رواية المجنونة التي احببتها كاملة بقلم نور ناصر

رواية المجنونة التي احببتها كاملة بقلم نور ناصر

_«دخلت ندي جامعتها وهي بتمشي بسرعه اووي وكانها بتجري،وفجأه خبطت فولد كان ماشي قدامها»..

قلع الولد نضارته الشمسيه وقالها بزعيق:

خالد _ متفتحي ي بت انتي عاميه..

ردت عليه ندي بردح: نااااااعم انا اللي عاميه ولا انت اللي مش شايف من النضاره اللي ع عنيك دي ي سوووكر...

بصلها بغضب وقالها:خالد _ انتي بتكلميني انا كده؟..

ندي مش شايفه ادبش غيرك هناا..

اتغاظ من كلامها واهانتها ليه وكان لس هيتكلم فقاطعته وقالت بصوت عالي وزعيق:

ندي _ شكلك كده اول يووم ومتعرفش مين هي ندي احمد البدري، ومتسألنيش عرفت منين ان اول يووم ليك باين عليك اووي نضاره شمس وجاكيت جلد وجزمه بوز صاروخ، وطبعا كنت فاكر انك هتلاقي وحده تخبط فيك بالايسكريم هههههههههههه تباً لاحلام البسطاء..

سكت خالد وبصلها بهدوء بس عنيه كانت بتطق شرار وقالها بخبث:

خالد ندي احمد البدري، من حظك الاسود انك وقعتي فطريقي..

افتكرت ندي ان محاضرتها خلاص قربت

تبدأ،فجريت من قدامه وهي بتقول

ندي : خربيت ابوك المحاضره هتبدأ اعااااا..

_« بصلها وهي بتجري من قدامه بغضب شديد،وبعدها مشي للمكان اللي كان رايحله»...

ــ

«جوه المحاضره»

نسرين صاحبت ندي بضحك شديد قالتلها:

نسرين _ والنبي ي ندي طيب فهميني ازااي عايزه تتجوزي وانتي اي حد يقابلك بتشرشحيلوو، ده انتي حتي باباكي ومامتك دكاتره ومحترمين..

رفعت ندي حاجبها وقالتلها بغيظ

ندي : جرا ايه ي بت انتي انتي شايفيني ماشيه ببدلة رقص مانا اهوو محترمه ومؤدبه..

ردت عليها نسرين بغيظ من طريقتها العنيفه: بلسان امك المترين ده..

ندي: خلاص ي نسرين بقي فكك، مكنش حتت عيل ملزق هيبقي تريند حكايتنا النهارده، وتعالي نقعد من قدام بيقولو الدكتور الجديد مز وحليوه يمكن يشوفني ويعجب بجمالي الفاتن واتجوز بقي واتلم..

نسرين_ بضحك وهي بتثوم معاها عشان يقعدو قدام : هو من ناحية هيعجب بيكي شكلا

منختلفش انتي مزه وبطل، بس لسانك..

ندي بزعيق: هنزل الجزمه ع دماغ امك لو مسكتيش، اتكتمي ي بت

نسرين بضحك شديد: خلااص سكت..

_راحت ندي ونسرين وقعدو من قدام، وبعد شويه دخل المحاضره الدكتور الجديد»..

وقالت ندي بصدمه: احيييي ي فضيحتك ي نوال..

بصتلها نسرين وهي مش فاهمه حاجه وقالتلها: مالك ي عبيطه هتفضحينا في اي؟

قالتلها ندي بصوت واطي: الواد الملزق اللي هزأته هو الدكتور المز..

نسرين بصدمه: نهارك اسووح..

بص الدكتور ناحيتها واستغرب من انها متخبيه ورا الكتب،وبعدين بص للطلاب كلهم وقال بهدوء:

خالد السلام عليكم ي جماعه، انا دكتور خالد الشاذلي، اللي هكمل معاكم مادة محاسبة الشركات مكان الدكتور وليد...

_«الطلاب كلهم بصو لخالد باعجاب هو شاب وصغير فالسن ووسيم وده اللي خلي البنات تعجب بيه بسرعه،

بص خالد لندي اللي لسه كانت بتتخبي ورا كتببها وقالها بس بصوت جامد

خالد : ي انسه انا لسه مبدأتش شرح عشان تمسكي الكتااب..

وندي مكنتش بترد عليه

خالد بزعيق: انا مش بكلمك ي انسه..

ردت عليه ندي وهي لسه متخبيه ورا الكتاب: نعم..

خالد بغيظ: ي انسه ي تقفي وانا بكلمك ي تطلعي بره..

ندي بخوف: رجلي منمله مش هقدر ..

_«ضحك الطلاب كلهم ع كلامها،فاتعصب هو اكتر»..

خالد وهو يخبط ع الترابيزه قدامه بغضب شديد، فمن صوتها عرف انها هي البنت اللي شافها من شويه واتخانقت معاه وشتمته،فقال بنبره خبيثه: الصووووت،

خالد _ بقي رجلك منمله طيب انا هجيبلك الامن يطلعوكي هما بره..

وقفت ندي بسرعه وقالت بغيظ وهي بتاخد شنطتها وتطلع بره

ندي : لا وع اي انا هطلع بكرامتي احسن، فرصه سعيده ي دكتور خالد..

_«بص هو عليها وهي ماشيه بخبث شديد، وبعد كده بدأ بمحاضرته الاولي»...

وفي بيت ندي

طلعت ندي من اوضتها وقعدت قدام بابها

وقالت: اي ي حماده مراتك قالتلي انك عايزني..

احمد : مراتك دي اللي هي امك صح؟..

ندي بصوت عالي: بتغلط فياا وبتقولي امك فوشك كده، الحقي يست الهاام بابا الدكتور المحترم بيقولي امك..

طلعت مامتها الهام من المطبخ وقالت

الهام : سيبك منها ي احمد وقول حصل اي او نيلة اي تاني، هي بتعمل الشويتين دول عشان تتوه الموضوع.

.

ندي قفشااني ي ست الكل..

احمد بغيظ: انا قولت كام مره مفيش لعب مع العيال فالشاارع..

ندي ببرود: كتشيييير..

احمد بزعيق: وكلامي مبيتسمعش لي..

مثلت ندي الحزن وقالتله: عشان انا ديما لوحدي، وانتو مبتخلفوش تاني عشان تجيبولي اخ او اخت يبقي العب مع مين..

احمد بسخريه: لا ي حلوه مبقتش اتأثر بالبوقين دول..

ندي بزعيق: خلاص بقي لعبت مع العيال شوية كوره فيها اي يعني خربت الدنيا والنبي مخربت ولا حاجه..

قلع احمد الجزمه بتاعته وجري وراها : بقي انا الدكتور احمد البدري المحترم يوقفوني شوية عيال فالشارع ويقولوي ابعت ندي تلعب معاناا..

ردت عليه ندي وهي بتجري قدامه بخوف: عااا اهدي ي ابو حميد ده بدل متفرح ببنتك فخر المنطقه، ده انا بلعب كوره ولا محمد صلاح..

وضربها احمد بالج*زمه

احمد وقالها بعصبيه: افرح بمين، ده انا صرفت دم قلبي انا وامك عشان نجيب حتت عيل نفرح بيه وفالاخر تجيلي انتي، ده انا لو حسابي كده مكنتش دفعت قرش، ادفع كل ده عشان اجيب وحده تشلني..

مسكت ندي الجزمه اللي جات فوشها من شويه

وقالتله

ندي لا ي حج مش هجيب شلل ع طول، انتو جالكم الضغط صح، فاضل السكر وجلطه وبعدين شلل..

_ جري احمد وراها تاني بغيظ وعصبيه من تصرفاتها المجنونه..

الثاني من هنا

تعديل المقال