رواية نبض الفؤاد كاملة بقلم رحمة سامي
" بارك الله لكما وبارك عليكما وجمع بينكما في خير "
*دخلت البيت علي الجملة دي هو اي اللي بيحصل هنا بالظبط انا مش فاهمه حاجه البيت كان كله زغاريط وفرحة والغريب اني وحيدة اهلي بقيت مصدومه بجد كنت بدور بعيوني علي ابويا يمكن يفهمني اللي بيحصل...
نبض: بابا هو في اي مين اللي اتجوز وليه في بيتنا انا مش فاهمه حاجه اي اللي بيحصل هنا بالظبط
الاب (سامي): نبض حبيبتي انتي رجعتي من الكلية حمدالله علي السلامة يا قلبي الف مبروك يا روح قلبي انتي اتجوزتي خلاص
نبض بصدمه: نعم انت بتقول اي يا بابا مين دي اللي اتجوزت انت بتهزار لا مستحيل ازاي دا حصل انا مش فاهمه حاجه بجد رد عليا يا بابا والنبي
الاب: في اي يا بنتي انتي مش مبسوطه ليه دا حته العريس انتي عارفه واختيارك يا روحي انا بجد مبسوط اوي باختيارك ربنا يسعدك يا بنتي انا لولا الراجل دا كان زماني دلوقتي محبوس
نبض باستغراب: اعرفه واختيار مين دا يا بابا انا معرفش حد واي حكاية محبوس دي انا مش فاهمه حاجه
الاب: تعالي يا بنتي اقعدي انا للاسف كنت غرقان في الديون حته البيت دا كان هيتباع لولا الراجل اللي انتي اختارتيه دا هو اللي انقذ حياتي وحماني من الافلاس
نبض بدموع: ليه كدا يا بابا انا كنت موافقه نعيش فقراء علي اني اتجوز واحد يكسر عيني بالشكل دا ليه عملت فيا كدا ليه
الاب: مكنش قدامي حل تاني يا بنتي سامحيني بس صدقيني هو كويس وانتي تعرفيه انسان محترم وابن ناس وهيحافظ عليكي
نبض: مين هو دا يا بابا انت عمال تقول عارفه عارفه مين دا بجد
......: هيكون مين غيري انا
نبض بصدمه: انت مستحيل دكتور فؤاد
دخل فؤاد من البلكونه بكل غرور: ايوة دكتور فؤاد يا نبض الف مبروك يا عروسة يلا بينا علي بيتنا في كلام كتير اوي لازم نتكلم فيه
نبض بصراخ ودموع: لا لا انا مستحيل امشي معاك في حته انت عايز مني اي انا اعتذرتلك كتير
فؤاد بغضب: قولت يلا بينا علي بيتنا احسن ليكي يا نبض
الاب: يلا يا بنتي علي بيت جوزك
نبض بكسرة: حاضر يا بابا هدخل اجيب هدومي
فؤاد ببرود: كل حاجه جاهزة في بيتنا يلا قدامي
( استوووووب.... نتعرف علي ابطالنا بقي... نبض سامي بنت اكبر تاجر في القاهره عندها 22 سنه في اخر سنه في الكلية بنت اوزعة وقمحاوية وعيونه عسلي وشعرها طويل وبني.... فؤاد المغربي شاب طويل وجسمه رياضي شعره بني ملامحه كلها رجولة وقوة عنده غمازات شبه الابطال الهنود 28 سنه ابن اكبر رجل اعمال وهو كمان ماسك شغل ولده غير انه كان معيد في الكلية بتاعت نبض قبل ما يحصل اللي هنعرفه في الاحداث الجاية.... يلا نكمل بقي...)
مشيت نبض مع فؤاد وطول الطريق وهي بتعيط وبتفتكر اللي حصل من شهر.....
فلاش بااااااك....
*في الكلية عند نبض بالتحديد في المدرج كانت قاعده وسط صاحبها وبتضحك وبيتكلموا لحد ما المحاضرة تبداء فجاه دخل هو بكل غرور وثبات وسحر كل الموجودين بجماله....
فؤاد: احب اعرفكم بنفسي انا فؤاد المعيد اللي هيشرحلكم بدل دكتور المادة لظروف صحيو بتمني نتعاون مع بعض
نبض بهمس: دا اي المغرور دا الدكتور المكحرت التاني احسن بكتير
صابرين: يا بت اتلمي دا شكله صعب اوي ولو لمحك مش هيرحمك يا قطة
نبض بضحك: يعمل اللي يعمله هولاكوا دا هي كانت ناقصه
فؤاد: اللي بتتكلم وراء دي اتفضلي قومي اسمك اي
نبض: انا يا دكتور... احم اسمي نبض
فؤاد ببرود: اتفضلي قوليلي انا كنت بقول اي دلوقتي
نبض باحراج: اسفه يا دكتور مكنتش مركزه مع حضرتك
فؤاد: اتفضلي اطلعي بره وبعد كدا لو مش هتركزي متحضريش وخليكي في الكفاتيريا بره
*خرجت نبض وهي متعصبة ومكسوفة اوي وبتتوعد لفؤاد عشان لاول مره يحصل فيها كدا وعمر ما حد قدر يحرجها بالشكل دا قبل كدا وبعد المحاضرة صابرين راحتلها تطمن عليها هي والشلة....
صابرين بضحك: يا كسفتك يا حازم بس تستاهلي انا حظرتك وقولتلك انه شكله صعب مسمعتيش الكلام اشربي بقي
نبض بغضب: صابرين مش ناقصك بجد احترمي نفسك مبقش نبض لو مخلتهوش يندم
زياد: انتي ناوية تعملي اي يا مجنونه بلاش تهور استهدي بالله كدا
نبض بخبث: متقلقش عليا دا انا نبض برضو يلا بقي انا جعانه
صابرين: طول عمرك همك علي بطنك يلا يا ستي نجيب اكل
_تاني يوم راحت نبص لفؤاد في المكتب وخبطت وسمحلها تدخل...
نبض: دكتور فؤاد انا اسفه جدا وبوعد حضرتك اني بعد كدا هبقي مركزه كويس معاك
فؤاد ببرود: تمام يا انسة نبض في حاجه تاني
نبض بغضب: هي اي الطريقة دي علي فكره انا جاية اعتذرلك وانت اللي غلطان في حقي
فؤاد وهو بيرفع حجبه: افندم غلطان في اي انا ان شاء الله
نبض: ما حضرتك كسفتني وسط صحابي وطردتني من المحاضرة ودي اول مره تحصل في حياتي يبقي غلط
فؤاد: انتي مكنتيش مركزه وطبيعي تطردي وكان ممكن اي حد تاني يكون مكانك عادي
نبض: طب خلاص بقي متبقاش رخم
فؤاد بغضب: افندم انتي بتقولي اي مش ملاحظه انك بتكلمي الدكتور بتاعك
نبض بخوف: اسفه يا دكتور عن اذن حضرتك
_خرجت نبض بسرعه ولاول مره فؤاد يبتسم فهو معروف عنه الغضب والعصبية الدايمة عدي كام يوم ونبض وفؤاد بقوا قريبين لبعض اوي لحد ما جه يوم.... في الكافتيريا...
فؤاد: نبض ممكن اقعد معاكي شوية
نبض بخبث: اه طبعا اتفضل يا دكتور
فؤاد: كنت حابب اتكلم معاكي في حاجه كدا بس مش عارفه اجبهالك ازاي بصراحه
نبض: لا عادي اتكلم علي طول انا سمعاك في اي من امتا الرسميات دي
فؤاد بتوتر: بصراحه كدا يا نبض انتي غيرتيني اوي وخلتيني انسان تاني بيحب الحياة وبيضحك وقدرتي تسحريني وبقيتي حرامية وسرقتيني
نبض باستغراب: حرامية وسرقتك دا ازاي يا يا دكتور انا مش فاهمه حاجه
فؤاد بتسرع: سرقتي قلبي يا نبض انا بحبك انتي خليتي فؤاد اللي عمره ما بص لبنت ولا حد كان يقدر يشغلني يحبك انتي
نبض بضحك:.........
بااااااك...
فاقت نبض من ذكرياتها علي صوت فؤاد وهو بيقول: يلا احنا وصلنا اهو انزلي نورتي عرين الاسد يا نبض الفؤاد
نبض بخوف: انت قصدك اي عايز مني اي يا فؤاد
فؤاد بخبث: اي هنتكلم هنا في العربية انزلي بس وهنتكلم اكيد
_نزلت نبض هي وفؤاد ودخلوا القصر كان عبارة عن قصر كبير اوي بس كئيب كله اسود مفهوش روح شكله برغم جماله كان يرعب دخلت نبض وهي خايفه من المستخبي ليها وكل دا وهي عارفه انها بتدفع تمن اللي عملته...
نبض: ممكن بقي تقولي انت اتجوزتني ليه عايز مني اي يا فؤاد
فؤاد: هتعرفي كل حاجه متستعجليش يا حبيبتي
نبض باستغراب: حبيبتك انا حقيقي مش فاهمه حاجه انت اي الهدؤاء اللي انت فيه دا متيجي دغري وتقولي عايز اي
فؤاد بخبث: هكون عايز اي غيرك اكيد انتي عرفتي اني دفعت كل ديون ابوكي وانتي بقي يا حلوة هتفضل مراتي لحد ما تسددي الفلوس دي
نبض باستغراب: اسددها ازاي يعني انا لسه طالبة ومش بشتغل
فؤاد: ما انتي هتشتغلي مين قال انك هتقعدي هانم هو دا كلام برضو
نبض: هشتغل اي ان شاء الله بقي
فؤاد ببرود: خدامه انا مشيت كل اللي كانوا شغالين هنا محدش موجود غير داده سعاد عشان تفهمك النظام وعشان تراقبك وانتي اللي هتعملي كل حاجه هي مجرد رقيب عليكي بس
نبض بصدمه: انت بتقول اي انت عايز نبض تشتغل خدامه لا دا مستحيل يحصل
فؤاد بغرور: خلاص براحتك يبقي هقدم الشيكات اللي معايا للبوليس وابوكي يعفن في السجن اي رايك القرار قرارك
نبص بدموع: حرام عليك انا عملت اي لكل دا وابويا ذنبه اي
قام فؤاد بغضب ومسك دراعها: وانا كان ذنبي اي كان ذنب قلبي اي وكرامتي انتي غلطي وقولتلك قبل كدا اللي غلط يستحمل النتيجه يلا قومي اوريكي اوضتك والساعه سته الصبح فطاري والحمام يكونوا جاهزين مفهوم
نبض:.......(مفيش رد)
فؤاد بغضب: انا بكلمك تردي عليا بقول مفهوم
نبض بخوف: مفهوم مفهوم
_فؤاد وصل نبض اوضتها ورجع قعد في مكتبه تحت وهو مش طايق نفسه وبيفتكر اللي حصل...
فلاااااش بااااااك....
فؤاد باستغراب: بتضحكي علي اي يا نبض هو انا قولت حاجه تضحك يعني
نبض: شكرا يا دكتور انت كسبتني الراهن وقال اي بيقولوا عليك صعب تقع ومعرفش اي دا انت مكملتش في ايدي شهر
فؤاد بعدم فهم: راهن انا مش فاهم حاجه انتي بتقولي اي
نبض: اصل يا دكتور انا اترهنت اني هخليك تيجي وتعترف بحبك واكسر غرورك ودا اللي حصل وكل كلامك اتصور صوت وصورة وبقي علي صفحة الكلية سوري بقي يا دكتور
*فؤاد كان مصدوم ومش مصدق اللي حصل وانه يوم ما سلم قلبه لحد سلمه لعيله بتلعب بيه وبتتراهن عليه قام ومشي من قدامها وبقي الكل بيبصلوا ويضحك عليه وهو كان محرج اوي لحد ما وصله استداعاء من عميد الكلية...
فؤاد: ايوة يا استاذ
العميد: اي التهريج اللي بيحصل دا بقي انت جاي هنا عشان تحبلي في الطلاب يا محترم
فؤاد باحراج: انا اسف
العميد: وهيفيد بي اي اسفك انت واحد مش قد المسؤالية انت مطرود يا محترم مش عايز اشوف وشك تاني مفهوم
_خرج فؤاد وهو محروج ومش مصدق اللي حصله وبقي يتوعد لنبض وعرف كل المعلومات عنه واقسم علي الانتقام منها وانه هيدوس علي قلبه وعمره ما هيسامحها ابدا...
بااااااك....
_فاق فؤاد وهو متعبص وبيقول في نفسه: ليه عملتي فيا كدا يا نبض انا بجد حبيتك واتغيرت عشانك دا انتي اول واحده قلبي يدق ليها عمات فيكي اي عشان تجرحيني بالشكل دا كان نفسي متشوفيش مني غير الحلو بس انتي اللي اختارتي الوحش اللي جوايا استحملي بقي يا نبض الفؤاد
..................
*في مكان تاني.....
_انت بتقول اي يعني اي فؤاد اتجوز لا مستحيل
•دا اللي حصل والله لا وكمان دفع لابوها كل ديونه وخدها من غير حته شنطة هدومها
_دي مين دي اللي خليت فؤاد يوصل للمرحلة دي اكيد في سبب كبير لكل دا
•مش عارف بصراحه بس احنا حطينه تحت المراقبة ومش هيفلت منا
_تمام اول باول عرفني كل حاجه سلام...... ولا وهيبقي ليك نقطة ضعف يا فؤاد المغربي وهكسرك وهجيب منخيرك الارض بس اصبر عليا
...................
*نبض صحيت الساعه خمسه ونص بالعافية وافتكرت ابوها وان رقبته اي ايد فؤاد ومحبتش تعمل مشاكل قامت خدت دش ولبست ترنج بيتي حلو اوي وعملت شعرها ديل حصان ونزلت عشان تجهزلوا الفطار...
دادة سعاد: صباح الخير يا بنتي متقلقيش فؤاد لسه نايم اقعدي ارتاحي انتي وانا هعمله الفطار
نبض: لا خليكي احسن يعملك مشكلة انا هعمله بس انتي عرفيني بيحب ياكل اي واماكن الحاجه
دادة سعاد: حاضر يا بنتي هو مش بيحب يتقل في الفطار اصلا وبيحب يشرب قهوة مع الاكل هو اه عصبي بس طيب اوي
نبض: انا غلط واستاهل وكمان انا هنا لفترة مؤقتة اول ما اسدد الفلوس اللي عليا همشي
دادة سعاد: ماظنش لاني عارفه فؤاد كويس وعارفه انه بيحبك بس انتي اكيد غلطي غلطة كبيرة وعشان كدا بيعمل فيكي كدا
نبض: للاسف كان راهن زبالة وحته لو بيحبني انا مش بحبه يا داده لان الموضوع من اوله كان لعبة مش اكتر
دادة سعاد: ليه يا بنتي كدا فؤاد مش ناقص دا كويس انه سلمك قلبه انتي متعرفيش هو عاش اي ولا جواه اي فؤاد اتبهدل اوي وطول عمره وحيد من بعد اللي حصل زمان وكسره وخلاه بالشكل دا
نبض باستغراب: هو اي اللي حصل زمان انا معرفش حاجه عن فؤاد اصلا ممكن تحكيلي
_وقبل ما تتكلم سعاد جه صوت فؤاد: فين الفطار اي كل التاخير دا
نبض اترعبت: حاضر حاضر
دادة سعاد: روحي يا بنتي وهنتكلم بعدين
_خرجت نبض وهي بتحط الفطار قصاد فؤاد وهو مكنش باصص ليها...
نبض: اتفضل بالف هنا بتمني يعجبك
فؤاد اول ما بصلها اتصدم من جمالها:......
نبض باستغراب: فؤاد مالك انت كويس فؤاد انا بكلمك الاكل هيبرد انت يا عم نحن هنا
فؤاد وهو بسيطر علي نفسه: ها تمام
جت نبض تمشي شدها علي رجله: راحه فين هو انا سمحتلك تمشي
نبض بتوتر: فؤاد اوع سبني اي اللي بتعمله دا
فؤاد بخبث: بعمل اي انتي نسيتي انك مراتي يا حلوة ولا اي
نبض: مراتك علي الورق بس اول ما اسد دين ابويا هنطلق وكل واحد هيروح في حاله
فؤاد: انتي بتحلمي يلا اكليني
نبض بصدمه: ناااااااااعم يا عمر اكل مين هو انت اتشليت
_فجاه فؤاد باسها بعنف ومسبهاش غير لما حس انها مش قادرة تاخد نفسها وشفايفها جابت دم
نبض بدموع: انت قليل الادب ومحدش عرف يربيك ابعد عني
فؤاد ببرود: دا عقابك ولو مسمعتيش الكلام واكلتيني هعمل اللي اكتر من كدا وعقابك هيكبر
_نبض خافت وبداءت تاكله وهي بتعيط وهو قلبه بيتقطع بس مش مبين دا وراح مسح دموعها وقال: تؤ تؤ تؤ وفري دموع يا حلوة هتحتاجيها قدام كتير متقلقيش يلا قومي انا شبعت
•قامت نبض وجريت علي اوضتها وهي بتعيط وهو قال من تحت: انا رايح الشركة ارجع الاقي البيت نضيف والاكل جاهز مفهوم ومفيش خروج من البيت انتي اجازة اسبوع من الكلية
...............
*في الشركة وصل فؤاد ودخل بكل غرور والكل وقف انتباه ليه وهو ماشي بكل غرور وكل الموظفات بتبصله باعجاب وانبهار فهو وسيم بشكل يسحر القلوب وصل مكتبه وقفل الباي والكل بداء يتنفس ويشوف شغله...
فؤاد: دنيا ابعتيلي مروان دلوقتي حالا
دنيا: حاضر يا مستر فؤاد
بعد شوية... مروان: اهلا يا برو فينك رجعت تيجي الشركة يعني
فؤاد: ما انا سبت شغل الكلية خلاص المهم عايز اقولك اني اتجوزت
مروان بصدمه: نااااااعم ات اي اتجوزت دا ازاي وامتا ومين دا وازاي متعرفنيش
فؤاد ببرود: اهو اللي حصل بقي اتجوزت امبارح واحده متعرفهاش
مروان باستغراب: اي السرعه دي اي الحكاية يا فؤاد احكيلي
حكي فؤاد كل حاجه: ودا كل اللي حصل وانت عارفني مبعرفش اسيب حقي لو هموت
مروان: بس يا صحبي كدا مش صح متنساش انها بنت وممكن تتأذي بسببك
فؤاد: متقلقش انا سايب حراسة كتير علي القصر ومخلي بالي كويس بس لازم اخليها تندم
مروان: ربنا يهديك للصح يا حبيبي
فؤاد: المهم اي اخبار الصفقة الجديده
مروان: المفروض انها في جيبنا بس سليم مش سايبنا في حالنا وبيحاول بكل الطرق عشان ياخدها ويكسرنا بس علي مين متقلقش
فؤاد: سليم انا بداء اجيب اخري منه ونهايته هتكون علي ايدي والله
مروان: سيبك منه هو هيموت لوحده من كمية الخسارة اللي بيخسرها
فؤاد: ماشي يلا علي مكتبك بقي خليني اخلص واروح اشوف البتاعة دي
مروان وهو بيضحك: ماشي يا برو بس صدقني انت هتحن سلام
................
*في مكان تاني....
ضحي: ماما انا هنزل بقي ادعيلي بقي
الام: يا بنتي اقعدي افطري الاول هتنزلي كدا ازاي بس
ضحي: مش هينفع يا ماما انا متاخرة لوحدي المقابله هتفوتني ادعيلي يا ست الكل سلام
الام: ربنا ينولك كل اللي في بالك يا رب يا بنتي
ضحي: تاكسي تاكسي لو سمحت وديني العنوان دا..... في نفسها: يا رب اتقبل الوظيفة دي هتساعدني كتير يا رب عشان خاطر امي وعلاجها ان شاء الله مش هتخيب املي انا مليش غيؤها ونفسي اريحها واخليها تعمل العملية وتخف
...............
*وصلت ضحي الشركة ودخلت للاستقبال وخدت دورها وراحت تقعد مكانها وبالغلط خبطت في مروان وهدومها اتبهدلت من القهوة اللي كتنت في ايده....
ضحي بعصبيه: مش تفتح يا اعمي هعمل اي انا دلوقتي يا شيخ منك لله انا اصطبحت بوش مين النهارده بس يا ربي
مروان بغضب: اكيد بوشك اي يا بت طولت لسانك دي متحترمي نفسك
ضحي: مش انت اللي خبط فيا وبهدلتني هعمل المقابلة بالشكل دا ازاي دلوقتي
مروان: علي اساس انك هتتقبلي اصلا بلسانك دا يلا يا شاطرة من هنا
ضحي بغضب: انت انسان مهزاء اقسم بالله امشي من وشي احسن ارتكب فيك جريمه
مروان: طب وريني مين هيشغلك هنا اشكال زبالة
_مشي كل واحد فيهم وهو مش طايق التاني وبيتوعدوا لبعض وبداءت المقابلات وجه دور ضحي ودخلت بعد ما نضفت هدومها بالعافية وكانت المفاجاه....
ضحي: هو انت يا نهار ابيض
مروان بخبث: فين السي في بتاعك يا انسة
ضحي بتوتر: اتفضل يافندم دا فيه كل الورق اللي يخصني والشهادات بتاعتي والكورسات
مروان: بس مش عايز رغي كتير..... المهم انا اي يخليني اقبل اوظفك في شركتي
ضحي بصدمه: شركتك هو انت صاحب الشركة مش موظف هنا كمان
مروان بغرور: ايوة انا شريك بالنص في الشركة انجزي وردي علي السؤال اي يخليني اشغلك يا انسة ضحي
ضحي بتوتر وخوف: انا كنت الاولة علي دفعتي ومعايا شهادات كتير ومميزة في شغلي وبصراحه انا محتاجه الشغل دا جدا فبعد اذنك مدخلش اللي حصل بره في قرارك
مروان ميعرفش ليه حس بوجع من نبرة صوتها: تمام يا انسة ضحي تقدري تبداءي الشغل من بكره وياريت اللي حصل بره دا مشفهوش تاني
ضحي بفرحه ودموع: بجد شكرا جدا ليك وب انا اسفه علي اللي حصل
مروان: ولا يهمك تقدري تتفضلي
_خرجت ضحي وهي فرحانه اوي وبسرعه راحت واتشريت شكولاته وراحت مكانها المفضل..
...................
*في القصر نبض كانت خلصت ترويق والاكل اتعمل وطلعت خدت دش وغيرت هدومها ونزلت تحت تتفرج علي التلفزيون فؤاد رجع وشافها قاعده كدا اتغاظ اوي....
فؤاد: انتي مين سمحلك تقعدي هنا
نبض: يخربيتك خضتني انت عايز اي كل طلباتك اتنفذت انا اكيد مش محبوسه هنا واعمل اللي انا عايزاه
فؤاد بغضب: صوتك ميعلاش عليا انتي فاهمه قومي جبيلي الطفح يلا
نبض: بالسم الهاري علي قلبك يا شيخ دا اي القرف دا
فؤاد: سمعتك وحسابك بيتقل
نبض بتمثيل الخوف: ياما ياما خوفت انا كدا الحقوني خبوني الوحش هيكولني
فؤاد بغضب: انتي يا بت هي مش ناقصة شغل عيال اتفضلي بطلي لماضة وجيبي الاكل
نبض: طيب راحه اهو يا هولاكوا
_بعد ما مشيت فؤاد ضحك علي هبلها وشكلها الطفولي وهي جبتله الاكل وطلب منها قهوة وهي دخلت تعملها وهو دخل المكتب...
نبض: هو انا خدامه عنده كل شوية طلبات طلبات ان ما وريتك يا فؤاد مبقاش انا نبض
_ضحكت نبض بخبث وعملت القهوة ووديتها لفؤاد المكتب وخرجت وقفت علي الباب...
نبض بضحك: واحد اتنين تلاته
فؤاد بزعيق: نبض انتي يا زفته
نبض بضحك مكتوم دخلت: اي يا فؤاد مالك بتزعق ليه عايز حاجه يا اخويا
فؤاد بغضب: اي القرف اللي انتي عملاه دا عايز افهم اي مش بتشوفي
نبض بتمثيل البراءة: قرف اي بس دي القهوة اللي انت طلبتها مالها
فؤاد بعصبية: حطالي ملح بدل السكر انتي اتجننتي عايزة تعصبيني وخلاص
نبض بضحك بتحاول تكتمه: اي ملح سوري مختش بالي خالص
فؤاد: والله انتي بتستعبطي يعني اياكي تكرريها تاني مش هعديها يا نبض
نبض وهي بطلع لسانها: طب وريني هتعمل اي بقي
_وجريت وهو بيجري وراها ومره واحده نبص اتكعبلت ووقعت وفؤاد وقع عليها وعيونهم جت في بعض ومن غير ما يحس قرب منها وباسها بكل حب وهي بتحاول تبعده عنها بسرعه فؤاد قام...
فؤاد بزعيق: امشي من وشي مش عايز اشوفك قدامي يلا
نبض جريت علي فوق ودخلت وقفلت الباب وحطيت ايدها قلبها وقالت: في اي انت بدق كدا ليه يا مهزاء انت اهدي كدا واثبت
فؤاد: انا ازاي ضعفت قدامها كدا لا مستحيل انا مش هحن انا لازم اندمها لازم ادفعها التمن غالي اوي اصبري عليا يا نبض مش هسمحلك تضحكي عليا تاني مهما حصل
...............
*في مروان وصل البيت وكان طالع اوضته يمع صوت امه.....
ام مروان: كويس الباشا راجع بدري النهارده اي مش هترد عليا برضو
مروان: بقولك اي انا مش فايق ليكي لما انتي تبقي فايقه اصلا نبقي نتكلم
ام مروان: اي انت فاكرني سكرانه لا انا واعية لكل حاجه انا امك ولازم تحترمني
مروان: لما انتي تحترمي نفسك الاول وتحرميني انا طالع انام
ام مروان بزعيق: مروان انا بكلمك اقف عندك
_فجاه وقعت علي الارض واغمي عليها من كتر الشرب وهو جري عليها وشالها وطلعها اوضتها وحطها في سريرها وراح علي اوضته بتعب نام علي السرير وهو مش طايق حالها خالص من اللي بيحصل.....
................
*تاني يوم صحيت نبض علي صوت زعيق جاي من تحت نزلت بسرعه وفؤاد نزل وكانت الصدمة.............
الثاني من هنا
