رواية انتقام لا ينسي الفصل الثاني 2 بقلم دودو ناصر
.jpg)
جاسر بخضه : فى ايه يا عماد حد يدخل كده
عماد وياخذ أنفاسه : انا اسف بس جتلنا اخبار أن فى قنبله فى ملجأ للأيتام ووقتها قرب يخلص
جاسر وهو يلم اشياءه: ابعت القوات على المكان واخلوا المكان من اى طفل وانت يا خالد جهز نفسك وهات زين وورايا بسرعه
جاسر : ورايا يا عماد
جاسر وهو يسير فى طرقات مبنى الشرطه : خبير القنابل فين
عماد وهو يسير خلفه : فى الموقع بيحاول فك الشفره
جاسر : اممم
.............
_نفسى مره واحده تصحى لوحدك زى خلق الله
=يعم غور كده ده انا بصدق أن ماما مش موجوده عشان محدش يصحينى متقرفنيش بقى وشوف انت بتعمل ايه عايزه اكمل نوم
عامر وهو يرمى من عليها البطانيه : قومى يا حور احسنلك جهزى الفطار انا جعان يشيخه ايه مش بتحسى
حور بغضب ونعاس : سبنالك انت الاحساس امشى يا عامر هموت وانام ده اليوم الوحيد الى باخده اجازه من الشغل وبعدين ما انت شحط وعندك 23 سنه وانا يدوب اكبر منك بسنه روح شوف جبنه كلها ولا حتى عيش حاف انا تعباااانه يجدع ايه مش عندك احساس
عامر بنفاذ صبر :ياباى عليكى راديوا واتفتح افصلى ورما عليها مخدها اخذتها ورجعت لنومها
عامر بحيره : اروح اعمل شكشوكه (عباره عن بيض وخضروات) وامرى لله
بعد قليل
تستيقظ حور وتشم رائحه حريق. تنهض بسرعه لأخيها : انت بتعمل ايه هتولع فى البيت ابعد ابعد وقفلت البوتجاز ورجعت له انا قولت جبنه مش شكشوكه انت اصلا بتعرف تعمل بيض مسلوق عشان تعمل شكشوكه انت مصمم تجبلى شلل مرحتش مع امك عند خالى ليه
نظرت لاخوها بغضب ثم هدأت لانه كان جائع
قالت بلين : انا اسفه انا بس مضغوطه اليومين دول اطلع وانا هجهز الفطار
عامر بضيق : بعد ايه الاسف أن شاء الله بعد المرشح ده بس جهزى الفطار لانى جبت أخرى
حور بصدمه : تصدق انا غلطانه اصلا اطلع برا خلينى اجهز الاكل بدل ما اخليك فطار ليا
غادر عامر بضحك على أخته مع انها اكبر منه لاكن اقصر منه فالجميع يعتقد أنه الأكبر بكثر منها بسبب طوله
...............
_صباح الفل على عيون احلا بابا
قالتها خلود وهى تقبل خد والدها
والدها بابتسامه بشوشه : صباح عيونك يا قلب ابوكى
جاء صوت والدتها من خلفهم
والدتها (كريمه) : مش تبطل بقى دلع فيها دى مبقتش صغيره ده إلى فسنها معاهم عيال وفتحين بيوت
خلود ببرود وتاكل خيار : قطاعه ارزاق يا كوكو والله وبعدين بقى انا لسه صغيره ايه يعنى 24 سنه وبعيدين لما يجى ابن الحلال يبقى نشوف موضوع الجواز ولا انت رايك ايه يا ابو خلود
قالت جملتها الأخيرة بغمزه لأبيها ليقفل الحديث مع والدتها
والدها ليكمل بعدها: عندك حق يا خلود مش اى حد ياخد بنتى برضوا
لتقول الام (كريمه) بلوى فمها وهو تضع الفطار على الطاولة: هو ده إلى انتوا فالحين فيه
خلود بتسائل : اماال فين جاسر مش شيفاه
والدها : عنده شغل كتير ربنا يسترها معاه
يرددوا بعده : آمين
خلود وتاخد هاتفها : تب انا ماشيه بقى اروح للبت حور وحشتنى وهخدها واروح اشترى شويه حاجات
والدتها : ماشى متتاخريش وابقى سلميلى عليها وخلى بالكوا من نفسكم
خلود وهى تقبل خد والدتها ووالدها : حاضر يا ست الكل
وتركتهم وغادرت
خلود : مرحبا يا قنديل البحر لازم انا اسال مش كده صح
لترد حور بضحك من الجهه الاخرى : مرحبا يا كلبه البحر معلش بقى كنت مطحونه فى الشغل اليومين إلى فاتوا بعيد عنك أصله مدير اعوذ بالله منه بس انت فين كده مش المفروض النهارده اجازتك وانا سامعه صوت عربيات جنبك
خلود : اه انا فى الشارع وجيالك اصل ملقتش الواد جاسر عشان اغلس عليه قولت اغلس عليكى انتى بقى نصيبك ولازم تاخديه
لترد حور بضحك : المقدم جاسر بقى واد يعينى على الكاريزما بتاعته بس تعالى الواد عامر مشى ومحدش موجود غيرى
خلود : اشطا انا اصلا تحت بيتك
حور : تب باى بقى
خلود :باى
..................
جاسر بصرامه: عايز اعرف ازاى محدش عارف مين حط القنبله
زين برسميه : احنا قلبنا الكاميرات بس مفيش حاجه وكمان فى جزء مقطوع منها ومش لاقينه
جاسر بجدية: تحولوا اى حد مشكوك للتحقيق
زين : حاضر يافندم
جاسر بجدية: روح شوف شغلك وابعت أمام ليا
زين : حاضر يا فندم
باب غرفه مكتبه يخبط
جاسر :ادخل
امام بتقديم تحيه الرسميه : افندم حضرتك طلبتنى
جاسر :اه عايزك فى موضوع مهم
...........................
حور بأحضان لخلود: وحشتينى اوى يا قنديل البحر
خلود وهى تبتعد عنها : تب كملى جميلك وقولى جمله من غير شتيمه
حور وهى تمسك يد خلود وتدخلها : تب تعالى وبعدين لو مهزقتكيش بحس بحاجه غلط
خلود بمرح : بصراحه فى دى عندك حق
لتكمل : جهزى نفسك عشان ننزل قدامك عشر دقايق
حور بمرح : فوريرا ده انا هموت وأخرج
{بعد عشر دقايق}
خلود بضحك : ايه ده اول مره اشوفك تجهزى بسرعه وكمان تلفى الخمار صح للدرجادى كنتى عايزه تخرجى
حور بمرح :اماال ده الواحد زهق من الروتين الملل ده بس ايه رايك ماتشينج مع بعض ازاى
أنهت جملتها بغمزه
لتضحك خلود عليها وجنانها
خلود :تب يلا عشان كوكو هترمينى فى الشارع لو اتاخرت
حور : والله كوكو دى وحشتنى
بعد مده فى المول
خلود : استنى البت لمار زمنها جايه
لمار بمرح : وحشتوني وحشتوني وحشتوني ..
حور بتمثيل: ومعكم لمار في ذا فويس كيدز وتم رفضها بكل ثقه
لتضحك خلود ولمار على شكلها
خلود وتسيطر على ضحكاتها :تب يلا بقى
دخلوا المول وبعد عده ساعات من كثره المشى
لمار وحور بارهاق : فى ايه يا خلود احنا رجلينا مش حاسين بيها من كتر المشى
خلود وهى تلتفت على شىء: خليكم هنا هروح اشترى حاجه من المحل ده واجى استنوا هنا أمسكوا الحاجات دى وهاجى على طول
تركت المشتريات لهم وذهبت وهى تمشى خبطت فى حد
خلود وهى تخفض انظارها عندما وجددت أنه رجل لتقول : اسفه مخدتش بالى
الرجل باستهزاء : ومن امتى الاحترام ده
