رواية الغدر قريب كاملة بقلم رؤي الشافعي
مدام ملك
ايوه مين حضرتك
مش مهم انا مين بس في حاجه كنت عايزه اقولك عليها
ايه هي اتفضلي
جوزك بيخونك
نعم انتي بتقولي ايه انتي مجنونه
لا يا حبيبتي انا مش مجنونه ولو مش مصدقاني شوفي تليفون جوزك وانتي تعرفي
بص يا اسمك ايه انتي خالد مستحيل يخوني وكلمه تاني هطلبلك الامن انتي فاهمه
على العموم انتي حره انا قولتلك وخلاص
اتفضلي امشي احسنلك
قعدت وحسيت راسي تقيله ازاي اللي حبيتوا واديتوا قلبي يعمل كده ازاي اكتر من سؤال كان بيدور في راسي
Flash back
انا ملك ٢٥ سنه دكتوره اسنان بشرتي بيضاء وعيوني عسلي وطويله شويه وجوزي خالد ٢٦ سنه مهندس معماري انا وخالد بنحب بعض من واحنا صغيرين .
Back
روحت روحت وانا الشك هيقتلني رنيت على خالد وعرفت أنه هيتاخر شويه
قومت صليت واستعذت بالله من الشيطان الرجيم ونمت صحيت على صوت خالد وهو بيفتح الباب قومت غسلت وشي وطلعت اسلم عليه
ازيك يا قلبي عملت ايه النهارده
تمام عادي زي كل يوم
خالد باستغراب : ملك مالك انتي مش ملك المجنونه اللي ضحكتها منوره دايما
ملك بلا مبالاة : مليش ما انا عاديه اهو انا رايحه احطلك الاكل على متغير هدومك حطيت الاكل وخالد جيه عشان ياكل
خالد : ايه مش هتكلي
ملك :لا مليش نفس عن اذنك
طلعت اجري وانا حابسه دموعي بالعافيه دخلت وقفلت على نفسي الباب وقعدت اعيط زي الطفله لقيت خالد بيخبط
خالد :ملك افتحي انا عارف انك صاحيه افتحي يا ملك احسنلك
ملك : سبني يا خالد مع نفسي شويه
خالد :لا مش هسيبك غير لما تفتحي ولو مفتحتيش هكسر البااب
قومت فتحت الباب وقلتله عايز ايه لقيتوا خدني في حضنه وبيقولي مين مزعل طفلتي مين مزعلك وانا هوريكي هعمل في ايه مسحت دموعي
و قولتله : محدش هيقدر يزعلني وانت مجود لقيته شلني وقلي بحبك يا احلى حاجه في حياتي ومبحبش حد عيزعلك يا طفلتي
ضحكت وقولتله انا جعانه وعايزه اكل
خالد : ههههههههه حرام عليكي فصلتيني من الجو متجوز وحده اهم حاجه عندها بطنها تعالي يختي نأكل كلنا وبعد كده سمعنا فيلم و دخلنا ننام
صحيت اشرب ميه وملقتوش جنبي قوما اشوفه فين لقيته بيتكلم
في الفون مع واحده : هي العقربه اللي عندك دي هتطول كتييير
يتبع
الثاني من هنا
