أخر الاخبار

رواية ذئب الداخلية الفصل الرابع 4 بقلم اسراء هاشم

رواية ذئب الداخلية الفصل الرابع 4 بقلم اسراء هاشم


رنيم بتدخل البيت وبتقلع القناع ولسه هتدخل تغير هدومها بتلاقي جرس الباب بيرن بتبص رنيم للباب بصدمه وبترجع تبص علي لبسها وبيفضل جرس الباب بيرن ورنيم واقفه باصه للباب بدهشه ومش عارفه تعمل اي مينفعش حد يشوفها كدا وجرس الباب بيرن بطريقة اقوي بتقرب رنيم من الباب وبتبص من العين السحرية وبتلاقي رزان وخالد بتتنفس بارتياح وبتفتحلهم رنيم بغيظ وبتقولهم مش تقولو انكم جاين وقعتو قلبي حرام عليكم
خالد باستغراب لي هو ممكن حد تاني يجي هنا
بقلم اسراء هاشم
رنيم اه يا اذكي اخواتك ممكن اي حد من عيلة الريان يجي انا مش عارفه انت دخلت كلية الشرطه ازاي
رزان بابتسامه سيبك منه انتي لسه مغيرتيش لي
رنيم ملحقتش كنت داخله اغير ولقيتكم انتو بتخبطو استنوني هنا ادخل اغير واجيلكم ولسه رنيم هتدخل بيلاقو جرس الباب بيرن تاني كلهم بيبصو لبعض وبيوجهو نظرهم للباب
خالد الباب بيرن مين اللي جي وهنعمل اي
رنيم بصوت واطي بتقولهم محدش يعمل صوت خالص وبتروح رنيم باتجاه الباب وبتبص من العين السحرية وبتلاقي جاسم اللي برا بتفتح عنيها علي اخرهم بصدمه وبتجري عليهم وبتقول بصوت واطي جاسم برا
رزان وخالد هنعمل اي كدا اتقفشنا ولا اي رنيم بتاخد قناعها بسرعه وبتقولهم تعالو ورايا من غير ما تعملو صوت نهائي وبتدخلهم رنيم اوضه النوم خالد بصوت واطي انتي جبتينا هنا ليه رنيم بسرعه انجز استخبا تحت السرير ورزان ادخلي فالدولاب خالد بدهشه اي تحت السرير 😳 رنيم بغيظ خالد مش وقتك انجز الباب بقا يرن اقوي وبقا الجرس بيرن رنيم سابتهم وخدت هدوم ليها بسرعه من غير ما تشوف هي واخده اي وجريت علي الحمام
جاسم واقف برا بقا مضايق انها مش بتفتح وبقا يخبط علي الباب بايدية وبيقول راحت فين دي اكيد كل ده مش نايمه وبيفضل يخبط ويرن
رنيم بتغير بسرعه جدا وبتفرد شعرها وبتنزل دماغها تحت المياه عشان شعرها يتبل بالمياه وبتاخد وبتخرج وهي شعرها بينقط مياه وبقا كلو مياه وخارجه وهي لبسه بيجامه عبارة عن تشيرت كت وشورت هي مش واخده بالها من كتر استعجالها وبتفتح رنيم الباب لجاسم
جاسم كان زهق وخلاص هيمشي ولكن لسه هيلف عشان يمشي بيلاقي الباب اتفتح بيرفع جاسم نظرة وبيقولها بضيق كل ده عشان تفتحي اي ساعه لو ميت كان زمانو صحي
رنيم ببرود مش ذنبي انك جيت وانا باخد شاور اعمل اي يعني عقبال ما لبست وبعدين انا اشعرفني ان سيادتك جي كنت بنجم مثلا
بقلم اسراء هاشم
جاسم بيبصلها برفعه حاجب وبيلاحظ شعرها اللي بينقط مياه وشكلو جميل اوي وهو مبلول ونازل علي وشها واول مرة جاسم بيلاحظ قد اي هي جميلة جدا وملامحها برائه وفنفس الوقت شار"سه و بيبص علي لبسها وبيشوف هي لبسه اي بتلاحظ رنيم نظراته ليها وبتبص علي لبسها وبتنح وبتل"عن حظها فسرها ازاي مخدتش بالها هي لبسه اي
جاسم بيضايق من لبسها وانها خارجه كدا وبيقولها بضيق والهانم بقا متعودة تفتح الباب بشورت لي اي حد كدا عادي وتخرج كدا لي اي حد وبيشاور علي لبسها ولا اه انا مستغرب لي صح انتي هتلاقيكي متختلفيش عن غيرك واحده رخي"صه كلكم سا"هلين
رنيم في هذه اللحظه بتتعصب وبتقاطعه وبتقولو بصوت غاضب احترم نفسك يا حيوا"ن انت اللي رخي"ص وزبا"له وتفكيرك منحط زايك وانا مخدتش بالي لاني كنت باخد شاور وغلطانه اني واقفه قصاد واحد زايك اصلا مريض في هذه اللحظه جاسم بيتعصب جدا وبيفقد سيطرته وبيمسك رنيم من رقبتها وبيزقها لجوة فحركه سريعه وهو مسكها من رقبتها وبيقفل الباب وبيزقها علي الباب وهو مسكها من رقبتها بحركه الاخت"ناق وبيقول بغضب بقا انا حيو"ان ومريض واضح اني سكتلك واديتك حجم اكبر من حجمك وقولتلك بلاش قبل كدا تقفي قصاد جاسم الريان بس انتي اللي مصمم انك تخرجي الو"حش اللي جوايا رنيم بتبصله ببرود ولا كانو ماسكها وهيخ"نقها وبتقولو ببرود وانا قولتلك اني مبخفش ومتخلقش اللي يمد ايده علي رنيم جاسم بيبصلها باستغراب ومستغرب هي ازاي كدا ولكن رنيم بتفاجئو في هذة اللحظه بضر"بة بتضربو بركبتها في بطنه جاسم بيسبها ويرجع لورا خطوة اثر ضر"بتها ليه وبيتالم بس مش بيبين ان الضر"بة وجعتو وبتقرب منه رنيم وبتقف قصادة بتحدي وبتقولو بابتسامه مستفزة الضر"بة دي عشان فكرت ترفع ايدك عليا او تغلط معايا لانك لسه متعرفش مين هي رنيم واوعا تفتكر اني ضعيفه لا انا اعرف ادافع عن نفسي كويس اوي
جاسم بيعجب بقوة شخصيتها وبيشوف فعنيها فعلا قوة غريبة وتحدي لي ودة بيشده ليها لان هو عمرو ما قابل واحده وشاف فعنيها القوة والتحدي ده وكمان من خايفه منو لا ده واقفه قصاده بكل قوة ودة عجبو اكتر لان هو متعود الكل بيخاف منه ودايما بيشوف الخوف فعيونهم منه وبيقولها جاسم ببرود انتي قد اللي انتي عملتية ده؟
رنيم وهي بتعقد ذراعها وبتقولو ببرود لو مكنتش قده مكنتش عملتو
جاسم ببرود تمام وانا هوريكي اذا كنتي قدة او لا
رنيم باستفزاز وانا مستنية توريني ممكن اعرف بقا انت جاي هنا لي واي اللي جايبك بيتي فالوقت ده
جاسم اكيد مش جاي عشان اشوف جمالك يعني انا جاي اقولك ان الصبح تجهزي نفسك هنعدي عليكي انا وجدي عشان هتروحي انتي وجدي هتعملي تحليل DNA عشان نتاكد فعلا اذا كنتي بنت عمي امجد ولا بتكدبي ولو طلعتي بتكدبي صدقيني ساعتها مش هر"حمك
رنيم اتصدمت اول ما سمعت DNA كدا ممكن كل حاجه تبان وهيعرفو انها مش بنت امجد هي مكنتش عامله حسابها علي كدا بس قدرت تخفي صدمتها ببراعه عن جاسم وقالتلو تمام وانا موافقه بس لو طلعت بنت امجد ساعتها هيبقا اي موقفك
جاسم ده لو بقا انا عارف انك مش بنت عمي امجد بس لو طلعتي بنت عمي امجد يبقا ربنا رحمك من اللي كنت هعملو فيكي
رنيم ببرود تمام هنشوف بس لو النتيجه ايجابي هتنفذلي اللي هطلبو منك من غير اي اعتراض واللي انا اقولك علية
جاسم بضيق لانو عمرو محد قدر يتشرط عليه كدا او يسمع كلام حد هو دايما بينفذ اللي فدماغه وبس وبيقولها لا انا محدش يتشرط عليا ومش هيجي علي اخر الزمن واحده هي اللي تتشرط عليا
رنيم باستفزاز وهي بتلف حوالين جاسم ببرود وبتقولو اوة جاسم الريان خايف من شرط مكنتش اعرف انك جبان كدا
جاسم بيتعصب وبيقولها رنيم اتعدلي انا مبخفش وانا موافق اي ان كان الشرط اللي هتطلبية وانا متاكد انك مش بنت عمي امجد وهنشوف مين اللي هيكسب فالاخر سلام يا قطه وحضري نفسك الصبح رنيم ببرود هنشوف يا ابن الريان مين اللي هيكسب انا ولا انت بيخرج جاسم وهو مضايق منها هي الوحيده اللي بتتحداه كدا وبتقف قصاده
بقلم اسراء هاشم
رنيم بعد ما بيخرج جاسم بتتنهد بارتياح انو خرج من غير ما يكشفها وبتفتكر رزان وخالد وبتقول بدهشه نهار اسوح العيال جوة زمانهم فطسو وبتدخل الاوضه بسرعه بتنادي عليهم بتلاقي مفيش حد فيهم بيرد بتفتح لرزان الدولاب بتلاقيها نامت بتقول رنيم فسرها البت فطست ولا اي بتصحيها رنيم وبتقول رزان رزان قومي بتقوم رزان بخضه اي في اي يا رنيم خضتيني رنيم بابتسامه قومي يختي اخرجي يلا عقبال ما اشوف خالد وبتروح لخالد بتلاقيه هز كمان نايم تحت السرير وبتضحك رنيم عليه وبتصحيه وبيقوم خالد وبتاخدهم رنيم وبيخرجو يقعدو فالصالون وخالد ماسك ضهرو بتعب وبيقولها منك لله بقا انا المقدم خالد فالاخر استخبي تحت السرير
رنيم يعم اسكت مش احسن ما كنا نتقفش وجاسم لو كان شافكو كان الخطه باظت واللواء رفعت كان طردنا كلنا
رزان وهي تتثاءب وبتقول هو اي اللي جابو هنا اصلا
رنيم جاي عشان يقولي هروح بكرا اعمل DNA انا وجدو عشان يتاكدو اذا كنت بنت امجد او لا رزان وخالد بيبصولها بصدمه وبيقولها نهار اسود طيب انتي هتروحي معاهم
رنيم بحيرة مش عارفه المفروض اروح بس لو عملتو هيبقا كدا اتكشفنا وكمان اكيد مش هنعرف نغير النتيجه لان اكيد جاسم هيبقا مختار مكان من المستشفيات بتاعتهم وكمان موصيهم كويس جدا ومش عارفه اعمل اي انا قولتلو موافقه عشان متكشفش قدامه بس هكلم اللواء رفعت واشوف هيقولي اي او اعمل اي لان هو اللي حاطط الخطه كلها
خالد ورزان طب يلا كلميه وشوفي وبالفعل بتاخد رنيم هاتفها وبتتصل علي اللواء رفعت وبعد ثواني بياتيها الرد
رنيم بهدؤء مساء الخير حضرتك معلش ازعجتك بس في حاجه حصلت ولازم تعرفها وتقولي اتصرف ازاي
رفعت بهدؤء مساء النور يبنتي مفيش ازعاج ولا حاجه اي اللي حصل
رنيم بتبداء تحكي للواء رفعت كل حاجه حصلت بدايه من تعرض الهجوم للي جاسم ويزن وايان لحد ما جاسم جالها البيت واللي طلبو منها ومشي وبعد ما بتخلص بتقولو وبس حضرتك ودلوقتي انا مش عارفه اتصرف ازاي لان كدا ممكن نتكشف وهيعرفو اني مش بنت امجد لو عملت التحليل
رفعت بهدؤء متقلقيش يا رنيم روحي معاهم وانا هظبط كل حاجه رنيم وخالد ورزان بيبصو لبعض باستغراب وبتقول رنيم ازاي يفندم بيقاطعها رفعت رنيم متقلقيش انا عامل حساب خطوة زي دي وكنت متاكد ان جاسم مش هيصدق الورق وبس لانو اذكي من انو ياخد بالورق وبس فمتقلقيش
رنيم وهي حاسه من جواها بحيرة وبتقولو تمام اللي سعادتك تشوفو
بقلم إسراء هاشم
بيتدخل خالد فالحديث لان رنيم فاتحه الاسبيكر وبيقول خالد بفضول معلش يفندم بس هو مين اللي عاوز يتخلص من عيلة الريان وليه
رفعت بهدوء وبيقولهم عيلة الريان دي اكبر عيلة فالشرق الاوسط واكيد انتو عارفين حاجه زي دي بس كمان عيلة الريان بتساعد الدولة كتير اوي بمشرعهم وبيمولو الدولة وبيحضرو اجتماعات كتير تخص البلد يعني مهمين جدا وليهم مشاريع فكل انحاء العالم وكمان ليهم اعداء متتعدش لان ليهم منافسين كتير مفيش حد بيقدر يقف قصادهم نهائي وعندهم فلوس متتعدش ممكن تبني دولة تاني من اول وجديد فعيلة الريان مش اي حد وخلاص وممكن كمان يكون ليهم اعداء من دول اور"بية كمان لانهم كل ما ادي بيكبرو اكتر والناس كلهم بتعملهم حساب وكمان عايز اقولكم منا"صب فالبلد بتعملهم حساب وبياخدو بكلمتهم وبيحضرو اجتماعات سرية كمان بس الكلام ده ميطلعش لحد لان محدش يعرفو عرفتو لي بقا انتو مكلفين بحمايتهم لانهم معرضين للخطر وكمان زي ما ليهم اعداء في ناس سيا"سين ومهمين فالبلد بيحموهم لانهم بيستفادو منهم واللي اختار الذئب انو يحميهم ده مش انا علفكرة
رنيم بتقعد حاجبها باستغراب وبتقولو اومال مين؟
رفعت بتنهيدة انا كنت رافض انك تكوني انتي فالمهمه دي بس القرار جاي من الجهه العالية وهما اللي اختاروكي هما عارفين ان الذئب اكيد راجل محدش يعرف انك بنت غيرنا بس انا مقدرتش ارفض القرار ده مع اني حاولت بس مش بايدي لاني مكنتش عاوز اعرضك للخطر لان عيلة الريان وراها خطر كبير وهما اختروكي لانك بسبب قوتك ومفيش مهمه داخلتيها وفشلتي وكمان انتي اللي قدرتي تنجحي فمهمات محدش قبلك قدر ينجح فيها عشان كدا بقيتي ذئب الداخلية وكمان برتبة رائد فسن صغير ووقت صغير جدا انا قولتلكم الكلام ده عشان المهمه دي خطيرة جدا فعلا يا رنيم وعشان تعرفي ان العيلة دي مهمين قد اي فاهمه يا رنيم
رنيم فاهمه يا فندم انشاء الله المهمه دي تعدي ونقدر نمسك اللي عاوز ياذيهم وتخلص علي خير
رفعت بتنهيده اتمني ده انشاء الله وبيقفل رفعت مع رنيم
رنيم بتبص لخالد ورزان وهي حاسه ان في حاجه غلط
وبتقول رزان معقول العيلة دي مهمه كدا واغنياء بدرجه دي
خالد انا طول عمري اسمع عنهم دول مفيش حاجه فالبلد اصلا هما مش مستثمارين فيها اكيد طبيعي يبقو مهمين كدا ولا انتي اي رايك يا رنيم رنيم
رنيم بتكون سرحانه ومش معاهم وبالها مشغول وبتقولهم ها
خالد بتعجب ها اي انتي مش معانا خالص يا رنيم مالك
رنيم بتعب مفيش يا خالد عندي صداع بس وعاوزة انام عشان هصحي كمان اروح معاهم بكرا
رزان خلاص يحبيبتي ادخلي ارتاحي انتي واحنا هنمشي احنا لان واضح عليكي انك مرهقه وتعبانه
رنيم اه والله تعبانه جدا بقالي كذا يوم مبنامش بسبب المهمه دي انا هدخل انا وابقو اقفلو الباب وراكو وبتدخل رنيم وبيمشي خالد ورزان
جاسم بيرجع القصر بيكون الكل نام تقريبا بيدخل جاسم اوضته واللي بتكون مش اوضه عادية ده جناح كبير جدا وبيبداء جاسم يقلع هدومه وبيرميها فالارض وبيدخل لي اوضه جوة الجناح بتاعها وبيمشي لي اخرها بيكون فيها سلم بينزل عليه وبيكون فيها حمام سباحه خاص بيه هو بس بينزل جاسم فيه وبيبداء يعوم بداخله وهي بيفتكر رنيم وبيفضل يعوم بسرعه واقوي وهي صورتها بتيجي فدماغه وهي شعرها مبلول وبيغمض عنيه وبيغطس تحت المياه ومبيطلعش وبيفتكر وهي بتبصله بتحدي ونظرة القوة فعنيها وهو مغمض عنيه وبيفضل يفتكر كل مقابلتهم سوا وبيفضل تحت المياة وبتعدي دقائق وهو تحت ومش بيفوق غير لما بيحس ان نفسه بيقل بيطلع جاسم لكن هو لسه فالمياة وبيرفع شعره اللي نزل عنيه وبيضرب ايده فالمياه بغضب من نفسه انه بيفكر فيها هو مش عاوز كدا هو بيكر"ه الستات جدا بس رنيم مختلفه وقوية والوحيدة اللي قدرت تتحداه بيخرج جاسم من المياه وبياخد المنشفه وبيدخل لي اوضه تانيه فجناحه ودي بتكون اوضه الملابس بتاعته وبياخد منها ملابس ليه وبيدخل ياخد شاور وبيخرج وبعدها بيلاقي رسالة جتلو علي الموبيل بتاعه بيمسك جاسم الموبيل وبيشوف محتوي الرسالة وبعدها بيخرج جاسم من القصر من غير ما حد يشوفو وبياخد عربيته وبعد شوية بيوصل لمكان وبيكون في شخص فانتظارة اول ما بيشوفو جاسم بيقول
جاسم افندم طلبتني فالوقت ده يبقا اكيد في حاجه
المجهول ايوة يا وحش المخا"برات في ان الذئب هيكون::::::::::



تعليقات



حجم الخط
+
16
-
تباعد السطور
+
2
-
close