رواية وحوش الارض الفصل الثاني 2 بقلم منه ضياء

رواية وحوش الارض الفصل الثاني 2 بقلم منه ضياء

بسم الله..

تاني يوم الكل قام وكان ياسين ع اتم الاستعداد انه ياخد وعد للدكتور وبعدين يوديها عند اهلها و يخلص واكيد اهلها بردو قلقانين وقالبين الدنيا عليها..

بس الجو خلف توقعاتهم لسه زي ما هو العاصفه مستمره و كل الناس قعدة ف بيوتها مش عارفين يخرجوا حتى المحلات كلها قافله والشوارع غرقانه بطريقه مش طبيعيه..

كان الكل متجمع ع السفرة بيفطروا.. كان موجود ياسمين اخت ياسين الصغيره 15 سنين و جاسر والد ياسين.. و جاسر لما عرف ان وعد تعبانه زعل علشانها وكان عايز يساعدها باي طريقه..

وعد كانت قعدة جنب هالة وحرارتها نزلت شويه وبقت احسن كتير عن الاول..

ياسين : مش هنعرف نخرج ومفيش حل غير انها تفضل عندنا كام يوم لحد ما ربنا يلطف بينا والعاصفه دي تنتهي ع خير..

وعد : بس انا مش عايزه اقعد هنا انا عايزه ارجع مكاني..

ياسين : انتي مفيش معاكِ فون او رقم حد من اهلك نطمنه عليكي ونعرفه انك ف امان..

نزلت وعد وشها ف الارض : لا..

هالة : طب متزعليش ان شاء الله الجو يتعدل و ترجعي ليهم تاني..

وعد : بس انا مش عايزه ارجع ليهم انا عايزه ارجع مكاني ع البحر..

هالة وياسين بصوا لبعض باستغراب.

جاسر : ليه بتقولي كده ي بنتي..

وعد اتنهدت بحزن : انا اصلا هربانه..

ياسين : هربانه؟! يعني اي هربانه ومن مين؟!

وعد بصت ليهم بخوف ليكون ده فخ وهي هتقع فيه..

وعد قامت وقفت : ل.. لا لا مفيش حاجه مفيش انا عايزه امشي.

هالة شافت انها خايفه قربت منها : تمشي فين بس ف الجو ده مستحيل حد يعرف يخرج تعالي معايا فوق نقعد مع بعض ف اوضتي بدل البرد ده..

وعد طلعت معاها فوق..

ياسين : البت دي وراها سر كبير اوي وحاسس انه لو اتعرف ف حاجات كتير هتتغير..

جاسر : باين عليها تعبانه ومضغوطه بلاش تزود عليها.. والظاهر ان ف حد بيطاردها..

ياسين : فعلا.. لانها قالت انها هربانه بس بما انها هربانه طب ما ترجع لاهلها.. وسكت وبعدها اتكلم بتفكير.. معقول تكون هربانه من اهلها؟!!

جاسر : والله مانا عارف يا بني.. ربنا يهدي الحال.. وسابه وراح ع المكتب المخصص ليه..

ياسين فضل قاعد سرحان.. ياسمين قربت منه : والله وعد دي باين عليها كيوته خالص بس مظلومه..

_____________

ف مكان تاني...

كان نايم واخدها ف حضنه وسامعها وهي بتتكلم واول ما خلصت كلام.. زقها وقام وقف بعصبية : يعني اي اختفت..

قامت من ع السرير وعدلت هدومها واتكلمت بخوف : معرفش هي امبارح خرجت و مرجعتش..

قرب عليها ومسكها من شعرها : بتقولي اي يا روح امك.. خرجت و مرجعتش..

صرخت بوجع :ااااه.. سيب شعري حرام عليك.

زعق وهي اتنفضت ف ايده : انتي هتستعبطي يا بت.. ومن امتى وهي بتخرج لوحدها.. غير لما بتكون هتنفذ شغل وبتكون كل تحركاتها تحت عيونا و حواليها جارد..

اتكلمت شاهي بصوت كله عياط : معرفش قولتلك معرفش.. يعني هي غفلت عن عيون الجارد مش عايزها تغفل عن عيني..

اتعصب اكتر ومسكها من شعرها لحد ما نزل تحت...

وكان معاه آلًَسًـ.ــلَآحً بتاعه ونده ع مجموعه من الجارد اللي بره و دخلوا ع طول..

اوامرك يا باشا..

-وعد فين؟!!

____________

ف الفيلا..

وعد قعدة مع هالة..

هالة قعدة تحكيلها عن ذكرياتها مع طفولة ياسين وياسمين و وعد اطمنت لهالة لانها شايفه ف طريقة كلامها حب صادق..

هالة ضحكت وكملت كلامها : والله زي ما بقولك كده ياسين ده كان كل يوم والتاني يعملي مِصـ.ـيـّبّـه.. وكل يوم والتاني تيجي واحده ومعاها ابنها اللي متعور ف دماغه و اللي ف دراعه.. وانا مكنتش ببقا مصدقه ان كل ده يطلع من ياسين ابني.. وافضل اتاسفلهم ولسه لحد دلوقتي لو شاف حاجه غلط مش بيسكت وايده سابقه لسانه ربنا يهديه..

ابتسمت وعد : اممم.. فعلا انا شوفت ده لما شافني امبارح.. كنت قعدة سرحانه مع بنفسي وبفكر هعمل اي ف ايامي اللي جايه.. راح هو اجي شدني من دراعي والله فكرته اتكسر..

هالة طبطبت ع ايديها: معلش ي حبيبتي هو كده بيخاف اي حد يتاذي حتى لو يعرفهوش..

هزت وعد راسها بتفهم..

هالة : مش هتقوليلي مالك بقا..

وعد بصت ليها ومش عارفه تتكلم ولا تفضل ساكته..

وبعد وقت اخيرا اتكلمت : توعديني ان اللي هقوله يبقا سر..

هالة : طبعا اوعدك..

وعد بصت حواليها تتاكد ان مفيش حد وبدات تتكلم : بصي انا وعد وعندي 19 سنه من 5 سنين فاتوا يوم عيد ميلادي بابا و ماما عملولي حفلة كبيرة ف نادي.. وكنت طايرة من الفرحة بس للاسف الفرحة اتحولت لحزن كبير اوي.. واحنا راجعين ركبنا العربية بتاعت بابا وكان عمو اخو بابا معانا و ف نص الطريق نزل عمو وقالي تعالي نجيب حاجه اضافة للهدية بتاعتي بابا قالي روحي معاه.. المهم روحت ورجعت ع لمت الناس ببص ف اي لقيت بابا وماما مرمين ف الارض ازاي معرفش.. المهم الناس طلبوا الاسعاف و روحنا جري ع المستشفى و وصلنا هناك بس هما كانوا ماتوا خسرت الاتنين ف يوم واحد كان نفسي ابقا معاهم.. ندمانه اني نزلت من العربية..

هالة بزعل : طب وانتي روحتي فين..

دموع وعد نزلت وكملت كلامها : اللي كنت اعرفوا من ماما و بابا الله يرحمهم ان اهل ماما مكانوش موافقين ع جوازهم من بعض و هما كانوا بيحبوا بعض بجد.. وساعتها جدي ابو ماما حط شرط وهو لو ماما اتجوزت بابا هو هيعتبرها ماتت.. وفعلا ماما اصرت ع الجواز وهما مسالوش عنها خالص وتقريبا ميعرفوش ان عندها بنت اصلا .. مكانش قدامي غير عمي.. اخدني هو ومراته واتولى مسئوليتي.. وبعد الوفاة بشهرين لقيته باع الشقه بتاعته وفتح الفيلا بتاعت بابا وقعد فيها بحجة انه بيحافظ ع حقي.. انا حقيقي مكنتش عارفه اتصرف ازاي بس كنت بشوف منهم تصرفات غريبه و كانوا بيخلوني اعمل حاجات اغرب..

انتبهت هالة ليها : ازاي يعني..

وعد بلعت ريقها واتنهدت بزعل ع نفسها : بعد و فاة بابا وماما بسنه.. كانوا بيخلوني احضر حفلات والبس لبس قصير و ضيق بحجة اني اعيش حياتي.. رغم اني مكنتش ببقا مرتاحه.. بس كانوا دايما بيلعبوا بافكاري انهم مش عايزني احس بالنقص... وفعلا كنت بحضر حفلات كتير جدا بالبس شيك و مغري و كانوا الكل بيتجمعوا عليا وانا كنت بضايق جدا.. واروح اقول لعمي و مراته واتفاجأ انهم كده مبسوطين..

شهقت هالة : لا حول ولا قوة الا بالله..

وعد : بس اللي كنت بستغربة ان ف كل حفلة بيبقا ف قتـ.ــل و خـ.ـطف و سر قه..

و قبل كام يوم لقيت عمي بيقولي ع ميعاد حفلة وجابلي فستان كالعادة مستغربتش.. بس اللي استغربت منه هو طلبه..

هالة بزهول من اللي بتسمعه : ليه هو طلب منك اي ي ينتي..

وعد : طلب مني آقـتـ.ـلَ..

شهقت هالة بخضه : يلهوي قت. ل؟!!

عيطت وعد : ايوه.. بس انا مستحيل اعمل كده.. اضطريت اهرب منهم وبعد معاناة قدرة اهرب امبارح بصعوبة و روحت ع البحر وابن حضرتك شافني و من وقتها مش عارفه اتصرف ازاي..

كانت وعد بتعيط و هالة مزهوله و اخدتها ف حضنها : طب اهدي ي بنتي ان شاء الله الامور تتحل.. وعمك ده يتكشف ع حقيقته.. يعني هو اللي كان بيق. تل و يسرق و يخ. طف كل السنين دي..

هزت وعد راسها : للاسف ايوه.. بس مقدرش اتكلم لانه ممكن بسهوله يقتلني..

ف اللحظه دي دخل ياسين اللي كان سامع كل حاجه من الاول..

كالعادة دخل بعصبيته وشدها من دراعها : انا عايز اعرف عمك مين ده.. وصدقيني هخفيه من ع وش الارض..

وعد :....

الثالث من هنا

تعديل المقال