رواية ظلمتها ثم احببتها الفصل العاشر 10 بقلم مريم صادق
.jpg)
عند رؤى و كريم في الموصلات
كريم بتعب /أنا تعبت بقالنا ساعه وقفين عشان مفيش مواصلات يااا لو الواحد يبقا زى مهاب الزفت دا كدا
رؤى بضحك/ههه زفت و عايز تكون زيه ازاى طيب
كريم بأبتسامه /عمرى ما اكون زيه في القسوة يا رؤى ولا حتى الغرور نفسي ربنا يدينى ربع فلوسو حتى تعرفي مش هجيب قصر ولا ڤيلة لا هعيش في شقه بسيطه و جميلة و مريحه كدا مع بنت الحلال اللى ربنا يبعتها لقلبي و هجيب عريبة عادية مش فخمه اوى و الجو دا بس عربية توصلنى مكان شغلى و كدا يعنى بدال ما أقف ساعه كدا كل يوم و كمان هساعد كل محتاج
رؤى ابتسمت لأنها عجبها حلمه /تعرف طول ما ربنا معاك هيحققلك حلمك بس وحدة وحدة يا كريم بس قول يا رب
كريم بأبتسامه /يا رب (بعدين كمل بمرح) بقولك ايه نص الطريق عدا تجى نجنن و ننزل نتمشي
رؤى ضحكت /ههههه مريم انت مجنون يا كريم
كريم ضحك/هههه اه مجنون و على اي جمب هنا يسطا لو سمحت و شد رؤى من أيدها و نزلو
رؤى فضلت تضحك بسبب جنونه/انت مجنون بجد يا كريم دا مفيش حد في الشارع
كريم بمرح /دى احلى حاجه والله تجى نجرى
رؤى بضحك/كريم كفايا جنان
فجأة السما مطرت
كريم شد رؤى من أيدها فضل يجرى و هى تجرى و تضحك و هو كمان كان مبسوط اوى و بيضحك جدا من الفرحه اللى هو مش عارف حتى سببها
كريم بتعب و ضحك قعده على الرصيف /اه كفايا تعبت
رؤى بفرحه وطفولة مسكت ايده /لا يلا يا كريم قوم بقاااا. يلا يا كريمممم بقاا
كريم بضحك /ههههه يا طفلة اقعدى بس انا تعبت من الجرى
رؤى قعدت و هى فرحانه اوى/تعبت اوى بصراحه بس اتبسط اوى يخربيت جنانك بجد
كريم ضحك/هههه والله يا رؤى الجنان دا هو الحاجة الوحيدة اللى مصبرانى على حياتى دى
رؤى بأبتسامه/نفسي اعرف حياتك دى
كريم بأبتسامه /لما نروح كل واحد يتعشا كدا و يرتاح و ابقا اتصل بيكى احكيلك حياتى وانتى احكيلى
رؤى بأبتسامه و طفولة/بص انت انهارده تحكيلى حياتك وانا بكره احكيلك عن حياتى تمام
كريم بأبتسامه/تمام يلا بقا عشان مش تتاخرى بسببي
رؤى /يلا
و اتمشو هما الاتنين لحد ما وصلو قبل شارع اللى سكنه في رؤى بشوية
رؤى بأبتسامه/شكرا يا كريم على كل حاجه عملتها معايا انهارده بس كفايا لحد هنا مينفعش ادخل الشارع معاك عشان الناس يعنى انت اكيد فاهمنى
كريم بأبتسامه/اكيد فاهم و مفيش بينا شكر احنا بقينا صحاب بقا و على العموم انا لسا بيتى بعد شارع بتاعك بي تلت شوارع همسي وراكى عشان اطمن عليكى و بعدها هروح
رؤى بأبتسامه/ماشى يلا
بعد خمس دقائق كانت رؤى وصلت و طلعت العمارة و كريم مشي
جمال فتح الباب لقاه رؤى اطمن
جمال بحنيه/ايه اللى اخرك يا رؤى كدا يا حبيبتي و ايه اللى خلاه هدومك مبلولة كدا
رؤى باست ايده بحنيه و حب/معلش يا بابا والله الصبح الفلوس مكفتش انى اشحن رصيد عشان اعرفكو انى لقيت شغل و بدأت كمان هدومى اتبلت من المطر
جمال بحزن /حقك عليا يا بنتى تعبتك معايا وانا بصحتى كنت قاسي عليكى و فاكر انك مش سند ليا دلوقتي صحتى راحت و اتأكدت انك سندى وان البت بمليون راجل
رؤى بحب /اوعى تقول الكلام دا يا بابا تانى انت ياما تعبت عشانا
جمال بحب/ربنا يخليكو ليا يا رب يلا أنا هدخل انام لأن بكره اول جلسه كيماوي ليا عايز أصحاب بدرى وانتى مولى ونامى
رؤى بحب/حاضر يا بابا
دخل جمال نام و رؤى دخلت عند شهاب لقته نايم خرجت دخلت اوضاتها
قعدت على السرير بتعب و افتكرت كريم ابتسمت و قالت في نفسها /اول يوم بينا انهارده بس حسه انى بفرح معاه و بطمن لما بيكون حنين عليا و بعدين افتكرت مهاب وقالت/يااا اول مرة اشوف شخصية وحشه كدا معرفش لى قبلتك في حياتى يا مهاب يمكن انت ابتلاء من عند ربنا وانا هصبر لحد ما اعرف اخرتك ايه
قامت و فتحت الدولاب و طلعت بيجامه شتوى لونها نبيتى و دخلت الحمام خدت دش و خرجت دخلت اوضتها و سرحت شعرها و عملت كحكه فوضاوية و دخلت المطبخ لقيت كنوز عمل اكل عبارة عن مكرونه بشاميل
رؤى بحب /يا حبيبتي يا ماما عارفة انى تعبانه و عملتلى الاكل اللى بحبه ربنا يديكى الصحه يا رب
و غرفت الاكل و قعدت تكول و خلصت و شالت الاطباق في المطبخ و راحت اتوضت و لبست الاسدال و صليت قيام الليل و هى بتصلى كان لونها بيرن بس هى مش اهتمت طبعاً لأنها بتصلى و خلصت و بصت لقيت كريم اللى كان بيتصل فكرت و قالت شويا و يتصل تانى
و فتحت المصحف و قريت قران لممتها هى متعودة من صغرها تقرأ كل يوم صفحه على روح مامتها زى ما كنوز عودتها
بعد خمس دقائق كانت خلصت و قلعت الاسدال لقيت كريم بيتصل تانى ردت عليه
رؤى بأبتسامه/الو
كريم بأبتسامه/ايه يا حجه وقعتى على ودنك ولا ايه
رؤى ضحكت/ههه لا بس كنت بصلى قيام الليل و يقرأ قران على روح ماما
كريم /هى مامتك متوفيه
رؤى بحزن/اه ماتت وهى بتولدنى
كريم /الله يرحمها و باباكى قدر على تربيتك من صغرك لوحدوا
رؤى /لا طبعاً بعد سنه اتجوز ماما كنوز بتعشقنى و انا بموت فيها و بعدها بي سنتين خلفو شهاب اخويا
كريم /هو في مرات اب زى الأم يا بنتى
رؤى بأبتسامه/اه انا مرات ابويا ست سكرة و من صغرى تعبت معايا ومش توقعنى بالكلام بقا أنا قولت هحكى عن حياتى بكره انت احمر يلا بقا
كريم ضحك/هههه لمضه حاضر هحكى اسمعى يا ستى
انا كريم محمد عبد الرحمن سيد السلماوى
خريج كلية الزراعة
عندى 22 سنه
امى و ابويا متوفين من تلت سنين عايش لوحدى في شقه ابويا
حلمى الوحيد انى اكون عندى مزرعه مواشي و يكون عندى شركه البان أنا دخلت الكليه دى مخصوص عشان حلمى دا
اتخرجت من سنه و في الاخر اشتغلت أمن بس عندى ثقه في ربنا كبيرة طبعاً انه هيحققلى حلمى
حياتى اليوميه بقا عبارة عن اصحى اروح الشغل اجى اكول و اصلى وانام مليش صحاب بصراحه خالص
و يوم الجمعة إجازة بقعد اغسل و امسح و أنصف البيت كدا و اعمل اكل يفضل اسبوع و يدوب اجى كل يوم اسخنه و اكول بس
رؤى بأبتسامه/ياا انت بتعمل كل حاجه لنفسك كدا
كريم بهزار/اه والنبي يختى
رؤى ضحكت /هههه انت غريب
كريم /لى
رؤى /كل دا بتعملو في حياتك و مفيش حد يشركك في و على طول بتضحك
كريم/رؤى أنا طول عمرى كدا مش بحب اشتكى غير لربنا لحد بقا ما ربنا يبعتلى بنت الحلال و تبقا تشاركنى بقا في حياتى
رؤى /أن شاء الله ربنا يبعتلك بنت الحلال اللى تصونك انت طيب و تستاهل كل خير
كريم بأبتسامه/يا رب يا رؤى والله نفسي في وحدة زيك كدا طيبه و تتحب و كمان حنينه اوى
رؤى اكسفت و معرفتش ترد
كريم ضحك/هههه انتى اكسفتى يا بنتى ولا ايه
رؤى بخجل /لا مفيش حاجه يلا تنام عشان الشغل بكره
كريم فهم انها اكسفت و ابتسم/ماشى تصبحى على خير باى
رؤى / وانت من اهل الخير باى
و نامو الاتنين على طول من تعب الشغل طول اليوم
**********************************استغفر الله
عند زين كان قاعد في البلكونه و بيشرب شاى اتصل على مى
مى بنوم /الو
زين بحب/ايه يا حبيبي نمتى بدرى لى كدا
مى بابتسامة/مش عارفه والله بس تلاقي ارهاق وكدا عادى
زين بحب البسي طرحه و اقفي في البلكونه وحشتنى
مى بكسوف /حاضر ثوانى خليك معايا
لبست مى الطرحه و كانت لبسه ترينج بينك شتوى
وخرجت
اول ما خرجت زين بصلها. وكأن نفسو تكون قدامه و يحضنها من كتر ما هى وحشته
مى لاحظت أن زين سرحان
مى بكسوف /الو يا زين انت سرحان في اى
زين بحب/سرحان في اجمل بت شفتها عيونى
مى بكسوف/زين كفايا بكسف بقا بجد هدخل انام لو مش سكت
زين ضحك /هههه بتكسفي منى أنا ميمي
مى بكسوف /أنا ندخل انام عشان عندى اول محاضرة مع دكتور رخم اوى
زين بمشاكسه/بس بتعشقي برضو
مى بحب/اوى
زين بحب وهيام/وانا بموت فيكى يا مى اوى أنا لازم اكلم خالتى بعد ما تتخرجى مليش دعوه أنا كل حلمى بقا انى اكون معاكى في بيت واحد و تكونى جلالة
مى بحب/أن شاء الله خير يا حبيبي بس فعلاً كويس انك قولت لما لتخرج عشان هى رفضه فكرة الجواز غير بعد التعليم
زين بحب/عارف يا حبيبتي والله بس هحاول كدا حتى اخطبك بس
مى /تفتكر هتوافق
زين بحب/أن شاء الله يا نور عيني 
مى بغيرة /زين يلا ادخل جو
زين استغرب/ليه في اى قلبتى لى كدا
مى بغضب و غيرة/حضرتك واقف بي تيشرت قط و شورت و الانسه اللى في الدور اللى فوق عندى سرحانه فيك اوى ببص للسما ولاحظت أنها سرحانه فيك يا استاذ
زين ضحك/ههههه يخربيت غيرتك العسل دى على العموم اللى يبص يبص أنا ولا مليون ست في العالم كله تملى عينى و قلبي و عقلى غيرك انتى يا قلب زين بالنسبة لي في داهية كل الستات ماعدا طبعاً خالتو و ريم بس الباقي مش مهم انتى بس اللى وقعتينى من صغرك و خلتينى من راجل طول بعرض لطفل صغير اه والله لما بكون معاكى بكون طفل يا مى نفسي نتجوز عشان اترمى في حضنك لما افرح و لما اتعب و لما احزن ابقا حاسس بحنيه الام و الحبيبه و الزوجه و الابنه انتى كل حاجه ليا يا مى أنا مرتحتش غير لما اعترفتلك بحبي بجد دلوقتي لو موت هبقا مرتاح لانى اعترفت بحبي ليكى قبلها و يا سلام لو ربنا كمان جوزك ليا و خلفنا و فرحنا كمان بأحفدنا
مى بدموع فرحه و خوف من كلمه الموت/بلاش تقول كدا يا زين ربنا يجعل يومى قبل يومك لانى مقدرش اعيش لحظة من غيرك
زين بحب/نفسي اموت في حضنك و تكونى حلالى يا مى
مى عيطت /كفايا بقا حرام عليك ايه الكلام دا يا زين
زين بحب /بلاش دموع طيب بقا حقك عليا
مى بحب/حاضر بس متقولش كدا تانى ويلا ادخل البت دى قربت احبها من شعرها
زين بضحك/بعد كل دا و مش اقتنعتى برضو على العموم حاضر يا ست الكل يلا تصبحى على خير يا حبيبتي
مى بحب/وانت من أهله يا حبيبي
و دخلو و كل واحد فيهم فكر في التانى شويا و نامو وهما مبسوطين اوى
****************************استغفرو الله
عند مهاب كان روح البيت و دخل لقاه جده و ابو قعدين
مهاب بابتسامة/ ازيكو يا جماعه
سليم بحب/بخير يا حبيبي تعلا اقعد
جده بجدية/أنا تعبت منك يا مهاب كل يوم ترجع وش الصبح و تنزل الصبح بدرى قبل ما نصحا محدش بقا عارف يشوفك دا مش كلام يا مهاب حقيقي
مهاب باس أيده بحب/اسف يا جدى هحاول والله اغير من نفسي بس فترة دى تعدى انت عارف موضوع چيهان بقا
سليم بحب /أن شاء الله خير يلا احنا مش اتعشينا لسا و نبيلة بتحط الاكلعلى السفرة جو يلا نكول بقا و ننام
مهاب پأستغراب/اومال فين على
جده(فاروق)/على اتعشوا من بدرى و طلع ينام
مهاب بحب/هكول و ابقا اشوفو مالو اول مرة ينام بدرى كدا
و راحو يتعشو بس طول الوقت سليم عينه على نبيلة دى حب الشباب برضو مش اى كلام يعنى (شقي برضو عن سليم
)
)اتعشوا و كل طلع ينام و مهاب فعلا أهل لعلى بس لقاه نايم
فسابو ينام
و راح اوضته خد دش و لبس بنطلون بس و قعد يشرب سجائر و يفكر في رؤى و يقول في نفسه/مش عارف ليه مشغول بيها اوى انهارده اول مرة أطول في قعدتى في المصنع بس كمل بجمود يلا بلا قرف كلهم صنف واحد و شكلها وحدة قرشين من كريم دا كمان بس انا هوريها أيام سودة و لسا اللى جى تقيل أنا مهاب مرزوق اضرب من حته عيلة دا انا هندمها و طفله السجارة و نام
*****************************---***استغفرو الله
عدا شهر كامل و لسا حياه كل واحد فيهم زى ما هى بس كريم قرب من رؤى اوى و حاسس أنه بيحبها و زين و مى علاقتهم بتطور اكتر و اكتر و زين هيموت و يخطبها حتى
و شهاب بعد شوية عن ريم عشان امتحنتها قربت و مش عايز يشغلها و أقصي حاجه بيعملها أنه يذكرلها أو يوصلها الدرس
و جمال لسا تعبان و الجلسات مش جيلى نتيجه معاه
مهاب لسا قاسي زى ما هو و فاكر إن كل الستات زى بعض بس بقا يغير على رؤى من كريم جدا و مش عارف ايه السبب
و سليم بقا يفكر في موضوع العمليه عشان يقدر يمشي تانى و نفسه يتجوز نبيلة بس في الفترة دى شرطا عليه أنه لما يفرحون بمهاب يبقا يفكر يتجوزو
نبيلة بتحب سليم بس نفسها البيت كله تكون علاقته حلوة كدا و تفرح بي مهاب و تشوف عياله
و على بقا يفكر في چيهان و أنه اتاكد أنها جزاها حد نضيف بس مش عارف ايه سبب تصرفاتها دى
و تامر بقا بيخطط هو وأمجد في مصيبه لأحدهم بقا و بسبب المصيبه دى في اتنين هيتظلمه اوى
حامد لسا قذر و ليحاول يقرب من رؤى بس كريم على طول بيحميها منه
سماح مستنيا أمر من امجد بيه عشان تنفذ خطه تأذي بيها رؤى عشان امجد يكسر مهاب
امجد بقا يحاول يقرب من مهاب يعنى يخرجو مع و يشربه و كدا يعنى
كريم بقا عمال يشتغل و يجى على. نفسه و بحوش في البنك اصلا هو بيحوش من زمان اوى اوى و ابه و أمه كانو بيشيلو لى فلوس كل سنه المهم كريم فرحان جدا لانه وصل لاربعه مليون جنيه بس دول مبلغ قليل بالنسبة لي حلمه بس اول انسانه فكر أنه يشاركها فرحته هى رؤى
رؤى كانت قعده شغالة و كريم جه عندها بفرحه باين في عينه
كريم بفرحه/ريرى ريرى
رؤى بأبتسامه و استغراب/مالك يا كريم في اى ايه مفرحك كدا
كريم بأبتسامه فرحه/فاضل تلت دقائق على وقت الاستراحه عايزك بقا في الوقت دا تقعدى معايا عشان في خبر مهم جدا جدا جدا بجد
رؤى بأستغراب/حاضر يا كريم ربنا يستر
فات تلت دقائق و راحت رؤى لكريم
رؤى /في اى بقا قولى
كريم بفرحه/حلمى بيقرب يا رؤى و قولت اول وحدة اشركها فرحتى هو انتى أنا اصلا مليش غيرك انتى
رؤى فرحت له اوى /قرب ازاى احكلى بقا
كريم بأبتسامه مليانه دموع فرحه/بعد تعب و شقا بقا معايا اربعه مليون جنيه في البنك و لسا يا رؤى هتعب اكتر و اكتر و هوصل لحلمى
رؤى بفرحه /اللهم صلى على النبي مبروك يا كيمو مبروك ربنا يقويك و يرزقك بالحلال يا رب
كريم بأبتسامه/انهارده هعزمك على الغدا مناسبة الخبر دا
رؤى بهزار/موافقة يا عم المليونير
و قعدو يضحكو و كريم حليلها شورما زيه و قعدو يكلو
لحد ما دخل مهاب المصنع و شافهم قعدين و من جواه بقا متعصب و نفسو يموتهم جرى عليه حامد لما شافوا أنه شكلو غضبان من رؤى قال يستغل الفرصه و يولع الدنيا اكتر
حامد بخبث/ازيك يا مهاب باشا
مهاب و هو مركز مع رؤى بغضب /عايز ايه يا حامد
حامد بخبث/يا باشا البت و الواد دول بقا أفعالهم غريبة و دا مينفعش كدا دا مكان شغل
مهاب /روح انت يا حامد أنا هتصرف
مشي حامد و هو فرحان أنه عمل كدا
مهاب راح عندهم بغضب مكتوم/انسه رؤى عايزك في مكتبي بعد دقيقة
رؤى بأستغراب/حاضر يا فندم
مشي مهاب
كريم بغيرة /عايزك لى دا
رؤى بأستغراب/مش عارفه والله يا كريم ربنا يستر
كريم أنا هجى معاكى و هقف على الباب برا حتى
رؤى /ماشي يلا نقوم
راحت رؤى دخلت المكتب و كريم فضل برا
اول ما دخلت مهاب رفع وشه من الورق اللى كان مركز معاه و ابتسم لو مرة اصلا يبتسم في وش رؤى
و هى استغربت دا
مهاب بابتسامة /اتفضلى اقعدى يا رؤى
رؤى بأستغراب/حاضر و قعدت
مهاب بابتسامة/ممكن اعرف سبب انك تشتغلى ايه
رؤى بجدية /اظن مفيش مدير بيسأل العاملة اللى شغالة عنده السؤال دا لأنها اسباب شخصية
مهاب ادايق من ردها و اكلم بجدية /تمام دا مرتبك يا آنسة رؤى و بما انك بتدرسي في كليه تجاره أنا من الشهر الجاى هحول للشركه عندى و هتكون سكرتيرتى الخاصه
رؤى بجدية/بس انا مرتاحه هنا
مهاب بغرور /مرتاحه عشان مع حبيب القلب طبعا مهو أنا هنقل بسببه بقا عشان وضعكو دا ميصحش كل العمال بيشتكو و دا مكان شغل مش حب و صرمحه
رؤى بغضب/صرمحه ايه يا فندم احنا زملاء و بس مش اكتر و طوظ في الناس بدال أنا صح
مهاب بلا مبالاة/أنا قولت اللى عندى اتفضلى على شغلك
خرجت رؤى لقيت كريم و حكتله اللى حصل كريم حس بغيرة و أن نفسه يدخل يعلمه الادب و ادايق من فكرة بعدها عنه هو اتعود على وجودها اوى
بس وسط كل دا كانت سماح بتسنط عليهم و سمعت كل حاجه حصلت بينهم و كمان بين رؤى ومهاب و قررت تكلم امجد و تقولو يلحق ينفذ الخطه قبل ما رؤى تمشي من المصنع
سماح بصوت واطى/الو يا امجد بيه في اخبار جديدة
و حكتله اللى حصل
امجد بخبث/حلو اوى اسمعى بقا الخطه **********
سماح /تمام يا بيه تحت امرك
امجد بجديه /تمام سلام
يتبع.........
