رواية مهمة في سينا كاملة بقلم جالا عطا
= اسمعى بقي انتى هتيجي معايا مهمه دا مش بمزاجك دا امر
_ فى سرى ....اى العبط دا امر اى
اسمع بس يافندم مش هينفع وللهي انا مش فاضيه
= انتى هبله هو انا هخدك افسحك تعالى ورايا مستنيكي فى العربيه
Flash Back...
= قسم يا ملك تشتغلى فى قسم بعد دا كله
_ مش بالمعنى الحرفي يماما انا هشتغل مع الشرطه
= ونا مدخلاكي هندسه ودافعه دم قلبي عشان تبقي مهندسه وفى الاخر تبقي كده
_ يللهوى....اديني فرصه افهمك انا هشتغل مع الشرطه فى البرمجه ...مش هروح اتحبس انا مليش دعوه بالقسم خاالص
= بصي اعملى الى يريحك انا مليش دعوه
_اتنهدت بحزن....... تمام انا ماشيه
انا ملك عندى ٢٤ سنه ومتخرجه من هندسه انا بنت طويله بشرتي خمريه وشعرى اسود مموج وطويل وعيوني لونها عسلي......انا من زمان ونا شبه عايشه لوحدى لان بابا وماما منفصلين وماما عشان ست بتحب الشغل فا طبعا سبتنى لبابا ومن اول ما دخلت الجامعه بابا كانه ما صدق وبقي يسافر ويسبنى لوحدى وبشوفه زياره
Back...
= ممكن حضرتك تفهمني احنا رايحين فين
_ مش مطلوب تعرفي دلوقتي
= ايوه اشمعنا انا فى ناس كتير اكفء منى مش دا رايك فيا يا فندم
_ اثبتي كفئتك فى العمل .....اى مندكيش فرصه
= ضحكت بسخريه .... معقوله
_ اتكلم يعصبيه ....... اسمعى بقي انا مش جايبك عشان سواد عيونك لولا اللواء احمد الى صمم مكنتش خدك انا بكره الشغل مع الستات واتمنى انك تغلطى غلطه عشان سعتها هقعدك فى بيتك
بصتله ونا مصدومه وسكت ....وهو بص للطريق وساق العربيه
سرحت للطريق وافتكرت من اول ما دخلت المديريه من ٣ شهور ونا شبه مبشتغلش
_اتغضلي
= اعمل اى
_ العماره دى الدور الرابع شقه رقم ٧ ...
= بتاعت مين
_ مش مهم...فيها لابتوب المطلوب تفتحي وتجيبي كل البيانات الى عليه ...مفيش وقت علفكره معانا ١٥ دقيقة بس ....يلا انزلى
نزلنا انا ومراد وطلعنا فتح مراد الشقه ودخلنا للاسف اخدنا وقت واحنا بندور على اللابتوب
= اهو ياملك.... بسرعه
مسكت اللابتوب وفتحته كنت بحاول اخترق الجهاز واجيب المعلومات بس الموضوع مكنش سهل
= بسرعه مفيش وقت
_ اتكلمت بعصبيه ..... اسكت ونا هركز
عدى دقيقه وجمعت كل البيانات ورجعنا كل حاجه مكانها وكنا رايحين نخرج بس لقينا الباب بيفتح
شهقت من الخضه راح مراد حط ايده علي بوقي وسحبني ناحيه المطبخ
كنت واقفه براقب الى بيحصل من بعيد كان راجل شكله فى اواخر التلاتينات ومعاه بنات
_ اتكلمت بهمس .....هنعمل اى
= هنستنى لحد ما ديخل الاوضه
_ وافرض مدخلش ...هنتحبس هنا
= بصلي وابتسم بخبث......امال هو جيبهم لى
بصتله بقرف وسكت
فعلا بعد فتره دخل الاوضه وراح مراد فتح الباب وخرج بس اتمصمرت مكانى لما لقيت الراجل واقف وبصصلي
= م م مراد
الشخص _ اى ياحلو واقفه لى ادخلى مع اخواتك جوا
وكان جاى يقرب منى بس جى مراد شدنى وقفل الباب
_ انتى اجننتى وقفتي ومجتيش ورايا لي
= معرفش انا خوفت ومعرفتش اتحرك
_ غبيه ....بسببك كل الى هببنا باظ
كتمت دموعي واستحملت اهانته وسكت
فى الشقه ....
بنت = بدلع اى ياسمسم واقف لى كده وسيبنا
_ كنت بجيب صحبتكوا التالته
= تالته اى لااا...انت شربت كتيير خالص
_ ااا ...يظهر كده
= طب تعالا يلا
_ ضحك ....من عنيا يا حببتي
☆☆☆
= صباح الخير يا احمد بيه
_ صباح الخير يامراد
= انا عارف حضرتك مستدعيني بسبب الى حصل بس ملك فعلا متنفعش انا من راى نرفضها يافندم
_ ضحك....لسه بتكره الشغل مع البنات ....وبعدين حصل اى امبارح...بلعكس انت وملك نجحتو وجبتو البيانات المطلوبه
= معقوله .....طب شكرا يا احمد بيه عن اذنك
_ ابتسم ....اتفضل
☆☆☆
= ايوه يماما تخيلي اخيرا خلوني اعمل حاجه مهمه انا مبسوطه اوى
_ خلصلي كل الورق دى ...اه ياحببتى برافو
= اتكلمت بنرفزه علفكره المفروض تركزى معايا مش معقوله مش مستحمله دقيقه تفضيلي وتقوليلي كلمه حلوه
_ اى ياملك الاسلوب دا ...مانتى عارفه انى مشغوله غصب عني
= بسخريه ...واى الجديد يعني عموما مش هعطلك عن شغلك سلام
كنت معدى وسمعتها وهي بتكلم معرفش اى خلانى ادخل واكلمها
= علفكره انتى كنتى كويسه جدا وجبتى المعلومات الى عايزنها فى وقت كويس
_ شكرا يا مراد بيه
= ابتسمت...العفو
خرج من المكتب وكنت مبسوطه اهو على الاقل لقيت حد يقولى كلمه كويسه
☆☆☆
الباب خبط
= مين
_ افتحييي
= حبايبي....وحشتوني اوى
_ وانتى كمان ياروحى
= اى اخبارك يا انجى وانتى يا منه
انجى _ احنا زى الفل
منه = كويسين ياحببتي انتى عامله اى
= انا بخير الحمدلله مقولتليش انكو جايين القاهره
انجى _ عملنا مفجأه اى رايك فيها
= تحفه طبعا ..... جاينلى مخصوص ولا
منه _ هو الصراحه شغل بس طبعا ميمنعش من اننا هنقرفك
= ههههه ...ونا موافقه ...هقوم احضرلكوا العشا
انجي _ هغير واجي اساعدك
= اوكي
حضرت العشا وقعدنا ناكل سوا وبعد كده دخلنا عشان ننام
انجى = ملك
_ نعم
= احكيلي حببتي كام مره لحد دلوقتي
_ ضحكت...كاااام مره ...الحمدلله زيرو
= بتهزرى
_ ابدا
= لى انشالله دانتى حته زي القمر
_ بس حظى زى البقر
= لا لا انتى مش عجبانى وقعي اى حد كده اتعملى منى
_ سكتيها يا منه ونبي
منه = لا عندها حق بطلى تصدى اى حد يقرب منك ها
_ بصدهم عشان مش بيكون ولا واحد فيهم مناسب ....انا نفسي فى حد شخصيته قويه ويكون محترم ويحبنى انا بس ويفهمنى عشان نقدر نكمل سوا ومنطلقش
انجى = هتلاقي صدقيني انا حاسه
_ ابتسمت ....تصبحوا على خير
... وانتى من اهلو
منه وانجى اصحابي من ايام الكليه وحقيقي اجمل ناس قبلتها يمكن المشكله الوحيده انهم كانو من محافظات تانيه
قعدو معايا اسبوع وكان اجمل وقت عشان مكنتش لوحدى بس الايام الحلوه بتعدى بسرعه ومشيو ورجعت انا لحياتي الممله تانى
☆☆☆
= ازيك يا ملك
_ بخير يافندم
= اسمعى يابنتى انتى اثبتي كفأتك وعشان كده اخترتك تسافرى مع مراد سينا عندكو مهمه هناك
_ سينا !!! بس سينا مش مكان امان
= انا عارف اكيد ....وبعدين مفيش فى شغلتنا امان ...احنا الى بنعمله ياملك
_ طب اا انا هروح اعمل اى
= زى هنا فى هناك مجموعه ارهابيه وبيحاولو يهكرو اجهزتنا ويخدو معلومات واحنا محتجين حد يكون وسطهم ويشوش الاجهزه ويستعيد المعلومات الى اتسربت
_ وهنقعد هناك كتير
= دى بتاعتك ....عايزك تخلصي الموضوع دا فى اسرع وقت ...لو عندك اى اساله تانى مراد هيفهمك
_ تمام يافندم عن اذنك
☆☆☆
= مراد بيه
_ نعم
= احنا هنسافر امته
_ اخر الاسبوع جهزى نفسك
= طب ....
_ كفايه اسأله
= انا لسه اكلمت
_ شوفي شغلك يا ملك
= حاضر
☆☆☆☆
بدات اجهز نفسي وحضرت شنطتى عشان اسافر مع مراد
= هو احنا هنسافر لوحدنا
_ انتى شايفه اى
= اقصد الطريق طويل هتسوق لوحدك...هتتعب اقصد
_ متقلقيش
هزيت راسي بتفهم
عدا شويه واحنا ساكتين وبعد كده سندت راسي ونمت
صحيت مفزوعه على صوت ....فى اييي الى حصل
الثاني من هنا
