رواية زوجتها زوجي كاملة ( جميع الفصول ) بقلم رفيدة رجب
بصى انا جاية النهاردة اطلب منك طلب بس اتمنى انك توافقى .
= اتفضلى يا حبيبتى عيونى ليكي 
_ممكن تتجوزى احمد جوزى 
رديت بسرعة = انتى بتقولى ايه يا إسراء . . .انتى تعبانة ولا حاجة
اسراء بدموع = ارجوكى ممكن تتجوزى احمد .. اوعى ترفضى يا منة .. انا عارفة ان احمد بيحبك وانتى كمان بتحبيه انا عرفت كل حاجة .
منة بتوتر = صدقيني ا انا مخنتكيش .. انا عمرى ما لمحت ليه بحاجة حتى .
اسراء بأبتسامة _ انا عارفة انك طيبة وعارفة ان احمد كمان طيب جدا ... بس احمد حبه ليا مكنش حقيقي من الأول ... لو كان بيحبني كان عمره ما هيبص لغيري فى يوم
منة بمكر _ انا قولتله مليون مرة انى عمرى ما هخرب بيتك ... ولا هكسر قلبك لكنه ديما كان مصمم انه يضغط على قلبى وعلشان هو كان حب طفولتى انا كنت بحنله بس فقت خلاص والله.
اسراء بدموع مكبوتة = بصى انا حبيته بجد انا بحبه اوووى ..بس انا اهم حاجة عندى اشوفه مبسوط فى حياته حتى لو مش معايا .. يكفيني سعادته بس .
منة بتظاهر الرفض_ استحالة استحالة اعمل كدا يا إسراء بطلى عبط وخليكي جمب حبيبك وجوزك .
اسراء بسخرية =هو حبيبي انا بس ما هو حبيبك انتى كمان 
منة بإحراج من صديقتها_ اس اسراء بطلى اسلوبك دا ، انا عمرى ما حبيت اخرب بيتك ، حبى ليه كان شئ غصب عنى وانا لو كنت ناوية اخونك كنت وافقت اتجوزه فى السر .
. اسراء بسخرية =كتر خيرك والله ، منة انتى هتوافقى تتجوزيه علشان انتى بتحبيه وهو بيحبك وانا مش زعلانة خالص تمام .
منة بتمثيل الحب _تمام انتى قولتى ليه عن زيارتك دى .
اسراء بتماسك = لا بس هكلمه النهاردة بالليل عن اذنك انا همشى دلوقت عن اذنك .
منة _ اتفضلى .
☆☆☆☆☆☆☆☆☆☆☆☆☆☆☆☆☆
اسراء = احمد ممكن اتكلم معاك فى موضوع .
احمد _ خير اتفضلى يا حبيبتى.
اسراء = هو انت بتحبنى ؟
احمد بإستغراب_ اكيد طبعا بس ليه السؤال دا !
اسراء بدموع =خنتنى ليه ؟
احمد بصدمة _ اى إللى انتى بتقوليه دا يا إسراء؟
اسراء بتحاول تملك أعصابها = انا شفت الشات إللى بينك وبينها يا احمد .
احمد بهدوء _ اسراء اسمعيني .
اسراء = بتحبها يا احمد
احمد بتهرب _ اسراء انا جاى تعبان من الشغل ممكن نتكلم الصبح .
اسراء بصوت عالى = تتجوزها يا احمد.
