رواية النصيب يجمعنا كاملة بقلم نورهان عماد
.jpg)
الاول النصيب يجمعنا
_لأ يا خالتو صحيلي بنتك اللي نايمة جوا دي
الخاله_يا أحمد سيبها نايمة شوية الساعة لسة 1
أحمد بإعتراض_ 1 و بدري؟! بتقوليها عادي كدة؟
أنا اصلاً منمتش أصل مفيش حد ينام قبل فرح حبيب وصديق عمره بـ يوم!
خرجت وانا بمثل اني كنت نايمه_ في إيه صوتكم عالي ليه؟
أحمد بفرحة وكإن في انجاز حصل _ أخيراً صحيتي يا اختي يلا البسي بقا علشان نروح نجيب البدلة انتي أخت العريس وصاحبته ولازم تبقي معايا في يوم زي ده
إبتسامه مزيفه ورسمتها علي وشي بحيث ان ميظهرش حاجه عليا _ اه طبعا ياحبيبي لازم اكون معاك هلبس حالاً
مشيت من قدامه كُنت عايزة أترمي في حُضنه واقوله متسيبنيش.. مش هيبقالي حد أتسند عليه، هعيط و هشكي لمين، هجري على مين في المصايب اللي بعملها، مين هرخم عليه، هيفرح معايا، مين هيذاكرلي، مين هيزعقلي لما يلاقي شعري باين من الطرحه مين هجري على حضنه لما أحس اني محتاجه شويه حنيه ولا حبه امان؟..
كنت عايزة أبكي بس مفيش وقت لازم ألبس وانزل معاه
لبست وخرجت كان قاعد مع ماما وبيهزروا لما شافوني ماما ابتسمتلي كأنها بتقولي خليكي قويمه متعرفش ان اللي بستمد منه قوتي هيبعد.!
أحمد_يلا بينا
_يلا
نزلنا و روحنا المكان اللي هيشتري منه وانا اخدت عهد علي نفسي ان لازم يطلع زي القمر في اليوم ده معايا او مع غيري بس هو يكون فرحان ومبسوط.
أحمد بزهق_يووه بقا يا مريم انا زهقت دي خامس بدله اقيسها
مريم _ خلاص والله اخر حاجه دي بس
كانت لفتت نظري بدلة قمر كأنها مصممه له هو بس مسكتها وانا متخيلاه فيها بصيت له _بص دي كده انا شيفاك فيها بجد
بصلها بأعجاب _تحفه اوي هاتي اقيسها
وفعلاً دخل قاسها وخرج وكانت البدله بالظبط عليه فعلا متصممه له _بجد قمر اوي يا واد يا احمد
ضحك_طب يلا هدخل اغيرها علشان انا جعان
=ايوه يلا انا كمان جعااانه اووي
"خرجنا برا المكان وركبنا العربية "
أحمد_ها يا ستي تاكلي ايه؟!
مريم _ سمك في مطعم علي البحر
ومع ذلك مقدرتش اوقف عقلي عن التفكير ولا قلبي اللي بيلومني علي كل الحب اللي استنذف طاقتي ده هي خلاص حبيبته ومراته كمان يومين اما انا مليش مكان في الحدوته دي غير اني مجرد صاحبته بس.
خلص مكالمة كانت جاتله وانا مش واخده بالي وعرفت من تعبيرات وشه إنها منها وان هي متضايقة علشان نازل معايا بس انا مليش ذنب هو اللي قال وانا مقدرش ارفضله طلب ميهونش علي قلبي..
أشتغلت بحبها وفضل يهزر ويدندن معايا بصوت عالي شويه ك نوع من أنواع توديع للصحوبيه والجنان اللي بينا ، اصل أنا واحمد من صغرنا سوا، مع بعض في كل حاجة، كان هو الكبير وانا الصغيرة اه بس كان بيخلي الكل يعملي حساب في غيابه قبل وجوده، كان يحضني لما أحزن ويزعل منهم لما يعرف مين مزعلني، أحمد كان سندي وابويا واخويا وكنت اتمنى يبقى جوزي..
خلصت الاغنيه بس انا مكنتش مركزه معاها قد ما كنت مركزه في تفاصيل وشه اللي هتوحشني..
أحمد _يلا نروح ولا ايه؟
=يلا
رجعت البيت ودخلت اوضتي وقولت لماما إني تعبانة ومحتاجة أنام معترضتش لأنها عارفة اللي بنتها بتمر بيه ده كويس
ماما _مريم قومي علشان نروح لخالتو يا روحي
=حاضر يا ماما
خدتني في حضنها وطبطبت عليا وقالتلي _ربنا يعوضك ويرزقك باللي يحبك اكتر من كده انتي قلبك حلو وربنا ان شاء الله هيرزقك بكل طيب
قامت من جنبي وانا لبست فُستان أزرق سماوي نفس درجة لون عيني كان بقالي فترة مُعجبة بيه لان هو اللي اختاره معايا مكنتش اعرف اني هحضر بيه فرحه.!
دخلت القاعة لسة العريس والعروسة موصلوش الكل بيبارك لخالتو وانا كل اللي بعمله اني ببتسم ابتسامه مصطنعهمش طالعه من قلبي معنديش حيل حتي اضحك
دقايق كانوا وصلوا كان ماسك إيديها بـ فرحة وكأنها أعظم إنتصاراته لقيته غمزلي بعينه ضحكت ضحكة بهتانه وانا بحرك شفايفي بكلمه "مبروك".
إبتدت الأغاني وهما بيرقصوا سوا فرحتهم ببعض كانت وجعاني بس في نفس الوقت فرحاناله انه اخد اللي قلبه دق لها
مقدرتش اقعد اكتر من كده كنت حاسه ان هيجرالي حاجه وانا كاتمه عياطي ووجعي جوايا بس جيت علي نفسي حبه كمان وقومت باركتلهم
_الف مبروك يا احمد مبروك يا رحمه خلي بالك منه
=الله يبارك فيكِ عقبالك ياحبيبتي، بتوصيني علي مين ده حبيبي
سمعت كلامها ونفضت لوجع قلبي وكملت وانا بقوله_خليك عند وعدك بقا واول بنت تسميها علي اسمي
احمد بضحك _لا تقلقي يا اختاااه
شويه ولقيت ان الكل مشغول بالمباركات للعروسين وانا مشيت وصلت بيتي اخدت شنطتي وطلعت علي اكتر بلد حسيت اني ممكن ارتاح فيها"اسبانيا".
" بعد خمس سنوات"
كُنت قاعدة على البحر بقلب في الصفحه بتاعته علي الفيس شوفت صور ليهم كتير وصور بتجمعهم بطفله لما قرأت بعض الكومنتات عرفت انها بنته وسماها مريم فرحت انه منساش، بيقولوا اللي بيحب بيضحي وانا ضحيت بحبي لأجل إني اشوفه مبسوط مع اللي بيحبها.
اما انا ف انا مقتنعه ان مفيش حد يقدر يحسسني بالامان اللي احمد حسسهولي علشان كده قررت اعيش لشغلي وامي وبس.
