهم.. دلوقتي بتقولي عايزه تعيشي مع ابوكي
بعد كل واحد ماتجوز وعاش حياته وخلف.
وانا وامي اللي شيلنا همك..
ابوكي دلوقتي افتكر انه لي بنت.. وفكر يدور عليها بعد عشرين سنه
وانتي وعايزه تسبينا تروحيلوا عادي كده
كان معتز بيتكلم وهو بيضحك بسخريه وتهكم
والغضب مسيطر عليه
وكل كلمه بيقولها كانت زي السهم بيختر.ق قلب اللي قدامه ببرود
انت بتعيرني يا معتز
قطعت نور كلامه وهي بتبلع غصتها بصعوبه
وحولت ماتبكيش قدامه و اتكلمت بثبات:
انت بتعيرني ...
انا عارفه ان فضلك انت وخالتي كبير عليا
وانا عمري مانسيته
ولا نسيت ان امي وابويا رموني ليكم
وكل واحد عاش حياته..
وهمي انتم اللي شلتوه
بس انت صح كفايه بقى شيل هم لحد كده..
انا هروح اعيش مع ابويا يا معتز
اللي لسه متعرفه عليه من يومين
وشكرا على الجميل اللي عمري ما هقدر ارده.
وتضحيتكم عشاني
سكتت نور وخرجت من العربيه بسرعه
وهي بتبعد عنه قبل دموعها ماتخونها قدامه
بعدت وبدات تبكي وشهقتها بتزيد بقهر
وهي بتكم صوتها
والناس بتتفرج عليه وصعبان عليهم
احساس انك تكون مثيره للشفقه صعب
ودا زاد بكائها اكتر
"ماكنتش مستنيه اسمع الكلام دا منك يامعتز.. انا همي كان تعبك كده.. انا ليه قليله... اللي يكرهم امه وابوه هيستنا مين يحبه.. دا انا كنت هم عليهم ومن منهم .. يبقى كتر خيره معتز استحمل كتير "بكائها زاد
وحست بمعتز اللي شدها من درعها وحضنها
حباها جوه حضنه.. وكانه بيخبيها من نظرات الناس وهي حاولت تبعده بغضب
مسح علي شعرها بحنيه
واتكلم بندم :انا اسف.. سامحيني يا نور ..
بس انتي الي غلطانه عايزه تبعدي عنا ...
عايزه تمشي
فكرت ان حد يبعدك عنا بتجنني.. انتي بنتي و اختي..وكل ما ليا يانور.
مش هسمح لحد ياخدك مني. حتي لو كان ابوكي او امك ماينفعش تسبينا عشان اي حد
نور بهمس " بس انا مش اختك يامعتز"
فكرت نفسها وبعدت عنه بهدوء
