أخر الاخبار

رواية كانت ستدمره الفصل الرابع 4 بقلم اسراء ابراهيم

رواية كانت ستدمره الفصل الرابع 4 بقلم اسراء ابراهيم

طقت نورا بكلمة واحدة وقالت: طلقني
كرم بصدمة: أطلقك ليه؟
قامت نورا وقربت منه وقالت: عشان مستحيل أقبل بضرة ليا، روح أتجوز بس قبلها تكون مطلقني وبعدها أنت حر في حياتك، طالما مش حابب خلفة البنات ولا اللي خلفت البنات يبقى إيه لزوم إني أبقى في حياتك وتبقى مجبور تعيش معنا وتصرف علينا
كان كرم مصدوم إنها عرفت، عرف إنها سمعتهم لما كانت جايبة الصينية فقال بتوتر: من حقي يا نورا أتجوز غيرك الشرع محلل دا
نورا ببرود: وأنا ماقولتش حاجة بس قبلها طلقني واتجوز براحتك وأنا ماليش دعوة بحياتك
كرم بنفس البرود: وأنا مش هطلقك يا نورا
نورا بنفس البرود: خلاص أنا هرفع عليك قضية خُلع
بصلها بصدمة وقال: أنتِ اتجننتي؟
بقلم إسراء إبراهيم عبدالله
نورا بدموع: لا ماتجننتش، احمد ربنا إني عاقلة وماعملتش أي حاجة ولا شوفت مني حاجة، إيه يعني لما أخلف بنات، وبعدين دلوقتي كتير بيجروا عالخلفة ومش فارق معهم يبقى عندهم ولد ولا بنت
بس أنت تفكيرك عقيم يا كرم
اتعصب كرم وقال: وإيه يعني لما أكون عايز أخلف ولد ها؟
يبقى عندي ولد يحمل اسمي واسم العيلة
نورا: دا مش تفكيرك أنت ماكنتش بتفكر كدا يا كرم، أختك اللي لعبت في عقلك وهى هتبقى سبب في خراب بيتك، وبعدين ما أختك خلفتها كلها بنات يا ترى جوزها قالها كدا وراح اتجوز عليها؟ ولو جوزها راح قالها هتجوز عليكي عشان يبقى عندي ولد أو دخل عليها بواحدة تانية هتبقى مبسوطة وتقوله دا حقك؟
بصلها كرم فكلامها صح، لو أخته جوزها عمل كدا أكيد مش هتوافق
نورا بغضب: ها شايفاك سكت، كلامي صح مش كدا؟ أنا بقى هطلق وروح امشي ورا كلام أختك اللي عايزه تهد بيتك، ما ناس كتير خلفتها بنات ربنا اللي رايد كدا وماعترضوش ولا سمعنا إنهم راحوا اتجوزوا تاني مع إنهم يقدروا يفتحوا أكتر من بيت
نظر لها بتيه فقال: يا نورا افهميني احنا كنا بنتكلم، وبعدين أختي يعني مستحيل تضرني وهى عايزاني أبقى مبسوط وعندي ولد
نورا ببرود: خلاص ماشي روح امشي ورا أختك وابقى خليها تنفعك ولما تفشل في حياتك ابقى روح اقعد معها بقى
أنا هلم هدومي لغاية ما بناتي اللي مش بتحبهم دول يجوا من الدرس وأمشي على بيت أبويا بدل الذل والإهانة دي
كرم: أنتِ بتقولي إيه؟ مفيش خروج من البيت دا، ولا هطلقك وهقفل عليكي الباب لغاية ما أجي من برا لما أبقى أخرج
نورا بغضب: هتحبسني ولا إيه؟ أنا هتصل على أهلي وأخواتي يجولي
ياترى فعلا النهاية هتبقى الطلاق ولا إيه؟


تعليقات



حجم الخط
+
16
-
تباعد السطور
+
2
-
close