recent
روايات مكتبة حواء

رواية طفلة العاصم الفصل الخامس 5 بقلم ندي احمد

رواية طفلة العاصم الفصل الخامس 5 بقلم ندي احمد


رواية طفلة العاصم الفصل الخامس
عاصم : انا مهما حصل مش هسيب حور
حور كانت صحيت و بتسمعهم و هى منهارة
ثريا : يا بنى انا عارفة ان حور بنت كويسة بس بعد اللى حصل ده مينفعش تكمل معاها انا مرضاش لابنى كده
عاصم : هو ايه اللى حصلها مفيش حاجة قلت من حور و هى فى نظرى زى ما هى مفيش اختلاف
ثريا : متضحكش على نفسك لو انت مش شايفها كده بكرة تعرف معنى كلامى لما تخلف و ولادك يعرفوا اللى حصلها هتبقى مبسوط
عاصم : انا مش فاهم انتى عايزة ايه برضو
ثريا : انا عايزاك تطلق حور و تتجوز مريم بنت خالتك امل
عاصم : ماما انتى خلاص طلقتينى و عايزة تجوزينى و قررتى مين العروسة ديه حياتى مش لعبة فى ايد حد
ثريا : ده انا امك و عايزة مصلحتك
عاصم : و انا بحترمك يا امى بس انا كبير كفاية انى اقرر لحياتى انا راجل مش عيل قدامك
ثريا : والله يا عاصم لو متجوزتش مريم و طلقت حور لانت ابنى ولا اعرفك و قلبى هيفضل غضبا عنك ليوم الدين
عاصم: يا امى مش كده ده انا ابنك و اكيد راحتى تهمك
ثريا : علشان راحتك تهمنى اسمع كلامى يا ابنى
كل ده و حور سامعة و مش قادرة تعمل حاجة لحد ما اتسحبت دخلت اوضتها و بلعت كمية أقراص دوا فقدت الوعى بسببها
و عاصم خلص كلام مع ثريا اللى انتهى بأن بكرة هتيجى هى و مريم و أمل مامت مريم عنده البيت يتغدوا
عاصم دخل لاقى حور مرمية على الأرض
عاصم جرى شالها و عملها غسيل معدة فى المستشفى
حور بدأت تفوق
عاصم: حور انتى كويسة عاملة ايه دلوقتى
حور : ليه جبتنى المستشفى انا مش عايزة اعيش
عاصم : استغفرى ربنا يا حور عايزة تسبينى لوحدى ده انتى عندى بالدنيا يا حور
حور: طنط عندها حق يا ابيه انت تستاهل واحدة كويسة مش انا
عاصم : انتى كويسة جدا يا حور و بعدين انتى عارفة ماما متخديش فى بالك يلا كده قومى بالسلامة علشان البيت يرجع ينور تانى
عاصم خرج راح البيت يجيب هدوم لحور
حور كانت قاعدة فى المستشفى بتعيط
باب الأوضة بدا يفتح و كانت المفاجأة
احمد: اخبارك ايه يا حورى
google-playkhamsatmostaqltradent