القائمة الرئيسية

الصفحات

رواية ولك من القلب نصفه كاملة ( جميع الفصول ) بقلم ايات الرحمن

رواية ولك من القلب نصفه كاملة ( جميع الفصول ) بقلم ايات الرحمن




اخر مره ماتركزيش معاياا بعد كده هخرجك برا ومش هتحضرى ليا اى محاضره فاهمه
نور:حاضر
يلا علي مكانك
نور:حاضر
ومشيت
حاضر حاضر حاضر انتى بتكلمى اخوكى الكبير
المدرج كله ضحك عليها
وهى قعدت مكانها وطول المحاضره دموعها نازله .
كان مركز معاها اوى وكل شويه يشاور ليها تمسح دموعها .
وهى بتكتفي تهز راسها . بالموافقه وتمسح دموعها
اوووووف علي الصبح انا خارج من البيت زهقا"ن تيجى دى تزهقنى اكتر
ومسك المايك بنفاذ صبر :انسه نور ممكن تمسحى دموعك وتهدى عشان اعرف اركز ممكن
نور هزت راسها بموافقه
كمل المحاضره وهو خارج بص ليها ومشي
انتهى اليوم ونور رجعت بيتها وكعادتها بتخبط على الباب بطريقه فظيعه
افتحى يا اماااه. افتحى ايتها السيده اللي جابتنى علي العالم القاسي ده افتحيييي
ولاء بتفتح:جيتى يا اخرة صبري يلا بسرعه ادخلي غيرى لبسك ده وعايزه البيت يلمع خالتك ونور هييجوا عندنا النهارده
نور:خالتى مين
ولاء:خالتك وفاء ونور ابنها
نور:ابنها اسمه نور
ولاء:ايوه
نور:امممم وسمتينى نور على اسمه
ولاء:مش وقتك والله اخلصي بسرعه
نور:طب وهى كانت فين كل السنين دى
ولاء:كانت مسافره
نور:فين بقي
ولاء:اللهم طولك يا روووح كانت مسافره امريكا ورجعت مصر عشان تستقر هنا يلا بقي امشي
نور:حاضر ياام نور حااااضر بس اكل ارتاح الاول وااكل كمان
ولاء:بت انتى اخلصيييي
نور بفزع:هو انا قولت حاجه الله
بعد شويه كل حاجه كانت جهزت
ولاء:يلا روحى اجهزى بقي وانا كمان هروح اجهز
نور:حاضر يا أُماااه
نور دخلت جهزت نفسها وخرجت من اوضتها
والباب خبط
ولاء:افتحى يا نور زمانها خالتك وابنها
نور:حاااضر يا ام نووور
راحت تفتح الباب وهى مبتسمه ابتسامه جميله فتحت الباب
وفجأه قفلته تانى ووقفت وراه


تعليقات