رواية الاعمي الفصل الثامن 8 بقلم ليلة عادل
البارت الثامن
من روايه الاعمى
بقلمى ليلة عادل 
الفندق فالسخنه الساعه 1م
يقف كل من مروان واميره وحمزه ونور فى رسبشن الفندق
حمزة ... ازيك يا دكتور والمصحف انا مبسوط انك جيت وفكيت
مروان ... متشكر انت اكيد حمزة
نور ... انت بقيت مشهور
مروان ... وانتى نور المشهوره بلمبه
نور ... واضح ان اميره مسيحلنا
مروان ...(ببتسامه ) اميره مش بتبطل كلام عليكم انا حبتكم منها من جدعنتكم معاها ربنا يخليكم لبعض
حمزه ... شكرا يا دكتور
اميره ... يلا كل واحد على اوضته دكتور
مروان ... نعم يا اميره
اميره ... تعالي عشان اوصلك اوضتك هى جنب اوضتى اى حاجه محتاجها بس قول ميرو لحظه هاجيلك
مروان ... تمام يا ست ميرو
(بعد ساعه غرفه مروان)
اميره تطرق الباب ثم يفتحلها مروان
اميره ..(بستغراب) ايه ده ملبستش
مروان .. قصدك مقلعتش
اميره .. هههه يلا غير هدومك بسرعه عشان ننزل نبلبط فى البحر زى البط
مروان . (بمزاح ) مش شايفه يا بطه اننا لسه جايين نرتاح بعدين نبلبط برحتنا ولا يه
اميره .. لالالا انا عايزه الحيويه والسرعه بتاعت الشغل والهرى تبقى فى الصياعه كمان
مروان .. صياعه فى وحده تكلم دكتورها كدا
اميره .. اه انا يلا بقى
مروان .. حاضر هلبس وامرى لله واطلعلك منا عارف مش هخلص من زنك
اميره ..هههههه يلا بسرعه بس .. هستناك اهو
السخنه اماكن مختلفه اوقات متفرقه
لقطات سريعه لمروان واميره واصدقائها وهم يسيرون على البحر وهم يلعبون بالكوره وهم يلعبون ويضحكون ويجلسون على شاطى البحر فقد قضى مروان ثلاث ايام اجمل ما يمكن مع اميره وكانو فى غايه السعادة
فندق السخنه الساعه 6ص
تقف اميرة امام باب غرفه مروان من خارج وتطرق الباب مره ثم مره اخرى لكن مروان لا يجيب ..تقلق تطرق بشكل اكبر يزداد قلقها ثم تفتح الباب وتدخل فى قلق وخوف وتنادى عليه
اميره ... دكتور يا دكتور
مروان ..( يخرج عارى الصدر من الحمام ) فى ايه
اميره (تخجل جدا وتتحدث بتقطع ) انا بس اصل هو يعنى
مروان ... احنا رجعنا للهبل تانى
اميره ... لا اصل خبطت حضرتك ماردتش
مروان ... ها مسمعتش فى حاجه بعدين انتى صاحيه بدرى كدا ليه
اميره ...اصل عندى ليك مفاجأه
مروان ... بخاف من مفاجاتك
اميره ... لا متقلقش
مروان ... طب اكمل لبس وهطلعلك ماشى
اميره ... ممكن اخترلك اللبس
مروان ... اتفضلى
تفتح اميره الدولاب وتقوم بالبحث عن ملابس ثم تخرج بنطلون وقميص
اميره ... دول حلوين اوى
مروان ... هخلص واطلعلك
- شاطئ البحر الساعه ٦ص
تسير اميره وهى تمسك بايد مروان ثم يصلون على احد الترابيزات وكراسى البحر المفروض وكان على الترابيزه .. مشغل اغانى
اميره ... تنظر لمروان . اتفضل اقعد هنا (تساعده للجلوس)
مروان ... ماشى يجلس ...شكرا
( يدخل عليهم المتر ومع صنيه بها قهوة)
اميره ... تنظر لمتر .. حط الحاجه هنا روح انت
مروان ... انا مش فاهم
اميره ... ما تستعجلش
مروان ...(بسخريه ) جه اليوم اللى تقوليلى فيه كدا
-اميره تضحك ثم تقوم بتشغيل اغنيه فيروز انا لى حبيبى وحبيبى الى تعطى فنجان القهوه لمروان تجلس بالكرسى المجاور له ويتسطحون على الكراسى المنفرده يستمعون للاغانى وهم ينظرون لشروق الشمس وسط البحر
مروان (ينظر لها ببتسامه ساحره) بجد متشكر اوى
اميره ... (بسعاده ) ده اقل شى
(بعد الاستماع للاغنيه بقليل تنظر اميره لمروان وتجلس )
اميره ... ممكن اسالك سؤال
مروان ...(بمزح ) الادب ده يخوفنى بس قولى
اميره ... هههههه انت ومدام ماجى ازاى اتجوزتو اصل بصراحه انت من مجره وهى من مجره مافيش اى تشابة بينكم
مروان ... ما هو ده السبب
اميرة ... ازاى
مروان ... الاختلاف
اميره ... ونبى.لا دى طلعت منك اوت
مروان ... ازاى
اميره ... لازم عشان نستمر نبقى متشابهين
مروان ... لا بالعكس
اميره ... ممكن توضح اكتر
(يقوم مروان ويجلس امامها )
مروان ... انا بحب الكتب و الشغل حياتى كانت روتنيه جدا كنت محتاج حد يخدنى لدنيا تانيه
اميره ... وماجى هى بقا اللى اخدتك
مروان ... اه
اميرة ... لا بص الاختلاف مطلوب طبعا لكن بنسبة , لان الاختلاف الزيادة بيولد المشاكل
مروان ... ازاى
اميره ... مثلا انا. بحب حاجه وانت بتحب حاجه عمرنا ماهنشارك بعض هتقولى لا انا مش بحبها هفضل انا بقا اعملها لوحدى وانت مش معايا هكرهك وهحس أنى لوحدى لان حبيبى مش معايا مش بيشركنى حاجاتى فهمنى
مروان ... اه فهمك. انتى الحب بنسبه ليكى انى اكلمك كل يوم وبعتلك رسائل حلوى وجيبلك ورد وبلونات. واخرجك كل يوم. واقولك كل شويه بحبك وبعشقك وكلام ده
اميره ... اكييد
.مروان ... ونحب نفس الاكل نسمع نفس الاغانى ونحب نفس الامكان نبقى متشابهين بكل شى كأننا واحد صح
اميره ... اه طبعا الاهتمام والتشابه مهم مش كل واحد يبقى مع نفسه ندخل فى قصة أنى اروح ادور على حد يشاركنى اللى بحبه وبدل ما الحكايه كانت اختلاف بقت خيانه
مروان ... امممم كملى
اميره ... يعنى انا بشوف ان الاختلاف بيولد مشاكل لان كل واحد فينا هيبقى ليه سكته وطريقه تفكيره. يعنى مثلا انا بحب اوى المسلسلات التركية انت لا, عمرك ماهتقعد معايا تتفرج عمرك ماهتهتم حتى تقولى ايه اللى حصل فى مسلسلك. انا مقصدش المسلسل باديك مثل
مروان ... فاهم قصدك , يعنى ده الحب والاهتمام من وجهه نظرك
اميره ... اه
مروان ... طب منا ممكن اشاركك حتى لو مش بحبها
اميره ... بمعنى
مروان ... اتفرج معاكى على المسلسل
اميره ... بس هتبقى بتعمله غصب عنك
مروان ... بعمله. عشان بحبك زى ما انتى. كمان ممكن تتفرجى على الماتش عشان بتحبنى
اميره ...امممم
مروان (برومنسيه وصوت هادى ).... يا حبيبتى الحب اكبر واعمق من كدا انا ممكن اجبلك جنينه ورد كل يوم واقولك بحبك وبعشقك , وكل يوم اخرجك فى مكان شكل بس هل ده كافى اكيد لا ,.هو اه مهم بس مش كفايه لان الحب مواقف اكتر من أنه كلام , احبك انى اكون سندك و ظهرك و امانك احبك يعنى لازم اكملك الناقص احبك يعنى اعوضك على اللى راح احبك يعنى اخليك ديما مبسوطه احبك ودى أهمهم انى اغيرك يعنى اخليك احسن وافضل
اميره.... ازاى
مروان.... يعنى مثلا لو شايف انك شاطره وموهبه فى حاجه انميهالك مش اسكت وأكبر وقولك برفو هتستفيدى ايه ولا شئ لكن لازم اقف جنبك لحد ما توصلى للنجاح ,وبعدين مين قالك بقى عشان نكون سعداء لازم تشابه. بالعكس هيبقي ملل انا بحب الكتب هنفضل كل خروجه نقرء كتب الهدايا كتب لكن لو مختلفين انا مره اوديكى حفله لمطرب بتحبيه انتى تجبيلى رواية وتقرائيها ليا يعنى اشركك عالمك. وانتى تشركينى عالمى نعمل لنفسنا عالم بتعنا احنا الناس تشفنا من بعيد مختلفين ويقول ازاى بس احنا بقمه السعاده. يارب تكونى فهمتينى بعد كل الرغى ده
اميره ... طبعا. يعنى انا ممكن اتجوزك .,.اقصد اتجوز حد نفس طبعك يعنى انت هادى وانا عصبيه انت عاقل انا مجنونه
مروان ...هههه طبعا ليه لا
اميرة. ... انت قولت الحب نغير بعض ونكمل اللى ناقص لان الاختلاف مطلوب
مروان ... ايوا
اميره ... بس فى حوارك انت وماجى لا
مروان ... اشمعنا
اميره ... بص بقا الاختلاف مطلوب طبعا بس مش يبقا حد اقصى الشمال والتانى أقصى الجنوب
مروان ... بمعنى.
اميره ... بمعنى انى انا مش بحب الكتب العلميه بس مع ذلك كان عندى استعداد وقرتها معاك ماجى عمرها ما قرات كتاب.معاك ولاحتى روايه. لما بتقولها كدا بترفض .انا اتفرجت. معاك على الماتش. ماجى قالتك مبحبهوش.سبتك ومشيت ماجى بتشرب وانت لا مش بس كدا هى كمان بتحاول تعلمك يعنى بتنزلك لتحت مش بتطلعك ماجى مش بتحاول تروح عالمك ولا فى دمغها حتى انتم مش مختالفين انتم كل واحد فيكم بعيد عن تانى بمسافات
مروان ... امممم
اميره..لازم الطرفين يبقو عندهم الاستعداد انهم يحبو عالم بعض فعلا ويحسنوه مش يخربوه ويبوظو جماله انما مدام ماجى مافيش اى حاجه من دى. قولى انت حاجه واحده بس غيرتها فيك للأفضل قول. حاجه واحده شركتها معاك من الحاجات اللى بتحبها. انا بشوف انت اللى بتروح وبتحاول. وهى لا.... يعنى سكت
مروان... لو حد سمعك هيقول. انك غيرانه منها
اميره..... لا والله. هو ده ردك
مروان (مضايق يقف ) .....يلا نطلع ننام انا فصلت
اميره ... انت بتهرب
مروان ... اهرب. اهرب. من ايه
اميره ... معرفش
مروان ... يلا ننام
اميره ...(تقف ) والله. بتهرب. مش عايز تعترف انك غلط باختيارك
مروان.. (بنرفزه) ....انتى مش شايفه انك بتتعدى حدودك و انك بتتعدى كل الخطوط الحمرا مش عشان قربنا من بعض شوية ده يسمحلك انك تدخلى فحياتى بالشكل ده , اميره اتمنى. انك متنسيش انى دكتور مروان عزت وانك طالبه عندى فقط. لو كنت سمحتلك تقربى من حياتى شوية ده ميخلكش تنسى انتى مين وانا مين.. تصبحى على خير
اميره (بزعل )... خلصت بهدله واهانه يعنى
مروان (بهدوء).. انا مقصدش بس
اميره ... .ولا بس ولا حاجه. انا اللى اسفه عندك حق تسمحلى بقا اوصلك الاوضه ولا ده. خارج نطاق. حدودى
مروان ...(مضايق )..عمرك ما هتتغيرى هتفضلى عاطفيه ومتسرعة ومندفعه
اميره ... (مضايقه) افضل من انى اكون عديمه الاحساس. وكل حاجه. بحسبها بالعقل والمنطق ١+١=٢ ...يلا بينا
( تمسك ايده ويسير لداخل الغرف )
بعد دخول مروان الى الغرفه تقف اميره ومروان امام الغرفه
اميرة ... تصبح على خير
مروان ... وانتى بخير
( يدخل مروان يقفل الباب. بعد قليل تطرق اميره. الباب مره اخرى)
مروان ... فى حاجه
اميره.(بحسم )... اه بص بقى انا مصممه انها مش شبهك وان جوازك منها غلطه وأنها من مجره وانت من مجره ومستحيل تتقابله. زى الزيت والمياه مستحيل يختلطو ببعض. مهما عملت وحولت و انت تستاهل حد تانى. ماشى سلام
مروان ... سلام
(يقفل الباب ويقف خلفه. وهو يضحك)
مروان ... اقسم بالله مجنونه وعنيدة
فيلا مروان الساعه 2م
فى غرفه مروان فى الطابق الاول هادى وماجى فى الغرفه على السرير عليهم غطاء
هادى ... يييا كنتى وحشانى اوى جوزك ده رخم يعنى لازم يقولك تنامى جنبى محنا كنا حلوين
ماجى ...(بدلع )..ده على اساس انه فارق معاك منا معاك فى كل لحظه الصبح بلاتليه وبليل هنا
هادى ... يا قلبى بتوحشينى بعدين بغير عليكى انا مش مقتنع ان من وقت مانزلتى تحت مجاش جنبك
ماجى ... عنك ما صدقت
هادى ... والله
ماجى ... اعملك ايه عشان تصدق احنا فحضن بعض وهو جنبنا تحب احضنك قصاده عشان ترتاح
هادى ... هههههههه لا مش اوى كدا بس راعى انى بغير عليكى ... ميجو بقولك ايه
ماجى ... (بدلع) عايز ايه
هادى ... ماتقومى ترقصيلى
ماجى ... عنيه
شقه منير الساعه 5م
يقف فى البلكونه و يتصل منير بمراون
منير ...ايه يا حبيبى عامل ايه في رحلتك
مروان ... الحمد الله كانت عايزك والله
منير ... انا متاكد ان اميره قايمه بالواجب وواخده بالها منك
مروان ... طبعا انت عارفها
منير ... بقولك ايه
مروان ... ايه
منيره ... عايز عقد الارض عشان اروح الشهر العقارى اسجله
مروان ... هو فى المكتب استنى هجيلك بكره
منير ... لا خليك انت انبسط انا هروح عندك هى مش ماجى هناك
مروان ... لا عندها شغل كتير عشان المعرض بتعها اول الشهر مسافره الجوانه وهادى مسافر مع اصحابه حتى كيلا اجازه
منير... طب احنا كنا عايزين ننجز لحسن الراجل يغلى علينا
مروان ... طب بقولك ادخل من البوابه اللى ورا
منير ... يااااااه زمان معملتش الحركه دى فاكر لما كنا بنتاخر ايام ثانوى وعشان ابوك ميهزقناش كنا بندخل منها
مروان ... ههههه ايام الشقوه دى تتنسى ىهههههههه روح وادخل من هناك وادخل من باب الخدامين زى زمان
منير ... تمام
- فيلا مروان الساعه8م
نشاهد منير وهو ينط مع على البوابه الخلفيه للفيلا ثم يسير ويذهب لباب الخدامين..وعند وصوله للداخل فى هول الفيلا يسمع صوت اغانى يقوم بالنداء بصوت عالى على ماجى
منير ... مدام ماجى انتى هنا مدام ماجى
لكن بعد قليل جدا يسمع صوت ضحكة شاب؟ ياخذ القرار انه يطرق على الباب ثم تفتح ماجى وهى ترتدى لانجرى نوم وعليه روب
ماجى (بستغراب )... منير انت ازاى دخلت
منير (مصدوم ) ...من باب اللى ورا
ماجى (بعصبيه ) ...هو انت عشان مدير اعمال وصاحب جوزى ده يسمحلك انك تدخل بطريقه الحراميه دى لما ياجى مروان لينا كلام
منير (بسخريه ) ...مروان اللى قالى اعمل كدا لان حضرتك المفروض فى الجونه عشان المعرض بس واضح ان المعرض اتنقل اوضه مروان
ماجى ... تقصد ايه
منير ... ولا حاجه هو مروان رجع
ماجى ( بقرف ).... اكيد لا هيرجع من غير ما يقولك
منير ... اصل انا سمعت ضحكه شاب
ماجى (بستغراب ) ...شاب
منير (بتريقه )... اكيد ده فيلم يعنى ايه اللى هيدخل شاب اوضتك انتى و مروان
ماجى ... هادى
منير ... مش فاهم
(ثم يظهر هادى هو عارالصدر يرتدى بنطلون فقط)
هادى ... ايه يا عم منير عامل ايه
منير .. (باستغراب )... انت هنا انت مش مسافر
ماجى . (بقرف )..فى ايه يا منير انت مالك سافرنا مسافرناش انت بتدخل ليه وبتحقق كدا ليه معانا
منير ... اصل مروان فاكر انكم مسافرين
هادى ... غيرنا راينا قولنا نتسلي هنا ونحتفل عندك مشكله
منير.. (بسخريه واستغراب )... والله انتم بتتسلو كدا فى اوضة النوم لا بصراحه اول مره اشوف اخوات مرتبطين ببعض للدرجه دي
ماجى ... اديك شفت يلا بقى عشان عايزين نكمل السهره
هادى .. (ببسخريه ).... ما تقعد معانا تسهر شويه ميجو عامله شويه حمام يستاهلو بوقك
منير ... لا انا هاخد الورق وهامشى
ماجى ... منير
منير ... نعم
ماجى ... سلام
يخرج منير بعد ما ياخذ الاورق من المكتب ولكن ماجى كانت تقوم بمراقبته من شباك الغرفه حتى يركب عربيته ويمشى
- عربيه منير
يجلس منير داخل عربيته وهو يفكر بما شاهده؟ ثم يقول لنفسه الواحد يامه هيشوف احنا داخلين على يوم القيامه ثم يسوق ويرحل
يتبع
