رواية الاعمي الفصل الخامس 5 بقلم ليلة عادل
البارت الخامس
*~~الاعمى بقلمى ليلة عادل*~~
فيلا مروان الساعه 11م
غرفه نوم ماجى فى الطابق الثانى مروان يطرق الباب لكن هادى فى الداخل ثم تفتح ماجى وهى ترتدى قميص نوم وبملاح عادية لا يبدو عليها الخوف او التوتر
ماجى ... انت بتخبط ليه يا روحى انت تدخل على طول
(يدخل قليل ويقف امامها)
مروان ... (يضع ايده على وجهها ) اكيد تعرفى انك وحشتينى اوى
ماجى ... وانت كمان
مروان ... هو فى حد فى الاوضه ؟
ماجى ... (باستغراب ) حد .. حد زى مين يعنى لو معايا هقولك
مروان ... مش عارف بس حاسس كدا المهم هو انتى ليه مش بتنامى تحت معايا
ماجى ... عادى يعنى انت اللى من وقت ما نزلت مصر قاعد تحت
مروان ... ده معناه انك متنميش فى نفس الاوضه معايا
ماجى ... لا بس
مروان ... انا عايز نرجع زى زمان احنا بعدنا اوى عن بعض
ماجى ... وانا والله يا حبيبى نفسى احنا فعلا بعدنا عن بعض انت عارف انى بحبك اوى
مروان ... عارف طب يلا
ماجى ... يلا ايه
مروان ... ننزل تحت انتى من النهارده هتنامى عندي
ماجى ... اوك يلا يا روحى
تمسك ماجى يد مروان ويخرجوا خارج الغرفه واثناء سيرهم تغمز لهادى يبتسم لها ويقبلها على الهوى
- فيلا مروان 11 ص
اميره تدخل الفيلا حامله
بوكيه من الورد الاحمر وعلى ملامحه السعادة واثناء سيرها ترى كيلا خادمة ماجى تتحدث معها
اميره ... هو دكتور فين
كيلا ... فى غرفته
اميره ... طب انا هدخله
(اميره تطرق الباب ثم تدخل )
اميره ... انا اسفه جدا على التاخير (تتفاجئ بوجود ماجى ) ....انا اسفه
ماجى ... لا عادى نفسى افتكر شفتك فين
اميره ...(بحزن ) ما تشغليش بالك
ماجى ... حبيبى انا هطلع فوق لان لبسى كله فوق هبقى اخلى كيلا تنزلى الحاجات تحت
(يخرج مروان من الحمام وهو يجفف شعره)
مروان ... ماشى ازيك
(اميره طبعا غيرانه ومضايقه اوى عيونها مليانة بالدموع)
اميره ... انا كويسه
مروان ... (باستغراب ) مالك
اميره ... ولا حاجه تحب حضرتك نعمل ايه النهارده
مروان ..(يقترب منها يلمس وجهها ) بتعيطى ليه
اميره ... لا ده عينى وجعانى
مروان ... (بجديه ) مالك
اميره ... معلش ممكن امشى اصل تعبانه اوى
مروان ... جيتى ليه
اميره ... مكنتش تعبانه كدا لما نزلت التعب زاد
مروان ... (بحنان ) مافيش مشكله ابقى طمنينى عليكي الف سلامه
اميره ... الله يسلمك باى
مروان ... سلام
تخرج اميره من الغرفه وهى تبكى بحرقه من الغيره على مروان ثم تذهب اميره الى النادى لصديقتها نور
نادى المعادى 12م
نور تجلس على الترابيزه وتسمك تليفونها ثم تدخل عليها اميره وتجلس معها وهى تبكى ومضايقه جدا
نور ... (بخضه ) مالك
اميره ... مخنوقه اوى
نور ...(بستفزاز ) ليه عمل معاكى مشكله تانى
اميره ... بالعكس انا بدات احس انه اتغير بس شفتها فى الاوضه
نور ...(باستغراب ) مين
اميرة ... ماجى
نور ... ههههههههه يخربيتك
اميره .... بكلمك جد
نور ... دى مراته طبيعى يعنى
اميرة ... مكانتش بتنام جنبه
نور ... انتى ايش عرفك
اميرة ... انتى ناسيه انى بروح من 8 لى 8 بقالى شهرين
نور ... بس انتى بردو متعرفيش انتى بتروحى قبل مينام وبتروحى بعد ما يصحه
اميره ... قالتلو هبقا اخلى كيلا تنزلى هدومى من فوق يعنى مكنتش بتنام جنبه , ياربى علاقتهم متتحسنش غير على حظى النحس
نور ... هههه حتى لو دى مراته حاجه عاديه متوقعه
اميرة ... ايوه بس مكنتش عارفه انها بتوجع كدا اول ما شفتها واقفه و هو خارج من الحمام اتجننت حتى الورد رميته على الارض ومشيت
نور .... هههههههه هموت يخرب عقلك مجنونه هتفضلى طول عمرك كدا اعقلى مراته اعقلي بقا
اميرة ... خلاص بقا
مروان الساعه 12
مروان فى غرفه النوم يدخل عليه منير هو داخل يلقى ورد مرمى على الارض ينزل يجيبه
منيره ... ايه ده راميه ليه
مروان ... رامى ايه
منير ... ورد
مروان ... (باستغراب ) ورد انا معرفش ان فى ورد عليه كارت
منير ... اه مكتوب عليه انا قد التحدى
مروان (بعقله ) دى اميره عملت ليه كدا (ثم يقول لمنير )
مروان ... بقولك انسى خلينا فى شغلنا
منير ... اميرة فين..
مروان ... تعبانه روحت
- فيلا مروان 1م
- تدخل اميره على مروان فى غرفه المكتب مروان جالس يقراء كتاب مكتوب بطريقه بريل قبل ان تتحدث اميره يرفع وجه ويقفل الكتاب يتحدث معها
مروان ... (بشده ) انتى مش ليكى ميعاد ولاه انتى بتيجى بمزاجك
اميرة ... اسفه كان ورايا حاجات
مروان ... طب ممكن تروحى انا مش محتاجك النهارده
اميره ... (بزهق ونرفزه ) هو التحدى ده هيخلص امتي انا زهقت بص انا استسلمت انا مش هوريك وشى تانى
مروان ... تعالى هنا
اميره ... نعم
مروان ... مالك
اميره ... مافيش بس زهقت من طريقتك دى
مروان ... بس انتى اتحدتينى انى اغير من طرقتى دى
اميره ... وفشلت
مروان... متاكده
اميره ... واضح جدا مش محتاجه تفكير
مروان ... ههههه اكبر مشكله فيكى انك دايما متسرعه فى حكمك على الامور
اميره .... ازاى
مروان ... هو انتى لحد اللحظه دى مش واخده بالك انك كسبتى التحدى
اميره ... مش فهمه
مروان ... يعنى مش ملاحظه ان طريقتى متغيره معاكي وبسيبك تجيلى براحتك ولا انتى لسه فهمك على قدك
اميره ... احلف
مروان ...احلف على ايه
اميره ... انك خسرت
مروان ... هههههه بلاش جنان
اميره ... ونبى ونبى قولى انا خسرت يا مرمر وانك هزمتينى
مروان ... لا كدا هغير رايي والله
اميره ...لا ادب خلاص ها فرصتى بقا انت طبعا فاكر الاتفاق
مروان ... اكيد
اميره ... يبقى من غير مناقشه تحلق دقنك
مروان ... موافق
نظرات سعادة من اميره ثم تقوم اميره بحلاقه دقنه بنفسها بعد ان تنتهى
مروان ... اتمنى ان وشى ميكنش اتخرشم
اميره ... مش اوى كم تعويره بس
مروان ... هههههههه
فى المكتب كان يجلس مروان واميره يتحدثون
(يدخل عليهم منير )
منير .. مبروك على الحلاقه يا مارو لا واضح ان اميرة فيها سحر
مروان .. اشمعنا
منير .. يعنى اللى معرفتش اعمله انا فى سنه ونص عملته فى شهرين
اميره .. اتعلم بقى
منير .. اذا كان كدا ممكن احجز عندك جلسات
اميرة .. هشوف جدولى
منير .. الحق دى بتتنك من اولها
مرون .. حقها
منير .. اكيد حبيبى انا مسافر يومين كدا
اميره .. ايو بقا على فين
منير .. رايح شرم اغير جو انا ولبنى والولاد بقالى كتير ما مافسحتهمش
مروان ..(باستغراب ) ومين هيتابع الشغل
منير .. انت ومعاك مرمر
اميره .. دكتور انا هتابع كل شئ متقلقش
مروان .. (بجديه ) افرض اميره ماكنتش هنا
منير .. (بسخريه ) كنت هعمل ايه يعنى مكنتش هسافر
مروان .. مالك بتقولها ليه كدا
منير .. فى ايه يابنى بهزر
مروان .. (بضيق ) مافيش تيجى بالسلامه
منير .. فى ايه يا مروان بهزر معاك والله
مروان .. صدقنى مافيش يا حبيبى تروح وتيجى بالسلامه ان شاء الله
منير .. ماشى يا مروان ربنا يهديك انا هامشى مرمر لو فى اى حاجه كلمينى فى اى وقت
اميره .. حاضر رحله سعيده
(يخرج منير ثم تجلس اميره بجانب مروان على الكنبه وتنظر له)
اميره .. دكتور
مروان .. نعم
اميرة .. الموضوع مكنش يستاهل انك تضايق كدا , هو اكيد مايقصدش اللى وصلك هو لو مش واثق ان كل حاجه هتكون تمام مكنش سافر
مروان .. عارف بس احساس وحش اوى انك تبقى تقيله على حد
اميره .. هو مايقصدش صدقنى
مروان ..(بنبره حزينه ) والله عارف منير ده اخويا عشرة عمرى واقف جنبى كتير, الوحيد اللى كان واقف فى ظهرى بعد الحادثة تعب معايا كتير واتحمل سخافتى وعصبيتى , بس حسيت لما قالى ان لولا وجودك معايا مكنش عرف يسافر حسيت ان قد ايه موقفلة حياته زى ما بتقوله كدا متكدر جنبى
اميره .. (بحكمه ) بص هقولك حاجه هو مش مجبر يعمل كدا هو بيعمل كدا عشان بيحبك بيعمل كدا وهو مبسوط وسعيد , لو مضايق او متكدر زى ما بتقول كان كبر دماغه من زمان وتلكلك على اى موقف عملته معه , بعدين هى الصداقه اى غير صديق يقف جنبك وقت تعبك ومحنتك
مروان .. عندك حق
اميره .. انت اللى حساس بزياده بس
مروان .. صدقينى اى حد مكانى هيبقى كدا .. بس احنا طلعنا عاقلين اهو امال ليه بحس انك مجنونه
اميره ..(بمزاح ) اومال انت فاكر ايه انت اللى ظلمنى ومندفع تملى
مروان .. ده انا بردو
اميره .. ايون , بس عارف بجد شكلك زى القمر بعد الحلاقه
مروان .. لما كنت بدقن كنت وحش؟؟؟؟
اميره .. (بغزل ) انت قمر فى كل حالاتك
مروان ..(بابتسامه ) طب يلا نكمل شغلنا يا لمضه
اميره .. ههههه يلا
(بعد مرور اسبوعين )
_ فيلا مروان 4م
فى حديقه الفيلا يجلس اميره ومروان يتحدثون عن العمل ثم يدخل عليهم منير
منير ... عاملين ايه
مروان ... والله وحشتنى خلاص بطلت شغل الاطفال بتاعك
منير ... انا
مروان ... اه مقموص وزعلان عشان اتعصبت عليك نسيت شعار الصداقه
منير ... شعار شعار ايه
مروان ... مرمر قوليلو الشعار
اميره ... الصاحب ليه عند صاحبه ايه غير مزه وكدبه وعشوه
مروان ... لا التانيه
اميره ... اه الصاحب لازم يتحمل صاحبه لما يتعصب ولو مراته قفشته مع واحده يقف جنبه ولو فاشل مدخلش الامتحان يقعد معاه
مروان ... اهو شفت
منير ...(مندهش من تغير صديقه ) اه شفت المهم ايه الرساله دى
اميره ... ولا حاجه برنامج منى الشازلى طلب يقابل الدكتور وانا طبعا اقنعته وظبط كل حاجه خلاص
منير ... منا شايف انك ماشاء الله اخدتى مكانى محتاجه ايه منى
اميره ... لا تيجى معانا بس
منير ... كتر الف خيرك انك هتتكرمى وتاخدينى معاكى
اميره ... اى خدمه
- فيلا مروان 6م
يقف مروان واميره فى غرفه النوم تقوم اميره بمساعده فى اتداء جكت البدله ثم يدخل منير عليهم
منير ... ها جهزت الله حلوه البدله دى
مروان ... اميره اللى جبتهالى مع الجرافته دى
منير ... زوقك حلو يا مرمر
اميره ... شكرا
منير ... المهم بس هناك تبقى هاديه مترغيش كتير وتتعصبى
اميره ... (بنرفزه ) تقصد ايه ها .. انا مش عصبيه على فكره ولا رغاية
منير ... بص لسه بتكلم و من دلوقتى بتتعصب
مروان ... ههههههه بس مش بزمتك عسل حتى فى عصبيتها
(ماجى تدخل وهم يضحكون)
ماجى ... ايه يا حبيبى انت نازل
مروان ... اه عندى برنامج
ماجى ... طب برافو حلو التغيير ده بس ايه القرف اللى انت لبسه ده وحشه اوى الجرافته دى اقلعها بقا دى احلى
اميره تحزن جدا من طريقه ماجى اثناء خروجه مروان واميره ومنير من الغرفه
مروان ... مرمر مالك
اميره ... لا مافيش انا تمام
(مروان يطلع من جيبه الجرافته بتاعتها ثم يخلع اللى ماجى لبستهالو) طب هتساعدينى وانا بلبس دى ولاه
اميره ... (بفرحه شديده) طبعا
- فيلا مروان 9 م
غرفة نوم ماجى ... ماجى ترتدى لانجرى متسطحة بجانب هادي السرير وهادى يلمس شعرها وهو عارى الصدر
هادى ...(مضايق ) انتى مش هتنامى جنبى تانى هو انا جيت اقعد معاكى فى البيت عشان تبعدى عنى
ماجى ... عايزنى اقول لجوزى مش هنام جنبك
هادى ... بقولك انتى فهمانى
ماجى .. لا متقلقش مش بيجى جنبى اخوات من وقت الحادثه
هادى ... طب ما تتطلقى انا سمعه بودنى قالك كدا انه ظلمك معاه ولا انتى ايه رايك
ماجى ... ها وتتجوزنى
هادى ... اه
ماجى ... يعنى انا قبل متجوز اخترته هو ورفضتك انت عايز بعد كل ده اوافق
هادى ... ما خلاص بقى مش مشهور ولا حد يعرفوا واعمى وكئيب وبيعملك زى اخته لو رفعتى خلع هتكسبى
ماجى ... انت فاهم غلط مروان ده عند فلوس كتير اوى احنا عايشين فى خيره عربيتك ولبسك وكل حاجه بفلوسه اوعه تكون فاكر شويه اللوح اللى برسمها دى بتجبلى ملايين فوق
هادى ...(بقلق ينعدل ويجلس على السرير ) انتى مش فاهمه انا حاسس انه شاكك فينا شوفى اسالته بقا ينام جنبك مع انه مش بيقربلك اوعى تفتكرى ان العمي هو السبب بس هو عامل كدا فى حاجه فى دماغه انتى مش بتشوفى اسالته انا مش بقيت احب اقعد معاه لوحدى
ماجى ...(بثقه تنظر له بقوه) انت غبى يشك فى مين , مين مجنون يتصور اننا مش اخوات وانك عشيقى مين مجنون يحط فى دماغه ان مراته تجيب عشيقها وتعيشهم سوا تحت سقف واحد انت بقيت ممل يلا عايزه انام في اوضتك
