رواية اريد حبها الفصل الثاني 2 بقلم سوليية نصار

رواية اريد حبها الفصل الثاني 2 بقلم سوليية نصار

-مالك يا وائل

قالتها بحيرة ...

قومت وقولت:

-بتقولي ايه سمعيني كده

هزت كتفها وقالت؛

-بقولك زميلي في الكلية مقدرش يقاوم جمالي الباهر وعايز يتجوزني ....

-وكمان بتهزري .

زعقت وانا بجري وراها ....بعدت وقالت:

-مالك يا عم انت ملبوس ولا ايه ...ايه المشكلة لما زميلي يتقدملي بدل ما اتجوزه عرفي واجيبلوكم العا*ر ...

حسيت كأن هتجيلي جلطة بسببها ...لا اكيد هي بتهزر ...عينيها كانت بتبصلي بحيرة كاني مجنون ...قربت مني وقالت بهدوء :

-مالك يا وائل ليه متضايق مفروض تفرحلي ...

-انتي مش ناسية حاجة يا فرح

-ناسية ايه ؟!

ضحكت بتريقة وقولت :

-انتي متجوزة يا هانم ...أنا ابقي جوزك يا حبيبتي اسم الله عليكي ....ومفيش واحدة ربنا أداها عقل تيجي تقول لجوزها فيه واحد متقدملي

-ايوة بس جوازنا مز*يف وفترة ونطلق ..وانا من حقي ادور علي حبي الحقيقي عشان جدي أجبرني اتجوزك وانا مكنتش عايزاك من الأساس ...

كلامها ضاي*قني ...أنا مفروض اللي مكنش عاوزها وهي اللي تحبني بس دلوقتي بيحصل العكس هي اللي مش عايزاني وانا اللي غيران عليها . بصيتلها ببرود وقولت:

-فرح انتي مراتي حاليا يبقي تحترمي اسمي فاهمة ولو شوفت حد بيقرب منك من الكلية همنعك تروحي تاني فاهمة ولا لا ...

-مش شايف انك ديكتا*توري ..

-الله حلوة ديكتاتوري دي سمعتها من فين ...

-من مدرسة الدراسات

-شاطرة يختي يالا روحي ...من النهاردة رجلي علي رجلك في اي مكان وزميلك ده يستحسن مشوفهوش قدامي والا والله ارتكب جر*يمة

-يوووه

-يالا غور*ي يا بت ذاكري ...بنات اخر زمن ...

مشيت من قدامي وهي متضايقة وانا قعدت علي الانتريه وانا بغلي ...دي ناوية تجلط*ني ....جايبالي عريس في أول أسبوعين دراسة ..جايبة لجوزها عريس !!!دي قاد*رة ..بس ماشي يا انا يا انتي يا فرح أنا هوريكي ....

......

-يعني عايزها تغير عليك

قالتها مريم اللي شغالة معايا مساعدة في العيادة بتاعتي ..

-ايوة

-تمام هساعدك

-الهي تنستري

-بس برضه عايزني اعمل ايه بالضبط

-صبرني يا رب يا ماما أنا بقالي ساعتين بشرحلك ...يالا هشرحلك تاني وامري لله ...

-ها احكي يا دكتور أنا معاك ...

وبدأت اشرح لمريم تاني وانا بدعي أن الهبلة دي متبوظ*ش الدنيا ...

.....

اخدت مريم وروحنا البيت عشان ننفذ خطتنا ...دخلت فلقيت فرح بتجهز الاكل ...

-ايه ده يا وائل احنا عندنا ضيوف ...

قالتها فرح ...

بصيتلها بغيظ بس سيطرت علي نفسي وقولت :

-احب اعرفك يا فرح ..دي مريم اللي هتبقي مراتي

-ايه

قربت مريم وحاولت تقول بمياعة؛

-سمعتيه يا حبيبتي انا ابقي خطيبته وهو يبقي جوزي قرة عيني ..

-يعني انتي خطيبته ولا هو جوزك مش فاهمة

سألت فرح بحيرة

-يا بقر*ة

قولتها بصوت واطي لمريم ...فقالت مريم :

-لا احنا لسه مخطوبين

ابتسمت فرح وحضنت مريم وقالت:

-الف مبروك فرحتلكم ...

بعدت مريم عنها فقولت:

-يا فرح بقولك دي خطيبتي ...

حضنتها وباستها وقالت:

-اهلا وسهلا يا حبيبتي الف مبروك

قربت فرح مني وقالت:

-فرحتلك يا وائل

بعدين قربت مني وقالت بصوت واطي :

-بس المشكلة أنها اطول منك سيكا مش مشكلة هجيبلك جزمة بكعب ...

سكتت شوية وقالت:

-مال بوقك يا وائل اتعوج ليه!!

يتبع

الثالث م نهنا

تعديل المقال