رواية حكاية لم تنتهي نوح ونادين الفصل الثاني 2 بقلم رودي عبدالحميد
▪︎ في مكان ما ▪︎
نوح قاعد وحاطت راسه بين إيديه وبيقول : مديت إيدي عليها ، عُمري فِحياتي ما عملتها ، أنا إزاي مديت إيدي عليها إزااايي ؟
قعدت نيرة جمبو وحطت إيديها علي كتفو وبتطبطب عليه وهي بتقول : معلش يا حبيبي ما هي برضوا غلطت وقالت كلمة مينفعش تقولهالك برضوا
نوح رفع راسو وبص لِنيرة وقال : ماهي حقها ، لو إتكلمنا بالعقل هي حقها تقول أكتر من كدة كمان
نيرة لوت بوزها وإدتو ضهرها وقالت : حتي لو ، وبعدين إنت مش بتحبني ولا إيه يا نوح
نفخ نوح بضيق وحط إيدو علي كتفها ولفها ليه وقال : لا بحبك ولو مش بحبك مكانش كل دا حصل بس هي برضوا واحدة ست وجوزها بيقولها مبقتش أحبك وبيحب واحدة تانيه تو_جع برضوا
حطت نيرة راسها علي صد_ر نوح وقالت : بس أنا بحبك وهعوضك عن كل دا وإنت زهقت ودا حقك أي حد يزهق عادي دي مش جر_يمة وبعدين يا حبيبي الشرع محلل اربعه ودي حاجة مش بتزعل يعني
ضمها نوح ناحيتو وقال بإقتناع : فعلاً عندك حق و أنا هتجوزك في أقرب وقت
إبتسمت نيرة بسعادة وقالت : بحبك أوي يا حبيبي
إكتفي نوح بإنو يبتسم بس وطبطب علي كتفها وهو بالو مشغول بحاجات كتير أويي
▪︎ في بيت نوح ▪︎
نادين بِعياط قالت وهي بتتكلم فالفون : يا ماما قولتلك مفيش حاجة شوية تعب بس وإرهاق
مامتها بِقلق : تعب وإرهاق إيه يا نادين إنتي باين علي صوتك يا حبيبتي إنك مق_طعه نفسك من العياط ، هو نوح عملك حاجة يا بنتي
نادين إفتكرت كلام نوح ليها والقلم اللي ضر_بهولها ، حطت إيديها علي خدها ودموعها نزلت بِحُ_رقة وقالت : لأ يا حبيبتي نوح معمليش حاجة إنتي عارفه إننا بنحب بعض أوي وهو ميقدرش يإذيني في أي حاجة خالص
مامتها بِشك : متأكدة يا نادين إن نوح مجاش جمبك ولا عملك حاجة
نادين بتأكيد : أها يا حبيبتي نوح كويس معايا جداً
مامتها بِهدوء قالت : ماشي يا حبيبتي خلي بالك من نفسك وربنا يهديكو علي بعض ويخليكو لبعض يارب
نادين مسحت دموعها وقالت : يارب يا حبيبتي
مامتها بإبتسامة : ماشي يا حبيبتي هتعوزي حاجة أنا هقفل علشان أخلص اللي ورايا كدة
نادين بإبتسامة : لا يا حبيبتي سلامتك ، باي
قفلت نادين مع مامتها وخبت وشها بين إيديها وفضلت تعيط بُح_رقة وهي بتقول : الله يسامحك يا نوح
جه نوح من برا ودخل الأوضة لقاها قاعدة بتعيط ، قرب وقعدت قصادها علي السرير وقال : إنتي لسه بتعيطي ؟ ، ما إنتي الغلطانه حد قالك قولي كدة
مسحت نادين دموعها ومردتش عليه وفضلت ساكته
أخد نوح نفس عميق وقال :
رفعت راسها وبصِتلو بصدمة وقالت :
يتبع..
