recent
روايات مكتبة حواء

رواية بنا اتفاق الفصل الخامس 5 بقلم نبض قلبي

رواية بنا اتفاق الفصل الخامس 5 بقلم نبض قلبي

ريحانه : روح جيب الماذون عشان تطلقنى
وكمل حياتك مع ساره مراتك اللى بتحبها
حسام : مش قولتى شهرين
ريحانه : فات الشهرين
حسام : بسرعه دى .......حاضر ياريحانه
ريحانه : يالا روح جيب الماذون
حسام : الوقتى
ريحانه : ايوه
حسام خرج من المنزل راح احضر المأذون
الماذون : فكروا تانى
ريحانه : خلاص احنا اتفقنا على الطلاق
فارس : ممكن زعل بسيط بلاش تكبرو الموضوع
ريحانه : يالا يابشمهندس حسام
حسام : معرفش دماغى ماله واجعنى اوى .......هروح اجيب اى حاجه لصداع
ريحانه : يالا يا حسام .....
الماذون : انت عاوز تطلق ريحانه ياحسام
مامت حسام دخلت الصالون استغربت من وجود الماذون
مامت حسام : هو فى اى
فارس : ابنك حسام هيطلق مراته
مامت حسام : مش ممكن
وقعت فى الارض
حسام بخوف : امى
كلموا الدكتور و جالها
حسام : فى اى
الدكتور : ممكن اكلمكم باره
خرجت ريحانه وحسام من الاوضه
حسام بخوف : فى اى
الدكتور : انت مين
حسام : انا ابنها حسام
الدكتور : ليك اخوات غيرك
حسام : لا
انا ابنها الوحيد
الدكتور : وحاضرتك
حسام : دى ريحانه مراتى
ريحانه نظرت له سكتت
حسام : هى امى مالها
الدكتور : جات لها صدمه نفسيه ....هى مش عاوزه تكلم .
وحسام: مش هتكلم
الدكتور : بسب الصدمه .....هى زعلت من حاجه
حسام : انا كنت هطلق ريحانه مراتى الوقتى
امى بتحب ريحانه بعتبرها زى بنتها
لما شافت الماذون وقعت فى الارض
الدكتور : هى ماكنتش تعرف انك هتطلق مراتك
حسام : لا
الدكتور : فى حاله زى دى يجب نمنع عن المريض اى حاجه تزعله بقدر الامكان
خاصه الشى اللى كان سبب صدمته
و نشوف اللى بيسعده ونحاول نعمله
اكيد انتم فاهمين كلامى
ومشى الدكتور
حسام بيحاول يقنع ريحانه انها تاجل موضوع الطلاق
حسام : عشان خاطر امى
ريحانه : انت انسان انانى ياحسام
متجوز واحده عشان تراعى امك
متجوز التانيه عشان تحبها وتحبك وتعيش معها حياتك
والاولانى دى مش مهم مشاعرها ولا كرامتها
حسام : ريحانه ارجوكى
ريحانه : مش عاوزه اسمع منك حاجه
انا هاجل موضوع الطلاق
مش عشانك .......عشان مامتك لانها ست طبيه وحنينه وبتعاملنى زى بنتها
خيم الليل
فى منزل كريم
امانى : معندكش عريس
كريم : عريس
امانى : حد من اصحابك يكون واحد محترم واخلاق
كريم : كل اصحابى محترمين ياامانى
بس قولى لى عاوزه عريس لمين
امانى : ريحانه
كريم : ريحانه مين
امانى : ريحانه زميلتى .....اللى جات اشتغلت فى الشركه
كريم : انتى مجنونه .......دى واحده متجوزه
امانى : هتطلق .....
كريم : هى قالت لك
امانى : ايوه ....ده زمان الماذون جاه واطلقت
كريم : ممكن ترجع تانى لجوزها
امانى : اصل جوازها ده على اتفاق
كريم : اتفاق اى
امانى : مش هقول حاجه هى قالت لى كده
كريم : لازم تقولى اى الحكايه عشان اقولها للعريس
امانى : بصى هو حسام اللى اتجوزها قالها
فلاش باك
حسام :انا هعمل معاكى اتفاق انا لو اتجوزتك هجب لك كل انتى عاوزه بس مش هحبك...... ولا تعتبرنى انى جوزك
..هتعيشى معيا زى اختى.....لانى بحب واحده تانيه وعمرى ماهحب غيرها
ريحانه : موافقه على الاتفاق ....مواقفه انك متحبنيش ومواقفه على شروطك
باك
امانى : طبعا هى وافقت على كلام ده
عشان كلام اللى حواليه
مش هتلاقى عريس
كريم : هى اكيد جالها عرسان كتير خلال سنين دى كلها
ومفيش واحد منهم مناسب ليها .....واكيد ربنا هيعوضها خير وكتب لها الاحسن
امانى : ده قرايبها .....بيقول لها كمان
مفيش عريس هيدور على واحده عندها 30 سنه هيدور على اللى اصغر منها فى سن
كريم : فى عرسان اول مايسمع ان العروسه عندها 30 سنه
يجى فى عقله انها واحده كبيره وشكلها وملامحها كبير جدا
من غير مايشوفها يرفض
رغم ان ممكن اللى عندها 30 سنه ملامحها وشكلها اصغر من واحده عندها 20 سنه
يعنى ريحانه اول مادخلت المكتب عندى عشان تعمل الانتر فيو
افتكرت انها واحده عندها 18 سنه خريجه ثانوى جاى تقدم
لما شوفت الملف بتاعها
اتاكدت من سنها
ثم تابع حديثه : واحده زى ريحانه انسانه متعلمه ومثقفه وناحجه وفيها صفات جميله جدا.....الف واحد يتمنها
ازى تتاثر بكلام ناس ممكن محدش فيهم يهمو مصلحتها
او بيغيرو من ناجحها فتلاقى يقولو اى كلام يزعلها
عشان لو حد يهمو مصلحة اللى قدمه مش هيحاول يجرحه بكلام
هيحاول انه يساعده
يعنى انتى ياامانى يهمك مصلحه ريحانه صاحبتك
وزعلانه عشانها
عشان كده بتحاولى تساعديه
بتدور ليها على عريس مناسب ليه تكمل معه حياتها
امانى : ايوه بدور لها على عريس مناسب تكمل معه حياتها يحبها ويقدرها
كريم : و انا عندى لها عريس
امانى : مين
كريم : استنى الاول .......لما تطلق وتروح بيت ابوها
وقتها هقولك العريس مين
فى صباح يوم جديد
ريحانه راحت الشركه
ريحانه : ممكن ادخل
كريم : اهلا اتفضلى
ريحانه : ممكن اخد اجازه
كريم : اجازه ........انتى لسه مستلمه الشغل من شهر
ريحانه : انا هكمل الشغل فى البيت
: الايام دى بس عشان حماتى تعبانه ....محتاجه رعايه
كريم : طيب يامدام ريحانه
خرجت ريحانه
كريم اتصل باامانى
امانى : ايوه ياكريم
كريم : تعالى عاوز اكلمك
امانى راحت مكتب اخوها كريم
كريم : انتى بتقولى ان ريحانه هتطلق
امانى : ايوه
كريم : دى بتقولى انها عاوزه اجازه عشان حماتها تعبانه
امانى : هى كانت هتطلق الماذون جاه
بس حماتها اول ماشافت الماذون وقعت فى الارض
جات لها حاله نفسيه ومعدتش عاوزه تكلم .....
هى مش عاوزه حسام يطلق ريحانه
ريحانه زعلت عشانها .....والموضوع تاجل
فى منزل حسام
ساره بنرفزه : ليه تاجل الطلاق ......انت حبتها
ردى عليه
ريحانه كانت راجع من الشركه دخلت المنزل
شافت حسام واقف مع ساره فى جنينه وقريب من غرفة مامت حسام
ريحانه : انت يابشمهندس
التفت لها
ريحانه : خد مراتك وتكلم بعيد عشان مامتك ماتسمعش
ريحانه دخلت المنزل
دخلت الاوضه عند حماتها اعطتها دواء وعملت لها العصير
فتحت لها التلفزيون
قعدت جمبها
مسكت الاب توب بدات تشوف ملفات الشغل وحسابات
حسام خرج مع ساره من المنزل
ركب العربيه
فى الطريق
حسام : امى جات لها صدمه نفسيه اول ماعرفت انى هطلقها
اجلنا الطلاق
ساره : لغايه امته باقى
قطع حديثهم
صوت رنت هاتفه
حسام : الو اهلا يادكتور سعيد
الدكتور : جبت تحاليل واشاعات
حسام : ايوه هى معيا
جاى لحاضرتك
الدكتور : طيب انا هكون فى عياده بعد ثلاث ساعات
حسام : طيب
قفل السكه
وصلو
دخل العماره طلع الشقه
حسام : اى ده شقه مالها غير نظيفه كده ليه ........ده شارع احسن منها
ساره : ماانا قاعده عندى مامتى ....
حسام : طيب سيبى الشقه نظيفه
ساره : خلاص بقا ياحسام
حسام : روحى حضر لى اكل
ساره : مفيش اكل جاهز هنا
حسام : روحى اطبخى ياساره
ساره : انا مش بعرف اطبخ
بص لها بغيظ
دخل الاوضه يحضر ملابس عشان يلبسها ويسافر
بيفتح الدولاب كل الهدوم وقعت
مفيش ترتيب ولا فى تنظيم وكل حاجه غير نظيفه
هو اتخنق
خرج من الاوضه
حسام : يالا عشان اوصلك بيتكم
خرج من العماره وصل عند منزل ساره
ساره : تعالى كل عند ماما زمانها بتعمل الغدا
حسام : اطلعى ياساره
ساره : مش جاى
حسام مردش عليها رجع تانى بيتهم
ريحانه كانت طلعه من المطبخ شافته طلع على سلالم رايح شقه
طبعا ريحانه منظمه جدا ومرتبه الشقه بشكل جميل
حسام دخل الاوضه
فتح الدولاب
الهدوم مغسوله ونظيفه ومكويه ومعطره
حسام حاسس براحه نفسيه
راح اخد شاور لبس الهدوم
خرج من الشقه
ونزل
دخل اوضة مامته
حسام : عامله اى ياست كل
شاورت براسها
خرج بيدور على ريحانه لقها فى المطبخ
بتغسل الاطباق
حسام : ريحانه .... اعملى لى اى سندوتش اصلى جعان اوى ....
التفتت له
حسام : بعد اذنك
راحت حضرت الاكل رز خضار و لحمه
حسام اخد معلقه بدا ياكل
الاكل كان طعمه جميل جدا
ريحانه طباخه ماهره
حسام : تسلم ايدك .....الاكل جميل اوى
لم ترد عليه
وضعت على الطربيزه كوبيه عصير
ريحانه : اتفضل
سابته ومشيت
تمر الايام
ساره قاعده بيت والدها
مش بتروح تطمن على حماتها
كمان اهلها مفيش ذوق خالص عندهم
ولاحد فيهم راح يطمن على مامت حسام
لا بابها ولا مامتها ولا اخوها
اما اهل ريحانه
فى منتهى الاخلاق والاحترام
حسام شافهم
ناس محترمه وعندهم ذوق يفهمو فى واجب والاصول
حسام كان كل يوم بيكتشف صفات جديده فى ريحانه ....صفات جميله هو كان بيتمنها تكون فى زوجته
حتى عيونه بدات تشوف قد اى ريحانه جميله جدا وملامحها صغيره وبريئه مثل الاطفال
لدرجه ان قلبه انشغل بيها
وفى يوم فارس اقترح عليهم يرحو المصيف
فارس ومامته اللى هى اخت مامت حسام
راحو مع حسام وريحانه ومامت حسام المصيف
فى المصيف
ريحانه : واو
حسام : بتحبى ايس كريم
ريحانه : بحبه اوى
حسام : استنى هروح اجب لك
ريحانه : لا مش عاوزه
قطع حديثهم صوت فارس
حسام : انت كنت فين
فارس : اه .......انا هعيط
حسام : ليه كده
فارس : البنت اللى كنت بحبها
حسام : مالها
فارس: اتجوزت
حسام : بكره تلاقى احسن منها
فارس : ياراجل ......يعنى انت شايف انى هلاقى احسن منها
حسام : ايوه هتلاقى احسن منها وقلبك هيحبها اوى
فارس : يعنى مش من نصيبى
ريحانه : قبل ماتقول كلمه نصيبى ومش نصيبى
انت عملت اللى عليك الاول واخدت بالاسباب
يعنى روحت اتقدمت لها
فارس : ايوه روحت واترفضت من ابوها
بعت ناس عشان يحاولو يقنعه
بردو رافض
ريحانه : خلاص هى كده مش من نصيبك
لانك عملت اللى عليك الموضوع ماتمش
او حصل اى سبب غصب عنك وجعل الموضوع مايتمش
فكن واثق وعلى يقين ان ربنا هيعوضك خير واحسن منها
ويرزق بزوجه صالحه
قلبك هيحبها وكانه محبش حد الا هى
وهتنسى البنت اللى كنت بتحبها دى نهائى .........كانك عمرك ماشوفتها فى حياتك
حسام : صح كل كلامك
كل كلمه قولتيها بتوصف اللى عاوزه اقول لكى
ريحانه : انت قصدك اى
حسام : انا بحبك ياريحانه
ريحانه قامت ومشت بعيد
قعدت قريب من البحر
فارس : على فكره انا مش بحب واحده ولا حاجه
انا كنت بكلم عليك انت
حسام : عارف انك بتكلم عليه
فارس : طيب روح كلمها
سابه راح لخالته ومامته
فارس : خالتى .....عندى ليكى خبر هيفرحك ......حسام بيحب ريحانه .....
عند حسام
شاف ريحانه قاعده قريب من البحر
راح قعد جمبها هى كانت لفت وشها ناحيه البحر
حسام : وافقتى ليه على اتفاق من الاول ياريحانه
التفت له
ريحانه : عارف ليه
عشان سمعت كلام الناس اللى حواليه
اللى كان بيقولى انتى كبرتى واللى قالى قطار جواز هيفوتك
كلام كتير يجرح
لما جيت لى وافقت بسرعه عليك
عارفه انى غلطانه وغبيه
غلطانه انى خليت كلام اللى حواليه اثر فيه وتفكيرى
غلطانه
انى وافقت على كلامك
غلطانه انى وافقت على اتفاقك وانت بتقولى عمرى ماهحبك
غلطانه انى اتجوزتك وانا عارفه انك بتحب غيرى
بس خالص انا فوقت وهطلع من متاهه اللى انا فيها
قطع حديثهم صوت مامت حسام
مامت حسام : ياحسام .....وياريحانه
حسام بفرحه : امى ....اتكلمت يا ريحانه
ريحانه : خلى بالك من مامتك ياحسام
ثم تابعت حديثها : انا فى بيت ابويا مستنيه ورقه طلاقى
فى منزل كريم
امانى : ريحانه قاعده فى بيت ابوها
حسام قالها انه هيبعت لها ورقه الطلاق بكره
ثم تابعت حديثها : قولى بقا مين العريس
كريم : انا العريس اللى هيتجوز ريحانه
وووووووووو نكمل البارت جاى
هنعرف حكايه حسام وساره من الاول .....حسام شافها فين وعرفها ازى
هنعرف ليه ساره اتطلقت من جوزها الاولانى
كل الاحداث هتظهر فى البارت الاخير
اى رايكم
ريحانه هتجوز كريم ؟
ولا ترجع لحسام اللى حبها وعرف قيمتها ؟
تابع البارت الاخير من قصة بنا اتفاق
احدى اسكريبات و قصص ..... رواية نصيبى انى اكون معاك ......بقلم نبض القلب
اوعى تنسى ..........


السادس من هنا
google-playkhamsatmostaqltradent