رواية عشقت زين الرجال الفصل الثاني 2 بقلم ضحي ابراهيم
البارت التاني
- اكيد اخويا يا زينة البنات مشافش حبك وميعرفكيش عايزاكي تسيبي كل حاجه علي ربنا واللي عايزه هايكون
- ربنا يسهلها يا فريحة انا محبتش زين الرجال من قلة انا مش عارفه دا حصل ازاي وامتا بس عارفه شعور لما تكون منفرة من الرجالة كلهم وبعدين قلبك ينجذب لشخص وتبقي مش شايفه غيره عارفه قلبي كان عاملازاي وانا سمعاه بيقول لعمي انه هيتجوز من مصر الشخص اللي حفظت قلبي لحد ما جه خدو بقا مش ليا
- اهدي يا ضحي متعيطيش ومتوجعيش في قلبك
- كان زمان ماما تقولي بكره يا ضحي هتحبي وتتحبي واللي هتحبيها هيكون محظوظ وطاير في السمااا انه بقا معاه زينة البنات بس عارفه كنت هبله اووي وصدقت كلامها بس للاسف بعد ما انا كنت طايره في السماااا اني هاتجوزه قلبي وقع من سابع ارض واتكسر ومبقتش عارفه المه
- يا ضحي افهمي زين مش عارف بوجودك اصلا هو ميعرفش غير انه عنده بنت عم بس مش اكتر
- وليه مش راضي ينزل البلد ولما بيجي مبيقعدش يا فريحه انا قلبي تعب نفسي اشوفه ابصله نظرة عنيه اللي ممكن اعمل عشانها اي حاجه اللي في قلبي لزين مش مجرد حب انا اتخطيت المرحله دي
- انا عارفه والله يلا قومي اغسلي وشك ونامي عشان تسافري بكره
- حاضر
...........................
- اي يا ابني انت مش راضي ترجع البلد لسه
- في طار بين عيله دهشوري وعيلتي عيله الدمنهوري
واللي هايدفع تمن الخلاف دا انا لو رجعت البلد هاموت
- طب ليه الطار دا
- في فرح عمي اخو ابويا كان في ضرب نار وعيلة الدهشوري كانوا في الفرح عمي ورجالة البلد بيحتفلو بيه مسك عمي المسدس وضرب نار بس للاسف التلات طلقات اللي طلعوا موتوا ولد عيله الدهشوري الكبير ومراته مستحملتش وماتت بعد جوزها وهي حامل
- طب اي علاقتك بالموضوع
- عيله الدهشوري مسكتتش قتلوا عمي بعد فرحه باسبوعين ومرات عمي زعلت علي موت جوزها وكانت حامل ولدت من هنا وماتت وطبعا عيله الدهشوري ميعرفوش ان بنت عمي عايشه وهما فاكرين انها ماتت عشان جدي فهمهم كدا وبنت عمي عايشه كإنها اختي وبنت ابويا وطبعا عشان احنا كنا السبب زي ما هما قالوا في موت ولد ابنهم الكبير قالوا لازم يقتلوا ابن اخو عمي اللي هو انا
-- وطبعا لما انتو عرفتوا كدا جيت هنا علي مصر ومش راضي ترجع طب بنت عمك تعرف حكايه الطار دي
- لا هما مفهمينها ان ابوها وامها ماتوا في حادثه وجدي بقا عايزني اتجوزها
- طب واي المشكله
- بقولك اي هي السبب في اني اتغرب عن اهلي كمان عايزني اتجوزها
- انت اتجننت هي مالهاش ذنب بلاش التفكير دا يا متخلف
- بقولك اي فكك من الهري دا انا مش ناقص وكمان البنت هتلاقيها عاديه انا عمري ما اتجوز من الصعيد
