recent
روايات مكتبة حواء

رواية الاعمي الفصل العاشر 10 بقلم ليلة عادل

رواية الاعمي الفصل العاشر 10 بقلم ليلة عادل



البارت العاشر

شقه اميرة 5م

تفتح اميره باب الشقه بالمفتاح تجد الاب جالس فى الرسبشن ويشاهد التلفزيون

الاب ... حمد الله على السلامة
اميرة ... الله يسلمك فين الناس
الاب ... فريدة في الشغل و ياسمين لسه مسافره مع اصحبها وكريم ببيته غيرى هدومك عايز اتكلم معاكى شوية
اميرة ... حاضر
بعد انتهاء اميرة من تغير ملابسها ترتدى لبس البيت بيجاما تذهب الى والدها فى الرسبشن تجلس اميره بجانب الاب على الكنبه
اميرة ... حضرتك كنت عايزنى في ايه
الاب ...(بجديه) انتى مش شايفه انك بتعملي حاجه غلط
اميرة ... انا ازاى
الاب ... انك على طول فى بيت مروان
اميره ... ما هو اللى بيشرف على الرساله بتعتى كمان حضرتك عارف انا بقيت مديره اعماله
الاب ... هو مش ساب الجامعه والمركز
اميرة ... لا يا بابا منا الحمد الله عرفت ارجعه اه طبعا مش زى زمان بس المرحله اللى وصلنا ليها كبيرة
الاب ... ازاى
اميرة ... يعنى طلع فى برنامج وحاليا شغال على كتاب , ده خلاص فاضل فيه حاجات بسيطه جدا بيحكى عن تجربتة بس ايه الكتاب روعه بيعطى طاقه ايجابيه وحاجات كدا تخلى الميت يقوم تانى
الاب ... برافو بس انتى مش شايفه انك بتقصرى مع اهلك ومع نفسك
اميرة ... يعنى ايه
الاب ... محدش بيشوفك من الصبح لبليل اختك اتقراء فاتحتها مكنتيش هنا تعرفى حاجه عننا من سنه
اميرة ... انا اسفه بس
الاب ... مافيش بس متخلنيش اندم انى بسيبك بحريتك وسبتك تروحى برحتك ,.مرواح كل يوم هناك تانى ده ميحصلش كفايه عليكى اوى ثلاث ايام
(ثم يتركها ويرحل تجلس اميرة محتاره تفكر ماذا تفعل )

- فيلا مروان 5م

يدخل مروان من الباب الفيلا و الدنيا ضلمه لكنه يسمع صوت ضحكه بنت خارج من غرفه هادى يطلع على السلم حتى الوصول الى الغرفه ثم يطرق على باب يفتح هادى
هادى ... (بخضه ) ... انت رجعت امتى
مروان ... ايه اللى انا سمعه ده انت جايب بنت هنا فى بيتى
هادى ... لا ياعم مش للدرجه دى ده فيلم
مروان ... (يستغراب )... فيلم
هادى ... اه والله تحب تتفرج معايا
مروان ... طب ياريت القرف ده تواطى صوته البيت في ستات ميصحش يسمعو الحاجات دى
هادى ... ما ماجى مش موجوده حتى كيلا لسه مرجعتش من الاجازه عموما حاضر
مروان ... ياريت عن اذنك
هادى ... حمد الله على سلامتك
(مروان هو نازل على السلم ) ... الله يسلمك
يراقب هادى مروان لحد ماينزل الى الاسفل حتى ياصل الى غرفته يغلق الباب, يغلق هادى لباب ويسير الى السرير وهو مخضوض وقلقان ثم تظهر ماجى
هادى ... لا انا همشى انا مش هستنى لما يدخل علينا بمسدس
ماجى ... منا كنت جنبك وماشفنيش
هادى ... انتى بتستهبلى مافيش راجل ميعرفش صوت مراته
ماجى ... عايز ايه يعنى
هادى ... نهدى اللعب والحاجات دى نعملها فى شقه القديمه كفايه اوى اقعد هنا معاكى
ماجى ... طيب هات بقا البس بتاعى عشان انزل
ترتدى ماجى ملابس خروج وتنزل ببطى دون صوت ثم تخرج خارج باب الفيلا وتقف قليلا بالخارج تعدل شعرها وترش برفان وترتدى الحذاء ثم تدخل عادى جدا الى داخل غرفه مروان الذي كمان يجرلس على الكرسى الهزاز يفكر ثم تدخل ماجى عليه
ماجى ... حبيبى وحشتنى اوى ..
(ثم تقبله من خده)... حمد الله على السلامه السفريه كانت حلوى
مروان ... اتاخرتى كدا ليه
ماجى ... انت عارف فاضل على افتتاح المعرض يومين
مروان ... ماشى شكلك تعبانة
ماجى ... اه اوى انت عارف المجهود
مروان ... اه تصبحى على خير
مروان طبعا شاكك بس مش عارف يعمل ايه مافيش بايده اى شى هو متاكد ان ده صوتها مش قادر يحكى لحد و مضايق جدا وهيتجنن

فيلا مروان 9ص

ماجى ومروان يجلسان يشربان فنجان قهوه فى الحديقه امام حمام السباحه ثم تدخل عليهم اميرة
اميرة ... صباح الخير اسفه على التاخير
مروان ... صباح الورد المهم انك جيتى
ماجى ... انا همشى عشان متاخرش اميرة
اميرة ... نعم
ماجى ... ابقى اطلبى تك اوى لان الشغاله لسه اجازه وانا هتاخر
اميرة ... ماشى حاضر .. سلام
(تخرج ماجى ثم تجلس اميرة بجانبة)
اميرة ... شكلك النهارده مضايق
مروان ... وانتى كمان
اميرة ... عرفت ازاى
مروان ... لسه بتسالي نفس السؤال
اميرة ... اللى هو ايه
مروان ... عرفت منين وازاى
اميرة ... من حقى استغرب
مروان ... عشان اعمى يعنى .. الاعمى بيحس وبيفهم
اميرة ... لا والله مش قصدى اسفه اوعي تزعل منى
مروان ... مقدرش ازعل منك..ها قوليلى بقا مالك
اميرة ... انت الاول
مروان ... خايف من يوم حفله توقيع الكتاب
اميرة ... لا متقلقش جمد قلبك حفله توقيع زى اى حفله عملتها قبل كدا بعدين انا هبقى جنبك مش هسيبك لحظه
مروان ... ده اللى مطمنى انك جنبى ها يلا احكيلى
اميرة ... ولا حاجه بابا زعلان عشان محضرتش قراية فتحه اختى
مروان ... هو ده ينفع كنتى مشغوله فى ايه يا هانم
اميرة .... معاك..طبعا مش عارف تكمل الكلام والتهزيق
مروان ... (بزعل )... على فكرة دى حاجه متفرحنيش
اميرة ... (بصدمه) ... ايه
مروان ... لانى محبش اكون سبب انك تبعدى عن اهلك ومتشاركيش اختك فرحتها ده غلط , مش عشان تبنى علاقه تبوظى علاقات تانيه , النجاح يا اميرة انك تستمري فى بناء علاقات ناجحه وماتخسريش اى علاقه بنتيها قبل كدا خصوصا مع اهلك
اميرة ... انا مكتش اقصد اعمل كدا مع ياسمين بس فعلا كنا مضغوطين فى الكتاب مش لقيت حل بعدين دى قراية فاتحه
مروان ... بردو غلط ده مايحصلش تانى مهما كان السبب عرفينى نوصل لحل يرضى جميع الاطراف
اميرة ... سيبك سيبك انت وحشتنى اوى
مروان ... هنفضل نرغى كتير يلا ورانا شغل كتير
اميرة ... طب قولى وانتى كمان اجبر بخاطرى يا راجل
مروان ... بطلى شقاوى ويلا
اميرة .... حاضر
(تمسك اميره ايد مروان وهما يسيرون تتحدث معه)
اميره ... انا عارفه انى وحشتك والله
مروان ... ههههههه لا
اميره ... والله وحشتك
بعد عدد ساعات
داخل غرفه مكتب مروان يجلس مروان على كرسى المكتب واميره على الكرسى المقابل له لوضع المسات الاخيرة فى الكتاب , مروان يشرب القهوه واميره تكتب ثم تترك القلم
اميرة ... هموت واعرف بتحب البتاعه دى اوى كدا ليه وحشه
مروان ... انا اللى هموت واعرف ازاى مش بتحبيها
اميرة ... معرفش مش بحبها
مروان ... طب لو قولتلك جربيها عشان خاطرى
اميرة ... والمصحف انا عندى استعداد اموت نفسى عشانك لكن اشرب قهوه مستحيل
مروان ... ههههه انتى اللى خسرانه
اميرة ... انا عايزة اخسر... بقولك ايه انت مش جعان
مروان ... لاء انتى جعتى
اميرة ... اه ما انت عارف انى مش بفطر
مروان ... طب تحبى تاكلى ايه
اميرة ... اى حاجه تعال نشوف فى ايه فى المطبخ
داخل المطبخ , مروان يقف بجانب الترابيزه يسند ايده من الخلف واميره تقوم بالبحث فى الثلاجه ثم تخرج بعض الاشياء
مروان ... ها لقيتى حاجه
اميرة ... انا النهارده هعملك شوية اكل هتاكل صوابعك وراهم
مروان ... ماشى
اميرة ... اقعد بس هنا واستنى عليا
يجلس مروان على كرسى ترابيزة المطبخ وتقف اميرة محتاره تعمل ايه , ثم تتصل بوالدتها واثناء حديثها مع والدتها مروان يضحك عليها
اميرة ... ايو يا ماما اعمل ايه تانى اه حطيت اهو طيب ماشى اه طب احط المكرونى امتى طيب سلام
اميرة ... تنظر لمروان بقولك هو فين الدقيق
مروان ... اعتقد فى الرف الثالث اللى على اليمين
اميره ... استنى اشوف اه اهو لقيته
(تفضل تشب تشب لحد ما يقع عليها )
اميره ... ااااااااااه ههههههههههههههه
مروان ... عملتى ايه يا مجنونه
اميرة ... (بسخريه ) ما انا حاسه انى قعدة مع عمالقه حد يحط الدقيق فوق كدا عجبك كدا اتبهدلت
مروان ... ههههههه معلش المره الجاية هقول للمهندس اعمل حسابك معانا اقزام
اميرة ... اتريق اتريق اعمل ايه دلوقتى هدومى اتبهدلت
مروان ... تعالى اشفلك حاجه من عند ماجى ... (يصمت قليل ) ... بلاش احسن , احسن هى ما بتحبش حد يلعب فى حاجتها اشوفلك حاجه عندى
داخل غرفه الملابس الخاصه بمروان – يدخل مروان واميره داخل الغرفه ويقف فى وسط الغرفه
مروان ... اختارى اللى ينسبك
اميرة ... متشكره
مروان ... هستناكى بره
اميره ... ماشى
بعد خروج مروان تقوم اميره بالبحث عن شئ مناسب لها ثم تقوم باختيار احد قمصانه وتلبسه تخرج اميره من باب الغرفه كان يقف فى الخارج مروان فى انتظارها
مروان ... ها لقيتى حاجه
اميرة ... اه القميص ده
(تمسك ايده مروان و تمسكه جزء من القميص)
مروان ... طب كويس
اميره ... هروح اكمل انا الغدا
مروان ... هستناكى
اميره ... تحب اوصلك
مروان ... لا انا تمام
بعد انتهاء اميره من اعداد الغدا تقوم بتحضير السفرة ثم يجلس مروان واميره بجانب بعضهم على السفرة سلطه ومكرونه بصلصه وبانيه
اميرة ... يلا بقا دوق وقولى رايك واشكرنى
مروان ... مفروض اشكر ماما انا حاسس ان هى اللى عملت الاكل
اميرة ... فااااشر ههههه دى بس كانت بتفكرنى اصل بقالى كتير مطبختش متفهمنيش غلط
مروان ... هههههههههه اه منا فاهم
اميرة ... يلا دوق المكرونه
مروان ... يدوق (ويكشر )
اميرة ... (بزعل ) ...طب استنى خليها بانيه الاول
مروان ...وانا بقول كدا برده انا ماليش في المكرونه
يدوق قطعه من البانيه نفس التكشيره ويبص بقرف
اميرة ... تنظر له بضيق هو فى ايه خلاص احنا نطلب بيتزا
مروان ...بابتسامه ههههه بجد احلى مكرونه وبانيه اكلتهم فحياتى تسلم ايدك
اميرة ... بسعاده .. احلف
مروان ... والله بجد حلوى اوى تسلم ايدك بس مكنتش عارف انك مش بتعرفى تطبخى
اميرة ... ماما مدلعانا انا وياسمينا
مروان ... ربنا يخليهالك
(يدخل هادى عليهم )
هادى ... ايه الحلاوه دى
اميرة ... هادى ازيك اجبلك طبق
هادى ... ماشى
مروان ... ايه انت مش عندك شغل
(تقوم اميره تجيب طبق من داخل المطبخ )
هادى ...ثم ياخذ قطعة من البانيه بايده وياكلها ) ... خلصتو
مروان ... اممم ماشى
(ثم تدخل عليهم اميره ومعها طبق )
هادى ... ايه ده لاء لاء مقدرش على كدا يامكسرات
اميرة ... لاء مش الشيف الشربينى يعنى اول مره اطبخ
هادى ... لاء مقصدش هو الاكل حلو و تسلم ايدك وعينيكى ... بس اللبس الحلو دا الجمال دا اوعى تخبيه تانى
اميرة ... ما تتلم
هادى ... لومتلمتش هتعمل ايه يا مسكر
اميره ... انت مالك النهارده
هادى ... مش عارف من وقت ما شفت القميص عليكي ده قولت يابخته القميص
(مروان مضايق وغيران جدا)
مروان ... هادى اتمنى ما تعديش حدودك
هادى ... انا بهزر معاها
مروان ... الهزار بحدود ولا انتى شايفه ايه يا استاذه
اميرة ... اه طبعا
مروان ... مش اكلتى
اميرة ... الحمد الله
مروان ... يلا على المكتب
هادى ... انا هاكل لوحدى
مروان ... (بسخريه ) ... لاء ميجو جاية تاكل معاك سبلى بقا اميرة ولا انت عايز تاخد كل حاجه منى كفايه عليك ماجى
(نظرات توتر واستغراب من هادى )
بعد قليل داخل غرفة المكتب مروان - عند دخولهم يقف وينظر لها
مروان ...(بعصبيه )...انتى ازاى تسمحى لحد يكلمك بالشكل ده
اميرة ... ما هو كان بيهزر
مروان ... بيهزر انتى شايفه ان الهزار ده عادى
اميرة ... اه فيها ايه
مروان ... بضيق كنت لازم اتوقع ردك ده بعد ما خليتى واحد غريب يبوسك طب اتمنى بقا الهزار ده ميحصلش تانى فى بيتى البيت ده ليه قواعد اتمنى ما تعديهاش
اميرة ... ايه الاسلوب ده بعدين مين اللى باسنى انا محدش بيعمل كدا معايا
مروان ... تانى قولتك انا اعمى بس بحس ....اميرة روحى انا تعبان مش قادر اكمل
اميرة ... لا بجد مش فهمه مين بسنى. ( تصمت قليلا ثم تتذكر )..اااه ياسر دى من ايدي
مروان ... انتى شايفه انه عادى حد يبوسك من ايديك
اميرة ... هو زى كريم اخويا انا وحمزة وياسر ونور متربين سوى
مروان ... والله انتى مش شايفه انك غلطانه يعنى
اميرة ... لاء
مروان ... وهادى يقولك لبسك حلوه ويفضل يقولك كلام يحرق الدم وانتى عماله تضحكي مبسوطه اوى انه بيتغزل فيكى قصادى
اميره ... (باستغراب ) فرحانه ايه اللى بتقوله ده الحوار كله هزار
مروان ...(بحده ) اميره امشى بجد قبل مفقد اعصابى بسبب ردودك اللى تفور الدم دى
اميرة ... لحظه انت بتغير
مروان (بتوتر وتقطيع فى الكلام )... اغير اغير ازاى يعنى
اميرة ... والله بتغير
مروان ... لاء طبعا انا بس خايف عليكى مينفعش تبقى كدا لازم توقفى كل واحد عند حده انتى وخداها هزار وهو هياخدها عكس كدا
اميرة ...(تشعر بسعاده) والله بتغير عموما انا هطلع اغير هدومى وهمشى كفايه فعلا كدا النهارده
بعد خروج اميره خارج الغرفه يجلس مروان يتحدث مع نفسه انت غبى غبى
بعد ذهاب اميره الى بيتها يدخل مروان غرفة نومه مروان يقف فى الغرفة امام السرير ثم يمسك القميص الذى اميره كانت ترتديه و يقوم بشم رائحته ثم ياخذه فى حضنه و يغمض عينه

- احد القاعات الفخمه 8م

حفل توقيع الكتاب داخل احد القاعات , منظر عام لقاعه حيث مظاهر احتفاليه بدون موسيقى حركه صحافين ومعجبين وكاميرات وتلفزيون بيصور وجود الكثير من الصحافين والمصورين يجلسون على الكراسى مروان يقف هو وماجى ومنير واميره على المنصه مروان واقف يحى جمهوره واميرة بجواره وماجى ومنير تقوم ماجى بزق اميرة للخلف وتقف في الامام
احد الصحافين ... دكتور حضرتك تهدى الكتاب لمين
مروان ... بابتسامه واهتمام .. لاكتر انسانه وقفت جنبى وتعبت معايا لاكتر انسانه اتحملت البهدله مكنتش عايزة اى شئ غير انها ترجعنى تانى واقف على رجلى اميرة
تذهب الكاميرات
لاميرة وهى مكسوفه جدا ثم يطلب منها مروان التقدم الى الامام ثم يمسك مروان ايدها يقول الفضل كله لاميرة بعد ربنا
مع نظرات غيره وغضب من ماجى ثم ينزلون للاسفل وماجى واقفه على جنب مضايقه ومتعصبه وهادى واقف بجوارها
هادى ... اهدى مش كدا
ماجى ... انت ما شفتش للى حصل
هادى ... حقها البنت من وقت ما دخلت البيت وواخده بالها منه
ماجى ... انت بتستفزنى
هادى ... دى الحقيقه
(يدخل مروان عليهم )
مروان ... (بسخريه ) انا طول عمرى كنت بتمنى يكون ليا اخت عشان نحب بعض زيكم كدا متسبنيش ثوانى وتغير عليا كدة
ماجى ... تقصد ايه
مروان ... ولا حاجه ربنا يخليكم لبعض
(تدخل احدى المعجبات عليهم )
الفتاه ... دكتور بجد بجد انا مبسوطه انك رجعتلنا تانى ممكن اتصور معاك
مروان ... طبعا
(بعد التقاط الصوره )
الفتاه ... ايه ده اسامه من امتى يا واد بتيجى الاماكن النضيفه دى الله يرحم
هادى ... نعم انتى بتكلمينى انا
الفتاه ... امال بكلم مين مالك
هادى ... انتى مين اصلا
الفتاه ... ايه يابنى انا امنيه كنا مع بعض نفس الدفعه شلة حسام وزين
هادى ... (ثبات انفعالى ) لا انتى اكيد غلطانه انا معرفكيش اصلا انا طول عمرى برا
الفتاه ... بس مستحيل
ماجى ...( بعصبيه )... هى صوره ما قالك مش هو تحبى يطلعلك البطاقه
مروان ... عادى يا امنيه مش اسمك امنيه
الفتاه ... ايوا يا دكتور
مروان ... بتحصل كتير يخلق من الشبه اربعين
الفتاه ... عندك حق اسفه جدا على الازعاج ومبروك مره تانيه يا دكتور
مروان ... الله يبارك فيكى
(تذهب الفتاه)
مروان ... (بسخريه)... ايه يا هادى شفلك حل فى اسامه ده واضح انه توامك مش اول مره
(ثم يتركهم ويرحل)
ماجى ... ( باستغراب ) ايه ده
هادى ... واحد شفنى قبل كدا لما كنت بوصله بس نسيت اقولك
ماجى ... الله يخرب بيتك غور

- الباركنج 11 م

خارج القاعه بعد انتهاء الحفله اميرة وماجى ومنير ومروان يقفون عند العربيه
ماجى ... يلا يا حبيبى اركب
مروان ... لا روحى انتى مع هادى انا وريا مشوار
ماجى ... مشوار ايه
مروان ... ما تشغليش بالك
ماجى ... طيب سلام
(تاخذ العربيه وتذهب مع هادى)
مروان ... منير ظبط كل حاجه
منير ... تمام
اميرة ... الف مبروك يا احلى دكتور فى العالم
مروان ... عقبال مفرح بيكى وانتى بتعملى اول كتاب
اميرة ... كتاب مره واحد انت خيالك واسع
مروان ... انتى قدها بعدين انا معاكى مش هسيبك غير وانتى اشهر وانجح منى
اميرة ...(برومنسيه ) انجح منك انا مش عايز ابقى انجح منك انا كفايه اوى اشوفك مبسوط وانك رجعت اقوى من الاول هو ده نجاحى... يلا سلام انا اتاخرت
مروان ... على فين احنا لسه مش خلصنا
اميرة ... مش فاهمه
مروان ... يلا بس اركبى
اميرة ... حاضر

- عربيه اميره 10 م

اميره تقوم بقيادة السيارة ومروان بجانبها
اميره ... ممكن افهم
مروان ... تفهمى ايه
اميره ...احنا رايحين فين
مروان ... لما نوصل المكان اللى قولتك عليه هتفهمى
اميره ... ماشى

داخل مطعم على النيل11 م

يدخل كل من اميره ومروان داخل المطعم لكن دون ان تعلم اميره اى شى مع نظرات تعجب !! ثم يجلسون على احد الترابيزات مطعم فارغ لا يوجد به احد
اميره ... ايه ده انا مش فاهمه
مروان ... اقعدى بس
اميرة ... حاضر
(ثم ياتى رجل ويعزف على كمان)
اميره ... هو فى ايه
مروان ... انتى مش بتحبى الكمان
اميره ...(باستغراب) ... بتعرف الحاجات دى منين
مروان ... مكشوف عنى الحجاب
اميره... انت كدا مش دكتور مروان انت كدا الشيخ مروان هههههههه.
مروان ... اسمعى بس بطلى هزار
(بعد الاستماع قليلا للموسيقى يرحل الرجل )
اميره ... الموسيقى تجنن انا من عشاق الكمان والجيتار وانت
مروان ... انا كمان بحبهم لكن بفضل الناى اكتر
اميره ... الناى اله حزينة
مروان ... لكن كلها احساس
اميره ... ده حقيقه
مروان ... اتفضلى
اميرة ... ايه ده
مروان ... افتحيها (جيبلها انسيل)
اميره ... الله يجنن بجد شكرا اوى
مروان ... عجبك
اميرة ... جدا بس يعنى ده بمناسبه ايه
مروان ... يعنى تعبك معايا من اكتر من سنه ونجاح الكتاب قولت لازم احتفل بيكى
اميرة ... مش هقولك تانى ياريت كل تعب كدا , تعبى جنبك بنسبه ليا راحة , بما ان احنا بجو رومنسى انا هتشجع اقولك حاجه
مروان ... المهم متكنش حاجه مجنونه
اميرة ... بحبك نفسى اعيش معاك الباقى من عمرى بصراحه عايزة اتجوزك
مروان ... لسه بقول ايه وانتى بتقولى ايه مافيش فايده هتفضلى طقه ومجنونه
اميرة ... انا مش طقه ولا مجنونه انا عمرى ما كنت عاقله زى دلوقتى , بحبك من اول مرة شفتك فيها من وقتها وانا بستني اليوم اللى هنبقى فيه سوى
مروان ... اميرة عشان خاطرى بلاش تبوظى علاقتنا
اميرة ... ليه يعنى فيها ايه انى احبك مش عيب انا بجد زهقت من الطريقه اني اتعامل معاك كطالبة وانت دكتور عايزه اتعامل معاك كحبيبة , انا اليوم اللى يعدى عليا من غير مشوفك بحس انى زى المدمن اللى تاخر عن جرعته ادينى فرصه , فرصه وحده واقسملك انك مش هتندم
مروان ... اميرة
اميرة ... متقولش حاجه انا مش عايزة حاجه منك
مروان ... انتى نسيتى انى راجل متجوز
اميرة ...(بسخريه ) عادى ده انا حتى هبقى التانيه هى اللى هتضايق
مروان ... انتى بتهزرى
اميره ... لاء بجد والله مش فارق معايا انا عايزه ابقى معاك وخلاص
مروان ... طب بلاش دى , انتى عارفه انا عندى كم سنه
اميره. ... 40وشهرين ونص
مروان ... طيب وانتى 25يعنى فى 15سنه فرق يعنى لو كنت اتجوزت صغير كنت خلفت بنوته اصغر منك ب 4 سنين تقريبا
اميرة ... اوفر اوى اللى انت بتقوله ده
مروان ... دى حقيقه
اميره ... بقولك ايه انا بحبك مش فارق معايا كل ده وهتجوزك
مروان ... لازم يفرق معاكى انا كلى عيوب انتى تستاهلى الافضل
اميره ... وانا بقولك بكل عيوبك دى انا بحبك وبحلم باليوم اللى هنكون فيه مع بعض
مروان ... اميره
اميره ... انا مش باخد رايك على فكره انا بقولك هتجوزك وهتشوف
مروان ... لا والله تحدى ده
اميرة ... اه والله وانت اللى هتطلب ده , وهتيجى تقولى يا مرمرتى تقبلى تتجوزينى وهيبقى ليا الشرف لو قولتى اه وانا هقولك افكر
مروان ... ههههههههه اقسم بالله مجنونه
اميرة ... بحبك يا مارو
مروان ... مارو كمان
اميرة ... يس طول محنا لوحدنا هقولك يا مارو يا روح روحى
مروان ... مجنونه
اميرة ... بحبك

- فيلا مروان 2م

داخل مكتب مروان اميرة تجلس مع مروان بيحضرو الرساله بتعتها اميره سرحانه فى مروان هو يشرح ليها
مروان ...(بجديه ) انتى يابنتى ركزى معايا
اميرة ..( برومنسيه )اعذرنى لا استطيع التوقف عن حبك ولو ثوانى
مروان ... اميرة بس
اميرة ... ايه يا مارو بدلع حبيبى انت زعلان ليه .. بقولك هروح اعملك قهوه
مروان ... ياريت ..و يارب نعقل شويه
اميرة... ايه ده البن خلص هروح اجيب من المطبخ
مروان ... ماشى
اميرة ... مش هتاخر عليك يا قلبى
تخرج اميرة الى المطبخ وتجيب البن ثم تخرج من المطبخ تشوف هادى وماجى بيبوسو بعض بطريقة منفره تتصدم يقع البن من يدها تجرى لكن لا احد يرها او يحس بها تدخل على مروان غرفه المكتب وهى متوتره
اميرة ... دكتور انا لازم امشى
مروان ... مالك فى ايه
اميرة ... لا مافيش لازم امشى
مروان ... بقولك مالك فى ايه اللي حصل برا
اميرة ... وانا بقولك مافيش اصل بابا بابا كلمنى قالى ماما تعبانه لازم امشى سلام

- عربيه اميره 3م

اثناء سيرها بالعربيه اميرة تتصل بنور
اميرة ... انتى فين
نور ... فى النادى
اميرة .. انا جايه ما تمشيش

- فيلا مروان 3م

داخل غرفه مروان فى المكتب يفكر فى تصرف اميره ثم يقوم الى الخارج
مروان ... ماجى ماجى
ماجى ... ايو يا حبيبى
مروان ... هو انتى كنتى فين وبتعملى ايه
ماجى ... هنا قاعده انا وهادى بنتفرج على فيلم هى اميرة فين
مروان ... مشيت انتى مختيش بالك منها
ماجى ... لاء
مروان ... ازاى يعنى
ماجى ... اصل مركزه مع الفيلم
مروان ... طب خلى كيلا تعملى قهوه

- النادى 3 م

نور واميره يجلسون على احد التربيزات يتحدثون وعلى ملامحهم الدهشه
نور ... (باستغراب) ... انتى اتجننتى اكيد انتى شفتى غلط يبوسو بعض ازاى
اميره ... بقولك شوفتهم بعنيا الاتنين بيبسو بعض زى المتجوزين
نور ... (بصدمه )... هو فى اخوات كدا اول مره اسمع كدا انتى متاكدا يابنتى
اميرة ... والله العظيم انا كمان مصدومه اصلا كنت بشوفهم فى اوضاع مريبه بس كنت بقول واخدين على بعض يمكن عشان متربين برا
نور ... ازاى يعنى
اميرة ... بتقعد قصاده بقميص نوم تنام على كتفه تحضنه بطريقه كدا غريبه مش زى الاخوات
نور ... ينهار اسود طب متحكى لمروان
اميرة ... مستحيل
نور ... ليه من حقه يعرف
اميرة ... اقولة مراتك عايشه علاقه محرمة مع اخوها مش هيصدق اساسا
نور ... مش عارفه انا عقلى مش قادر يصدق فى كدا في الدنيا اخوها يعنى ازاي تعمل كدا مع اخوها
اميرة ..(بستغراب شديد)... انا مش مصدقه اقسم بالله مش عارفه افكر ولا انطق نص كلمة منظرهم كان مقزز جدا اخوها هو فى كدا فى الدنيا
نور ... احنا داخلين على يوم القيامة والله
اميره ... بس ليه تعمل كدا اصلا فى مروان , ده راجل محترم وابن ناس ودكتور شكله حلو
نور ... يمكن عشان اعمى
اميرة ... ما تتطلق ليه الخيانه ومع اخوها
نور ... ناس رخيصه يابنتى والله معندهمش دين المهم هتعملى ايه
اميرة ... مش هروح تانى
نور ... هتقدرى
اميرة ... لازم اقدر انا مقدرش ابص بوشه بعد اللى شفته
بالفعل يمر اكثر من اسبوع اميرة لا تذهب الى مروان لكن مروان كان خلال هذا الاسبوع متضايق جدا ومتعصب مشاهد سريعه خلال الاسبوع مروان بيتصل بيها فى اليوم اكتر من مره تليفونها مغلق و عندما يتصل باصدقائها لا احد يعرف عنها شئ لايعرف ياكل ولا ينام وتنتهى المشاهد بحدف مروان التليفون على الارض هو متعصب جدا

فيلا مروان

غرفه مروان واقف و التيلفون مرمى على الارض متكسر ثم يدخل عليه منير
منير ... ايه يا مروان ايه اللى حصل
مروان ... لا بس تليفوني وقع من ايدى بقولك ما تيجى نروح النادى
منير ... اشمعنا
مروان .. محتاج اغير جو
منير .. تمام يلا



الحا\سي عشر من هنا

google-playkhamsatmostaqltradent