رواية لم اكن اريده كاملة بقلم مريم محمد
وسط فرحه ناس وزغاريط
الاب بزعيق بصي يا بت انتى هتتجوزيه غصب عنك
انا مش هتجوز واحد مجرم
لا هتتجوزيه ده غنى وهيعيشك احسن عيشه
ليان بضيق وانا مش عاوزاة يا بابا ا
قاطع كلامها
ابوها ضربها بالالم وقعت على الارض بصتله بكسرة والدموع فى عينيها بس هو تجاهلها وخرج وقالها انها تجهز نفسها لان خلاص الناس على وصول
ليان بحزن مش اول مره يجبرنى على حاجه بس ده مستقبلى انا اه مشوفتهوش بس سمعت انه مخيف وعصبى ولو حد عصاه بيقتلو وغيره كلام كتير اتقال عليه وانا مستحيل اتجوزه
جيه الليل عليا وانا كل اللي بفكر فيه انى اهرب ازاى قاطع تفكيرى خبط على الباب فتحته بسرعه لانها كانت منى صحبتي وبنت خالتى
جبتى اللي قولتلك عليه
منى بخوف اه جبتو بس يا ليان فكرى فى اللي هتعمليه تانى انتي عارفة لو العيلة عرفت اني ساعدتك فى الهروب هيعملو منى بطاطس محمرة
ليان بشرود اه او كفته مشويه بقولك يا منى انا جعانه هاتيلنا حاجه ناكلها
منى بغيظ احنا فى ايه ولا فى ايه البسي يا ليان بسرعه دول زمانهم وصلو
اومأت لها بتوتر
و لبست النقاب اللي جابتهولها منى وجت تفتح باب الاوضه لقيت ابوها بيرحب بأهل العريس قفلت الباب تانى بسرعه وقررت تنط من الشباك فتحته
ليان بخوف وهى تنظر لاسفل ربنا يستر توكلنا على الله ونطت وركضت فى الجنينه بفرحه بس خبطت فى جسم صلب وكان لابس كاب مش مبين وشه
ولقت اخوها فى الجنينه بينادى عليها
ابتلعت ريقها بس حاولت تهدى نفسها بأنه مش هيعرفها لانها لبسه نقاب جت تمشي لقت الشاب اللي خبطت فيه مسك ايدها بقوة
ليان بصوت منخفض سيب ايدى مش وقتك انا هتمسك
بس هو مردش عليها مسك ايدها وجرها وراه
لقيته واخدها و داخل بيتها تانى
ليان بخوف يا استاذ سييب ايدى انا مصدقت خرجت الحقينى يا منى ليوقفهم شابا اخر
ايه يا عمر كنت فين لينتبه للبنت اللي جنبه
ليان بخوف ممكن تقوله يسيب ايدى عشان عاوزة امشي
احمد بستغراب ايه يا عمر مالك سيب البنت
عمر بقا يشاورله بالاشارة انه شافها بتنط من اوضه وبتجرى ومعاها شنطه اكيد حراميه
ليان بعدم فهم هو بيقولك إيه
احمد بقا ينادى علي سيف اخو ليان بصوت عالى يجى بسرعه علشان فى حراميه كانت فى البيت
ليان بصدمه..............
